سوق سوداء لتسجيل الرغبات بالقاهرة وإغلاق الحاسبات عند 93،7% والسياحة عند79%

[midowahdan]

سوق سوداء لتسجيل الرغبات بالقاهرة وإغلاق الحاسبات عند 93،7% والسياحة عند79%



زحام وفوضى فى أول ايام تنسيق المرحلة الثانية



لم يكن الزحام الشديد وحده هو سبب غضب الشريحة الثانية من الطلاب الحاصلين على الثانوية العامة، أثناء قيامهم بتسجيل رغبات الالتحاق بالجامعات فى معامل التنسيق الإلكترونى أمس . بل كان السبب الرئيسى وراء حالة السخط التى عمت معامل جامعات القاهرة الكبرى اليوم ـ الثلاثاء ـ عدم توافر قوائم استرشادية تضم الكليات التى مازالت بها أماكن خالية لطلاب المرحلة بما أدى لفشل كثير من الطلاب فى استكمال قائمة الرغبات ال48 المطلوبة للتسجيل بالموقع .
طلاب الشعبة الأدبية كانوا الأكثر شكوى بين طلاب المرحلة الثانية بسبب الأماكن المحدودة المتبقية أمامهم للالتحاق بالكليات الجامعية ، بينما شكا طلاب العلمى من انعدام فرص الحاصلين على 91% فى الالتحاق سوى بكليات العلوم والتجارة والآداب والحقوق ودار العلوم .
الطالبات سمر عادل وأميرة منصور وياسمين أحمد أكدن فشلهن فى تسجيل رغباتهن فى الالتحاق بالكليات رغم حصولهن على مجاميع تتراوح بين 78% و75% ولفتن إلى أنهن كلما حاولن إدخال أى رغبة بمافيها الحقوق والأداب فاجئهن الموقع برفض الرغبة ، ولم يتح لهم سوى مجموعة من المعاهد الحكومية والخاصة .
المشرف العام على مكتب التنسيق عبدالحميد سلامة قال فى تصريحات "للدستور الأصلي" إنه أعطى أوامره بتوفير قوائم استرشادية بالأماكن المتبقية بالجامعات وتوزيعها على جميع معامل الجامعات.
لكن أوامر سلامة لم تظهر بجميع الجامعات التى زارتها "الدستور الأصلي" أمس باستثناء معامل جامعة القاهرة التى بدأت تظهر فيها قوائم الكليات على استحياء اعتبارا من الساعة الثانية عشرة ظهرا والغريب أن القوائم التى تم تعليقها على حوائط كلية الهندسة لم تكن تضم الأماكن المتبقية فقط بالكليات بل كانت تضم جميع الكليات الجامعية بمافيها الطب والاقتصاد والإعلام والكليات الأخرى التى أغلقت فى المرحلة الأولى بما تسبب فى إرباك الطلاب واضطر موظفى معامل التنسيق إلى ترديد أسماء الكليات المتاحة عن طريق مكبرات الصوت بعد تهديد أولياء الأمور بالتظاهر .
الاضطراب الذى صاحب تسجيل الرغبات دفع العديد من الأفراد إلى بيع قوائم استرشادية وهمية للطلاب بمبالغ تصل إلى 15 جنيه للظرف الوحد الذى يضم التعريف بخطوات تسجيل الرغبات ودليل بالأماكن التى تم شغلها بالمرحلة الأولى ودليل آخر يضم أسماء جميع الكليات والمعاهد على مستوى الجمهورية ، آخرين استغلوا الزحام الشديد وقاموا بوضع تسعيرة لتسجيل رغبات الطلاب عن طريق أجهزة لاب توب أمام المعامل مقابل 5 جنيهات لطلب التسجيل الواحد ،الغريب أن هؤلاء الأفراد ادعوا أنهم من طلاب كلية الهندسة وأن مايقومون به يتم بالتنسيق مع إدارة الكلية ضمن النشاط الصيفى لرعاية الشباب .
اللافت للنظر أنه رغم كل ذلك قام أكثر من 40ألف طالب بتسجيل رغباتهم فى اليوم الأول للمرحلة وأشارت المؤشرات الأولية إلى إغلاق كلية الحاسبات والمعلومات عند 93،7% والسياحة والفنادق عند 79% بينما مازالت هناك أماكن بكليات الآداب والتجارة والحقوق .

