ارجو المساعدة بسرعة اخوكم محتار ؟؟؟

[mhammedsalama]

في فرصة سفر الي السعودية براتب 1800ريال سعودي والسكن عليم في الرياض بمدرسة الامتياز الاهلية وانا شغال مدرس علوم في المرحلة الاعدادية عقد مميز وامتخنت الكادر وicdl مع العلم اني خلصت كل اوراق السفر ومستني التاشيرة فقط خلال يومين .
ومحتار بيقول في تثبيت وناس تقول مفيش ده يبقي عقد بخمس سنين ويتجدد كل خمس سنين !!
مع ان دخلي هنا هوه المرتب 365جنيةوبيطلع منه 120جنية ركوب يبقي الباقي 245جنية مع العلم ان مفيش دورس !! ارجوكم دلوني علي الصح لاني خلاص تعبت والله مابنام من التفكير اعمل ايه ؟؟؟
مفيش وقت هما يومين ياام ادفع العقد للمكتب وقيمته 7000جنية وخدوا مقدم 2000جنية يعني لو رفضت هيروح من 2000جنية اقل حاجة 1000جنية ده غير مصاريف الكشف وتسجيل النت وشهادة الخبرة يعني حوالي 2500جنية هتبقي اجمالي الخسارة 3500جنية (حسبي الله ونعم الوكيل )والمبلغ ده هوه اللي كان معايا يعني ابقي علي الحديدة !!!!

ساعدوني جزاكم الله خيرا

[محمدطعيمة]

الاخ المحترم لن يعرف احد مصلحتك اكثر منك
ولكن ال 1800ريال دول ذي 180جنيه في مصر بالضبط
وخاصة انك تقول الرياض
اي ليست بالفرصة التي تستحق
واما ما يروجه الزملاء من اشاعات فكلها اجتهادات نتيجة القلق والضيق ومعهم كل الحق
كذلك المدارس الخاصة تلك في الخارج اسوأ من الداخل
وعموما ربنا يدلك علي ما فيه الخير

[modym2020]

عاوز رايى .... خليك فى مصر

[رائحه الورد]

ربنا معاك انا حسه بك والله يا اخى وكلنا ذقنا طعم الحيره لكن فكر كويس وصلى استخاره وربنا يدلك على الخير

[مدرسة الانجلش]

خليك هنا خليك وبلاش تسافر


استني لما نشوف اخرتها

[مدرسة الانجلش]

مشكلتك دي مشكلة شباب كتير وكلهم محتارين زيك

[مدرسة الانجلش]

يلا الحمد لله اننا بنات وملناش في السفر

[أ/محمد على عاشور]

لاتسافر التثبيت قادم ان شاء الله

[mr_ms1985]

انا بقول 1800 مبلغ صغير جدا جدا جدا

[mr mahmoud]

سافر ما فيش تثبيت

[fatema2004]

أخى الفاضل المكتب هياخد منك 7 آلاف جنيه ؟
ولا فهمت خطأ؟
طبعا استخير الله
احسبها مع نفسك لو أنت مدبرفى حياتك ممكن توفر وتعطى دروس هناك
لو لا
طبعا لا فايدة من السفر
لكن أعتقد إن أنت ما دمت دفعت وأكملت إجراا ت فنيتك السفر
وكان لنا جار ترك العقد وسافر من 4 سنوات تقريبا وأول ما سافر تعب وأراد الرجوع لكن الحمد لله استقر واشترى منزل صغير وتزوج من مدة قصيرة وهيسافر وزوجته إلى البحرين
وعقبالك

[الصصاروخ]

السفر من راى افضل وانا في الوقت الحالي بابحث عن فرصة للسفر يارب يوقفك

[saber samy]

يا اخى انتظر التثبيت قادم هانت كلها 30 سنة ونطلع معاش

[جينية البحر]

اساسا يعني انت لو اتثبت هيحصل ايه ؟؟؟؟؟؟؟؟؟؟؟؟ المرتب مش هيزيد ولو زاد هيزيد حاجه بسيطة متيهالي تسافر احسن وتبدا طريقك من جديد وربنا يفتحها عليك ..اساسا البلد باظت خلاص ومحتاجة سنين عشان الاحوال تتحسن دا لو في نيتهم

[عمر مصطفى احمد]

انا من رائى انك تنستنى ليه بقى
لان انت لو سافرت هضيع عليك فرصه التثبيت وهى قريبه جدا صدقنى بالنسبه للاى امتحن كادر
لكن لو صبرت شويه ربنا هيكرمك وتتثبت بعدها هتعمل حفظ وظيفة وتقدر تسافر وتحقق كل اللى انت عايزه