بيت الحب يا بيتنا

الرهينه · #1 07-11-2007, 11:51 PM

السلام عليكم ورحمة الله وبركاته
انا قرأت موضوع عجبنى جدا فى موقع وحبيت انقله ليكوا هو هيكون عباره عن حلقات

وأخيرا حصلت (حسناء) على أجازة !! ..

لمدة ستة أشهر كاملة لم تجد الوقت الكافي لأخذ أجازة من العمل ..

لكن الان .. الاجازة الرسمية السنوية .. قد هلت ضاحكة ..

ومعها ستهل الفرحة على بيت حسناء .. وستجد الوقت الكافي لتملأ البيت رومانسية وحبا لـ(أحمد) ..

كم اشتاقت له ..

اه يا أحمد ..متى تعود من سفرك لترى حبيبتك حسناء كما كنت تتمنى أن تراها منذ زمن ..

جميلة .. رقيقة ..
وتحبك !! ..

دخلت غرفتها منهكة ..

ألقت بنفسها على الفراش في تعب استعدادا لتغط في نوم عميق ..

لكن ..

حانت منها التفاتة لكتاب ضخم موضوع على احدى أرفف غرفتها ..

قامت الى الكتاب وأمسكته ..

كم عدد طبقات الغبار التي تعلوه يا ترى ..

وكم من الوقت تناست هي هذا الكتاب ..

في الواقع لم يكن الكتاب الا ألبوما احتشدت به صورا كثيرة لاتدري الرابط بينها ..

أخذت حسناء الكتاب ودست نفسها تحت الغطاء .. ثم فتحته ..

وابتسمت في مرارة..

كانت الصفحة العشوائية التي فتحتها في الألبوم تضم صورة كبيرة لها ..

تجلس في حديقة جميلة .. وبجانبها شاب وسيم للغاية ..

وقد طوق وسطها بيديه حتى بديا كأجمل عصفوين اطلعا على هذه الدنيا ..

تأملت حسناء نفسها في الصورة ..

لقد كانت سعيدة ..

تلك الابتسامة الجذلة التي تتراقص على شفتيها ..

وتلك النظرة الحالمة الواعدة الى شابها الوسيم ..

وتلك العينين الللامعتين ..

كانت سعيدة ..

أم لم تكن ..؟؟

أغمضت عينيها في تعب .. وشريط ذكرياتها يتراجع للوراء كثيرا ..

حتى يصل الى زمن هذه الصورة العتيقة ..

- بحبك يا حسناء ..

تطرق رأسها في خجل ..

- بموت فيكي ..

يحمر خدها .. وتصفر أذناها ..

لكن الهمس الحالم يستمر جوارها ..

- كل يوم قبل ما أنام .. بتخيلك في فستان فزدقي ..

تضحك ..

- اشمعنى فزدقي يعني ؟؟

- معرفش .. بس بتخيلك كدة .. وبعدين أنام وصورتك مش مفارقة خيالي .. وبعدين بحلم بيكي ..

عارفة ده معناه ايه ؟؟

تتطلع اليه في لهفة .. عيناه تلمعان وهو ينظر اليها .. ويده في خصرها ..

- معناه ايه ؟؟

- معناه اني بفكر فيكي 24 ساعة من ال 24 ساعة بتاعة اليوم ..

عارفة ده معناه ايه ؟؟

تتطلع اليه من جديد ..

كم هو ماكر رائع ..

- معناه ايه ؟؟

- معناه ان أنا السمكة وانتي المية بتاعتي .. معناه اني مقدرش أعيش من غيرك..

تطرق من جديد ..

انها سعيدة .. سعيدة ..

تمتد يده الى شعرها الناعم ..

- وانتي يا حسناء .. بتحبيني ؟؟

ويزداد احمرار وجهها .. ويعلو صفير أذنيها ..

لكن عينيه تجعلانها تقول بلا شعور بالزمان أو المكان :

- بحبك .. يا (حسام) !!

واحـد من النــاس · #2 08-11-2007, 12:11 AM

وااااااااااااو .. حلو .. ولو اني مش فاهم حاجة من المقدمة خالص .. سؤال بس .. يعني ايه صفير اذنها .. هي ودانها بتصفر .. دي موهبة ؟؟؟؟

تسلم ايدك .. هو ليه تكملة .. صح ؟؟!!!

