|
اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
![]() |
|
أدوات الموضوع | انواع عرض الموضوع |
|
#1
|
|||
|
|||
![]()
بسم الله الرحمن الرحيم
اولا انا احمد اتش اخر الرجال المحترمين اصدى انى اخر دفعات الناس المنفضة دماغها ومريحه على الاخر (سنة الفراغ ) ودخلت الكلية وخلاص بل وانا الان فى فترة امتحانات الميد ترم وربنا معانا المهم انا بقة حكايتى حكاية مع الكيمياء والثانوية العامة وارجو كل من هياخد كيمياء السنادى ياخدنى عبرة بل ولانى عامل نفس الموضوع فى قسم الكيمياء من زمان فهتلاقو انى بتكلم كتير عن الكيميءا لكنها قصة تحدى عظيم من سقوط محقق لنجاح عظيم اولا انا لما كنت فى 2 ثانوى دخلت الكيمياء وسقطت قولت يلا اهو نصيب ادخلها فى الملاحق الا انى دخلت الملاحق وسقطت بردك قولت خلاص اخدها معايا 3 ثانوى مع انى كنت داخل شعبة علمى رياضة يعنى ولعة وسقطت فى الكيمياء فاتعقدت وقولت هاخد سنة كمان لانى كنت شايل فيزياء ورياضيات 2 وخلص الموضوع ومادخلتش الملاحق ومش عارف اقول الحمد لله انى مادخلتش ولا اقول يارتنى كنت دخلت لانى الان الحمد لله فى كلية عمرى ماكنت هحلم بيها ابدا وماكنتش هدخلها غير من سنة الفراغ فقط لكنى كنت بقول يارتنى كنت دخلت الملاحق وانا لسة فى الدراسة يعنى المهم دخلت سنة الفراغ اللى هى لسة خلصانة دى ومعايا كيمياء وفيزياء ورياضيات 2 وخلصت السنة ودخلت امتحانات الدور الاول كالعادة وبلا فخر شلت ال 3 مواد كلهم ايوة سقطت فى الفيزياء والرياضيات 2 لتانى مرة والكيمياء ل 4 مرة على التوالى ![]() ![]() ![]() وكنت بقول لنفسى اية دة كانا لو كنت بحضر ذرة كنت خلصت ![]() ولرابع امتحان ثانوية عامة مش عارف اخلص من الكيمياء حرااااااااااام يا ناس بالذات ان عندى فيزياء ورياضيات 2 بل كان اساسا معمولى محضرين فى الامتحان نفسة وكان هتمنع من دخول الامتحانات وكنت وكنت وبلاوى قولت مافيش فايدة هعيد السنة وامرى لله فى سنة جديدة وكنت هاخد ال3 مواد اللى هم الثلاثى المرح معايا فى سنة جديدة اللى هى المفرود هتبدئ اهى وكنت متردد اووووووووووووى ومش عارف اعمل اية وكان اليوم دة يوم خميس ووراة جمعة ففى صلاة الجمعة كنت قاعد حزين على السريع لغاية اما لقيت الاذان بياذن على اساس هيبدئو الصلاة فقمت استحميت ولبست ورحت الجامع وانا بقول يارب الحق ولقيتهم بيحيو والجامع مليان مافيهوش غير مكان واحد سبحان الله والمفرود انة كان فى زاوية يعنى نص مكان روحت اول ماقلت الله اكبر وقعدت خلصو بانهم قالو السلام عليكم ورحمة الله وبركاتة وصليت الركعتين وخلصت وعرفت ان دة كان نصيبى انى الحق الصلاة ومهما كان الوقت ديق ففى فرصة لاخر دقيقة فروحت كلت الكتب اكل والله يعلم مدى تعبى واسرافى فى حق نفسى لانى من الاخر كنت بنام 6 ساعات لكن ال 18 الباقيين كنت واخدهم طحن دا غير انى جبت مدرسين خصوصيين ليا لواحدى والحصة ب 30 