الجيزة / الغاء حافز الاداء والرجوع لل 200 % - والتقديم لتغيير المسمى الوظيفي

[melad.s.f.e]

انا النهاردة كنت في مديرية التربية والتعليم بالجيزة ، وكان اخر يوم للتقديم لتعديل المسمى الوظيفي ، ومكنوش بيستلموا مننا حاجة غير صحيفة الحالة الوظيفية وطلب تغيير المسمى ، بس شكلهم كده انهم بيضحكوا علينا وبيسكتونا وخلاص ..........

وبعد كده طلعت اسأل في الحسابات على حافز الاداء ( 75% - 50% - 25% ) ومديرة الحسابات قالتلي انه تم وقف قرار هذا الحافز اليوم ، وذلك بناء على اعتراض المدرسين عليه ، وقالتلي ان الدولة مش هتكلف نفسها عبء جديد والناس مش هتكون راضية عنه ، وبناءا عليه تم الغاء هذا الحافز الجديد ، والرجوع للنظام القديم وهو تطبيق الـ 200 % لمن يقل اجمالي حوافزهم عن ذلك ، مع حساب مكافأة الامتحانات و الكادر وبذلك لن يستفيد احد من هذا القرار الا المعلمين المساعدين فقط وبنسبة 41.5 % علي مرتباتهم

ملحوظة اخيرة مني ليكم : كلنا بندعي حب مصر ونقول مش عايزين البلد تقترض من الخارج ولازم يبقى فيه تغيير ، طيب الزاي كلنا بنطالب بكده واحنا كلنا مش عايزين غير مصلحتنا الذاتية فقط ، وبنقول ازاي المدرسين يتساووا بالاداريين طيب ما الاداريين برضه بيتعبوا لان عدد ساعات عملهم اكثر مننا ، وفي اجازة الترم او اخر السنة اللي اغلبنا بيريح فيها ومبيرحش فيها المدرسة اصلا ، هما بيكونوا بيجهزوا للسنة الجديدة ، مع العلم اننا كلنا بندي دروس ومجاميع واللي مبيديش من الاخصائيين بياخد نسبة من المجموعات ، فياريت نعقل ونفكر في المصلحة العامة في الوقت الحالي على الاقل ........

للعلم هذا رأيي الشخصي ولا يجوز لاحد الاعتراض عليه لكن ممكن يختلف رائيه عن رأيي ....... وشكرا

[محمد محمد حفنى]

ألووووووووووووووو الأستلذ منين بالظبط ؟

[سفيان المصري]

عليا اليمين انته من الفلول وعلى العموم ملفاتك عندي

[المجدد]

هذا الكلام صحيح وتم تنفيذه ولم يزد اي شخص في التربية والتعليم ولا جنيه سوى المعلم المساعد هيزيد 91 جنيها وهياخدهم بأثر رجعي 7 و 8 وبالفعل استماراتهم تنفذ الأن يعني سيصبح مرتب المعلم المعين الجديد اللي واخد كادر زي المعلم المساعد وبعد المعلم المساعد ما ياخد الكادر لن يزيد جنيها ايضا لأن هيكون خد الزيادة 91 وهتعتبر بدل معلم

[marwasamy]

بصراحة اة البلد مش مستحملة الكلام دة خصوصا انى مقتنعة ان الصوت الضعيف هو صوت الاعتصامات غير كدة انتوا ممكن تطلعوا بنتيجة بكرة بس صدقنى تحت الضغط هيكون حبر على ورق بدون تنفيذ وحضرتك افتكر الكلام دة خصوصا ان الوزير قال اللى عاوز يضرب يضرب براحتة احنا ممكن نجيب تعاقدات جديدة يعنى قالها لينا صريحة اخبطوا دماغكوا فى الحيط سيبك من شعار ماضاع حق ومشعارفة اية هم لو فى ايديهم حاجة كان عملها


والفت نظر حضرتك لنقطة انتوا لو موتوا قدامة ولا هيتحرك لان بالعربى قالها فى برنامج وائل الابراشى انا مش فارقة معاى وكدة كدة هسيب الوزارة فمن الاخر كل دة اى كلام وجربوا وشوفوا

[المجدد]

