لو هندسة المطرية ... يبقي تعالي هنا

[moataz707]

إن شاء الله عايزين نكون كلنا في الموضوع دا علشان نتعرف علي بعض و علي الكلية سوا ....

اللي يعرف اي معلومات عن هندسة المطرية يكتبها هنا

معاكم معتز .. او بقي بشمهندس معتز

[omar_15]

انا عمر .. مطراوي

[moataz707]

حبيب قلبي انتا هتدخل اعدادي ولا انتا انهي فرقة

[omar_15]

هدخل اعدادي .. وانت ؟

[moataz707]

اعدادي .. انتا منيين يا معلم و كنت مدرسة اية ؟

[omar_15]

مصر الجديدة مدرسة يوسف السباعي .. بقولك اية هو احنا لوحدنا اللي في المطرية ولا اية

[issac-newton]

ما اشبه اليوم بالبارحة , كانت ايام جميلة جدا لما دخلنا لأول مرة كلية الهندسة , و جمعنا نفسنا في موضوع واحد

[W0LVeRiNe]

اه والله فعلا فكرتونا باول ايام ف كليتنا واما كنـا بنتنشأ على اى حد معـانا اما بنصدق نلاقيـه بس متقلقوش هتكتروا اوى دلوقت لحد ماتزهقـوا من بعض d:

عمومـا انا هندسـة المطريـه ولو عايـزين تستـفسـروا عن اى حاجه انا موجود

.. أحمد عمـاد الديـن

[moataz707]

انا كنت عايز ادخل قسم كهربا بس طبعا مفيش في المطرية كهربا بس فية في حلوان الأم

سمعت ان بتاع المطرية بيدخل عادي الأقسام اللي مش موجودة في المطرية بس بيدخلها في حلوان بدون حوار النقل الصعب دا بدون تعقيييد يعني

زيي زي بتوع حلوان و هما كمان ممكن ينقلوا للمطرية لو عيزين اقسام المطرية بدون تعقييد

هل دا صح ؟؟

و الكلام دا انا قريتو في دليل الطالب اللي علي موقع جامعة حلوان

[m_cabo]

يااااااااه رجعتنى تانى للسنه اللى فاتت لما جمعنا نفسنا بالعافيه من الموقع هنا
وعلى فكره انا عملت من الموقع هنا احسن شله فى الكليه ..
ربنا معاكوا ان شاء الله فى اول سنه فى هندسه

المشاركة الأصلية كتبت بواسطة moataz707

انا كنت عايز ادخل قسم كهربا بس طبعا مفيش في المطرية كهربا بس فية في حلوان الأم

سمعت ان بتاع المطرية بيدخل عادي الأقسام اللي مش موجودة في المطرية بس بيدخلها في حلوان بدون حوار النقل الصعب دا بدون تعقيييد يعني

زيي زي بتوع حلوان و هما كمان ممكن ينقلوا للمطرية لو عيزين اقسام المطرية بدون تعقييد

هل دا صح ؟؟

و الكلام دا انا قريتو في دليل الطالب اللي علي موقع جامعة حلوان

بالنسبه بقى للكلام دا احنا فى جامعة حلوان يعنى اى قسم فى هندسه ( حلوان / المطريه ) انت ليك حق فيه وبدون اى تعب الاتنين واحد بل بالعكس احمد ربنا انك دخلت المطريه لان مستوى التعليم فيها افضل شويتين مش هعرف بقى اكلمك دلوقتى على الدكاترة والمعيدين علشان ورايا مشوار كدا صغير وراجع تانى بس متقلقش اسأل فى اللى انت عايزه وانا معاكوا .. كفايه انك رجعتنى لسنة ورا ..

[Noura_Ali]

السلام عليكم
انا جالي هندسة المطرية الحمد لله , و مجموعي 396
بس المواصلات معذباني
جربت اروح النهاردة مع بابا , تقريبا ساعتين ف المواصلات لوحدها , يعني 4 ساعات رايح و جاي
ليييييييييييييييييييييييييييييييه >_<

[W0LVeRiNe]

المشاركة الأصلية كتبت بواسطة noura_ali

السلام عليكم
انا جالي هندسة المطرية الحمد لله , و مجموعي 396
بس المواصلات معذباني
جربت اروح النهاردة مع بابا , تقريبا ساعتين ف المواصلات لوحدها , يعني 4 ساعات رايح و جاي
ليييييييييييييييييييييييييييييييه >_<

المواصلات بالمترو احسن حاجه لو جنبيكى محطة مترو يبقى ده احسن مواصله ليكى

[Noura_Ali]

المشاركة الأصلية كتبت بواسطة w0lverine

المواصلات بالمترو احسن حاجه لو جنبيكى كحطة مترو يبقى ده احسن مواصله ليكى

اكيد بس تخيل بالمترو و بياخد ساعة و نص ((((

[omar_15]

طيب واحنا هنقدم امتى يا جدعان ؟؟ ..

[W0LVeRiNe]

المشاركة الأصلية كتبت بواسطة omar_15

طيب واحنا هنقدم امتى يا جدعان ؟؟ ..

لو عايز نصيحه بلاش تروح ع التقديم على طول اول اما يفتح عشان هتلاقى الزحمه للركب وممكن تتمشور كام يوم ع الفاضى .. اتقل كده كام يوم بعدين روح ف الرواقه