لاتنين منهم و 50 لواحد وال50 كانت لاستاذ الكيمياء ![]() وكل يوم بحمد الله كنت بحل امتحانيين ثانوية عامة لكل مدرس ولما كان بييجى دا بعد الشرح الخفيف جدا عن باب كامل ناخد امتحانين دا غير الاسئلة والنعمة الشريفة خلصت الكتب الخارجية وامتحانات ثانوية عامة من 96 ل 2010 المهم جت لحظة الامتحانات كنا 8 بس فى المدرسة اللى شايلين رياضيات 2 والامتحان بيقولى انة وحش لان 50% من اللى دخلو امتحانات 3 ثانوى(سنة الفراغ ) صقتو لكن الحمد لله كنت ماشى فية مية مية وكان العيال اللى معايا ماشيين مية مية سبحان الله مع انى خبرة فى امتحانات الملاحق دى فاعرف ان كلها دوشة وكلة عاوز يغش وليلة سودة الا اننا اتصاحبنا اصلا لان نصنا كان عندة رياضيات 2 وفيزياء يعنى 4 امتحانات نتقابل والباقى 3 ايام بس دا حتى الغربية ان نص اللى كانو معايا فى الفيزياء كانو معايا فى الكيمياء ![]() وكنا فصل واحد فى الفيزياء وفصلين كيمياء لبتوع 3 بس انما 2 كانو بتاع 13 لجنة هههههههههه لدرجة انى قولت امال مين نجح هههههههههه المهم كنت ماشى زى الفل والعيال اللى معايا كانو شطار وداحيين زيى وكنا بنخش نطحش الورق وكنت دا غير اننا كنا بنقابل كتير زى ماوضحت ودة يوضح شئ ان والله احنا ( سنة الفراغ ) كل واحد ولية ظروف حطيتة هنة وكان الوزير مخلى امتحانات 3 زبالة بمعنى الكلمة فالاثنين تفاضل والاربعاء جبر والخميس فيزياء والسبت كيمياء والاحد ميكانيكا شوفو ازاى ودة بالنسبة للى انا حضرتة وكلو ورا بعضة وماكنتش بطلع من اللجنة غير لما اشوف هجيب كام فى الامتحان والغريبة ان لما كنت براجع مع العيال اللى كانو معايا كلنا كنا نفس الاجابة اى كلنا صح عكس الدور الاول اللى كان كل واحد من اللى كانو معايا بنتجية شكل دا اذا حل السؤال اصلا ![]() وكنت برجع كل يوم من اللجنة لحد بيتى حوالى اتنين كيلو فى عز العصر وكنت بتعمد انى امشى تحت الشمس وامشى سريع ودة علشان يضيعلى فرحتى فى امتحان اليوم علشان اقدر اجيب درجات اكتر فى امتحان الغد لان كنت دائما اقول ربنا فرحنى النهاردة وكرمنى اخر كرم امال امتة هتبقة ليلتى سودة ؟ والمصيبة ان لو مادة واحدة ضعت فيها فهعيد سنة كاملة عليها ونصيحة جانبية حابب ادهالكو انى فى ايام الامتحانات كنت اول مايقع منى القلم اقوم انام على طول واصحى براحتى ودة كان بيستغرق 7-8 ساعات يوميا وكنت مابحشيش دماغى لا كنت عامل استراتيجية الراحه النفسية وكنت بشرب بتاع 5 لتر مياة يوميا او اكتر وعصائر كتير ودة اساسا من يوم ماتلقيت خبر الملاحق الا انى اعترف حقيقة ان بعد ماخلصت الفيزياء يوم الخميس والمفرود ادامى يوم ونص وبعدين امتحان الكيمياء لانة يوم السبت ع طول والنعمة كنت بصرخ من نفوخى كنت بحس ان 4 عمالين يزاكرو جوة دماغى كانت هتتفجر والله مكنت حاسس انى هروح مستشفى فى يوم الخميس دة لانى اولا قرات شرح ال 8 ابواب الاولنيين وسبت العضوية