|
|
|
#1
30-07-2011, 05:25 PM
|
|||
|
|||
محتاجه مساعده
سلام عليكم
ااناجايبه95 علمى علوم وطبعا مليش غير علوم ومش عارفه فيهااى حاجه وبصراحه مش حباها خالص ومش قادره اتقبل وضع انى بقيت فيها وفى حاله انهيار بجد يريت حد يساعدنى ويقولى ايه الاقسام بتاعتها وكل قسم بيخرج ايه 
|
|
#2
30-07-2011, 05:28 PM
|
||||
|
||||
|
اقتباس:
انا 96 % ونفس النظام يعنى ملحقتش صيدله ولا حتى علاج طبيعى !!!!! طيب ليه مفكرتيش فى بيطرى ؟؟؟؟
|
|
#3
30-07-2011, 05:28 PM
|
||||
|
||||
|
افضل قسم كيمياء والله اعلم اسألى حد فى الكلية دى بس هى كلية ممتازه واصعب من كليات الطب
دى ممكن مدرسة كيمياء او شركة ادوية او شركة بترول او معيدة فى الكلية ودى الافضل
__________________
You'll Never Walk Alone
 كل عام وأنتم بخيـ رمضان كريم ــر
|
|
#4
30-07-2011, 05:30 PM
|
|||
|
|||
|
ملحقتش بيطرى اصلا كمان
وبجد محتاره اوى طب قسم كيمياء ايه انا سمعت كمياء حيويه كمياء كمياء سبيشيل ايه الفرق بين كل الكمياء دى وكمان سمعت ان تعاملهم فشركات الادويه وحش هل ده صحيح
|
|
#5
30-07-2011, 05:42 PM
|
||||
|
||||
|
اقتباس:
انا جالى بيطرى اسكندريه بس للاسف معنديش ميل ليه وف نفس الوقت بقول علوووووووم واسمع كلام انها صعبه فكرت ف ألسن !!!! يعنى الواحد محتااااااااار جدااااااااااااااا انا بحاول اقرا معلومات عن كل واحده وهستخر ربنا وان شاء الله اللى ربنا كاتبه هو اللى هيكون ........... حاولى تركزى على الكلام الحلو عن العلوم يعنى ممكن تلاقى ناس هتعقدك منها !!! واقراى وشوفى المعلومات اللى انتى عايزها عنها من موقع موثوق منه يعنى بلاش المنتديات مثلا لان اكترها بيكون وجهات نظر !!!!!!!!!! يعنى ممكن تدورى على موقع الكليه نفسها واكيد هيكون ليها موقع ..... وياريت تشيلى من بالك فكره انك داخلها لان مفيش غيرها ولازم نحمد ربنا على كل حال ويا عاااااااالم الخير موجود فين ممكن يكون نصيب اللى دخل علوم احلى مليون مره من اللى دخل طب .......
|
|
#6
30-07-2011, 05:47 PM
|
||||
|
||||
|
على فكرة اصلا انتى مش بتتخصصى من اول سنه انتى بتدرسى كله الاول وهناك هتتعرفى على طلبة فى 4 او 3 هتعرفى معلومات عن قرب وده تقريبا على حسب التقدير
لكنها كليه مش وحشه هى كويسه جدا وليه متحطيش امل انك تبقى فيها معيده مادام مجموعك فى ثانوى اكبر من زملائك فى نفس الكلية
__________________
You'll Never Walk Alone
كل عام وأنتم بخيـ رمضان كريم ــر
|
|
#7
30-07-2011, 06:42 PM
|
|||
|
|||
|
مش عارفه حسه انى مدايقه اوى واناكنت هموت ع صيدله بصراحه ومعيش حد من اصحابى خالص فى علوم كلهم طب او صيدله
ادعولى بجد اهدى عشان ع الاقل اعرف افكر وانامش عارفه ليه حسه انى هسقط اول سنه لانى بسمع دايما كده
|
|
#8
31-07-2011, 12:12 AM
|
|||
|
|||
|
افضل تخصصات هي تخصصات لمزدوجه بين الكيمياء والبيولوجي
ودي وظايفها كيميائي طبي اكلنيكي( اخصائي تحاليل طبيه كيميائيه )............ متخصص في تحاليل كيمياء الدم زي انزيمات الكبد وانزيمت الكلي وانزيمات القلب والهرمونات والسكر ودلالات الاورام وبيولوجيا السرطان وكيمياء المناعه وكيمياء الاعصاب وكيماء البول وكل التحاليل الكيميائيه الطبية وده تابع لوزاره الصحه كيميائي طبي تطبيقي........... وده بيشتغل في تصنيع الادويه والابحاث العلميه الخاصه بتصنيع ...