ـ السلفيين ... خدوهم بالصوت ليغلبوكم !! ـ

[Specialist hossam]

السلام عليكم و رحمة الله و بركاته ,

حد فيكم فاكر أي أحداث من الماضي لما كان عنده سنة او سنتين ؟؟
أنا بقى ...... مش فاكر زيكم برضو
لكن أكيد فاكرين لما كنا صغيريين و كنا بنطلع على بعضنا ألقاب زي :

قُزعة , أبو طويلة , جاعورة ... إلخ ,
و كانت الألقاب دي بتغيظنا قوي لما حد ينادينا بيها ,

لكن أنا بقى كنت شرير زيادة عن اللزوم , و بغيظ أخويا الصغير بأكثر من كده ,
كنت بناديه باللقب اللي هو بيكرهه و أعلّي صوتي علشان أشوش عليه ,
و في نفس الوقت بسد وداني علشان ما أسمعش صوته و هو بيرد عليا باللقب اللي أنا بكرهه .....

الوضع ده أنا حاسس إنه بيحدث اليومين دول ,

لكن مش بين الأطفال الصغيرين لوحدهم ,
أقول لكم إزاي ....

طبعا كلنا سمعنا عن الإتهامات الموجهة للسلفيين إنهم بيهدموا الأضرحة ,
و بيقطعوا ودان الناس ,
و بيرشوا مية نار على البنات اللي مش محجبات في الشارع ,
و بيخطفوا العيال الصغيرة اللي مش مربيين دقنهم !!
و إنهم السبب وراء الشغب في مباراة الزمالك و الإفريقي التونسي ,
و وراء زيادة أسعار المواصلات ,
و إن ابنك لو مارضيش يشرب اللبن يبقى أكيد السلفيين هم اللي محرضينه ,





كل الاتهامات دي بنسمعها في التليفزيون , و بنقرأها في الجرائد ,

و بتنزل لنا كمان من الحنفية ,
و وجه الشبه بينها و بين شغل الأطفال اللي اتكلمنا عنه إن :
- الجرائد و القنوات اللي بتذيع الاتهامات دي بتكررها كتيييييييير قوي ......
( الصوت العالي و التشويش ) ,

- مش بتتيح أي مساحة للسلفيين إنهم يردوا و يدافعوا عن نفسهم .......
( سد الودان )

ده للأسف لأن معظم وسائل إعلامنا اللي هي فعليا تابعة لأفكار مموليها من (رجال الأموال) ,
معظمها لا يملك جرأة النقاش و إتاحة الفرصة للطرف الآخر ,
فبيلجأ لسياسة ( خدوهم بالصوت ليغلبوكم ) !!
و ده في إطار ما يسمى بـ:
( الحملة الحلزونية للتخويف من السلفية )

لكن علشان الحق يتقال برضو ,
فإن ( بعض ) وسائل الإعلام دي صارت تسمح ( بقدر صغير ) -بالمقارنة بكم التهم- من ظهور السلفيين للدفاع عن أنفسهم ,
و ده مش حبا في العدل و لا كفالةً لحق المتهم في الدفاع عن نفسه ,
لكنه ذرّاً للرماد في العيون ,
علشان يقولوا إنهم بيسمحوا بتعدد الآراء ,

و لو إنهم مش بيعطوا للدفاع نفس مساحة الادعاء ,

بل أحيانا بيضللوا الناس و يجيبوا حد لا يمثل المتهم أصلا كطرف آخر في الحوار ,


المهم ,

كنتوا هتنسوني حاجة مهمة جدا عاوز أقولها ,
و دليل مهم و قاطع على براءة السلفيين بعد الجرائم الكتيرة اللي اتهموهم بيها

و اللي ما يعملهاش غير سوبر مان



السلفيين يا جماعة ما بيعرفوش يطيروا !!!


........................