خالص وراجعت الامتحانات والاسئلة اللى المفرود الواحد يحلها فى سنة كاملة الا انى رجعت طبقت استراتيجية الراحه النفسية يوم الجمعة مع مراجعة مش بسيطة ولكنها اخف مليون مرة من بتاعت يوم الجمعة ودة لانى كنت مرعووووووووووووب من الكيمياء حرام اخدها 4 سنين والمصيبة انى هاخدها فى سنة لوحدها ولو سقطت تانى هتحول دبلوم مهنى ويضيع مستقبل ولكن الحمد لله نجحت الاستراتيجية ويوم النتيجة كانت العصر وانا اتفاجئت بيها ماكنتش فى البيت المهمم ماكنش معايا البطاقة الشخصية لان لازم علشان اشوف نتيجى يكون معايا البطاقة دخلت عند اقرب سايبر وادور على صورة بطاقتى على الايميل بتاعى اشوفها لانى كنت حاططها على الايميل فى رسالة مسودة واخر توتر لغاية اما اتنرفزت وقلبى بيدق يمين وشمال وروحت اتصلت بصديق عمل وجبت الرقم القومى بتاعى ودخلتة والا انى اتفاجئ بمافيش الوان حمراا فقولت ابص بقة على النتيجة لقيتها اعلى من النجاح وبصيت على الدرجات لقيتها كلها بسم الله 25 للفيزياء والرياضيات 2 ماعدا الكيمياء جبت 21.5 وساعتها طرت ووربنا كان اسعد يوم فى حياتى وضحكت وقولت هى الكيميا لغاية الان مربيالى الخفيف ولولا درجة ونص كنت سقطت ولا اية ![]() ![]() ![]() الا انى نجحت خلاص بعد 5 امتحان كيمياء ثانوية عامة اللى وبلا فخر بمتحن امتحاناتها من 2007 الى 2010 ![]() وساعتها اتصلت بكل اللى اعرفة افرحة ووالله كان اليوم دة يوم سعيد ومانمتش فى اليوم دة وانا الان فى كلية ماكنتش احلم بيها وماكنتش هدخلها غير من خلال سنة الفراغ فقط ويارب تاخدو العبرة من موضوعى يارب وفية عبر كتير ولكن العبرة الاساسية هى ان الكيمياء عايزة متابعة ومراجعة وماينفعش تتنسى ومراجعة مستمرة وكمان التركيز من اول يوم فى المدرسة ......... اصدى اول يوم من الدروس الخصوصية ![]() وماحدش يقول انا مش قادر والله ثم والله واحدة تعتبر جارتنا كانت فى 2 ثانوى وطالعة اهو 3 ثانوى مع السنة الجديدة كل ماحد يكلمها تعيط وتقول انا هضيع هضيع الا انى الاقيها بتقولى انها جابت 98% اى والله وشوفتها على موقع الاستاذ ولقيت الكلام دة صح عرفين السر فين ؟؟ انا اتفاجئت انها سالتنى ساعتها عن احسن مدرس عربى بيدى مستوى رفيع ولما قولتلها لية ؟ باستغراب شديد قالتلى علشان عايزة ابدئ فية من الان فعرفتو السر فين ؟؟؟؟ وللعلم البنت دى كانت جايبة 190 درجة فى الاعدادى يعنى اقل من 75% لما طلعت الثانوى وماحدش يحس انها تجيب 98% بتاتا وانا كنت خايف اسالها لحسن تكون شايلة ملاحق الا انى اصدم بالمجموع دة اللى ان شاء الله هتجيب زية فى 3 وتدخل طب ![]() واتمنلكو التوفيق للجميع ولكل مجتهد نصيب |
#2
|
|||
|
|||
![]()
دى صورة من نتيجة الدور الاول بتاعتى
