المراجعة الصح.

[ahmed ali12345]

السلام عليكم
لو سمحتوا سؤال للدحيحة اللى قفلوا المواد
ازاى اراجع ؟ او ازاى اذاكر ؟
هقولكوا على النظام اللى همشى عليه وشوفوا صح ولا لا
1-العربى
خلصتوا فى الدرس بس مخلصتهش مذاكرة ومش بروح المراجعات
ان شاء الله هخلصوا بالعافيه فى اول 4 .بس القصة مش حاسبها
وبعد كده ابدأ اراجع نصين واحل عليهم من(الدليل +الاضواء مراجعة)
درسين قراءة واحل عليهم من(الدليل +الاضواء مراجعة)
وهكذا الى 1\5 اكون خلصت
والقصة هاخدها خلال شهر 4 كل يوم فصل او نص حتى واخلصها فى 1\5
وابدأ مراجعات نهائية وحل امتحانات الثانوية
استوااااا ..........كتاب الامتحان اخلصه فى اخر 9 ايام من شهر 6
واذاكر نحو تراكمى وشوية لمسات فى التعبير
لو قدرت على كده ايه الدرجة المتوقعة ؟
سؤال هام .فى النصوص لما يقولى اشرح كذا مش بعرف احفظه زى الاضواء او كتاب المدرسة بس والله اسلوبى بيبقى حلو .فدا بيأثر فى التصحيح اللى هو موضوع نموذج الاجابة؟
الانجليزى.
قاعدلى 2 يونيت واخلصه بس مش هروح الدرس ولا المراجعات واذاكرهم مع نفسى
المنهج سهل جدااااا
هبدأ اراجعه واخلصه فى 15\4
وبعد كده ااخد 15 يوم حل فى الدليل وكتاب المدرسة
وااخر شهر احل كتاب توب استيودنت وسيربرايز مراجعة (لو قدرت)
بس اننا خايف من الترجمة لانى مش حافظ كلمات بره المنهج
لو بدأت احفظ من هنا لشهر 6 اقدر احفظلى شوية حلوين؟
الفرنساوى
اصعب ماده بالنسبالى
يادوبق لسه مخلص المنهج بس مش عارف اراجعه ازاى او مش عارف اللى جابوا 50 جابوها ازاى؟
هل ابدأ ارجع على الدروس من تانى واسيب كتب المراجعة الهائية للاخر ولا
امسك مثلا الشخصيات احفظها زى اسمى وبعدين احل عليها
الدليل والمذاكرات وجينيال وبرافو وميرسى وامتحااناتهم وارمى السؤال ورا ضهرى
امسك فى الاماكن و.............................
الجرائد و..........................
وهكذا لغاية ما ابقى ضامن درجة الاسئلة دى
وبعد كده امسك فى الرسائل والبرقيات والمحادثة التليفونيه احفظ الحاجات المهمين والموجودين فى الكتب واحل كل بتوع الثانوية وارمى ورا ضهرى
امسك فى السؤال الاخير اقعد فيه فترة لما ااسس نفسى فيه واحفظ المهم وخلاص
وبعد كده اراجع القواعد واحل عليها امتحانات شاملة مش كل قاعدة لوحدها يعنى
وانهى بسؤال القطعة احفظ الحاجات الثابته
الجرنال فلان مصرى وفلان يومى او اسبوعى
لو جالى كذا يبقى كذا
بس للاسف مش هلحق احل قطع الكتب والثانوية
هل القطعة بتتكرر مثلا ولا اعمل فيها ايه
ملحوظة .هخلص كل ده فى ااخر 5 يعنى مش هعرف اراجع عليهم تانى
ومش بحضر مراجعات
هل صحيح ان اللى بيتوقعوه المدرسين بييجى ولا لا ولو شريت جينيال اللمسة الاخيرة وميرسى الخلاصة وبرافو م الاخر وخلصتهم بييجى منهم الحاجات المتوقعة
بالنسبة للمواقف والخطابات والرسائل وكده ؟
الكيمياء
بعد مكنت بحبها دلوقتى خايف منها
احنا فى نص العضوية
وقررت ابدأ اراجع من دلوقتى بحيث 15\4 هكون راجعتها كويس وحليت عليها (الامتحان اسئلة ومراجعه ) وبعد كده ااخد 15 يوم مراجعة سريعة هواااا وحل الدليل
وااخر شهر هيكون مراجعه هوااا هوااا هوااا وحل الامتحاانات وكتاب المعلم (لو قدرت)
ملحوظة مش هحضر مراجعات علشان الوقت
كده هبقى ايه بقى اضمن ال50 ؟ انا سمعت ان كتاب الامتحان كافى علشان ال50
الرياضة
تقريبا هسقط فيها السنادى مش بحل اى حاجه ورا الاستاذ وتقريبا هخلصها بكرة
ومش هحضر مراجعات بردو
هبدأ اذاكرها مع نفسى
بصوا بقى
النهايات +الاشتقاق.... 12 يوم (حل المعاصر شرح وكتاب المدرسة والدليل )
حساب المثلثات ........8 ايام (حل المعاصر شرح وكتاب المدرسة والدليل وامتحاانات شاملة )
كده احنا فى 10 \ 4
الباب الاول والتانى جبر......12 يوم (حل المعاصر شرح وكتاب المدرسة والدليل )
الباب الثالث جبر.............8 يوم (حل المعاصر شرح +كتاب المدرسة +الدليل)
احنا كده للاسف 1\5
ابدأ مراجعة على القوانين سريعة وحل امتحانات شاملة
ايه تعليقاتكم على اللى اناا قولته
انا حاسس انى مش هجيب حاجة خاااالص
ايه رأيكوااااااا الموضوع مستاهل ولا لا
وشكرااااااااا .

