رئيس العليا للانتخابات: لن أسمح لأى كاميرا بدخول اللجان

[Observer]

رئيس العليا للانتخابات

لن أسمح لأى كاميرا بدخول اللجان





أعلن المستشار السيد عبد العزيز رئيس اللجنة العليا للانتخابات، أنه لن يسمح
لأى كاميرا بالتصوير داخل مقار التصويت أثناء العملية الاقتراعية، مشيرا إلى
أنه يتوقع زيادة عدد المرشحين الذين سيخوضون جولة الإعادة.

وأكد عبد العزيز فى حوار خاص لبرنامج "الحياة اليوم" سيعرض اليوم فى
التاسعة مساء على تلفزيون الحياة، أنه تأثر كثيرا بالانتخابات على
المستوى الشخصى لدرجة أنه أصبح لا ينام.

وقال المستشار السيد عبد العزيز إن التصوير لن يتم إلا من خارج اللجان،
وقال فى الحوار: انتخابات مجلس الشعب ستكون أفضل من انتخابات مجلس
الشورى، وأغلب التوقعات بزيادة أعداد المرشحين الذين سيخوضون جولة
الإعادة يرجع إلى زيادة عدد المرشحين على قوائم الوطنى.



http://www.youm7.com/News.asp?NewsID=309450&SecID=282

[روووووز]

ايوه عشان التزوير يكون فى هدوء عشان كده منعوا الرقابة

[Observer]

المشاركة الأصلية كتبت بواسطة روووووز

ايوه عشان التزوير يكون فى هدوء عشان كده منعوا الرقابة

تزويـــــــــر !!
استغفر الله العظيم يا شيخة
هو الحزب الوطنى وش كدة

[روووووز]

المشاركة الأصلية كتبت بواسطة mohamad fawzy

تزويـــــــــر !!
استغفر الله العظيم يا شيخة
هو الحزب الوطنى وش كدة

لالا استغفر الله
دول رمز للشرف والنزاهه والعدل هههههههههه

[Soaad-532]

ونصيحة مهمة جدا وضع ستائر سوداء علشان الجيران فضحى عمايلهم.

[Observer]

المشاركة الأصلية كتبت بواسطة Soaad-532

ونصيحة مهمة جدا وضع ستائر سوداء علشان الجيران فضحى عمايلهم.

جيران ايه
قولى عشان الحسد

[المحب لله]

ربنا لما يحب يفضحهم محدش حيقدر يعمل اى احطياتات فاكرين لما قناه الجزيره صورت من بيت جنب مركز التصويت وكان الصندوق جنب الشباك وصوروا وواحد واقف عمال يحشى الصندوق بورق بصراحه كان منظر تحفه ههههه
امال هما ليه بيكرهوا الجزيره عشان فضحاهم

[Observer]

المشاركة الأصلية كتبت بواسطة المحب لله

ربنا لما يحب يفضحهم محدش حيقدر يعمل اى احطياتات فاكرين لما قناه الجزيره صورت من بيت جنب مركز التصويت وكان الصندوق جنب الشباك وصوروا وواحد واقف عمال يحشى الصندوق بورق بصراحه كان منظر تحفه ههههه
امال هما ليه بيكرهوا الجزيره عشان فضحاهم

هو حد ينسى الفيديو ده
ربنا يخلص البلد من كل مخرب وفاسد
اللهم آمين

[ام العبدهنيه]

هذا الرجل سوف يتحمل ذنوب تزوير الانتخابات فى مصر كلها حرام عليكم ارجعواالى ربنا الحزب الوطنى مش هينفعكم يوم لاينفع مال ولا بنون

[Observer]

اوفكــــــــورس

[أ/رضا عطيه]

موضوع للماهدة فقط

مثل مسلسل توم وجيرى

يا أستاذ محمد كان زمان وجبر

إنت عندك صحفيين الأن مدربين على المرور من الحيط

ولبس طاقية الاخفاء فى المصائب فقط

لكنهم ز ى لجنة الوزارة التى تمر على المدارس

يعلمون أن الوزير ى انتظارهم فهل سيدخلون عليه بأيديهم فارغة

لأ طبعا --- لازم يقدمون له بعض الهدايا ولو مفبركة

ودور على حقك وعلى الحقيقة يكون حتى زمايلك وأقرب الناس لك اتخلوا عنك

وهو المطلوب اثباته

وطن كاره نفسه

وطن مفكك

وطن تضيع فيه الحقيقة دائما

وطن تمول فيه مكاتب الهدم وتسرق أموال البناء

ربنا يلطف بينا ويمر بكرة على خير

وخاصة فى بلدنا والتى فقدت تسعه فى المساء فمابالك بالصباح غدا

ملعونة الانتخابات وملعون كل من يستخدم أولادنا لمصلحتهم وصراعهم من أجل المناصب

شكرا لكم

[Observer]

شكراً على المرور

[العربى446]

والله الواحد خلاص فقد الثقة فى الحكومة من اعمالها ممكن سيادة المستشار يشرح لنا ما هى الاسباب التى تمنع دخول الكاميرا داخل اللجان ممكن يكون له وجهه نظر تحترم بس يقول لنا واحنا هنحاول نفهم

[Observer]

المشاركة الأصلية كتبت بواسطة العربى446

والله الواحد خلاص فقد الثقة فى الحكومة من اعمالها ممكن سيادة المستشار يشرح لنا ما هى الاسباب التى تمنع دخول الكاميرا داخل اللجان ممكن يكون له وجهه نظر تحترم بس يقول لنا واحنا هنحاول نفهم

مش لازم تفهم على فكرة
هما فاهمين وعارفين كل حاجة
ولما يقولوا مفيش تصوير يبقى مفيش تصوير
متنساش نفسك انت مجرد مواطن لا رحت ولاجيت

ده ردهم انا مليش دعوة