الخدعة الكبيرررررررررررررة

[hours]

الذين يقل إجمالي ما يتقاضونه عن 700 جنيه

يعنى اللى مرتبة بعد الكادر مثلا 900 ج

مش هيطبق عليه الحد الادنى
وكل عام وانتم بخير

[zidan956]

خد بالك من الكلام وفسره كويس

المصيبة مازالت قائمة لأن العباقرة سوف يحسبون الإجمالى على النحو التالى


الأساسى + الأجورالمتغيرة + الحوافز + بدل المعلم + بدل الإعتماد + توزيع مكافأة الامتحانات على شهور السنة

وبكده يبقى جميع المعلمين لا يستحقون الحد الأدنى لأنهم يتخطون 700 جنيه بالحسبة السابقة

[wael3030]

علي فكرة انا اعتقد ان الكلام دع غير صحيح
لان بكده هايتساوا كل الموظفين ببعض يعني ايه يرفع اللي مرتبه اقل من 700 ل700 واللي مرتبه مثلا 710 جنيه ما يترفعش الكلام غير مفهوم وفيه خطأ في الفهم مننا لان بكده كل الناس هاتتساوا في الرواتب بغض النظر عن الفروق في التعيين والسن
احنا محتاجين حد يفهمنا الموضوع ده ماشي ازاي

[CAMELA]

ال700 جنيه دى هاتبقى مربوط الدرجة السادسة
ازاى نتساوى مع الدرجة السادسة ؟؟؟؟
المفروض يقول كل اللى يقل راتبه عن بداية مربوط الدرجة بتاعته ( اللى هو فيها حاليا) فى قانون هيكلة الاجور الجديد
يعنى انا مثلا الدرجة الثانية التخصصية لا اتقاضى بدل اعتماد
راتبى الاجمالى كان فى 1 / 7 / 2010 700.30 يمكن زاد شويه دلوقت بعد زيادة علاوة الدرجة والزيادة اللى اخدناها مؤخرا
المهم
دلوقت يساوينى براتب واح بداية تعيين بمحو اميه على الدرجة السادسة
وعلى فكره انا تعيين عام 2000 يعنى صار لى اكثر من 10 سنوات فى العمل
والله دى تبقى مصيبه سودة

[ليث مصر]

خدعة قذرة من وزير المالية ووزير التعليم
هناك وقفة أولى يوم الثلاثاء القادم أمام مجلس الوزراء الساعة 10 صباحا

[teacher120]

تطبيق الحد الأدنى + الكادركما ينبغى+ الغاء الاختـــــــــــــــــــــــــــــبار
واحب أقولكم يا جماعة ان ده مخطط ماكر يهدف إلى تطبيق واحد من الاثنين اما الكادر أو الحد الأدنى
مع العلم أنه حسب قانون 155 المعروف بقانون الكادر جاء في المادة 89 بالنص أن المعلمين بعد تطبيق الكادر من حقهم تطبيق والإستفادة من العلاوات والزيادات التي تطبق علي العاملين بالجهاز الإداري للدولة
اذاكان الحكومه بتقول الى هيستفيد من الحد الادنى 1,9 مليون موظف دا المعلمين لوحدهم فى الازهر والوزاره مليون ونص يبقى الحكومه كذابه ولا لاء

[sheer2010]

لقد وقعنا فى الفخ مفيش مدرس بيقل مرتبه عن 700ج وان الحد الادنى على الدرجات المالية واحنا مش على الدرجات المالية .

[حسين حافظ]

ياجماعه الأمر واضح ولن نأخذ حقنا إلا إذا توحدنا على قلب رجل واحد