[amothman123]

العربى كدة تمام
و إن شاء الله 29 و نص أو 29 على حسب التعبير
مفيش أحسن من عربى ثانية و الله العظيم
بخصوص النصوص ماتحفظش شرح اكتب بأسلوبك دة شرح يعنى بيعتمد على فصاحة اللسان
و بعدين ما أنت شايف كل كتاب عربى بيشرح بطريقته !!
المهم يعنى الشرح يبقى عن موضوع القصيدة

الترجمة كلنا لها
حاول تحفظ على الأقل صفحة كلمات فى اليوم و احفظ التعبيرات الشائعة
السنة دى هاتبقى بعيدة عن السياسة و الدين غالباً لو نفذوا كلامهم يعنى
فلو كدة الترجمة هاتبقى يا اقتصاد يا سياحة يا رياضة
فتقدر تلحق بإذن الله

الفرنساوى راجع على كلمات الدروس و الكلمات الى بتتكرر فى الامتحانات
طبعاً الشخصيات و الأماكن و أبواب الجريدة و الكلام اللذيذ دة كله فى جيبك بإذن الله
ركز على عما تعبر علشان هو و القطعة هم الأسئلة الى مش مضمونة فى الامتحان
الباقى كله تدخل الامتحان حاطه فى جيبك
و استحالة القطعة تتكرر
علشان تحل القطعة صح
سيبها آخر سؤال فى الامتحان
يعنى الامتحان 3 ساعات
أول ساعة لباقى الامتحان تأكد عليه كويس أوى
و صدقنى الامتحان ماياخدش نصف ساعة لو انت مذاكر
بعد ما ضمنت الامتحان و 100 / 100
تبدأ بقى تشوف القطعة بتتكلم عن أية
تقرأها مرة كدة بسرعة
و المرة التانية بتركيز
و المرة الثالثة ترجمها عربى و لو فى ظهر ورقة الأسئلة حتى
تقرأ أسئلتها بتركيزززززززززززز جااااااااااااااااااااااااااااااااااااااااااااااااا ااااااااااااااااااااااااااااااااامد
قبل ما تحل أى سؤال
جملة فى الصح و الخطأ مش مكتوبة فى القطعة ماتفكرش ماتشغلش دماغك .. غلط على طول
انت بتجاوب من خلال قطعة فميش مكان للتفكير
و زى ما قلت أهم حاجة التركيز
عندك مثلاً فى امتحان درس السنة دى
كانت القطعة بتتكلم عن زيارة رسمى لساركوزى لمصر
أول واحدة فى الصح و الخطأ
c'est visite n ' etait que' une visite officielle
99 % من الجملة شافتها ne pas و عملتها غلط
مفيش إلا أنا بس و واحد تانى هو الى عملها صح
فلازم تركيز جامد
و ماتحفظش مواقف و خطابات و رسائل
عود نفسك تكتب بنفسك
انت عليك فوق الـ 400 موقف و 300 موضوع و 100 رسالة و برقية
مفيش وقت تحفظ كل دة
و أنت قادر بإذن الله تكتب مواضيع أحسن من مدرسك
أمال بتحفظ كلمات ليه
ما هو علشان فهم الوثيقة و علشان الإنشائى
بخصوص القواعد كلها سهلة بلا استثناء احفظ بس الأفعال علشان بيركز عليها و حل كتير و أقرأ السؤال كويس
الفرنساوى 90 % تركيز .. 10 % حفظ

تقسيمة الرياضة مش حلوة للأسف
على ما تكون وصلت للآخر هاتكون نسيت يعنى أية تفاضل

خد فى التفاضل 4 أيام و اشتغل حل فيهم
أزاى
أول يوم خد أول درسين فى النهايات و حل
ثانى يوم آخر درسين فى النهايات و حل + كمل الحل الأول ( مش هاتخلص كله طبعاً )
يومين ثانية للاشتقاق
حساب مثلثات 4 أيام برضك
أول يوم خد فيه قاعد الـ sin و الـ cosine
أفكارهم عادية يعنى .. و حل المثلث بيعتمد عليهم مش درس جديد
ثانى يوم اعمل أول درس فى الوحدة الثانية و حل على الى فات و الجديد
ثالث يوم الدرس الثانى و حل برضك عليه و على الى فات و على الى لسة فاضل فى التفاضل

