|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
|
|
#1
02-04-2011, 02:20 AM
|
||||
|
||||
هندسة طيران , محادش شافها هنا ولا هنا ؟؟
السلام عليكم و رحمة الله و بركاته
هسأل سؤال ياااااارب حد يعرف يجاوبنى عليه كويس و ميوقعش معلومات علشان مسألتهوش لحد و فهمنى المفروض أعمل ايه أنا دلوقتى طالب فى تالته ثانوى , علمى رياضة طبعا من طنطا ,,, إن شاء الله ربنا يوفقنى و أجيب مجموع هندسة ,, بس كلية هندسة طنطا مفيهاش حاجة اسمها هندسة طيران فى ناس قالتلى التخصص دا هتلاقيه فى هندسة اسكندرية أو القاهرة بس مش فى طنطا ! طب افترضنا ان فى القسم دا هناك ,, إزاى انضملها و أنا محل إقامتى فى طنطا , و بيقولوا لازم توزيع جغرافى و مش عارف ايه .. أنا دلوقتى مش عارف اعمل ايه بالظبط علشان ادرس النوع دا من العلوم طب ممكن هندسة الطيران دى ليها أكاديمية لوحدها ؟! ليها طريقة تانية للتقديم ! محتاجة رشاوى و الذى منه علشان أدخلها ... يا ريييييت حد يساعدنى و يقولى المفروض اتصرف إزاى و أنا ابقى شاكر جدا ليه ..
__________________
ومن يتهيب صعود الجبال ,,, يعش أبد الدهر بين الحفر
 |
|
#2
02-04-2011, 02:29 PM
|
|||
|
|||
الهندسة الوحيدة بها قسم هندسة الطيران هو هندسة القاهرة
وانت ممكن تدخل طنطا أول سنة اعدادى وبعدين تحول القاهرة خذ بالك هندسة القاهرة لازم تجيب تقدير عال فى اول سنة ممكن تدخل هندسة القاهرة لو انت مجموعك مدخلكش هندسة طنطا لان هندسة طنطا بتاخذ مجموع اعلى للاستفسار رقمى 2762897 وانا من قطور فياريت تعرفنى عنوانك |
|
#3
03-04-2011, 04:36 AM
|
||||
|
||||
|
زى ما قال طيران فى القاهرة فقط
تنسيق الطيران فى القاهرة ذات نفسها مقبول و ده قليل جدًا جدًا لإن مش حد بيحب يدخلها غير عدد قليل جدًا و لكن لو دخلت هندسة طنطا مطلوب منك تجيب مجموع جيد جدًا فى إعدادى و ده تمن تحويلك لهندسة القاهرة و على فكرة الدرجة ده مش سهلة أبدًا إعدادى بالذات لبن تمر هندى مستحيل حد يعجبه إعدادى لأنها لا تشبه ثانوى و لا تشبه هندسة و دكاترة طنطا رخمين على فكرة ليا أصحاب من إعدادى طنطا و كفاية عندكوا دكتور رياضة هيروقكم بمعنى الكلمة و هتقول عايز أنجح فى مادته زائد الرسم و غيره اللى أقصده قبل ما تقول طيران لازم تعرف القسم بس على الطبيعة أو من حد فى هندسة القاهرة لأن الكلام على النت كتير و فيه حجات غلط سواء بالسلب أو الايجاب لو حبيت تدخله أنصحك حاول تدخل هندسة القاهرة من الأول و اسأل من دلوقت ازاى تعمل محل اقامة هناك لو معرفتش شد حيلك أوى فى إعدادى فى هندسة طنطا فيه قانون اللى بينجح كل المواد و لو مقبول يدخل أى قسم فى الأقسام كلها ( 4 أقسام ) عمومًا ناس كتير بيبقوا عايزين يدخلوا طيران و فى الآخر ما بتعجبهومش و ما بيدخلوهاش فاتأكد من دلوقت عشان تستريح و بالتوفيق ،،،،،،،
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم  |
|
#6
03-04-2011, 03:09 PM
|
||||
|
||||
|
الحقيقة مش عشان الصعوبة
و لكن عشان الشغل بعد القسم كان بيحتاج واسطة تقيلة لكن حظكم أحلى و الثورة عملت شغلها و أظن القسم هيبقى عليه إقبال أكثر من ذى قبل بالتوفيق ،،،،،،،
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم |
|
#7
03-04-2011, 11:51 PM
|
||||
|
||||
|
شكرا جزيلا على مساعدتكم الغالية ,,
أنا عارف طيران مش كتير بيدخلوها علشان الشغل بعدين و كدا و الناس بتقول ذاكر اللى يشغلك و متذاكرش اللى تحبه بس أنا هخليها على الله و هحاول ادخل القسم .. ابدأ بتحويل الإقامة عند أى حد من قرايبنا و لو ملحقتش يبقى مفيش قصادى إلا جيد جدا علشان أحول للقاهرة ,, كدا أنا فهمت صح ؟ شكرا يا نجار شكرا يا عبد الرحمن , شكرا شكرا ^^
__________________
ومن يتهيب صعود الجبال ,,, يعش أبد الدهر بين الحفر
|
|
#8
04-04-2011, 05:53 AM
|
||||
|
||||
|
فى طرق كتير تغير الإقامة
مش لازم تروح هناك بنفسك يعنى لو معاك وصل نور بمدة قبل التنسيق ثلاث شهور خلاص قضيت بس مش فاكر أوى عشان كده بقولك خلى حد من قرايبك يروح هناك يسأل حد من شئون الطلبة على الحكاية ده بس خليه يلف شوية لإن لا مؤاخذة فيه ناس كتير ما بيفهموش هناك بشكل لا يطاق خليه يعرف كل طرق تحويل الإقامة الممكنة عمومًا لو دخلت هندسة طنطا برضه حلو مش وحش شد حيلك كده و إن شاء الله تبقى تنور القسم ،،،،،،،
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم |
|
#9
10-04-2011, 01:11 AM
|
||||
|
||||
|
اقتباس:
امال انت فى جامعة ايه يا بشمهندس؟ |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:16 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
