تفتكروا الثورة فادة البلد في حاجه ؟

[مريم عمر عادل]

السلام عليكم ورحمة الله وبركاته

النهارده انا جايه اسئالكم سوءال : تفتكروا الثورة فادة البلد في حاجه ؟ تفتكروا حياتنا اتغيرت بعد الثورة ؟

حوضح فكرتي اكتر يعني احنا لما اسقطنا النظام بكده قطعنا راءس الحيه و راءس الفساد لكن جسمها لسه موجود في البلد والفساد منتشر وانا مقصدش بكده اتباع النظام انا اقصد الشعب نفسوا بقا فاسد يعني المدرس المستبد الي ما بيخلصش في عملوا علشان العيال يجلوا في الدروس الخصوصيه لسه برضوا مستبد
بعد الثوره و الموظف الي بياخد رشاوي علشان يشتغلك لسه برضوا بياخد رشاوي بعد الثوره واخلاق الناس الوحشه لسه هي هي بعد الثوره لسه نفس الجرائم البشعه الي بتقرئها قبل الثوره هي هي نفسها بعد الثوره
و كل واحد فينا برضوا لسه مغيرش عاداتوا السيئه الي في و احنا كمان لسه زي محنا بعد الثوره

والبلد لسه زي ما هي بعد الثوره الفساد منتشر فيها

علشان كده انا جيت اسالكم : تفتكروا الثوره غيرت حاجه في البلد ؟ولا احنا محتاجين ثوره تانيه ثورة اخلاق ؟

[Hisham_physics]

البلد زي ما هيا للأسف
بل بدأت تتحول للأسوء

[مريم عمر عادل]

المشاركة الأصلية كتبت بواسطة hisham_physics

البلد زي ما هيا للأسف
بل بدأت تتحول للأسوء

انا اتفق معاك لكن مصر مابدائتش تتحول للاسوء بل لاحسن و مصر ليها مستقبل مشرق ان شاء الله لكن محتاجه مساعد منا وان احنا نغير نفسنا قبل ما نغير البلد


شكر علي مرورك

[محمد حسين الشربينى]

يعنى نجيب قنابل وندمر البلد كلها ونجيب ناس تانيين يعيشوا فيها عشان هتبقى خراب

حافظوا على مصر
الوقت هذا
لا يحتمل أى كلام
سوى فلنتحد للقضاء على فلول النظام
الموجودين بيننا

خاصة بعد حل المجالس المحلية

[مريم عمر عادل]

المشاركة الأصلية كتبت بواسطة محمد حسين الشربينى

يعنى نجيب قنابل وندمر البلد كلها ونجيب ناس تانيين يعيشوا فيها عشان هتبقى خراب

حافظوا على مصر
الوقت هذا
لا يحتمل أى كلام
سوى فلنتحد للقضاء على فلول النظام
الموجودين بيننا

خاصة بعد حل المجالس المحلية

لاء مندمرش البلد لكن نحاول نغير من نفسنا عشان البلد تتغير التغير السياسي سهل لكن تغير عادتنا السيئه مش سهل

وانا اتفق معاك ان هذا الوقت لا يحتمل اي كلام عشان كده لازم نغير من نفسنا من سلبيتنا عشان نقدر نحمي البلد و نحمي بيوتنا

ثنيا انا ما بكلمش علي فلول النظام انا بتكلم علي المواطنين العادين الي استغلوا الاوضاع عشان يعمللهم قرشين

و الناس وعادتها السيئه الي متغيرتش

[أيمن الوزير]

ردا علي صاحب الموضوع

البلد تحولت للأحسن بالنسبة لمجتمعي الصغير الذي أعيش فيه ولا يكدر صفوه إلا بعض الجهلاء المخدوعين الذين كانوا من طبيعتهم دائما الجدال بسبب وبدون سبب من أنصار الحزب الوثني المصلحجي البائد
أولا : إيجابيات الثورة ( ولن أتحدث إلا في حدودنا الضيقة التي أعيشها )
1- أصبح من السهل علينا نحن أبناء القرية أن نجتمع من أجل التفكير في حل مشاكل وسلبيات في القرية بدون خوف من أن يتهمونا بأننا إخوان نخطط لاحتلال كرسي الحكم وبالتالي عملنا جمعية خيرية عالجت العديد من السلبيات .