سؤال كمان معلش .. طولي بالك .. هو ازاي حبيبها كان فوق اسمه احمد .. وتحت بقى اسمه حسام .. هو بيغيره تبع الموضة .. ولا ده دلعه ههههههه

سلاااااااام

محبة الله · #3 08-11-2007, 03:16 PM

مستنين نشوف بائى القصة
شكل حسام دا الحب الاولى
بس بداية حلوة

الملثمه · #4 08-11-2007, 07:15 PM

السلوب حلو
ومقدمه حلوه ومشوقه

ننتظر البقيه

MohammeD el_SadaT · #5 08-11-2007, 08:29 PM

بيتهيألى إن الموضوع كده خلص

وإن هى إفتكرت واحد من اللى هى حبتهم
وده معناه
الواضح من الكتاب الكبير ده إنها كل يوم مع واحد
كل صفحه فيها نفس الصوره ونفس الكلام

الرهينه · #6 08-11-2007, 10:24 PM

اقتباس:

المشاركة الأصلية كتبت بواسطة واحـد من النــاس

وااااااااااااو .. حلو .. ولو اني مش فاهم حاجة من المقدمة خالص .. سؤال بس .. يعني ايه صفير اذنها .. هي ودانها بتصفر .. دي موهبة ؟؟؟؟

دى موهبه ربانيه :D

تسلم ايدك .. هو ليه تكملة .. صح ؟؟!!!

صح وميرسى لذوقك

سؤال كمان معلش .. طولي بالك .. هو ازاي حبيبها كان فوق اسمه احمد .. وتحت بقى اسمه حسام .. هو بيغيره تبع الموضة .. ولا ده دلعه ههههههه

اسألتك كترت اوى يا بلال

بس يلا ما علينا نجاوب وامرنا لله
احمد ده سخص وحسام ده سخص تانى خالص وهتعرف التفاصيل من باقى القصه

سلاااااااام

اقتباس:

المشاركة الأصلية كتبت بواسطة محبة الله

مستنين نشوف بائى القصة
شكل حسام دا الحب الاولى
بس بداية حلوة

ميرسى لذوقك يا جميل

اقتباس:

المشاركة الأصلية كتبت بواسطة الملثمه

السلوب حلو
ومقدمه حلوه ومشوقه

ننتظر البقيه

ثانكس على مرورك منور الموضوع كله

اقتباس:

المشاركة الأصلية كتبت بواسطة CoMe frOM ThE DeaTh

بيتهيألى إن الموضوع كده خلص

وإن هى إفتكرت واحد من اللى هى حبتهم
وده معناه
الواضح من الكتاب الكبير ده إنها كل يوم مع واحد
كل صفحه فيها نفس الصوره ونفس الكلام

يا عينى على الفطنه ....
اولا الموضوع لسه مش خلص
وثانيا هى مش كل يوم مع واحد ولا حاجه
ثالثا تابع معانا وانت هتعرف كل حاجه

وميرسى ليكوا كلكوا على مروركم اللى زى العسل ده

الرهينه · #7 08-11-2007, 10:31 PM

- قصدي أقول أنا بحبك أوي أوي يا حسام ..

هكذا حادثت حسناء نفسها وهي في طريقها الى البيت ..

عندما سألها قررت أن تهتف بذلك في وجهه الوسيم ..

لكن الكلمات لم تخرج الا ناقصة .. بطيئة .. وخجلى ..

وكم يحب هو خجلها ..

وصلت الى بيتها .. وقد نبت في صدرها بذرات توتر عديدة ..

طالعها وجه أمها القلق ..

- كنتي فين يا حسناء ..

قالت بسرعة كي لا تلفت انتباه أمها الى توترها :

- في الكلية .. هاكون فين يعني يا ماما ..

- والمحاضرات طولت أوي كدة ليه النهاردة ؟؟

- عشان الدكاترة بتوعنا رخمين!!

لحظة صمت وقع لها قلب حسناء .. أتراها لاحظت توترها ..

ثم ..

