سؤال بكل واقعية " هل فعلا نسنحق زيدة المرتب ؟" ارجوا الرد والاهتمام...

[محمد ابو مريم 84]

السلام على خير الناس " المعلمون " حملة مشاعل النور والهدى والحق والمعرفة ..... الخ
انا معلم لغة عربية جديد تم بحمد الله تعينى بتاريخ 28/2/2011م وكان كل شغلى الشاغل مرتبنا هيزيد كام ؟؟
منتهى الطمع والجشع , فبعد ان كان كل همى التعيين , اصبح همى كام هزيد , ولما قبصت مرتب هذا الشهر 407جنيه ثورت على السكرتير , ازاى .. انا امتحنت كادر و ........ الى مهاية الفيلم
ويدأت ادخل بوميا المنتدى واتصفح كافة الموضوعات المتعلقة بالمرتبات .. واجمع مفردات مرتب ادارات مختلفة واراسل البعض لنعرفة الجديد عن المرتب الى ان حدث هذا الموقف ....
اليوم داخل المدرسة الساعة 9 ونصف فوجئت ام معظم المدرسين غائبين ووجدت مدرس الحاسب واقف فى فصل الصف الخامس وكاتب مسائل ضرب ثلاثة ارقام فى ثلاثة ارقام و كانت الكارثة ولا واحد عارف يحل المسألة
واقفت استعجب فين شغل مدرس الرياضيات طوال الاعوام السابقة .
دخل مدرس الرياضيات وشاف المنظر انا قلت هيزعل ان مدرس تانى بيسأل فى مادته حتى كنوع من الغيرة .. والله ولا حتى تأثر لما رآه ولا حتى منظر الطلبة اثر فيه .
وقال للعيال الضرب كان عليكم الترم الاول اتدخلت وقلتله يا مستر الرياضيات مادة تراكمية لازم اللى الطالب عرفة يفضل عارفه على طول والا الجمع والطرح اول شئ لازم ننساهم . ردت طالبة وقالت لى يا مستر ممكن تسألنى فى نهج الترم دا .. انا قلت اكيد مستر الرياصيات مظبط العيال وحصوصا ان المهج جميل دا من وجهة نظرى وانا مدرس عربى . جبت لها مسألة من اخر صفحة فى الكتاب وهى من نوعية " 6 + 15 / 3 *5 +30 " البنت والفصل كله مش عرف حلها ثورت على الفصل .. مدرس الرياصيات جه يحلها حلها بالترتيب زى ماهيا اتجننت اكتر جه مدرس الحاسب يحلها بدأها من الشمال . كارثة . مدرس المادة حلها غلط ومدرس الحاسب اتضح انه كان داخل يتمنظر على العيال . حسبى الله ونعم الوكيل فى كل مدرس ما يعاملش ضميره
والله بقيت مكسوف وانا بشوف اى مدرس بيكلم على الحد الادنى والزيادات ... تفتكروا نستاهل ؟؟
من كام يوم نشر اليوم السابع مقال هن التعلبم .. بكل صراحة كلامح حقيقى والا بيالف ..
انا واحد كل اللى قاله الصحفى اياه حقيقى . ياريت تقفوا مع انفسكم وقفة صادقة .. دايما النقد بناء الا اذا كنت بتنقد انسام متعصب فيرى انتقاده نفص وامتهان ..
حاسبوا انفسكم وربنا هيحاسب لنا كل من يقصر فى حقوقنا .
شكرا لسعة صدوركم

[محمد ابو مريم 84]

اسف على بعض الاخطاء الاملائية والتى هى بسبب الكيبورد

[حسام جوهر]

انت شايف ان مرتبك كفايه يا اخوانه انا بشتغل 3 شغلانات عشان اعيش وادفع ايجار الشقه ويا ريته عاجب حرام بقا يعني موظف البنك بيشتغل اكتر مننا بيتحرق دمه كل يوم زينا زاكر في الثانوية العامه زينا جاب فيها مجموع زينا

[tatateto]

شكرا علي الكلام دة بس والله والله في مدرسيين يستاهلوا اكتر من كدة بكتييييييربس مع الاسف ان الحسنة بتخص والسيئة بتعم مع الاسف السيئ في التربية والتعليم كتيييييييييييييييييييييير قوووووي

[حازم دهب]