2- أدخل مركز الشرطة فأعامل باحترام كإنسان بخلاف مرة ذهبت لأعمل محضر فقد بطاقة شعرت بإزلال وكأنهم أسياد ونحن عبيد

3- قالوا لي أن مرتبك الميت الهزيل الذي لا يكفي سوف يزيد في شهر يوليو بعد عمل الحد الأدني وسيتجاوز 700 جنيه تلك الزيادة التي ان انتظرناها في عهد الا مبارك لحصلنا عليها بعدما نخرج علي المعاش 4- ***ت جهلي بالسياسة وامتناعي عن التصويت لأني كنت أعرف أنه لا فائدة من ورائها بسبب الغش والتزوير وأصبحت أقرأ مثل ألوف المصريين الذين بدأوا يفكروا

5- بدأت أسمع عن أفكار رهيبة وخطوات لإعمار البلد ومشروعات عملاقة كمشروع زويل والباز وغيرهم في حين كنت من المؤمنين بأننا مجتمع عقيم في عهد اللامبارك

والله الإيجابيات التي وقعت علي شخصيا كثيرة ومش فاضي أكتب أنا أحببت المشاركة ولكن هناك سلبيات وهي طبيعية لثورة أسقطت طاغية خلفه الآلاف من المنتفعين أصحاب المصالح ورؤوس الأموال الرهيبة
وأهم هذه السلبيات التي لو تخلصنا منها لأصبحنا في قمة دول العالم وهي

1- بث الشائعات التي تثير الرعب كانتشار البلطجية و*** فلان و****** فلانة وما رأي أحد وإنما إشاعات تنتشر تبث الرعب وإن حدث بعضها فهي تحدث قبل الثورة أما بعد الثورة فيسلط الضوء علي بعضها ويؤلف الناس قصص وروايات عليها لا علاقة لها بالواقع

2- بث الشائعات وتصيد أخطاء بعض الأحزاب وبعض مرشحي الرئاسة من الدستور أولا البيضة أولا العربية أم الحصان
البرادعي عميل أمريكي الإخوان يقولون ما لا يفعلون العوا بيحب الشيعة وائل غنيم ماسوني غزوة الصناديق الإخواني يتزوج إخوانية , كلها إشاعات وتخوين بعضنا في بعض بدون دليل بل بصور مفبركة وتصيد أخطاء وقص كلام من مضمونه والجاهل يصدق فيكره من قامت عليه الشائعة بدون فهم القص واللصق

3- تأجيل المحاكمات بصورة تدل علي التواطؤ وكأنهم يريدون استفزاز جموع الشعب وإشعال نار فتنة وكذلك تأجيل الانتخابات بحجة سيسيطر التيار الديني الذي سيفضله الشعب الذي يدعي بعض النخبة الخايبة جهله

[مريم عمر عادل]

المشاركة الأصلية كتبت بواسطة أيمن الوزير

ردا علي صاحب الموضوع

البلد تحولت للأحسن بالنسبة لمجتمعي الصغير الذي أعيش فيه ولا يكدر صفوه إلا بعض الجهلاء المخدوعين الذين كانوا من طبيعتهم دائما الجدال بسبب وبدون سبب من أنصار الحزب الوثني المصلحجي البائد
أولا : إيجابيات الثورة ( ولن أتحدث إلا في حدودنا الضيقة التي أعيشها )
1- أصبح من السهل علينا نحن أبناء القرية أن نجتمع من أجل التفكير في حل مشاكل وسلبيات في القرية بدون خوف من أن يتهمونا بأننا إخوان نخطط لاحتلال كرسي الحكم وبالتالي عملنا جمعية خيرية عالجت العديد من السلبيات .

2- أدخل مركز الشرطة فأعامل باحترام كإنسان بخلاف مرة ذهبت لأعمل محضر فقد بطاقة شعرت بإزلال وكأنهم أسياد ونحن عبيد

3- قالوا لي أن مرتبك الميت الهزيل الذي لا يكفي سوف يزيد في شهر يوليو بعد عمل الحد الأدني وسيتجاوز 700 جنيه تلك الزيادة التي ان انتظرناها في عهد الا مبارك لحصلنا عليها بعدما نخرج علي المعاش 4- ***ت جهلي بالسياسة وامتناعي عن التصويت لأني كنت أعرف أنه لا فائدة من ورائها بسبب الغش والتزوير وأصبحت أقرأ مثل ألوف المصريين الذين بدأوا يفكروا