و حقوق النشر للجميع طبعا
مدونة تظبيط

[Mr. Ali 1]

تعلم تماماً بأن موضوعات السلفيين أو الاخوان
أو العلمانيين أو الليبراليين أو أي حزب أخر ليس
مكانها القسم العام , بل من أجل مصر أو القسم الديني
فلماذا نتعمد وضع مواضيع مخالفة في القسم العام ؟!!

[Specialist hossam]

المشاركة الأصلية كتبت بواسطة mr. Ali 1

تعلم تماماً بأن موضوعات السلفيين أو الاخوان
أو العلمانيين أو الليبراليين أو أي حزب أخر ليس
مكانها القسم العام

لا اعلم حقيقة والسلفيون ليسوا حزبا او جماعة انما هى منهج وعقيدة

, بل من أجل مصر أو القسم الديني
فلماذا نتعمد وضع مواضيع مخالفة في القسم العام ؟!!

لم اتعمد أستاذنا الفاضل

بارك الله فيك

[مستر/ عصام الجاويش]

اخوانى الكريم
هؤلاء الناس الذين يسميهم الاعلام بالنخبه _ وطبعا هم يقصدون بالنخبه العلمانيون الذين يرفضون شرع الله جمله وتفصيلا_ هؤلاء اخذوا ما ارادوه من التيار الاسلامى الذى حشد لهم الملايين فى المظاهرات فى كل المحافظات فالثوره لم تكن فى التحرير فقط. وبعدما نجحت الثوره بفضل الله خلاص هم يريدوا ان يقولوا للتيار الاسلامى -واقصد به كل محب للاسلام وشرع الله - عاوزين يقولوا للتيار الاسلامى " دوركم خلاص الكعكه دى بتاعتنا احنا بس مفيش اسلام بقى الاسلام ده احبسوه فى المسجد" وطبعا هم يقينا عارفين ان ده مش الاسلام لان الاسلام يحتوى على احكام انزلها الله سبحانه وتعالى فى كل امور الحياه فهو ليس كاديان اخرى ليس لديها شريعه كامله كما لدينا دعهم يتكلمون سيرون ثلاثين مليون مسلم لهم حق التصويت فى الانتخابات يخرجون جميعا فى اى انتخاب دفاعا عن شيئ واحد وهو الاسلام وصندوق الانتخابات فيصل بيننا وبينهم وهذه هى الديمقراطيه الذى نادوا بها وعليهم ان يأخذوا بنتيجنها الا اذا كانوا هم مش ديمقراطين !!

[maths city]

المشاركة الأصلية كتبت بواسطة مستر/ عصام الجاويش

اخوانى الكريم
هؤلاء الناس الذين يسميهم الاعلام بالنخبه _ وطبعا هم يقصدون بالنخبه العلمانيون الذين يرفضون شرع الله جمله وتفصيلا_ هؤلاء اخذوا ما ارادوه من التيار الاسلامى الذى حشد لهم الملايين فى المظاهرات فى كل المحافظات فالثوره لم تكن فى التحرير فقط. وبعدما نجحت الثوره بفضل الله خلاص هم يريدوا ان يقولوا للتيار الاسلامى -واقصد به كل محب للاسلام وشرع الله - عاوزين يقولوا للتيار الاسلامى " دوركم خلاص الكعكه دى بتاعتنا احنا بس مفيش اسلام بقى الاسلام ده احبسوه فى المسجد" وطبعا هم يقينا عارفين ان ده مش الاسلام لان الاسلام يحتوى على احكام انزلها الله سبحانه وتعالى فى كل امور الحياه فهو ليس كاديان اخرى ليس لديها شريعه كامله كما لدينا دعهم يتكلمون سيرون ثلاثين مليون مسلم لهم حق التصويت فى الانتخابات يخرجون جميعا فى اى انتخاب دفاعا عن شيئ واحد وهو الاسلام وصندوق الانتخابات فيصل بيننا وبينهم وهذه هى الديمقراطيه الذى نادوا بها وعليهم ان يأخذوا بنتيجنها الا اذا كانوا هم مش ديمقراطين !!