- طيب يا حبيبتي .. روحي غيري يلا عبال ما أجهزلك الأكل ..

- حاضر يا ماما ..

دخلت الى غرفتها وما ان أغلقت الباب حتى تنفست الصعداء ..

- أووف .. ربنا ستر ..

شعرت بضيق شديد يجتاح صدرها .. وبغصة في حلقها ..

لكن سرعان ما انقضى ذلك الضيق حينما طاف وجه حسام في خيالها ..

وابتسمت عندما تذكرته يهمس لها اليوم في الحديقة ..

يهمس .. دائما يهمس ..

ودائما يخفق قلبها لهذا الهمس ..

وقفت أمام المرآة تتأمل حسنها ..

تذكرت لحظة أن مد يده يمسح على شعرها وهو يسألها ان كانت تحبه ..

لا شعوريا ..رفعت يدها ومسحت على شعرها في ذات موضع يده ..

أحست بملمس يده على شعرها ..

فخفق قلبها من جديد .. وابتسمت في سعادة ..

بعد يومين كان موعد لقائهما .. في كليتها هذه المرة ..

وما ان تقابلا حتى أسرع هاتفا:

- وحشتيني يا حسناء ..

كادت تقول له ان اشتياقها له فاق حدود الطبيعة ..

الا ان الكلمات لم تخرج من فمها .. وانما استعاضت عنها باطراق رأسها خفرا ..

- اليوم اللي مش بشوفك فيه ببقى مش على بعضي يا حسناء .. امتى أقدر أشوفك كل يوم براحتي ؟؟

وافقت تلك الجملة حديثا في داخلها يقلقها..

الا انها لم تنطق ..

لكن حسام أحس بها إذ أبعدت عينيها عن عينه .. وضغطت على حقيبتها في توتر ..

كانت حيرى .. قرأ ذلك على وجهها ..

- مالك يا حسناء ..

- مفيش يا حسام ..

- انتي عاوزة تقوليلي حاجة .. صح ؟؟

دققت النظر اليه .. كيف علم ..

- هتخبي علي يا حسناء ؟؟

- مافيش يا حسام .. هو بس ..

سكتت قليلا تبحث عن كلمات مناسبة ..

- أنا بس امبارح لما كدبت على ماما .. حسيت اني مخنوقه أوي ..

وكل مرة أدخل فيها بيتي بعد ما أكون قابلتك بكون مرعوبة لحسن يكون حد شافني معاك ..

قصدي يعني ان ..

أسكتها باشارة من يده .. لقد فهم ما ترمي اليه ..

- يا حسناء أنا مش ساكت والله .. أنا بحاول أحوش من الشغلانة المهببة اللي بشتغلها .. و بدور على شغل كويس عشان أعرف

أكون نفسي وأتقدملك ..بس أعمل ايه في حال البلد المايل ده ..

- اه أكيد يا حسام .. أنا مصدقاك من غير ماتحلف ..

لكن عينيها كانتا حيرى .. مما دله على وجود كلمات أخرى لم تفصح عنها ..

في الحقيقة كانت هي حائرة لدرجة أنها لم تكن تعلم بماذا تخبره ..

كيف يمكن أن تقول مافي نفسها دون أن يفهمها خطأ ..

بعد قليل همست ..

- أنا واثقة فيك يا حسام .. ومش محتاجة دليل يثبتلي انك بتحبني بجد ..بس ..

انعقد حاجباه وهو يستمع اليها ..

ياالهي فيم تفكر ..؟؟

وكأنها تنفض عن ذهنها وساوس شيطان هزت رأسها في قوة ..وقالت وقد عادت البسمة الى وجهها ..

- انت بتحبني يا حسام مش كدة ..؟؟

- لو فيه كلمة تعبر عن الحب أكتر من الحب كنت قلتها ..

- وده يكفيني ..

قالتها واتسعت ابتسامتها ..

وتأبطأت ذراعه في حب وسارت معه ..

أما هو .. فكان في عالم آخر يفكر ..

واحـد من النــاس · #8 08-11-2007, 11:00 PM

وسابته في حيرته يفكر ويفكر .. يااااه .. شكلها هتعذبه في التفكير :D

اقتباس:

المشاركة الأصلية كتبت بواسطة gego_cat

- وحشتيني يا حسناء ..