5- بدأت أسمع عن أفكار رهيبة وخطوات لإعمار البلد ومشروعات عملاقة كمشروع زويل والباز وغيرهم في حين كنت من المؤمنين بأننا مجتمع عقيم في عهد اللامبارك

والله الإيجابيات التي وقعت علي شخصيا كثيرة ومش فاضي أكتب أنا أحببت المشاركة ولكن هناك سلبيات وهي طبيعية لثورة أسقطت طاغية خلفه الآلاف من المنتفعين أصحاب المصالح ورؤوس الأموال الرهيبة
وأهم هذه السلبيات التي لو تخلصنا منها لأصبحنا في قمة دول العالم وهي

1- بث الشائعات التي تثير الرعب كانتشار البلطجية و*** فلان و****** فلانة وما رأي أحد وإنما إشاعات تنتشر تبث الرعب وإن حدث بعضها فهي تحدث قبل الثورة أما بعد الثورة فيسلط الضوء علي بعضها ويؤلف الناس قصص وروايات عليها لا علاقة لها بالواقع

2- بث الشائعات وتصيد أخطاء بعض الأحزاب وبعض مرشحي الرئاسة من الدستور أولا البيضة أولا العربية أم الحصان
البرادعي عميل أمريكي الإخوان يقولون ما لا يفعلون العوا بيحب الشيعة وائل غنيم ماسوني غزوة الصناديق الإخواني يتزوج إخوانية , كلها إشاعات وتخوين بعضنا في بعض بدون دليل بل بصور مفبركة وتصيد أخطاء وقص كلام من مضمونه والجاهل يصدق فيكره من قامت عليه الشائعة بدون فهم القص واللصق

3- تأجيل المحاكمات بصورة تدل علي التواطؤ وكأنهم يريدون استفزاز جموع الشعب وإشعال نار فتنة وكذلك تأجيل الانتخابات بحجة سيسيطر التيار الديني الذي سيفضله الشعب الذي يدعي بعض النخبة الخايبة جهله

الثوره صحيح صلحت فساد النظام لكن مصلحتش فساد الشعب لوا كنا اسقطنا مبارك ففي البلد دلوقتي 80 مليون مبارك و 80 مليون حرامي كل واحد بيسرق علي اده ثنيتا دي مش اشاعات دي حقيقه ممكن يكون الاغلبيه فيها

فعلا بسبب تحريض الظباط وفلول النظام الابلطجيه علي الفساد في البلاد لكن 50% منها بيعملها مواطنين بيستغلوا الظروف الي البلد فيها و الانسحاب الامني

يمكن في ناس متعلمه ودارسه فعلا عيرت من نفسها ومن سلبيتها و بداءت تساعد لكن الاغلبيه العظمى قاعده حاطه رجل علي رجل و مستنيه الملاين من بره

وانا كمان حسب مجتمعي الصغير شايفه ان مفيش اي حاجه اتغيرت في الناس يعني مثلا الموظف الي راجع من الاستفتاء بتاع الدستور و هو كلوا امل ونشاط برضوا خد رشوه اليوم الي بعديه ويقولك ده الموسم و البلد سايبه يلحق يعملوا قرشين

[sanawyastudents]

مفيش تغيرات بتحصل من يوم وليلة ...

أولا الثورة لسه مكملتش ومينفعش نحسب نتائجها من دلوقتي
لسه رأس الأفعي متقطعش ... يوم ما هيتحاسب الظالم، ويقضى علي جميع أعوان النظام ويتم محاسبتهم محاسبة عادلة، الناس هتشعر بالرضا وساعتها نقدر نقول إن الثورة نجحت، إنما للأسف الشديد محاولات أعوان النظام السابق مازالت مستمرة في إحداث الفتن الطائفية وإحداث الوقيعة بين الجيش والشعب، نشر سياسة التخوين بين التيارات المختلفة .... إلخ.
للأسف الشديد الشباب دلوقتي مشغول بإمتحانات الثانوية وإمتحانات الجامعات ... والمدرسين مشغولين بالمراقبة والتصحيح .. ولكني عندي أمل كبير أوي إن شاء الله في خلال الأسابيع القادمة سيثور الشعب من جديد ولن يهدأ حتي تتم الثورة بنجاح