لا لا لا لا لا لا لا لا لا
لحد كده واستوب سورى
كده غلط خالص
معلش يا استاذى الفاضل انتعايز تقنعنى ان الثوره دى كانت اسلاميه لا دى ثوره لبراليه خرج فيها الشباب الحر اللى من الجامعات الامريكيه والكنديه وعين شمس والقاهره والاسكندريه شوف الشهداء وانت تعرف عينه منهم وجماعه الاخوان رفضت فى الاول النزول والكنيسه كمان رفضت الدعوه للمظاهرات واكيد طبعا السلف ملهمش فى الكلام الوحش ده لانه خروج ع الحاكم بس لما تنجح الفكره والثوره خلاص يبقى خروج ع الحاكم بس من غير عنف وكان حلو يبقى عادى كويس معاهم
يعنى سؤال برىء لو كانت فشلت الثوره السلف كان ايه موقفهم .......... اكيد طبعا احنا عارضنا الثوره ودعونا لعدم الخروج على الحاكم والخير للمسمين و .......
حرام تنسب الاعمال الى صاحب الفضل ثورتنا زى ثوره تونس لم تكون بدعوه من الاسلاميين كانت شباب حر رفض الظلم انظر الى اعمار من شارك والى مستواهم التعليمى والمعيشى
ارحمونا بقى اللى عايز يتكلم فى حقائق يتكلم احنا كلنا مسلمين مش حنقسم نفسنا

[hragaey]

المشاركة الأصلية كتبت بواسطة مستر/ عصام الجاويش

اخوانى الكريم
هؤلاء الناس الذين يسميهم الاعلام بالنخبه _ وطبعا هم يقصدون بالنخبه العلمانيون الذين يرفضون شرع الله جمله وتفصيلا_ هؤلاء اخذوا ما ارادوه من التيار الاسلامى الذى حشد لهم الملايين فى المظاهرات فى كل المحافظات فالثوره لم تكن فى التحرير فقط. وبعدما نجحت الثوره بفضل الله خلاص هم يريدوا ان يقولوا للتيار الاسلامى -واقصد به كل محب للاسلام وشرع الله - عاوزين يقولوا للتيار الاسلامى " دوركم خلاص الكعكه دى بتاعتنا احنا بس مفيش اسلام بقى الاسلام ده احبسوه فى المسجد" وطبعا هم يقينا عارفين ان ده مش الاسلام لان الاسلام يحتوى على احكام انزلها الله سبحانه وتعالى فى كل امور الحياه فهو ليس كاديان اخرى ليس لديها شريعه كامله كما لدينا دعهم يتكلمون سيرون ثلاثين مليون مسلم لهم حق التصويت فى الانتخابات يخرجون جميعا فى اى انتخاب دفاعا عن شيئ واحد وهو الاسلام وصندوق الانتخابات فيصل بيننا وبينهم وهذه هى الديمقراطيه الذى نادوا بها وعليهم ان يأخذوا بنتيجنها الا اذا كانوا هم مش ديمقراطين !!

كلام يدعى للضحك على الناس

سؤال: مقمتوش بالثورة دى ليه من زمان طالما انتو ملايين

الستم اعلنتم انكم لن تشاركو
الستم من كفرتم من سيشارك فى الثورة

يا سيدى انتم اول القافزون على الشعب

نعم صندوق الانتخابات سيحكم
بس العبرة الذى لا يستغل الدين
ويحرم ويحلل

هذا هو الفرق نقول اقنع الناس
وانتم تقولوا حلال ام حرام للى مع مصالحكم

[Specialist hossam]

جزاك الله خيرا على المرور الطيب

[maths city]

