انا جايب 99% ثانية ثانوي بس محتار.........

[mark magdy]

انا جايب 99%في 2ث بس محتار. انا بحب الرياضة ونفسي ادخل هندسة (طيران -او- نووي و اشعاعي)
بس فية ناس كتير قالولي طب اضمن و شغلها موجود و بالذات طب اسنان و عشان كدة انا محتار مش عارف ادخل اية

انا محتار جدا

يا ريت يا جماعة تدوني رايكم و هل الاقسام دي في هندسة فعلا مالهاش فرص شغل بعد التخرج

[atef18]

بص انا كنت جايب فى تانية 96 وبردة حصلتى نفس المشكلة وفى ناس قالولى كمل علمى علوم وممكن تلحق صيدلة او طب اسنان بس انا كملت رياضة وجبت فى 3 99 وجبت المتوسط بالمستوى 98 والحمد للة دخلت هندسة المنصورة بس لما سألت واحد على موضوع الشغل دا ضحك من كلامى وقال انا اول مرة اسمع ان هندسة مافيهاش شغل مع ان هو فى 3 مدنى عشان كدا انا بقوللك ادخل اللى انت حابة وسيب الشغل على ربنا لانك انت لو دخلت الى انت بتحبة وتفوقت فية الشركات هى اللى بتجرى وراك وانشأ اللة ربنا معاك وادعلنا

[karimadel7]

المشاركة الأصلية كتبت بواسطة mark magdy

انا جايب 99%في 2ث بس محتار. انا بحب الرياضة ونفسي ادخل هندسة (طيران-نووي و اشعاعي)
بس فية ناس كتير قالولي طب اضمن و شغلها موجود و بالذات طب اسنان و عشان كدة انا محتار مش عارف ادخل اية

انا محتار جدا

يا ريت يا جماعة تدوني رايكم و هل الاقسام دي في هندسة فعلا مالهاش فرص شغل بعد التخرج

ممين قالك ان شغل طب مضمون
لو قصدهم علي الشغلانه ام 300 جنيه في الحكومة يبقي ماشي
انما انا قصدي علي شغلانه بمرتب كويس بعد التخرج
هل ديه مضمونة
استحالة طبعا

[issac-newton]

, , , اولا مبروك + الشغل ارزاق .
اما حكاية طب و لا هندسة فا اعمل صلاة استخارة
بس عندي ملحوظة انا شايف من حضرتك انك بتقول طيران نووي اشعاعي
شوف الطيران دا زي البترول برستيج عالي عالي عالي اوي بس تجيب واسطة تشتغل كويس غير كدا كأنك واخد دبلوم لاسلكي .
ولو حابب مجال الطيران تبقا تدخل ميكانيكا القسم الحيوي الي بيشغلك في كلو و تعمل دبلوة طيران لو ربنا وفقك و اشتغلت في الطيران كان بها لو ربنا ما كرمكش يبقا تشتغل بقا في شركات و هتلاقي فرص كويسة + متنساش الشغل ارزاق و صدقني المهندس مش معروف قمتو هنا عشان احنا بلد متخلفة برا المهندس يبقدروه صح
اما حكاية طب فا ما اقدرش افتيك , , , بس اقدر اقولك
لو طب بشري
7 سنين دراسة و سنتين عشان تعرف تفتح عيادة و5 سنين عشان تعمل اسم , فا يعني شوف

[mark magdy]

شكرا لكم كلكم
الباشمهندس عاطف
طبعا انا سايبها علي اللة حتي لو دخلت طب اسنان برضو هاسيبها علي اللة بس برضو انا قلقان و خايف ادخل حاجة محتاجة واسطة و انا الحمد للة معنديش اي نوع من الواسطة خالص

كريم
صدقني انا عارف ان مرتب الحكومة مالوش لزمة بس عاوز اصلحلك معلومة هما 327.5 و بعدالضرايب و التامينات وخلافة بيرسوا علي 270
هههههههههههههه
بص انا لما بتكلم علي الشغل بتكلم علي شغل برا مصر يعني في الدول العربية الاطبء المصريين مازالوا مطلوبين و بالذات لو محضرين دراسات عليا او معاهم الزمالة البريطانية (يعني اي حاجة مميزة)


issac newoten
شكرا و اللة يبارك فيك


و اللي حضرتك قلتة عن هندسة طيران دة هو اللي مخليني متردد جدا في دخول الهندسة لاني مش عاو غير هندسة طيران او هندسة نووية و اشعاعية و طبعا التانية دي مجال شغلها اندر جدا عشان كدة خايف ادخل و بعد ما اتنفخ في الكلية ترسي اني اقعد علي قهوة او جمب اهلي في البيت

[ahmed kano]

انصحك ان تكمل رياضة و لو ربنا وفقك و عليت نص فىالمية بس زيادة هتبقى بترول و ده ولا تقولى طب ولا صيدلة

وع فكرة البترول مش محتاجة واسطة نهائيا لان درجتك هى اللى بجبهالك و لما تتخرج منها هتلاقى نفسك شغال و الشركاتهى اللى طلباك مش انت اللى بتروحلها طالما خرجت منها بتقدير كويس

و لو محصلش نصيب عندك الاختيارات كتير ممكن تخش فنية عسكرية و برضه دى غير حربية من غير واسطة و حياة تانية

غير كده فدامك كل كليات مصر من الهندسات اولهم عين شمس و التخصصات مفتوحة قدامك

غير طب اللى هتعجز فيها و انت لسه بتدرس لان الدكاترة اليومين دول بقوا اسماء بس و هتقعد ككتييييييييييييييير عقبال ما تكون اسم لشغلك

و المطلوبيتن بره مش دكاترة اللى مطلوبين هما الصيادلة يعنى حتى لو فرت تكمل علوم انصحك بصيدلة و ميغركش مجاميع كل كلية

[الحسام المصري]

هندسة يا ابني