الادويه وده تاع لوزره الصناعه والصحه كيميائي شرعي ....... وده اخصائي كيمياء شرعيه وسموم اي في التحاليل الجنائيه والتزوير والتزيف والبصمه الوراثيه وكل التحاليل اللي بتدلل الشرطه ع الجرائيم وده تابع لوزاره العدل كيميائي تطبيقي ...... وده يعني كيميائي بيشتغل في المصانع في التصنيع زي تصنيع البلاستك والاصباغ والورق الخ وده تابع لوزاره الصناعه كيميائي تحليلي ......... وده كيميائي بيشتغل في المصانع والشركات زي تحليل الميه وتحليل البترول وتحليل الاسمنت و تحليل الادويه الخ كيميائي في البحث لعلمي ....... وده بيشتغل في الابحاث العلميه ومراكز لبحوث وده تابع لوزاره البحث العلمي كيميائي بيشتغل في التدريس.... وده لو بيدرس لثانوي وكده يبقي تبع وزره التربيه و التعليم ولو بيدرس لكليات يبقي تبع وزاره التعليم العالي كيميائي ظابط ......... وده بيشتغل كيميائي ياما في الحربيه زي عمل الاسلحه الكيمياويه للي بتستخدم في الحرب وكده وده تابع لوزاره الانتاج الحربي وهناك من تابع للشرطه زي ابحاث التزيف والتزوير كيميائي بيئي .......... وده كيميائي متخصص في التحاليل الخاصه بكيمياء البيئه ميدكال ريب........ وده وظيفه بيشترك فيها خريجي كلية علوم مع كلية صيدله وطب بيطري وهي مهنه منوب دعايا الادوية وده وظيفته انه بيروح للطبيب يشرحله مركبات الدواء وتركيبات تركيزات ازاي بيشتغل بيتاخد كل اد ايه وكل حاجه عن الدواء مهندس جوده.......... وده بيشتغل في المصانع والشركات ووظيفته انه يعمل تجارب الجوده ع المتنجات للي في المصانع عشان يشوفها مطابقه للمواصفات ولا لاء اخصائي مناعه( اخصائي تحاليل طبية مناعيه ).................. وده بيشتغل في تحاليل المناعه وايضا بيشتغل في اكتشاف ادوية جديده عن طريق المناعه اخصائي اجنه و اطفال انابيب ....... وده بيشتغل في مراكز الاجنه و اطفال الانابيب ووهو دوره انه يلقح الحيوان المنوي بالبويضه علي اسس علميه وفي مناخ يسمح للتلقيح انه يحصل وبيشتغل في الابحاث الخاصه بالاجنه اخصائي فزياء طبية.......... ده بيشتغل في معاهد ومراكز الاورام بيعالج مرضي السرطان بالاشعه عن طريق انه بيحدد جرعات االاشعه لمناسبه للمرضي عشان يتعالجو من السرطان ويبدا العلاج الاشعاعي اخصائي الميكروبيولوجيا الطبية والمناعه ( اخصائي تحاليل طبية ميكروبيولوجيه ومناعيه ) وده وظيفته في التعرف علي انواع البكتريا والفطريات والفيروسات في كل حته في الجسم عن طريق المزارع او الكيمياء او عن طريق البيولوجيا الجزيئيه او عن طريق المناعه وايضا يختص بالمناعه و يقوم بعمل التحاليل المناعيه المختلفه اخصائي مكافحه عوي........... وده بيشتغل في المستشفيات ووظيفته هي منع انتشار البكترياوالفطريات الفيرسات في المستشفيات اخصائي ميكروبيولوجيا تطبيقيه دوائيه............... وده وظيفته انه بيستخرج ويصنع ادوية من البكتريا والفطريات والفيروسات والطحالب وبيعمل ادوية ضد البكتريا والفيروسات والفطريات اخصائي الميكروبيولوجيا التطبقيه .......... وده وظيفيته انه يعمل تحليل للمية من البكتريا ويعمل تحاليل للاغذية والسوائل من البكتريا
__________________
https://www.tokiva.com/set_screen_name.html
|
|
#9
31-07-2011, 03:11 AM
|
|||
|
|||
|
ميرسى جدا
هو انهى افضل عين شمس ولا القاهره
|
|
#10
31-07-2011, 10:56 AM
|
|||
|
|||
|
أنا كنت علمي علوم وجبت 94 فقط وخفت أكتب علوم عشان سمعت إنها صعبة فكتبت تربية وللأسف زادت علي مجموغي بنصف درجة وجاتلي تربية ابتدائي بس أنا مش حباها ومش عارفة أعمل إيه . هو ينفع أحول علوم ولا لأ .وما عي مدة التحويل؟ وياتري علوم درستها حلوة ولا لأ؟...........................................أرجو كم ردوا عليا بسرعة الوقت مش في صالحي
|
|
#11
31-07-2011, 11:11 AM
|
|||
|
|||
|
انا زيك بالظبط
وفضلت علوم على تربيه اه الفرق كبير بينها وبين مجموعى بس انا متفائله خير بها انا جالى علوم المنصوره واى حاجه صعبه لو مش اتذاكرت لو ذاكرتى وعملتى اللى عليكى هيبقى خلاص بقت سهله باذن الله ونحاول نعمل اللى علينا وماتحطيش فى دماغك انك مجبوره عليها ومافيش غيرها علوم زى صيدله اجتهدى فيها وربنا يوفقك ومستقبلها مضمون انا اخويا طبيب جراح ومبسوط جدا انى جه لى علوم وبيقولى كليه ممتازه توكلى على الله وربنا يوفقك