وبالنسبه للصندوق والاقتراع عندك مليون حق واتفق معك قلبا وقالبا بس لما تدعو ال30 مليون مسلم اقنعوهم مش تسحبوهم زى ....... عشان يقولوا نعم للى انتم عايزينه من غير مايفهموا ولما تسألهم قلتوا نعم ليه ؟؟؟ يقولوا اصل الشيخ فلان قال واصل الشيخ علان وصانا

[king 99]

لماذا لم يقوموا بالثورة الا فى يوم 25 يناير اللى كان فيه دعوة على النت للتظاهر فى اليوم ده ؟؟؟

بالنسبة للسلفيين صوت ايه بس يا استاذى المحترم ؟؟ المشكلة انه مش عارف اكلمك من اى اتجاه يعنى مثلا هكلمك سياسة هتقول لى لا كلمنى بالدين اكلمك بالدين هتقول لى لا سياسة طيب ازاى ؟؟

[أيمن الوزير]

[quote]
لا لا لا لا لا لا لا لا لا
لحد كده واستوب سورى
كده غلط خالص
معلش يا استاذى الفاضل انتعايز تقنعنى ان الثوره دى كانت اسلاميه
[/quote

يا مسكين هو كلمة إسلامية هذه تهمة

لا دى ثوره لبراليه خرج فيها الشباب الحر اللى من الجامعات الامريكيه والكنديه وعين شمس والقاهره والاسكندريه شوف الشهداء وانت تعرف عينه منهم

حضرتك متحمس للبرالية جدا فهل الثوار كما تزعم كانوا لبراليين فقط ألم تشاهد بالأمس في جمعة التطهير شعار الثوار ( أنا اسلامي قبطي ليبرالي يساري = مصري ) وهل لهذا الحد أصبح الدين بعبع يخوف ثم مالذي أطلعك أن غالبية الشهداء من البرالين وليسوا اسلاميين عجبببببببببببببببب
وهل هذا الكلام أيضا ينطبق علي طلاب الجامعات التي ذكرت ليبرالين وليسوا اسلاميين

حرام تنسب الاعمال الى صاحب الفضل ثورتنا زى ثوره تونس لم تكون بدعوه من الاسلاميين كانت شباب حر رفض الظلم

هل الفضل للبرالية التي تنادي بالعدالة ومن هم الشباب الحر وما دينهم الذي غرس فيهم حب الخير والسلام والحرية والعدالة هل انطلقوا من اللبرالية أم من دينهم إسلامي أو قبطي


يا حبيبي لا تفزع من الاسلام ولا من الاسلامين فليسوا فزعات ترعب منهم كما كنت ترعب في الماضي من الإخوان بفعل فاعل والقادم أحسن بإذن الله طالما فيه من ينادي بالعدل من مبدأ ديني لا بمصلحة خاصة

[أيمن الوزير]

وبالنسبه للصندوق والاقتراع عندك مليون حق واتفق معك قلبا وقالبا بس لما تدعو ال30 مليون مسلم اقنعوهم مش تسحبوهم زى ....... عشان يقولوا نعم للى انتم عايزينه من غير مايفهموا ولما تسألهم قلتوا نعم ليه ؟؟؟ يقولوا اصل الشيخ فلان قال واصل الشيخ علان وصانا

والله الكلمات السابقة لا تصدر من عاقل ألهذا الحد نظرت لمن يخالفوك في الرأي ولأنهم كانوا أغلبية بأنهم مسحوبين كال...... أهذه هي الديمقراطية أهذا ما تدعوله ليبراليتكم

كلامك يدل علي أن غالبية المصريين جهلاء وهم ونحمد الله كبار عقلاء ولا ينتظرون من أحد أن يقول قل كذا ولا تقل كذا كما أنه ماذا في قول الشيخ إن قال نعم أو قال لا فمن المشايخ من قال لا والكل يبحث عن المصلحة العامة من وجهة نظره

فكفانا تهم للمصريين بالجهل والتبعية أيها القادة العباقرة المثقفين العقلاء والي كل ما تقولوه هو الصواب وغيركم خطأ

[maths city]

