كلية التربية تعليم أساسي جامعة الأسكندرية

[منـ الله ــة]

السلام عليكم ورحمه الله وبركاته

أهلا بالطلاب الجدد ( اللي أنا واحدة منهم )


في كلية التربية تعليم أساسي ، جامعة الأسكندرية ..
وأي حد تربية أساسي من جامعة آخرى ينور طبعا

سيكون الموضوع بإذن الله للتواصل فيما بيننا .. وأي حد عنده سؤال لا يتردد

وعندي شوية معلومات كدا للإفادة
أنا روحت الكلية سألت على الأقسام هما 5 أقسام ..
1- لغة عربية
2- لغة إنجليزية
3- علوم
4- رياضة
5- دراسات إجتماعية ..

العلمي علوم ليهم ( علوم وإنجليزي )
العلمي رياضة ليهم ( رياضة وإنجليزي )
الأدبي ليهم ( عربي وإنجليزي ودراسات )

وسألت عن درجة الإنجليزي بياخد من 44

أنا كنت علمي علوم وإن شاء الله هأدخل قسم علوم ..

يلا عايزة أشوف الكلية كلها هنا )

[eman_18]

وعليكم السلام ورحمة الله وبركاته اناكليه تربيه تعليم اساسي جامعة الزقازيق بس درجة الانجليزي عاليه قوي هي عندنا اقل من44 انا نفسي ادخل قسم انجليزي انا كنت ادبي

[منـ الله ــة]

أهلا بيكِ إيمان نورتِ


مش عارفة والله هي بتختلف في الجامعات ولا إيه بس ممكن تروحي تسألي في الكلية لإني مكنتش أعرف الدرجة بالظبط غير لما روحت سألت ..
وكمان بأسمع بيقولوا إنجلش صعب أوي ..
عربي أفضل بيتهيألي : )
وربنا يوفقك وتواصلي معايا دايما هنا ومستنياكِ تقوليلي عملتِ إيه ودخلتِ إيه : )

[ميرنا رومانى]

انا تربية اساسى جامعة الاسكندرية وباذن الله ناوية ادخل قسم انجليزى انا كنت علمى علوم بس سمعت ان فى اختبار مؤهل مش عارفة نظامه الصراحة بس ربنا يستر واهلا بيكى

[mahmouedr]

طب او أنا عايز أخد دبلومة عام و أتخصص فى الكيمياء فى الثانوى
المفروض بقا أدخل علوم فى تربية أساسى

[الاء شبل محمود]

انا داخلة اولي تربية اساسي اسكندرية برضو بس خايفة اوي وقلقانة
وعايزة اعرف اية الورق المطلوب وتربية اساسي ولا تجارة احسن وفي دبلومة بتتعمل عشان ابقي عام ولالا ؟

[احمد نادي زيدان]

طيب انا تعليم اساسي دراسات اجتماعية الفرقة الثانية جامعة المنيا وكنت عايز احول لجامعة الاسكندرية ده بعد تغيير محل الاقامة في البطاقة وده تقريبا حصل فياريت حضرتك تسالي ازاي احول من المنيا للاسكندرية وشكرا.
ارجو الرد

[ziad mohamed xD]

طب هو انتى متأكده من درجه الانجليزى يعنى لازم تكون 44 ؟؟
اصل انا سمعت انها من 40 مش 44
طب هو انتى تعرفى ادخل science ازاى عشان لما رحت سألت قالولى انك بتدرس علوم بالعربى عادى و انت بتاخد كورس انجليزى بره ف اى حته و بتاخد فى الكليه كورس science و بتتخرج انك مدرس علوم بس بالكورسات الى انت اخدها ممكن تشتغل فى المدارس الانترناشونال مدرس science
شكراً..