معا نحو إصلاح التعليم فى مصر (أرجو التثبيت)

[Siamese Twins]

معا نحو إصلاح التعليم فى مصر (أرجو التثبيت)

السلام عليكم
محدش جاب سيرة التعليم فى المظاهرات ودى من أهم الحاجات اللى المفروض الناس كلها تطالب بإصلاحها
يعنى انتا لو مش فى مدرسة أكيد أخوك فى مدرسة أو إبنك أو ابن عمك أو ابن عمتك أو إبن خالك أو إبن خالتك ...إلخ
أنا فى رأيى ان حل مشاكل التعليم فى مصر متمركزة فى 4 أشياء
1- السنين التى بتضيع فى التعليم بدون فائدة تضيع هباءا منثورا .
2- التخصص وحب العمل هو أهم دافع نحو النجاح فى العمل .
3- لا نريد مدرسين ((نريد علماء)) .
4- نريد التعليم أن يكون نور ولا يكون عبء .
__________________________________________________ _______________
أولا/ بالنسبة لتضييع السنين فى التعليم بدون فائدة:
المفروض يعملو إمتحان كل شهر أو كل شهرين واللى مذاكر ومستعد يدخل يمتحن وأنا واثق إن كلنا هنجيب أعلى الدرجات بإذن الله وهنذاكر بجد .


ثانيا/ لازم يكون فيه تخصصات: يعنى لو حد مثلا عايز يدخل حاسبات ومعلومات إن شاء الله ليه اخد كيماء وفيزياء ورياضة2 ؟؟؟؟؟!!!!!!!! وكمان ليه أرتبط بدرجة؟لازم 93% أو أكتر .


ثالثا / (مع إحترامى للمدرسين) المفروض يجيبوا لنا علماء مش مدرسين: يعنى مثلا مادة الحاسب الآلى المنهج بيحكى عن البرمجة "جايبين شوية كلام عن فيجوال بيسك وعمل بروجيكت باستخدام فيجوال بيسك"
بدل ما يعلمونا فيجوال بيسك أصلا من أساسه المفروض يعلمونا أصول البرمجة من أول الصفر والواحد وصولا إلى لغات البرمجة المتقدمة ويجيبوا عالم برمجة يعلمنا مش يجيبو مدرس بالعافية بيفتح الويندوز ويقفله وبالعافية بيكتب (مع إحترامى لمدرسى الحاسب الآلى)

رابعا/ إذا تم إلغاء اللغة الأجنبية الثانية وكل واحد ياخد بس المواد اللى فى مجاله وفتها التعليم هيبقى ليه طعم مش عبء
يعنى لو حد مثلا ناوى بإذن الله أدخل حاسبات ومعلومات وبيحب الكمبيوتر والبرمجة
لازم ياخد كيمياء وفيزياء ورياضة2 علشان يدخل الحاسبات والمعلومات " مع العلم أنه لا علاقة ولا شىء يربط بين الكمبيوتر والبرمجة وهذه المواد الدراسية (الكيمياء والفيزياء والرياضة2 )


ده رأيى الشخصى
أتمنى من كل اللى يقرأ الموضوع يتفاعل وينشره فى صفحته فى الفيس بوك أو يبعته فى رسالة لأصحابه
وأتمنى من كل اللى يقرأ الموضوع يزور الجروب ده ويشترك فيه
http://www.facebook.com/?sk=messages...736575319&ap=1

و انا فى انتظار ارائكوا .

[Siamese Twins]

ايه هو الموضوع مش مهم خالص كده ؟