المشاركة الأصلية كتبت بواسطة أيمن الوزير

والله الكلمات السابقة لا تصدر من عاقل ألهذا الحد نظرت لمن يخالفوك في الرأي ولأنهم كانوا أغلبية بأنهم مسحوبين كال...... أهذه هي الديمقراطية أهذا ما تدعوله ليبراليتكم

كلامك يدل علي أن غالبية المصريين جهلاء وهم ونحمد الله كبار عقلاء ولا ينتظرون من أحد أن يقول قل كذا ولا تقل كذا كما أنه ماذا في قول الشيخ إن قال نعم أو قال لا فمن المشايخ من قال لا والكل يبحث عن المصلحة العامة من وجهة نظره

فكفانا تهم للمصريين بالجهل والتبعية أيها القادة العباقرة المثقفين العقلاء والي كل ما تقولوه هو الصواب وغيركم خطأ

اتحدث عن واقع وليس كلام انشاء اغلب اللى قال نعم كان بيقول نعم عشان الشيخ فلان قال وعاد بس
بس والله مش فاهم اى حاجه لا فى السياساه ولا فىى التعديلات وبعدين ده رأيى الشخصى

[Specialist hossam]

المشاركة الأصلية كتبت بواسطة maths city

اتحدث عن واقع وليس كلام انشاء اغلب اللى قال نعم كان بيقول نعم عشان الشيخ فلان قال وعاد بس

طيب الحمد لله لانهم عارفين ان الشيخ ملوش اى غرض سياسى
أما الجماعة اياهم (مع احترامى لهم طبعا كشخصيات أما آراء )

فكل هدفهم انهم يصلوا للمناصب وليس همهم إلا إبعاد الدين عن حياتهم حتى لا يقول لهم رجل دين ذات يوم
اتقوا ربكم

هنا يصرخون ( أعندك تفويض الهى ؟!! نحن احرار والدين ملوش دعوة بالسياسة )
وهنا أقول لهم : أنتم عبيد لله شئتم ام ابيتم
وحكم الله عز وجل واجب التطبيق على ارضه التى خلقها من أجل عبادته واعمارها بحكمه وشرعه لا بحكم ليبرالى وماركسى وعلمانى ورأسمالى .......الخ

بس والله مش فاهم اى حاجه لا فى السياساه ولا فىى التعديلات وبعدين ده رأيى الشخصى

حلفت يمين
لا حول ولا قوة إلا بالله

هل تعلم الغيب
هل دخلت فى نيات الناس الذين صوتوا بنعم
هل ال30 مليون مش بيفهموا سياسة وحضرتك اللى فاهم كل حاجة
اتقوا الله
هى دى الديمقراطية

التكبر على الشعب ووصفه انه بيتسحب زى.......
وانه مش بيفهم حاجة فى السياسة


اتق الله

[T!to]

المشاركة الأصلية كتبت بواسطة maths city

اتحدث عن واقع وليس كلام انشاء اغلب اللى قال نعم كان بيقول نعم عشان الشيخ فلان قال وعاد بس
بس والله مش فاهم اى حاجه لا فى السياساه ولا فىى التعديلات وبعدين ده رأيى الشخصى

انا نزلت قلت نعم
ييبقى انا مبفهمش
وخدت ناس كتير من عائلتى
ده احنا طلعنا مابنفهمش
تحيا الديمقراطية
بس ملحوظة صغننة
عائلتى بها من هم اهل للمستشاريين
شكرا على الموضوع

[Specialist hossam]

المشاركة الأصلية كتبت بواسطة tahertaher2010

انا نزلت قلت نعم
ييبقى انا مبفهمش
وخدت ناس كتير من عائلتى
ده احنا طلعنا مابنفهمش
تحيا الديمقراطية
بس ملحوظة صغننة
عائلتى بها من هم اهل للمستشاريين
شكرا على الموضوع

اضحك لله سنك اخى الحبيب
جزاك الله خيرا على المرور