حد يجاوبني ضروري انا محتاج اجابتكم

[sindbad22]

انا ف ثالثه ثانو جبت ف ثانية 86 ف المية ادبي هل أقدر الحق أي كلية من كليات قمه ف ادبي سواء اعلام سياسه واقتصاد ألسن ياريت حد يرد عليا انا ممكن اجيب ف تالته 93

[عين النهر]

شد حيلك شوية وبالتوفيق يارب
بس بصراحة محتاج تجيب على الاقل 99 فى سنة تالتة
ويكون الجموع النهائى حوالى 93
سهلة على فكرة مش صعبة انك تجيب نسبة عالية فى سنة تالتة ادبى
اتوكل على الله وبالتوفيق

[MR : ABO BATTA]

اتوكل على الله وربنا معاك .. ونصيبك هو اللي هتشوفه بإذن الله

[sindbad22]

لا ياعين النهر ده انا لو جبت 97 هاجيب 92 وبعد كده ف مستوي رفيع واحد ف الميه يبقي كده جبت 93ف الميه واقدر الحق ياريت ترد عليه انا اصل مدكرتش ف تانيه عشان كان عندي ظروف ونفسي ادخل كليه ع القيمه

[ملكة زمانى]

بص انا كنت جايبه فى تانيه 89% (علمى)
بس كان عندى دافع قوى (جدااااا) ملهاش حل تانى يا اعوض فى تالته يا اعوض فى تالته
فى تالته(حولت أدبى) نقصت 5 ونص من غير المستوى والمستوى بقى جبت فيه 10 يعنى خمسه يبقى مش نقصت غير نص درجه فى تالته( 99.8%)
المجموع الكلى 94.4%
والحمد لله عديت الكليه اللى كنت عايزاها بمراحل
فشد حيلك اووووووى اوووووى متخافش ان شاء الله ربنا معاك واللى فيه الخير ليك يارب يحصل
بالتوفيق يا جميل

[sindbad22]

شكرااااااا ليكي ع تشجعيك ده هحاول اشد حيلي يارب واحصل كليه جامده

[sindbad22]

بس بعد ادنك ازاي نقصتي خمسه درجات ونص وبتقولي جبت 99 ازاي ياريت تردي عليه وكمان كنتي بتداكري ازاي المستوي من كتاب ايه

[ملكة زمانى]

ما انا اقصد ان الدرجات بتاعت المستوى عادلت الدرجات اللى انا نقصتهم
يعنى بما انى نقصت 5.5 فى المواد الاساسيه وجبت الدرجه النهائيه فى المستوى يبقى كأنى نقصت بس نص درجه فاهمنى؟
اما بالنسبه للمستوى من كتاب ايه فكنت مستوى جغرافيا كانت مذكرة الدرس مش كتاب ولا كاجه حاجه كده 10 ورقات سهله يعنى بعون الله دا كان أيامى ممكن اكون قديمه شويه انا دلوقتى فى تانيه كليه بس مش بيتهيألى حاجه اتغيرت
وعموما الموضوع سهل ان شاء الله مش تقلق بس بيعتمد عليك انت وصدقنى بجد تقدر تجيب كليه كويسه شد حيلك وسيبها على ربنا وان شاء الله خير
لو احتجت حاجه تانيه واقدر افيد بيها مش هتأخر عنك باذن الله

[the spider mido]

طيب وكليه اقتصاد وعلوم سياسيه شعبه انجليزيه بتاخد كام من علمي

[sindbad22]

شكرااااااااااااااا جدا ع وقفتك جمبي