ده من ناحية .... من ناحية تانية، للأسف الجيل الحالي - وإن رفض سياسة النظام السابق - تربي في عهد النظام السابق، عاش حياة من الظلم والفساد، تأثر بها بشدة، وعلم إنه لن يجد لقمة العيش إلا إذا حارب من أجلها، عاش تحت شعار "نفسي نفسي" أو " أسرتي أسرتي" ، مدرسوا الدروس الخصوصية مثلا ظٌلِموا قبل أن يظلموا .. لو كان المرتب بتاعه كافي ليحيى حياة كريمة له ولأسرته مكنش هيضطر يدي دروس خصوصية .. بس للأسف النظام السابق ربى الناس علي الفساد وقبول الرشاوى والعيش بقوانين الغابة التي تكفل البقاء للأقوي ... وحتي إن كانت الناس ذات نفسها معترضة علي تلك السلوكيات فيهم إلا إنها صعب تغيرها في يوم وليلة بعد أن تربينا عليها علي مدار 30 سنة .. الناس وصلت لمرحلة من التعود علي الخطأ إنهم مبقوش حاسين إن ده خطأ أو فساد .. بالعكس حاسين إن ده الطبيعي اللي شافوه من يوم ما إتولدوا ...
يعني مثلا بالحديث عن الأحياء الفقيرة، الطفل من يوم ما إتولد لقي إن الناس بتتخانق علي طابور العيش، لقي الناس بترمي اكياس القمامة في الشارع، لقي المجاري مغرقة الشوارع ... لو جينا إحنا عاقبنا رئيس الحي أو المحافظ المسؤول عن هذا الحي الشعبي وجبنا محافظ جديد يمسك المنطقة دي ... هل من المنتظر إن الأهالي يتغيروا في يوم وليلة ؟؟ طبعا لأ ... السبب مش إنهم مش حابين التغيير .. بالعكس، السبب إنهم ضحية المحافظ الفاسد اللي قبله اللي ربى الناس في البيئة دي لحد ما غصب عنهم إتعودوا عليها ومبقوش حاسين إن فيه حاجة غلط، وعشان نفهمهم إن المفروض ميرموش القمامة في الشارع لازم الأول نبدأ نصلح الأوضاع قدامهم، ونحسسهم إنهم كانوا عايشين في فساد وإن من حقهم يعيشوا حياة أحسن من كده ونبدأ نغير المفاهيم والسلوكيات معاهم مع الوقت، وطبعا ده هياخد وقت كبير جدا عشان نحس بتغيير فعلي، أما التغيير التام هيظهر في الجيل التالي لهم أو التالي له.

أنا بدأت بنفسي علي الأقل ، قبل ما أقول الناس مبتتغيرش بدأت أغير نفسي الأول ، الحمد لله الواحد بطل يرمي أي حاجة في الشارع ، والواحد إتعود يكلم الناس في الشارع بإحترام وإبتسامة ، إتعود لما يشتري حاجة يقول للبياع "ألف شكر" ، إتعود يركب المترو من الأبواب المخصصة للصعود ........ وحاجات كتير الحمد لله. ومازلت أؤمن بقدرات الشعب المصري علي إنجاح الثورة، ومازلت أؤمن بأن الأفضل لم يأت بعد .. ولن يأتي إلا بالقليل من الصبر والإصرار
The Best Is Yet To Come ....
Haitham

[msh835]

البلد سوف تتحول إلى الأفضل بعد إزاحة العقول الجامدة من كراسى الحكم ولكن لن يكون بين يوم وليلة هناك دول اخذت أكثر من 10 أعوام حتى وقفت على رجليها فالصبر جميل ولنحاول أن نغير من انفسنا لأننا غيرنا النظام وهذا سهل والأصعب منه تغيير الانسان

[راجى طاعة الرحمن]

مصر بلد كبيييييييييييير وسكانها 85مليون نسمة طبعاً مش هاتتغير فى يوم وليلة

دة إحنا عايزين شهور إن مكنش سنين علشان نصلح الفساد أيوا سنييييييين أمال تفتكروا إيه دول كانوا30سنة فساد ورشوة

أنا معاك فى إن الشعب المصرى معظمه فاسد لكن دة طبعاً كان علشان الرأس فاسد

ولما راس الأفعى تتقطع لازم الجسد هايموت ولو فضل يتحرك ميت سنة لكن لازم هايموت

علشان كدة الرئيس اللى جاى هاتكون مسئولياته كبيرة

هايجيب الوزير اللى يخلى المدرس والدكتور والمهندس يشتغلوا

وهايمنع الرشااااااااااوى

نفسى فى رئيس يعيشنا أيام عبدالناصر مكنش في فساد

[مريم عمر عادل]

