انا مش اسف يا ريس

[Asa7be Wawa]

فى البدايه انا عمرى ما كنت قاسى و لا عمرى حكون بس انا عايز اعرف الناس اللى صعبان عليهم الريس الان ميصعبش عليكم غالى..

انا مش اسف يا ريس ولا عمرك هتصعب عليا . المفروض يعنى انك تصعب علينا دلوقتى عشان انته تعبان ما فى 100 الف واحد كانوا تعبانين قبلك و ماتوا عشام معهومش حق الدوا او مستنيين لسته طويله عشان يتعالجوا على نفقع الدوله وسبحان الله لما حد كان بيتعب منكم او من شله العصابه بتاعت كان بيسافر يتعالج بره و برضه على حساب الدوله . اللهم لا شماته بس كان لازم هيجى اليوم ده عليك

انت مش ابويا

مافيش اب ياكل وعياله جعانين

او ينام في قصر وعياله ساكنين عشوائيات والجبل يتهد عليهم وهما نايمين
...
...او يتريق على 1000 واحد الحيتان كلتهم في البحر .

مافيش اب يكون من اغنى اغنياء العالم وعنده املاك وعقارات في كل مكان ونص شعبة تحت خط الفقر مطحونين

كتير من ولادك حرامية وكتير منهم شحاتين

...وبيتعالج في انضف مستشفيات وعياله نايمين ع الارض في المستشفيات

مافيش اب يعلم ولاده الكدب في الاعلام والتزوير في الانتخابات

مافيش اب ايده ملطخة بدم اولاده المناضلين في الثورات


احنا اسفين يا مصر لاننا سكتنا كتير علي الظلم وكنا سلبين اوووي احنا اسفين يا ريس علشان مش وقفنا وقولنا لااا احنا اسفين يا شهيد لاننا مش معكم احنا اسفين يا ام الشهيد لان بسبب اننا ناخد حريتنا *** الشهيد احنا اسفين اووووي يا مصر


احنا اسفين على سكوتنا الفترة دى كلها ع اننا سكتنلاك 30سنة من الذل 30سنة من الاهانة وقلى الكرامة 30 من الفقر والجوع 3سنة سرقة ونهب واحتيال واحتلال وبيع فى البلد وتاخد حقوق الشعب ونهبو وكل دة واحنا ساكتين وحمدين ربنا وخايفين ننطق علشان الى كان بينطق كنت بتخلية اخر مرة ينطق فيها وكنا بردو بنسكت احنا اسفين علشان كنا سلبين وادنالك الفرصة انك تعمل فينا كدا واكتر من كدا بس خلاااااااااااااااااااااااااااص اتنهى عصر الفساد والغباء والغمامة الى الناس كانت عايشة فيها وفقنا خلاص بجد اسفين ع كل دة وصدقنى والله العظيم عمرنا ماهنسكت عن حقنا تانى ولا هنبقي بهايم عايشين فى الارض وشكرا لانك خلتنا نقوف وخلتنا نثبت للعالم كلو ولنفسنا اننا فعلا ايد وحدة




أنا آسف يا أرواح الشهداء


انا اسف يا ريس اننا صبرنا عليك كتير .. انا نادم اننا مقمناش بالثوره من سنين



و سامحونى لو اتنرفزت فى كلامى شويه لان ده كلام الشباب الواعى

[samar saad]

بجد بجد اولا اللهم ما لا شماته بس بجد انت قولت كل اللى عايزه اقوله
فعلا كلامك مايتقالش بعده حاجه
وربنا يعينه على اللى هو فيه
ويشفيه
بس احنا هنطلع احسن منه وهندعيله مهما كان
لاننا شعب مافيش زينا فى الوجود
توبيك رائع
تحياتى

[Mr. Ali 1]

سلمت يمينك .
ليت الجميع يفكر بعقله لا بقلبه !
مشكور علي هذا الموضوع الأكثر من رائع .

[Asa7be Wawa]

مش اسف يا ريس::دانت ياما جوعتنا ومن المجاري شربتنا وبالامراض صيبتنا ولما قولنا نشتكي بالضرب سحلتنا وبالخوف خرستنا كانك مش واحد مننا حتي الامان اللي بيه قرفتنا طلع سراب وبيه علقتنا
دا الحرب كان ارحملنا من خيانتك ونهبك ارضنا
مش اسف يا ريس

[Asa7be Wawa]

شكرا على مروركم

[كمبس 72]

[[ ياهههههههههههههههههه طلعت كل اللى جوايا ونفسي في رسالة أخرى للمنافين كدابين الزفة المبخرتية

[medo khalid]

يابني الريس مش محتاجك تدعيلة اصلا

في غيركم 79 مليون بيدعولو

[Haneen_Riri]

بجد تسلم على كل كلمه قولتها عبرت عن كل اللى جوايا
بس احنا احسن منه وبندعيله يمكن ربنا يسامحه على الشعب اللى ضيعه وهو كان مسئول عنه