انا مستغرب بس من كلمة جشع يما اللى عايز 400 ولا 500 جشع امال اللى اخد مليارات يبقى ايه
انا رايى اصلح حال المعلم يتصلح حال التعليم
صدقنى المعلم هيتم بشغله ومش هيفكر غير فيه بس اديله حقه

[بحراوية من دمنهور]

المشاركة الأصلية كتبت بواسطة حازم دهب

انا مستغرب بس من كلمة جشع يما اللى عايز 400 ولا 500 جشع امال اللى اخد مليارات يبقى ايه
انا رايى اصلح حال المعلم يتصلح حال التعليم
صدقنى المعلم هيتم بشغله ومش هيفكر غير فيه بس اديله حقه

اصلاح حال المعلم مش بزيادة مرتبه ونهمه على امتى الزيادة وهنزيد كام وهناخد الحد الادنى امتى ........ الاصلاح بيجى من بداية اليوم لما تكون قايم من نومك نشيط وحابب تروح شغلك وتدى فيه كل طاقتك وتنزل من بيتك بكل هدوء لان متوفر لك موصلاتك السهلة والمباشرة لمدرستك وتحضر الطابور وتلاقى النظام والالتزام وتحية العلم تكون بكل عزة وفخر و تلاقى نشاط الاذاعة المدرسية مش كلمتين محدش بياخد باله من الطلبة ولا المدرسين هما ايه وتدخل فصلك بكل نظام وتنسيق وتلاقى طلبة هما كمان زيك مقبلين على عملية التعلم والتعليم وتلاقى الفصل حجرة دراسية متوفر فيها اقل وسائل التكنولوجيا عشان تقدر تعرض مادتك العلمية وتوصلها للطلبة ويكون عندك المقدرة انك تعطى كل مالديك وتحاول تحث الطلبة على الاستزادة فى العلم وتعرف ان كل اللى هتقوله مش حيروح فى الهوا و ....... و ,,,,,,,,
باختصار اصلاح حال التعليم باصلاح انفسنا اولا واصلاح حال البلد ككل وعدم الاستهانة بقيمة العلم وقبل المعلم ميدور على زيادة مرتبه لازم الاول يسأل نفسه هل هو بيأدى واجبه على اكمل وجه وهل علمه بيستفاد بيه وهل نوع التعليم اللى بيقدمه مناسب للمرحلة اللى احنا فيها ؟؟؟؟؟؟ انا بقول كدة لانى مدرسة فى مدرسة تعليم فنى وعارفة ان المدارس دى ملهاش لزمة ولا لها اى وجه استفادة داخل مجتمعنا وبجد انا عايزة حال التعليم ينصلح ولو حتى هناخد مرتبات اقل بجد يا جماعة انا شايفة ان اغلب مدارسنا ملهاش لزمة وان لازم سياسة التعليم تتغير و نهتم شوية بالجوانب العملية ويكون تقييم الاداء للمعلم والطلبة مستمر داخل اى مؤسسة تعليمية وابعاد الذاتية فى التقييم وتطوير اساليب التعامل التربوى قبل المستوى العلمى اللى للاسف اكتر من 95% من المدرسين فاشلين فيه وبالتالى فاشلين فى تطوير انفسهم علميا كنتيجة متوقعة ............. بجد انا مع كاتب الموضوع ان مستوى المعلم انحدر بانحدار حال الدولة ومش ذنبه انه بقى كدة ده ذنب النظام الفاسد اللى كنا ومازلنا فيه من اختيار معلم غير مؤهل تربويا ولا علميا لدخوله الفصل والتعامل مع الطلبة ......... لازم نبدأ نعرض افكارنا على المسئولين لدراستها ونطالب بتطوير فعلى للتعليم على اساس الامكانيات المتوفرة حاليا وتكون الافكار واقعية وسهلة التنفيذ حاليا

[مستر محمد العفيفى2]

مفيش جشع ولا حاجة دى مجرد أموال لكى نحيا حياة كريمة مش أكتر عشان نقدر احنا مش بنقول عربية وفيبلا زى اليابان وفلوس فى البنك احنا عايزين الستر والراحة النفسية
ما هو مش معقول ابقى فى المدرسة بجسمى
وعقلى وروحى بره المدرسة ولا انته شايف ايه ؟؟؟؟؟؟؟؟؟؟؟؟؟؟!!!!!!!!!!!!!