ولا هو فارق معانا
وزير فاشل
يمنح بدلات لموظفي الديوان بالالاف
وعربيات داخل وسائقين وفلوس تترمى على الأرض
لو رحتى ديوان الوزارة مره واحده هيجيلكم شلل من الفلوس المهدرة على موظفي الديوان وطبعا عشان كده بيحبوه جدا وفرحانينن بيه انما زكي بدر رغم انني بكرهه كان قافلها عليهم والغي الانتدابات والبدلات

[melad.s.f.e]

الاخ محمد محمد حفني : انا من ادارة بولاق الدكرور مديرية الجيزة - معلم مساعد

الاخ سفيان المصري : فلول وطعمية صح ، والله احنا فعلا شعب همج ولا يصلح معه الديموقراطية التامة

وعامة انا قلت اللي عرفته النهاردة ، ولو حد خد حافز الاداء الجديد يتفضل يقولنا ، لان انا مروحتش اسال في المديرية غير لما عرفت من السكرتيرة ان قبض الشهر ده هو هو الشهر اللي فات ، مع عمل 41.5 % للمعلمين المساعدين عن شهر 7 و 8 في استمارة منفصلة وانا ان كان عن نفسي ياريت اخد 200 % صافي زيادة عن المرتب بس بالعقل كده منين

[amrmedhat]

الخبر دا حافز قوي لينا للخزوج غدا امام مجلس الوزراء

[مصطفى العبادى]

الفلول هنا يارجالة

[احمد عطالله]

كلام كله كدب فى كدب

[melad.s.f.e]

اللي بيقول فلول واللي بيقول كدب ، لو اي واحد من حضرتكم من مديرية الجيزة او ليه حد في مديرية الجيزة ، يروح يسأل في مكتب مديرة الحسابات او مكتب أ/ هشام وكيل الوزارة ........... وللعلم الكلام ده انا مسمعتوش من حد لكن الكلام ده هو اللي اتقاللي من مديرة الحسابات في المديرية وحبيت انقله لحضراتكم مع وجهة نظري

[meslmat]

انا بردهه سمعت نفس الكلام فى قسم الحسابات

[كابتن محمد فوزى]

ممكن يكون (ميلاد) هو ( وفاة)للاخبار الساره!!!!!!!!!!
انا بهزر عموما اللى ينقل اى معلومة بعد ذلك يبقى يشوف فيها لغم ولا لأ
الخبر فيه سم قاتل ..............استحمل يا .........

[احمد عطالله]

كذب فى كذب كذب

[طه السعدني]

ملحوظة اخيرة مني ليكم : كلنا بندعي حب مصر ونقول مش عايزين البلد تقترض من الخارج ولازم يبقى فيه تغيير ، طيب الزاي كلنا بنطالب بكده واحنا كلنا مش عايزين غير مصلحتنا الذاتية فقط ، وبنقول ازاي المدرسين يتساووا بالاداريين طيب ما الاداريين برضه بيتعبوا لان عدد ساعات عملهم اكثر مننا ، وفي اجازة الترم او اخر السنة اللي اغلبنا بيريح فيها ومبيرحش فيها المدرسة اصلا ، هما بيكونوا بيجهزوا للسنة الجديدة ، مع العلم اننا كلنا بندي دروس ومجاميع واللي مبيديش من الاخصائيين بياخد نسبة من المجموعات ، فياريت نعقل ونفكر في المصلحة العامة في الوقت الحالي على الاقل ........

للعلم هذا رأيي الشخصي ولا يجوز لاحد الاعتراض عليه لكن ممكن يختلف رائيه عن رأيي ....... وشكرا[/quote]



أ

عترض يا أستاذ لأن ليس كل المعلمين حيتان دروس أغلبهم لا يعطي دروس و بعدين ما في عمل في المدرسة إلا و يشارك فيه المعلمون حتى استلام الكتب من المخازن تشكل إدارة المدرسة لجنة لاستلام الكتب من مخازن الإدارة و تحميلها على عربية للمدرسة و كذلك لجان تسلم الملفات للطلاب الجدد و كل أعمال المدرسة يشارك فيها المعلمون إلا إذا كنت سيادتك في أجازة أو رتبتك عالية عند المدير شوف حواليك وبعدين اتكلم