المشاركة الأصلية كتبت بواسطة mr.reader

مصر بلد كبيييييييييييير وسكانها 85مليون نسمة طبعاً مش هاتتغير فى يوم وليلة

دة إحنا عايزين شهور إن مكنش سنين علشان نصلح الفساد أيوا سنييييييين أمال تفتكروا إيه دول كانوا30سنة فساد ورشوة

أنا معاك فى إن الشعب المصرى معظمه فاسد لكن دة طبعاً كان علشان الرأس فاسد

ولما راس الأفعى تتقطع لازم الجسد هايموت ولو فضل يتحرك ميت سنة لكن لازم هايموت

علشان كدة الرئيس اللى جاى هاتكون مسئولياته كبيرة

هايجيب الوزير اللى يخلى المدرس والدكتور والمهندس يشتغلوا

وهايمنع الرشااااااااااوى

نفسى فى رئيس يعيشنا أيام عبدالناصر مكنش في فساد

اتفق معاك وراي حضرتك صحيح


شكرا علي مرورك

[عمر ابو سيكا]

فعلا يامريم احنا محتاجين ثورة اخلاق وصحوة ضمير وعلى كلا منا ان يبدأ بنفسه ، وانا شايف انه فعلا هناك صحوة بدأت فى البلد صحيح فى مرتشييين زى مابيتقولى حضرتك لكن دلوقتى مش كل الناس بتساعدهم زى زمان دلوقتى ناس كتير عندها ضمير تقف لهم بالمرصاد ، والفساد لا بنحسر مرة واحدة بل تدريجيا ولا ينتهى نهائيا لانه ليس هناك مدينة فاضلة لكن بلا شك الثورة غيرت وجه التاريخ على الكرة الارضية وليس مصر فحسب

[مريم عمر عادل]

المشاركة الأصلية كتبت بواسطة عمر ابو سيكا

فعلا يامريم احنا محتاجين ثورة اخلاق وصحوة ضمير وعلى كلا منا ان يبدأ بنفسه ، وانا شايف انه فعلا هناك صحوة بدأت فى البلد صحيح فى مرتشييين زى مابيتقولى حضرتك لكن دلوقتى مش كل الناس بتساعدهم زى زمان دلوقتى ناس كتير عندها ضمير تقف لهم بالمرصاد ، والفساد لا بنحسر مرة واحدة بل تدريجيا ولا ينتهى نهائيا لانه ليس هناك مدينة فاضلة لكن بلا شك الثورة غيرت وجه التاريخ على الكرة الارضية وليس مصر فحسب

شكرا يا استاذ عمر و و جهة نظر حضرتك صحيحه 100%

شكرا ع مرورك الكريم

[محمد.فوكس]

عشان كده احنا نازلين نكمل مطالب الثورة بالتطهير.
و اللي مش عايز التطهير بيقول علينا بنخرب البلد و بنعمل فوضى عشان يفضل الفساد موجود.
بس اللي عايز اقوله ان اهم و اول شيء عملته الثورة انها كسرت حاجز الخوف عند المصريين.
و الجملة اللي محدش عايز يفكر فيها ولا يبحث فيها .. شوفوا تاريخ الثورات هتلاقوا اخدت قد ايه لحد ما البلد تستقر.
اللي بيتكلم عن الاستقرار كدافع للسكوت عن الفساد المستمر بعد الثورة هو اللي بيعطل اهداف الثورة.

[منة25]

الثورة عملت لنا كتير عملت تغير شامل بعد ماكنا شايفين البلد عمرها ماهتتصلح وينفعش حد يقول رايه وحتي لو قال مش هيتسمع الي خيم علينا اليأس والسلبية والخضوع شوفو بالوقتي بعد الثورة الناس كلها لها أراء و احلام وفرصت تحقيقها موجودة
بس اهم حاجة بالوقتى اننا نتمسك بقيم ومبادئ كويسة ونفكر قبل ملنعمل اي حاجة ةكل واحد يقوم بدوره وكل اكيد هيخلي البلد احسن وكمان الثورة ايجابيات لها سلبيات