[ام الخير#]

السلام عليكم
الاستا ذ الفاضل
فى مثل قديم بيقول اطعم الفم تستحى العين
لو وزارة التربية والتعليم اتبعته معانا
ورفعت مرتب المرس بشكل يليق برسالته
وترفع عنه عبء المعيشة سوف يعشق التدربس
المرتب دة بدل عيش حاف
المرس بدل ما يفكر فى تحضير دروسه بيفكر يدفع فواتيره منين
ويدفع الايجار ويدفع سقط العفش
ده من راى سسب تقصير المعلم فى الفصل اعباء الحياه

[المعلم الحزين]

اسمحلي ارد عليك بس لحظة لو حضرتك ركزت مع العيال اللي انت دخلتلهم بس شوية تركيز وطلعت كام واحد يكتب اسمه بصفتك مدرس لغه عربيه هههههههههههههههههههههههههههه هتلاقي معظهم بطيخ مش عارف يكتب اسمه طيب تعالي نفكر لحظة هل المشكلة في المدرس بتاع الرياضيات اللي هو المفروض بيدي صفوف يابيه عليا المفروض انها بتقرا وتكتب علي الاقل وبعدين حضرتك نازل علينا براحه شوية هو انت زدت كام يعني بتاخد الف حنيه في الشهر ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نرجو عدم التعميم لاننا بنطحن

[الرعب3250]

[color="darkorange"][quote]الدروس مكفياك ابعد عننا[size="7"] كفاية جبن[/[/size]quote][/color]

[mohammed ahmed25]

لا تعليق
no comment

[kamal84]

والله انتم ناس ............................

[منار على]

والله حرام دا كيلو الطماطم ب8 جنيه وانت جاى تسال نستحق زياده المرتب ولا لا

[mohammed ahmed25]

ده موضوع للاستاذ محمد بتاريخ 14 - 4


بعد انتظار دام اكثر من خمس سنوات تم بحمد الله التعيين على درجة معلم ، ومن مرتب اجماليه 175 جنيه الى 386جنيه تقريبا كطان بيزيد بسرعة السلحفاة ،، وكلنا املا فى زيادة المرتب بعد التعينن ولكن هيهات ..... لقد فوجئت بسكرتير مدرستى يقول بالحرف ان مرتبنا قد نقص 3 جنيه واصبح 383 وكمان الزيادة 15% اللى تطلع حوالى 24 جنيه بيقول لا دى 17 جنيه ...
طب فين بدل الاعتماد اللى احنا اتذلنا فى امتحاناته ونجحنا من اكتر من سنة واللى مكتوب لنا فى جواب التعيين يصرف بدل اعتماد 50%
ارجوا التوضيح انا تعبت ونفسى ابطل دروس
يعنى زيادة المرتب 100 تخلينى اقعدة من مجموعة مثلا يعنى
واخيرا
ايه موقف الاسمعلاوية من اضراب يوم الاحد القادم
وشكرا

[محمد ابو مريم 84]