![]() ![]() ![]() ![]() ![]() ![]() ![]() انما دى بقة نفس النتيجة بردك ولكن بتاعت الدور الثانى ![]() ![]() ![]() ![]() ![]() ![]() ![]() شايفيين الفرق ![]() ووالله يا جماعه انا الان بقيت حاجة تانية خالص وللعلم اللى كان ماخرنى فى الثانوية ضروف كبيرة وكتيرة ومعقدة وكنت عايش لوحدى وكمان كنت شغال كمحلل فنى واساسى بشركة نقد فرنسية فى البورصات العالمية وكمستثمر وليالى سودة لكن الان بقة بقيت حاجة تانية والحمد لله امتحانات الميد ترم كويس فيها بل وطورت نفسى جدا فى مجال عملى بالبورصات العالمية وحسنت علاقاتى بكل حاجة فاى حاجة ورجعت اعيش مع اهلى تانى |
#3
|
||||
|
||||
![]() اقتباس:
بس الحمد لله انتهت باللي كنت عايزه بس مستغرب ازاي انتا شغال محلل فني و بتسقط في الرياضة مع ان التحليل الفني في بعض حالاته بيعتمد علي الرياضيات زي نسب فيبوناتشي و حساب المقاومات و الدعوم احنا برضه عندنا خبرة في الحاجات دي ![]() و مش هاقدر انكر اني لما عرفت انك شغال محلل فني و مالي انك عجبتني و ياريت اقدر استفيد منك قدر الامكان لكن مستغرب برضه ليه انتا نقصت بالدرجة دي مع اني اعرف ان رياضة اتنين مش صعبة للدرجة و التفاضل و التكامل فاضيين خالص و انا استعرت الكتاب بتاع تالتة و ذاكرتهم لقيتهم مفيهمش حاجة صعبة ولا الميكانيكا ولا غيره و الفيزياء سهلة و جميلة الكيمياء انا معاك انها صعبة لكنها لا تتعدي كونها مادة حفظ في نظري و انا خدت مقلب في اولي ثانوي في الكيمياء و كانت اكتر مادة نقصت فيها لكن طبعاً كان ليك عذرك و انا احييك علي محاولاتك الجميلة و احييك علي اصرارك المثير للاعجاب لدخول الجامعة و ياريت يكون في بيننا تواصل علشان اقدر استفيد من علمك و خبرتك في مجال البورصة و تقبل مروري المتواضع علي موضوعك القيم
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
#4
|
|||
|
|||
![]() اقتباس:
يكفى انى اقولك انى ماكنتش بذاكر خالص غير فى فترة الملاحق واللى بمذاكرة 15 يوم واصرار وعزيمة ووجود توفيق من ربنا قدرت انجح على الاقل بل وللعلم فى امتحان الفيزياء المفرود كنت اجيب 35 كمان فادام الواحد مذاكر مذاكرة بجد هيجيب ال 50 من 50 فشوف بقة لو انا كنت ذاكرت بدل ال 15 يوم دول 15 شهر او قول 9 شهور بتوع الدراسة بلا شك كنت جبت 50 من 50 او على الاقل 45 وبالنسبة لان الكيمياء صعبة فبالعكس يمكن الاجابة نفس التعليق السابق بتاعى فبسولة ممكن اى حد يجيب 50 من 50 وفى الاخر يجيب 99% واكتر كمان ويدخل طب او هندسة او اعلام او اى مجال يحبة ولعلمك الرياضة 2 من اسهل المواد لان لو الواحد كاتب المسالة غلط ولكن الخطوات صح فهياخد الدرجة كاملة للسؤال او عمتا هينقص حاجة بسيطة وبالنسبة للتحليل الفنى فهوة فعلا معتمد على الرياضيات والفيزياء ولكن كبرمجه او كوضع معادلات خاصة لعمل مؤشر مثلا او اشياء تقنية لكن كمحلل فنى المفرود بيستخدم عمليات حسابية على الحاسبة مثلا ليس اكثر زى مثلا العربيات اساسا لها قسم خاص اسمة ميكانيكا سيارات وللعلم هى مش ميكانيكا فقط فهى تستخدم قوانين وعمليات رياضية وفيزيائية كثيرة بل ومعقدة كمان ولكل جزء من السيارة لكن ليس لصاحب العربية او وسطاء السيارات انهم يعرفو الحاجات دى غير فقط كيفية قيادتها |