- اليوم اللي مش بشوفك فيه ببقى مش على بعضي يا حسناء .. امتى أقدر أشوفك كل يوم براحتي ؟؟

ده شكله واخد كورس سوسنة .. انما ايه

شكرا ع التنقيط ده :D .. مستنيين الباقي .. بس طريقة الكتابة مش غريبة عليا

الرهينه · #9 10-11-2007, 10:46 PM

تخيل

العفو يا جميل
بس معلش سؤال رفيع
يعنى ايه سوسنه؟

basmala · #10 10-11-2007, 11:00 PM

بيب الحب يا بيتنا على بابك جزمتنا

محبة الله · #11 11-11-2007, 01:02 PM

مش كل يوم جزء صغير كدا
كدا حرام كتروا شوية عشان خاطرى

postan algana · #12 11-11-2007, 01:26 PM

السلام عليكم
جميل جداااا منتظرا التكمله
ويارب المزيد

الرهينه · #13 11-11-2007, 05:47 PM

اقتباس:

المشاركة الأصلية كتبت بواسطة basmala

بيب الحب يا بيتنا على بابك جزمتنا

ههههههههههه جزمتنا
رائع انا من رأيى تفكرى فى حكاية التأليف

:D

اقتباس:

المشاركة الأصلية كتبت بواسطة محبة الله

مش كل يوم جزء صغير كدا
كدا حرام كتروا شوية عشان خاطرى

عشان خاطرك انتى بس يا قمر نقلله شويه

قصدى نكتره:D
واحنا عندنا كام قمر يعنى

اقتباس:

المشاركة الأصلية كتبت بواسطة الموت الاخير

السلام عليكم
جميل جداااا منتظرا التكمله
ويارب المزيد

مش اجمل منك يا جميل
وميرسى على مرورك

الرهينه · #14 11-11-2007, 06:02 PM

رنين الهاتف المحمول يتعالى ..

أمسكت حسناء الهاتف في ضجر ..

لقد أيقظها من أجمل نومة وقطع عليها حلمها ..

لكنها ما ان رأت اسم المتصل حتى قفزت جالسة على السرير وأسرعت بالرد ..

- ازيك يا حسناء ..

- أنا كويسة يا حسام ..

- لازم أشوفك بكرة يا حسناء ..

ضحكت في دلال ..

- ده انت لسه شايفني النهاردة الصبح .. لحقت وحشتك كدة ؟؟..

لكن صوته كان جادا.. حازما ..

- لازم أشوفك يا حسناء .. ضروري جدا ..

- فيه ايه يا حسام ؟؟

- هتعرفي لما نتقابل ..

فكرت قليلا ..

- طيب أنا بكرة هزور صاحبتي على المغرب كدة عشان هي ولدت ..

ممكن أعدي على الجنينة وانا راجعة ..

- حلو أوي ..

- بس مش هينفع أتأخر يا حسام ..

- أوعدك اني مش هأخرك ..

أغلقت معه وهي حائرة ..

مابه حبيبها ..

كان حازما .. مقتضبا .. جامدا ..

وهو لم يكن هكذا معها يوماً ..

ما الذي يحدث ياترى ..؟؟

تمنت أن تكمل نومها ..

لكن القلق الذي اعترى قلبها جعل النوم أمرا مستحيلا ..

فقامت يائسة ..

التاسعة مساءً .. في الحديقة ..

تقف حسناء تنتظر حسام ..

كان القمر بدرا في تلك الليلة ..

و ثمة نسمة هواء باردة تسري في الجو ..

ارتجفت حين لمحته قادما من بعيد ..

ممشوق القوام .. عريض المنكبين .. وسيم .. أنيق

يسير في تؤدة وقد وضع يده في جيب بنطاله ..

والبدر يسطع خلفه ..

ونسمة الهواء الباردة تحرك شعرها الطويل الناعم يمنة ويسرة ..

وتكتفي بهز خصلات شعره الأمامية لتزيده وسامة ..

فلم ينقص الأمر الا موسيقى حالمة تنبعث في الخلفية حتى يصبح المشهد مثاليا ..

ما ان اقترب حتى عاودها قلق البارحة ..