[quote=thanwya2011;3366415]ده موضوع للاستاذ محمد بتاريخ 14 - 4


بعد انتظار دام اكثر من خمس سنوات تم بحمد الله التعيين على درجة معلم ، ومن مرتب اجماليه 175 جنيه الى 386جنيه تقريبا كطان بيزيد بسرعة السلحفاة ،، وكلنا املا فى زيادة المرتب بعد التعينن ولكن هيهات ..... لقد فوجئت بسكرتير مدرستى يقول بالحرف ان مرتبنا قد نقص 3 جنيه واصبح 383 وكمان الزيادة 15% اللى تطلع حوالى 24 جنيه بيقول لا دى 17 جنيه ...
طب فين بدل الاعتماد اللى احنا اتذلنا فى امتحاناته ونجحنا من اكتر من سنة واللى مكتوب لنا فى جواب التعيين يصرف بدل اعتماد 50%
ارجوا التوضيح انا تعبت ونفسى ابطل دروس
يعنى زيادة المرتب 100 تخلينى اقعدة من مجموعة مثلا يعنى
واخيرا
ايه موقف الاسمعلاوية من اضراب يوم الاحد القادم
وشكرا [ /quote]
فعلا انا بعترف انى كان كل همى اعرف زيادة المرتب عشان بجد نبطل دروس ونشتغل بجد فى مدارسنا
وبعدين فوجئت اننا بجد اصبحنا بعاد كل البعد عن الطالب .. يا جماعة والله هتحاسب على كل دا .. وبعدين انا مقصدش معلم الرياضيات بصفة خاصة دا موقف حصل واقسم بالله 75% من الفصل اللى محلش الاسئلة دى بيعرف يكتبوا بامتياز ايها المعلم الحزين .. انت تعرف ان تدريس الرياصيات من اسهل المواد حضرتك .
بمقارنة بسيطة انا عندى اخين لى واحد فى البيترول والتانى فى البنك وابن عمى فى الكهرباء والله بيشتغلوا طحن بتاع البترول بيخرج من 7 الصبح ويرجع المغرب واحيانا بعد 10 بالليل . وبياخد كام 1800جنيه .. بتاع البنك بيروح الساعة 8 ويرجع تلاتة وطوال الوقت طالع عينه حسابات وقرف واكيد كلنا بنتعامل مع البنوك وبنشوف القرف اللى هما فيه وكام مرتبه 1600 جنيه.. بتاع الكهراباء تقريبا من 8 الى تلاتة طبعا غير الواردى الليلية ودى مشكلة على فجأة اجروا هاتوه يتصل بالليل فى سلك وقع اجرى وكام مرتبه 1600 جنيه .
احنا بقى بسم الله ما شاء الله هما اربع حصص عمى فى اليوم يعنى حوالى 3 ساعات شغل ضيف على دا مدرس يقولك انا بروح على حصتى وامشى بعدها يعنى لو بتروح الشغل 8 زيهم فبتروح 11 الصبح انا واحد بروح المدرسة 10 وامشى 1 الظهر " عارف انى مقصر " لاكن خير الخطّّائين التوابين .. ويوم ما الناظر يكلمك او موجهك ينقدك نقوله يا عمى دول طلبة بهايم ومش نافعين ... طب بنقبض كام 407 جنيه بالاضافة الى مكافأة 1600جنيه يعنى حوالى 133 جنيه شهريا اى 407 + 133 = 540 جنيه شهريا . فى شغل 3 ساعات والله يا بلاش لو بقى اشتغلنا ما يقرب من 8 ساعات ، نحسبها سوى تبقى الساعة حوالى بـ6 جنيه اليوم 18 جنيه الشهر 540جنيه
لو بقى اشتغلنا الـ8 ساعات هيكون اليوم بـ48 جنيه يبقى الشهر 1440 جنيه .. ايه رايكم مش اكتر من الحد الادنى اللى ممكن يقرروه . انا عن نفسى قسمت بالله يوم ما مرتبى يزيد الى 1000 جينه هبطل درووس نهائيا وهشتغلها مجانى لوجه الله وفى المدرسة ك يوم 4 ساعات عشان مديش لنفسى فرصة انى اشتغل دروس ..
انا اشتركت فى موقع اسمه رؤية واقترحت فكرة تخص التعليم وهى ان يتم قسمة الفصول فى المدرسة على اتنين وتبقى كل المدارس فترتين طبعا مع توفير مدارس جديدة عشان تستوعب العدد بعد القسمة بالتالى نسبة الكثافة فى الفصول هتقل كتير هتبقى حوالى من 15 الى 25 طالب " تقريبا فى حجم مجموعة درس " هيبقى نصيب الطالب الواحدم من الحصة ما بين دقيقتان او ثلاث دقائق .. طبعا نتم عارفين الفرق هيبقى كبير جدا جدا
وبالنسبة للمعلمين القائمين بالتريس حاليا هيبقم هما معلمى الفترتين الاولى والثانية وده ليه ؟ عشان عدد الساعات تزيد ونقدر ماليا على الوجه الامثل .. واهم شئ يروح المدرس تعبان مش فاضى الا لينام له ساعتين ويضيع عليه اى وقت ممكن يدى فيه درس .. وطبعا المدارس اللى هتتبنى جديد لاستوعاب العدد بعد القسمة كذلك ستستوعب اعداد كثيرة من خريجى التربية الجدد . طبعا اليوم كله هيكون دراسة . مثلا اسرة عنده 3 اطفال فى المدرسة هيكون منهم 2 الصبح و 1 مسائى المجتمع كله هيبقى مشغول بالتعليم فترة طول النهار والليل هيكون لمتابعة التلاميذ " طبعا دا من الاسرة " ويا سلام " دا بجملة الاحلام " يكون هناك منتدى جميل مثل هذا المنتدى لمشاركة الطلبة لمدرسيهم ويا حبذا ان يكون لكل مدرسة منتدى او صفحة .
بالذمة مش ممكن نتغير
اسف لو كان حد فهم موضوعى السابق خطأ
"والاختلاف فى الرأى لا يفسد للود .... " شكرا