#5
|
||||
|
||||
![]()
ما شاء الله عليك
بجد ربنا يحميك وتكمل دراستك فكليتك بتفوق ان شاء الله ومش عيب ابدا انا نوقع لكن العيب وقمة الفشل انا منقمش ونفضل نعيط عالي ضاع جميل انك معملتش كده وواصلت والاجمل اني حسيت من كلامك انك مؤمن ان اللي حصلك ده الخير فعلا من الله ربنا يكرمك يارب وبجد عطتني جرعة ايجابية جامدة ![]() ![]() |
#6
|
|||
|
|||
![]() اقتباس:
ولكن بعد المذاكرة الشاملة والدقيقة وحل الامتحانات والاسئلة واللى والله ثم والله حليت امتحانات من 1996 الى 2010 دولار اول وتانى بل وكنت بركز على الدور الثانى على اساس همتحن كدور تانى غير المتابعه الشديدة واللى كنت مرزل على المدرسين بتوعى فانا كل يوم لازم اتحل بكل واحد مرتين او تلاتة غير لما كنت بقابلهم كل يوم للاسئلة فالحمد لله بقة شئ عادى بالنسبالى وطلع الموضوع سهل وقدرت انجح فى 3 مواد بيمثلو 5 امتحانات ورا بعض زى مانا موضح فى المشاركة الاولى فى زمن قدرة 15 يوم فقط ودة العبرة فلو واحد اخدها جد وذاكر 15 شهر مش 15 يوم ولو خلينا نقول 9 شهور بس اى الدراسة فاكيد اكيد هيجيب 98% على الاقل ويدخل طب بسهولة او هندسة فبجد مذاكرة 15 يوم كفيلة بالنجاح ومذاكرة 9 شهور كفيلة ب 98% ووالله مذاكرة 6 شهور اى الباقى على امتحانات الثانوى كفيلة ب 97% لانة هينقص درجة ^__^ دا غير عبر كتير وانا موضح وحاطط موضوعى بشكل كوميدى على اساس الواحد يقراة بمزاج ومايملش منة ويعرف العبر الكتير ويقدر يتحدى نفسة زيى ويواصل لهدفه |
#7
|
|||
|
|||
![]() اقتباس:
ولكن فى عالمنا لا يوجد مستحيلات ودة اساس علوم كتير بل والعملاء الكبار ماكبروش غير من انهم اتاكدو ان مافيش شئ مستحيل لحد ماوصلو لاستنساخ البشر ودة فى حد ذاتة انجاز عالى جدا بعيدا عن كونة حرام بل وهوة ماوصلش كمان لمرحلة متقدمة فكل المستنسخون مشوهون تماما دة طبعا قبل منعه ولكن تبقى فكرة ان الانسان ممكن يخلق البشر طبعا دة مستحيل ولايمكن اصلا لكن اللى عمل الاستنساخ كانو ناس تتحدى المستحيل فمافيش اكتر من استحالة خلق البشر لكنهم قدرو يكسرو هذا المستحيل ولو بفكرة ليس اكثر ولو اقتنعو ان خلق الانسان مستحيل لما كان لتجارب الاستنساخ السابقة مكان اقتباس:
لكن اهم شئ انى كنت عايش لوحدى وكمان كانت اهمال بكل المقاييس فالامتحانات سهلة بالنسبة للى مذاكر وصعبة للى مش مذاكر لذلك انا سقطت لما ماذاكرتش ولما ذاكرت 15 يوم بجد الجد وربنا عالم مدى اسرافى فى حق نفسى فى الفترة دى وعلى كل شهواتى ايضا وكمان اللى بيجيبو 99% دول بقة كل اللى بيعملوة بيذاكرو جد 9 شهور الدراسة مش اكتر مع متابعه ودة بيكون موجود اتوماتيكى فى الناس اللى بتذاكر بجد من 1 ابتدائى فهمة اكيد عارفين معنى الثانوية العامة اللى لو خلصوها بجد هيدخلو طب بسهولة فبتكون الاهتمام والجدية شئ فى دمهم |