[إليزابيث]

أنا اسفة يا ريس
مش ديه الطريقة اللي يمشي بيها بطل الحرب ورجل السلام
وبعدين انت شايف ان حسني مبارك هو بس يعني الفاسد بص حوليك هتلاقي كل البلد كده وليه تبص حوليك بص ف نفسك الأول على الأقل هو كان بـــــــــــــــــــــــــــــــطل الحرب انت مين ليه موقفتش ف الأول واتكلمت مكنش حصل اللي حصل
وبرده أنا مبنفيش عيوب نظامه ولكن لاشيئ يكمل لكنه كان رجل السلام طول حكمه البلد مدخلتش حرب وللا كان كويس اللي بيعمله جمال عبد الناصر أول م أي بلد حد يحتلها يبعت جيش وما أدراك ما الحرب

[السمنودي]

كفايه بقي بطل حرب هو انتو بتضحكوا علي نفسكم ابطال اكتوبر هم من شاركوا في الحرب اما اللي كان في مقر القياده فلا
وانا نفسي يحاكم لا يسامحه لا دنيا ولا اخره دم الشهداء احسن من مليون

[إليزابيث]

المشاركة الأصلية كتبت بواسطة السمنودي

كفايه بقي بطل حرب هو انتو بتضحكوا علي نفسكم ابطال اكتوبر هم من شاركوا في الحرب اما اللي كان في مقر القياده فلا
وانا نفسي يحاكم لا يسامحه لا دنيا ولا اخره دم الشهداء احسن من مليون

لأ أخي الفاضل ده مش ضحك ع النفس ديه الحقيقة اللي مهما هربت منها موجودة
وأهم حاجة مقر القيادة لإن إذا كان مقر القيادة ذو كفاءة فالخطة ذات كفاءة والجنود أيضا وربنا يتوب عليه قبل مايموت وزي ما قلت مش هو بس الفاسد ده معظم الشعب فاسد بص حوليك هتلاقي الفساد وللا أقول بص ف نفسك الأول

[حجابى كل حياتى]

طيب ياجماعة ايه رايكم
باللى كانوا قبل التنحى بينصروا مبارك
وبعد ما يمشى يشتموا ويهزءوا فيه

انا الحمد لله أنا طول عمرى معارضة ليه

[Asa7be Wawa]

المشاركة الأصلية كتبت بواسطة حجابى كل حياتى

طيب ياجماعة ايه رايكم
باللى كانوا قبل التنحى بينصروا مبارك
وبعد ما يمشى يشتموا ويهزءوا فيه

انا الحمد لله أنا طول عمرى معارضة ليه

انا عمرى ما حكون منافق و لعن الله المنافقين

[حجابى كل حياتى]

أخت اليزابيث
مش معنى انه كان كان بطل حرب كنا نسيبه يعمل فينا اللهى هو عايزه
فيه ناس كتير أوى كانوا ابطال اكتوبر
زى سعد الدين الشاذلى رحمه الله

وبعدين البلد اسراءيل مادخلت مصر بسبب معاهدة السلام مش اكتر
اللى هى اساسا مش سلام
لأنهم بي***و اخواننا فى فلسطين وغزة بكل اجرام
ومبارك ساعدهم بكده
والدليل الجدار الفولاذى بين غزة ومصر

[إليزابيث]

المشاركة الأصلية كتبت بواسطة حجابى كل حياتى

أخت اليزابيث
مش معنى انه كان كان بطل حرب كنا نسيبه يعمل فينا اللهى هو عايزه
فيه ناس كتير أوى كانوا ابطال اكتوبر
زى سعد الدين الشاذلى رحمه الله

وبعدين البلد اسراءيل مادخلت مصر بسبب معاهدة السلام مش اكتر
اللى هى اساسا مش سلام
لأنهم بي***و اخواننا فى فلسطين وغزة بكل اجرام
ومبارك ساعدهم بكده
والدليل الجدار الفولاذى بين غزة ومصر

حضرتك أنا مش معنى كلامي كده أنا قصدي يكون فيه شوية احترام لهذا الذي خدم مصر 20 عاما أو أكثر قبل أن يتولى و7أعوام بعد أن تولى أو أكثر لهذا الذي خاض 4 حروب عرض خلالها حياته للخطر لأجل مصر على الأقل يستحق مشية محترمة
ما الناس الكتير اللي كانوا أبطال أكتوبر ما هو يستحق معاملة كويسة زيهم
وبعدين معاهدة السلام اللي هو عاملها مع اسرائيل هيه اللي بتحمي مصر من خطر إسرائيل
مبارك عمره ما كان معين لإسرائيل أو الأمريكان والدليل انه عرض ع الدول العربية تهيئة جيش للدفاع عن غزة ومحاربة اسرائيل وتحرير فلسطين عل أن يكون الجنود مصريين أما عدة الجيش وأسلحته فعليهم ولكنهم رفضوا