|
|
#12
31-07-2011, 11:53 AM
|
|||
|
|||
|
بداية كده انا هوجه كلامى لكل الناس اللى داخلة علوم والكلام لازم يكون منطقى ومقنع مفيش شك ان 98% من اللى داخلين علوم هيدخلوها نظرا لظروف خارجه عن ارادتهم اللى كان نفسه فى طب او صيدلة واللى كان نفسه فى هندسة او حاسبات ومعلومات كـــــــــل الشريحة ديه هتخش علوم وفى منهم اللى هيخش خاص انا شايف ان كلية علوم من اعلى الكليات كقيمة علمية وده مش مجرد كلام ده واقع بس النقطة ان الكل بيقول عليها صعبة ...... مفيش شىء اسمه صعب انت هتخش الكلية هتجتهد وتذاكر وتدى الكلية حقها ربنا هيكرمك وتطلع بتقدير كويس ولازم نكون عارفين ان التقدير مهم جدا ..... هتخش ارفان ومخنوق ومش عايز تذاكر وعمال بينك وبين نفسك تقول ياااااااااه بقى اخرتها علــــوم سدأنى هتفضل محلك سر وهيبقى هو ده بداية طريق الفشل ..........الكلية فيها اقسام كتيير ومليانة تخصصات بلهبل وهيبقى عندك فرصة سنة كاملة تتعرف عليهم كلهم........ تعالوا بقى لنقطة مهمه جداً.....اللى هى الشغل ...... ديه بقى بأيد ربنا .... بس فى اسباب لازم تاخد بيها وتعمل اللى عليك خريج علوم راجل عنده من القدرة على الاستيعاب والفهم والتعلم كبيرة جدا نظراً لكمية العلم اللى درسه فى الكلية (كماً وكيفاً)عشان كده تلاقى خريج كلية علوم يقدر يشتغل اكثر من وظيفة وفى اكتر من تخصص غير بتاع هندسة قسم مدنى مثلا فده راجل هيشتغل مدنى بس اما انت يا خريج علوم ادامك مجالات كتير جدا على حسب قسمك فده ميزة كبيرة جدا الناس مش واخده بالها منها انت هتبقى انسان مرن تقدر تتكيف وتتأقلم على حسب السوق ... وده لأنك خريج كلية علوم فهتلاقى خريج علوم ممكن يتشغل فى مجال الصيدلى او الدكتور او مهندس البترول وفى شركات البناء والتشييد وفى المصانع ومجالات لا حصر لها ......... بس انت لازم تحب الكلية وتبقى من جواك مقتنع انت داخل بحر من العلوم وانك انسان محظوظ جداً لأنك هتاخد تعليم مميز الى حد ما عن اى كلية تانية فى مصر كلها ...... بعد سنة اولى اختار تخصص تكون ميال ليه وحاول على قد ما تقدر انك تجيب تقدير... ويا سلام لو تبطل كسل بعد ما تتخرج وقدم على دراسات عليا وخد ماجيستر فى خلال سنتين ...... يعنى هيكون عندك 24 سنة ومعاك ماجيستر فى تخصصك ... زائد الخبرة اللى هتاخدها من الشغل حتى لو اشتغلت شغل صغير فى الاول المهم انك تشتغل وتشوف وتحتك بالسوق خليك انسان مؤمن بالله وعندك ثقة فى نفسك وقدر قيمة الحاجة فى ايدك ,,,, بأذن الله ربنا هيكرمك
|
|
#13
31-07-2011, 12:00 PM
|
|||
|
|||
|
اقتباس:
أحلي كلام شفته
والله تفكير حضرتك و نظرتك للعلم عميقة و ربنا يعلم قد ايه انا بحب الكلية دي و لو كنت جبت 99% كنت دخلتها كلية عظيمة هو حضرتك قسم ايه و خريج ايه؟
|
|
#14
31-07-2011, 03:04 PM
|
|||
|
|||
|
بصى مش انتى الوحيده اللى كده
انا كمان جبتة 95% وكان نفسى ادخل صيدله بس ما عرفتش وسألت عن كلية العلوم وعرفت انها كويسه جدا وجميله وعرفت معلومه عنها انك ممكن تبقى معيده فى كلية صيدله او طب او هندسه حسب تخصصك يعنى كلية اختياراتها كتير جدا ولو كانت مش كويسه يبقى ليه كليات الطب والصيدله معترضين عليها لاننا بنتخصص وبناخد سنوات اقل وبرضه هتاخدى لقب دكتورة بس الاهم انك تحبيها وتقتنعى بيها لانها محتاجه مذاكرة من اول يوم
__________________
۩۩.....ر م ض ا ن ك ر ي م.....۩۩ ۩۩...Ramadan Kareem...۩۩ 
|
|
#15
31-07-2011, 05:15 PM
|
|||
|
|||
|
بجد ياجماعه ميرسى ليكم كلكم اوى
يعنى انا بدات اهدى شويه بس السؤال دلوقتى اناجاتلى علوم القاهره احول عين شمس ولااخلينى القاهره افضل
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:22 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