الجبر 11 أيام بقى
أول يومين للوحدة الأولى كاملة
و خلى بالك أنها كلها رسومات يعنى مفيهاش مشاكل
و ركز بس القيمة المطلقة ( مش عارف اسمها كدة فى العربى ؟ أصلى إنجليزى ) علشان عليها أكثر حاجة عليها شغل فى الجبر فسيبلها يوم لوحدها و الباقى يوم
الأسس يومين و اللوغاريتمات يومين
و كل دة انت شغال حل عليهم و على الوحدة الاولى و على التفاضل و المثلثات
كدة انت خدت 2 + 2 + 4 + 4 = 12
الوحدة الثالثة بقى 5 أيام علشان دى أهم ما فى الجبر و 80 % من الامتحان عليها
أنت هاتتمسك التتابعات الحقيقية 3 أيام كل يوم بدرس و تحل كتير .. و مش شرط تخلص كل مسائل الدرس فى نفس اليوم سيب شوية تحلهم بعدها للمراجعة
التتابعات الحسابية يومين و دول بقى هاتلاقيهم نفس أفكار التتابعات الحقيقية بنفس صيغ المسائل .. كل ما فى الأمر اختلاف القوانين بس
كدة 24 يوم فى الرياضة بعد ما كانوا 40
خد بقى يوم مراجعة سريعة كدة على القوانين
و تبدأ تحل امتحانات آخر سنة بقى
بحيث جدول الرياضة كل يوم
امتحان تفاضل + امتحان جبر + حل صفحة من المعاصر من الى أنت لسة ماخلصتوش من كل فرع + الدلييييييييييييييييييييييييييييييييييييييييييييل
الامتحانين لو انت مذاكر بإذن الله مايخدوش منك ساعة على بعضهم

الكيمياء ماسعدكش علشان أنا أحياء
و ربنا يوفقك

[ahmed ali12345]

شكرا جاااااااااااااااااااامد لحضرتك

[sad nono]

طب يا جماعة هو الصح بردو اننا نسيب كل الدروس ونقعد نذاكر مع نفسنا ؟؟
انا حاسة اني عايشة في صراع بسبب الموضوع دا مرة اقول عوزة اسيب كل الدروس ومرة اقول لا بس بجد مش عارفة وخايفة اوي

[doha94]

المشاركة الأصلية كتبت بواسطة sad nono

طب يا جماعة هو الصح بردو اننا نسيب كل الدروس ونقعد نذاكر مع نفسنا ؟؟
انا حاسة اني عايشة في صراع بسبب الموضوع دا مرة اقول عوزة اسيب كل الدروس ومرة اقول لا بس بجد مش عارفة وخايفة اوي

بصى انا بحب انى اقعد اذاكر لوحدى طول اليوم مبحبش انزل المراجعات
خصوصا ان ده بيوفرلى وقت كبير بصحى بدرى اذاكر ولما اتعب اريح شويه وارجع اكمل
لاكن لما بروح الدرس اصلا بيقعدوا يقروا الاسئله اللى عاملنها فى الملازم ودماغى بتصدع وارجع مذاكرش
طيب ما انا اذاكرهم فى البيت احسن

[ahmed ali12345]

من وجهة نظرى المراجعات تضييع وقت لان المدرسين بيكونوا شرحوا كل حاجه
اعتقد الواحد يقعد كده على الكرسى يقفله 20 ساعة مذاكرة احسن له
ولا انتى ايه رأيك ؟

[doha94]

ربنـــــــــــــــــــــــــا معــــــــــــاك
بـــــس شكلــلك مقــــصر فرنســاوى وريـــــاضه فـــــدوس عليهـــــم شــــــويه لانهـــــــم كــــــل واحـــــــده مــــن 50

[هبة محمد2011]

لا نصيحة منى لاتترك فترة المراجعات عند المدرس اللى بتاخد عنده درس ومتقلش اروح عند الاستاذ فلان علشان مراجعة افضل من استاذى كل استاذ عارف ازاى يوصل طالبه للنهائيات وكل المدرسين واحد وانت لو سبتها مش راح تكون عارف ازاى تنظم وقتك وحتى لو نظمته مش زى المدرس اللى مخطط لك ازاى يراجع لك على المنهج بطريقة بسيطة دى الناس مش بتروح فى الشرح وبتروح فى المراجعة وانت بتقول تبطل. انا وبصراحة شايفة ان ده اكبر غلط وصدقنى ناس كثير عملت اللى انت بتقوله وكانت النتيجة انهم ندموا وقالوا يعنى جاتت على المراجعة من انا طول السنة داخل وطالع ومقدرتش تستنى 3 او 4 شهور.