#8
|
||||
|
||||
![]()
برافو عليك بجد
ربنا يوفقك دايما وفعلا الارادة والصبر بيحققوا المستحيل
__________________
![]() اللهم لك الحمد كما ينبغى لجلال وجهك وعظيم سلطانك .. اللهم لك الحمد حتى ترضى ,, و لك الحمد اذا رضيت ,, و لك الحمد بعد الرضا.. |
#9
|
||||
|
||||
![]()
بس كل السنين اللى ضاعت منك دى ياترى كانت بسبب الاهمال ولا الامتحانات صعبه
__________________
![]() اللهم لك الحمد كما ينبغى لجلال وجهك وعظيم سلطانك .. اللهم لك الحمد حتى ترضى ,, و لك الحمد اذا رضيت ,, و لك الحمد بعد الرضا.. |
#10
|
||||
|
||||
![]()
بجد انت شاطر اوى لانك كنت بتشتغل كمان
ربنا يباركلك انا اختى ادك و كان فعلا امتحان الرياضة 2 صعب جداااااااا وكانت جايبه 94 فى سنه 2 لكن فى التالته الرياضه نقصتها وكان نفسها تدخل هندسه بس الحمد لله برضو وهى دخلت هندسه زراعيه المهم انك فرحان من نفسك وربنا يسعدك دايما هو انت فى كليه ايه او معهد ايه الوقتى؟
__________________
![]() اللهم لك الحمد كما ينبغى لجلال وجهك وعظيم سلطانك .. اللهم لك الحمد حتى ترضى ,, و لك الحمد اذا رضيت ,, و لك الحمد بعد الرضا.. |
#11
|
|||
|
|||
![]() اقتباس:
لكن اللى حاطط فى بالة هدف وسعالة بجد فاكيد هيوصلة وان لم يحصل علىة بسبب فوارق فاكيد هيوصل لشئ افضل فان شاء الله تكون الهندسة الزراعية افضل من الشعب الاخرى لاختك فكل شئ نصيب وتوفيق وبيتحققو بالجدية انا مافيش يوم فرحت فية قد من يوم الحصاد اى اليوم اللى اعلن فية نتيجتى ولقيتنى حققت هدفى فى وضع اشبة بالمستحيل لواحد زيى انا والله مش عاوز اقول اسم الكلية اللى دخلتها او اوضح شئ عنها لانها كل سنة بتاخد من 90% فما فوق بل والسنة القادمة هتاخد من نفس المجموع والسنوات القادمة الا سناتنا ![]() ![]() ![]() ![]() |
#12
|
||||
|
||||
![]() اقتباس:
طب ليه مستكتر الكليه على نفسك؟ ليه ماتقولش انك تعبت وربنا حب يكافئك ؟ ليه ماتقولش ان ربنا حاسس بيك وعارف انك مجتهد فكافئك بالكليه دى؟ هى ايه بقى الكليه دى ![]()
__________________
![]() اللهم لك الحمد كما ينبغى لجلال وجهك وعظيم سلطانك .. اللهم لك الحمد حتى ترضى ,, و لك الحمد اذا رضيت ,, و لك الحمد بعد الرضا.. |
#13
|
|||
|
|||
![]() اقتباس:
![]() ![]() |
#14
|
||||
|
||||
![]()
السلام عليكم و رحمة الله و بركاته
اشكر حضرتك انك اتحت لنا الفرصة لكي نتعلم و ناخذ العبرة من هذه القصة المثيرة انا دايما بقول مفيش نجاح بدون فشل.....بس واضح ان حضرتك عانيت زيادة عن اللزوم بس صبرت و نولت و الحمد لله ان حضرتك بعد ده كله دخلت كلية مرتاح فيها بالتوفيق تقبل مروري |
#15
|
|||
|
|||
![]() اقتباس:
وشكرا لمرورك الكريم |
![]() |
العلامات المرجعية |
|
|