الاخوان المسلمين مش معانا والا ايه؟

[احمد وحش]

50 الف معلم ينتمى الى جماعة الاخوان المسلمين,ومعروف ان الجماعة على قدر كبير من القدرة على التنظيم ,والاصرار,ولكن للأسف لا اجدهم متحمسين للاعتراض على المهانة والظلم الذى نلاقيه,لعل المانع خير ,لا سيما ان هناك اشاعة تدعى بأن تعليمات عليا _من المرشد طبعا_تدعو لعدم الاعتراض على الوزير حيث انه محسوب منهم

[الأستاذ محمد عامر]

وكمان ياغالى الاخوان حيتان دروس خصوصية يعنى مش فارقة معاهم

[احمس_جراند]

المشاركة الأصلية كتبت بواسطة الأستاذ محمد عامر

وكمان ياغالى الاخوان حيتان دروس خصوصية يعنى مش فارقة معاهم

ومين قالك ان الاخوان مش مشاركة يا غالى والا هو لازم نقول ان الاخوان مشاركة؟؟؟؟

[ايمن خليفة]

ان لم يشاركوا ويحفزوا المدرسين على المشاركة فلن نعطيهم اصواتنا

[الوردالجميل]

انا بقول ان لو مشاركوش معنا فى اعتصمنا يبقى لا نديهم فى النقابة ولا فى شعب ولا شورى ولاحتى رئاسة لو ترشحوا احنا مع اللى دعم موقفنا

[د/عزت التونسى]

لن اعطيهم صوتى فى اى انتخابات (رئاسية*برلمانية*اونقابية)

[t_orabi]

المشاركة الأصلية كتبت بواسطة احمد وحش

50 الف معلم ينتمى الى جماعة الاخوان المسلمين,ومعروف ان الجماعة على قدر كبير من القدرة على التنظيم ,والاصرار,ولكن للأسف لا اجدهم متحمسين للاعتراض على المهانة والظلم الذى نلاقيه,لعل المانع خير ,لا سيما ان هناك اشاعة تدعى بأن تعليمات عليا _من المرشد طبعا_تدعو لعدم الاعتراض على الوزير حيث انه محسوب منهم

مع احترامى للجميع
المعلمين المنتمين لجماعة الاخوان لا يتحركون إلا بتعليمات الجماعة حتى ولو للاسشهاد

[mollto]

بصوا اى اتجاه سياسي دلوقتى مهموش غير مصلحته الاخوان او عيرهم لو لقيوا ان موضوع المعلمين هيزود رصيدهم هيساندوهم وده طبعا مش هيجى الا من خلال ضغط متواصل من المعلمين

[بدر1973]

يا حبيبى الفئة اللى بتتكلم عنها مش فاضيه الآن إلا لموضوع الانتخابات والتهام النقابات والسيطرة على الحكومة القادمة بأى شكل ولو حسوا إن فيه مصلحة لهم مع المعلمين ستجدهم .... إنهم يحسنون اختيار ما يحقق مصلحتهم فقط وعلى الباقى الذهاب إلى الجحيم

[رفعت يقطين]

اخوان ايه اللى انتم بتدورو عليهم وليه تدولهم اكبر من حجمهم كلنا اخوان فى الحقوبعدين اللى عاوز يخدم يخدم وهو بره السلطة او النقابه

[ابواحمدومحمد]

تفكير الاخوان كالاتي
االنظر من بعيد الي الامر فان نجح وبدا يؤتي ثماره
تبدؤا في المشاركه
ثم ينسبوا الامر لانفسهم كما حدث في الثوره
تحدثت مع بعضهم لحشدهم للمظاهره فكان ردهم كالاتي
بكره يبقي فيه انتخابات والوزاره تتغير وممكن الحال يتغير
للاسف هؤلاء هم الاخوان عشت معهم 16 عام
يقولون مالا يفعلون
مصلحتهم فوق كل اعتبار
فلا تنتظروا منهم خيرا

[محمد حسين الشربينى]

اشمعنا الاخوان انا اعرف ناس كتير كانوا بيكلمونى يومياً عشان مرشحين نفسهم فى النقابة
ودلوفتى ذهبوا مع الريح
الاولى نقول اين اللى هيرشحوا نفسهم فى النقابة

[اريج الزهر]

سبحان الله العلي العظيم
تركتم رئيس الوزراء ووزير المالية و وزير التربية والتعليم وهم من في ايديهم الحل والعقد والقرارات وتفرغتم لتحميل الاخوان المسئولية
رغم انكم قلتم بنفسكم انهم عددهم حوالي 50 الف معلم
يعني هم ايضا متضررين مثلكم تماما
ولم نسمع من يخاطب اي فصيل سياسي اخر .... وتتوعدونهم بعدم اعطاءهم اصواتكم في الانتخابات ... يعني من وقف او سيقف الى جانبكم حتى تعطونه اصواتكم ؟؟؟؟؟؟!!!!!!
عجبت من خلط الأوراق .... الرجاء الموضوعية والمصداقية
وانا لست من الاخوان قبل سيل الاتهامات وكأنها صارت تهمة

[أمجد حلواني 9]

المشاركة الأصلية كتبت بواسطة اريج الزهر

سبحان الله العلي العظيم
تركتم رئيس الوزراء ووزير المالية و وزير التربية والتعليم وهم من في ايديهم الحل والعقد والقرارات وتفرغتم لتحميل الاخوان المسئولية
رغم انكم قلتم بنفسكم انهم عددهم حوالي 50 الف معلم
يعني هم ايضا متضررين مثلكم تماما
ولم نسمع من يخاطب اي فصيل سياسي اخر .... وتتوعدونهم بعدم اعطاءهم اصواتكم في الانتخابات ... يعني من وقف او سيقف الى جانبكم حتى تعطونه اصواتكم ؟؟؟؟؟؟!!!!!!
عجبت من خلط الأوراق .... الرجاء الموضوعية والمصداقية
وانا لست من الاخوان قبل سيل الاتهامات وكأنها صارت تهمة

كلام في منتهى العقل والموضوعية

[sadq]

بدلا ما توجهوا قوتكم ضد من ظلمكم وأكل حقوقكم تظهرون العداء للإخوان و6 إبريل والصوفية وتشنوا الحرب عليهم .. يا جماعة عيب عليكم ركزوا شويه اعرفوا أين عدوكم وركزا فى مطالبكم.