المصدر http://www.dostor.org/society-and-pe...august/2/50084

يعني نروح نبيع بطيخ ازاي حاسبات هتاخذ 1540 طالب بس

[the spider mido]

لا اله الا الله يعني ضاعت الهندسه وضاعت الحاسبااااات
سلام يا جماعه هروح ابيع كنافه على الشارع كده يادوب مجموعي يجيبها

[midowahdan]

المشاركة الأصلية كتبت بواسطة the spider mido

لا اله الا الله يعني ضاعت الهندسه وضاعت الحاسبااااات
سلام يا جماعه هروح ابيع كنافه على الشارع كده يادوب مجموعي يجيبها

شوفلي معاك بلح شامي ابيعة

وشكل الكليات الحاسبات مش هتردي تنزل وترجع في كلمها وتقول انا هرجع مرحلة اولي اشرفلي

[Eng.Ahmed Hagag]

hhhhhhhhhhhhhhhhhhhh wlahy dah tansiq ms5ra

[شبلانو]

يعنى اتا جايب 93.6 اموت انا ولا ايه ؟؟؟ اقسم بالله حرام يعنى السنة دى حاسبات تاخد من العدد القليل ده بس وهيا كانت بتاخد من 2600 طالب !!! ... طيب ازاى !! ارجوكم الجريدة دى كلامها بجد ولا ايه ؟؟؟ حرام كدة الحلم كله هيضيع !!

[soley93]

حسبي الله ونعم الوكيل

[وردتك ايه]

لالالا يا جماعة غلط صدقونى باذن الله مش تقلقوا لازم حينزلوها على الاقل 1% باذن الله اكيد مش تقلقوا
انا واحدة جايبة 383 يعنى 93.4 % ومش الحق حاجة خالص ... لالالالا باذن الله كله تمام اقل حاجة 1% باذن الله .....

[elmoayad]

خلاص كدة يبقى راحت كل حاجة والله ما عارف اعمل ايه كل ما اعلق نفسى بحاجة الاقيها بتروح هندسة وراحت وحاسبات وكمان راحت الواحد على كدة ميفكرش فى اى كلية لانه لو اتمنى او فكر فى كلية هتروح هى كمــــــــــــــــــــــــــان
سلام نفسيتى تعبت

[Egyptian Shooter]

ياسلام ,, يعنى على كده بقى هيتساوى اللى جايب 93 بـ اللى جايب 83 او اقل ,, والله بقت حاجه مسخره ,,,
انا املى الوحيد ان اخش تجاره انجلش ,, وياريت ماضعش هى كمان ,,

[mo7mag]

طيب ندخل ايه دلوقتي بايه يا بشر ؟؟؟؟؟؟؟؟؟؟؟؟؟؟؟؟

[hesham57]

مش الدستور دى اللى قالت قبل كده ان زادت الاعداد المقبولين خمسه فى الميه زياده على السته فى الميه اللى قررهم خورشيد اظن ان احنا نبطل بقى نصدق الجرايد ونستنى نتيجة التنسيق

[AHEDO]

المشاركة الأصلية كتبت بواسطة hesham57

مش الدستور دى اللى قالت قبل كده ان زادت الاعداد المقبولين خمسه فى الميه زياده على السته فى الميه اللى قررهم خورشيد اظن ان احنا نبطل بقى نصدق الجرايد ونستنى نتيجة التنسيق

كلامك صح 100%

[eSilverfox]

طب انا جايب 380 ادخل ايه واشتغل ايه والله العظيم حرام على كدة كمان فنون جميلة عمارة مفيهاش امل

[وردتك ايه]

يا جماعة مش تقلقوا باذن الله عمارة وفنون تطبيقية وحاسبات حيكونوا كويسين فى التنسيق باذن الله ... باذن الله مش تقلقوا
ولا تسمعوا لكلامـ الجرايد ده

[ملاك حسنى]

اناجايبة 380.5 يعنى اولع فى نفسى انا ولا اية لا هندسة ولا حاسبات ولا فنون جميلة يا رب الحق تطبيقية