كان وجهه متوترا بحق ..

يا الهي ماذا يحدث ؟؟

- فيه ايه يا حسام قلقتني ..

- اقعدي يا حسناء ..

وأشار لها على كرسي في الحديقة ..

لم تعر الأمر اهتماما ..

- ايه الحكاية بس يا حســ...

- اقعدي يا حسناء!

كان متوترا لا تستقر عيناه على شئ محدد ..

جلست في صمت .. وانتظرت ماسيقول ..

لدهشتها لم يجلس بجانبها .. وانما ظل واقفاً..

حتى وقفته كانت متوترة ..

رأته يضع يده في جيبه ويخرج شيئا لم تتبينه ..

ثم فجأة ودون سابق انذار .. ركع على ركبتيه ..

ركع كما يركع الأجانب عندما يطلبون يد حبيباتهم ..

حسناء رأت هذا المشهد كثيرا في الأفلام الأجنبية ..

وهامت به حباً..

لكنها لم تتخيل أن يحدث لها هي في يوم من الأيام ..

ارتفع حاجباها في دهشة ..

ثم انفجرت ضاحكة..

- ايه يا حسام .. اوعي تكون هتعمل زي الأجانب المخابيل دول .. الواحد فيهم بيطلب ايد حبيبته من حبيبته نفسها ..

وبيقدملها خاتــــ.....

لم تتم كلماتها وقد صارت دهشتها على أوجها حين رأت بين يديه علبة بها خاتم أنيق ..

كان خاتما رخيصا .. لايتعدى ثمنه الثلاث جنيهات ..

لكنه كان رقيقا للغاية لامعاً..

لم تفهم حسناء ماذا يريد بالضبط ..

مستحيل أن يطلب يدها من نفسها ..

لن يفعل .. وهي لن تقبل ..

هو يعلم أنها لن تقبل ..

وأين ذهب والدها اذن ..

أخيرا .. خرجت الكلمات من حلقه ..

بطيئة .. هامسة ..

- امبارح لما اتقابلنا في الكلية ..

حسيت انك بدأتي تحسي بشك في حبي ليكي وصدق مشاعري ناحيتك ..

كان يتكلم بصعوبة .. مشاعره على أوجها ..

- كان لازم أثبتلك بأي طريقة اني بحبك يا حسناء .. بحبك بجد وعمري ما هفكر ألعب بيكي أبداً ..

أنا حسيت انك محتاجة دليل .. دليل مادي يثبتلك كلامي ..

وأخرج الخاتم من علبته ..

- الخاتم ده هيبقى عهد .. ميثاق على جديتي معاكي .. وجدية علاقتنا ..

وببطأ .. أمسك يديها المرتعشتين ..

- كل ماتيجي تشكي في أي حاجة تخصنا يا حسناء .. بصي على الخاتم ده ..

وافتكري كلامي .. افتكري منظري ده وأنا قاعد على ركبتي ..

وتأكدي .. اني في يوم من الأيام هجيبلك خاتم دهب حقيقي .. مكتوب عليه اسمي ..

ثم - أمام عينيها المشدوهتين - ألبسها الخاتم ..

دخلت بيتها ملهوفة..

انطلقت على غرفتها مسرعة ..

أغلقت الباب في احكام ..

ثم هرعت على خزانتها ..

وأخرجت كراستها وقلمها الرصاص ..

وشرعت ترسم المشهد كاملاً ..

ترسم حسام وهو راكع على ركبتيه يقدم لها الخاتم ..

ترسم القمر المكتمل والذي يضفي خلفية رائعة الجمال على المشهد ..

ترسم شعرها الذي تطايرت خصلاته في رقة مع نسمات الهواء العليلة ..

ترسم الشجر الأخضر .. وقد تمايلت أغصانه ..تسترق السمع والنظر الى المشهد الخالد ..

ألقت نظرة على الخاتم في يدها.. و نظرة أخرى على الصورة ..

ثم كتبت تحتها ( لحظة أن أنصت الكون الى همسه )

محبة الله · #15 12-11-2007, 09:34 PM

اللــــــــــــــــــه
اى الرومانسية دى بس؟
كملى يا ستى كملى