اعمل ايه ياخوانا ارجوكم

[almohtady]

انا مجبتش هندسه ياخوانا

انا مش عارف حقول لوالدى ازاى

ازاى ياخوانا هما كلهم مستنين منى انى ادخل هندسه

ازاى اقلهم ياخوانا

هل ينفع اققلهم خاص

بس مش عارف حقلهم ازاى ياريت تفيدونى ياخوانا ارجوكم

[Bellsh]

للاسف مشكلتك نفس مشكلتى .. انا والدى لو عرف انى روحت تعليم صناعى بنى سويف ممكن يحصله حاجه

حسبى الله ونعم الوكيل .. فكل ظالم وكل واحد ظلمنا

[mhmoudko]

93.2 وما دخلتش أي حاجة في أي حاجة وكنت منتظر الهندسة بس للأسف

رموني في معهد معفن في الاميرية

[المحب لله]

يا جماعه معلش قدر لله وما شاء فعل محدش يعرف الخير فين كلموهم بالهداوه وفهموهم ان الهندسه مش اخر المطاف والله واحد اعرفه دخل هندسه من معهد فنى وبعد سنه اطرد منها لانه شتم دكتور فمعلش هو نصيب وربنا يجعل نصيبكم فى الطيب

[Hawy.php]

عارف ومقدر الي انتوا فيه

بس قولولهم بالهداوة وبالعقل

وفهموهم ان الموضوع ده في الاول وفي الاخر بايد ربنا

وفي ناس كتير ياما تعبت وعملوا اكتر منكوا ومدخلوش الي كان نفسهم فيه

وفي الاخر بيقولوا الحمد لله وبيلاقوا ان الي ربنا كتبهولهم هو الي كان الاحسن

لان ربنا قال في محكم كتابه " وعسي ان تكرهوا شيئا وهو خير لكم "

قولولهم كده

وقوولهم ان في ناس ياما خرجت من هندسة ووالله ووالله وانا اعرف كتير

يا عاطل يا لو بيشتغل بيشتغل في حاجة تانية خالص ملهاش دعوة بالي كان بيدرسه

ربنا يصبركوا ويصبر اهلكوا يااااارب

[الأستاذة أم شاهندة]

الموضوع مؤكد صعب

بس لو كنتم عملتم اللى عليكم والوالدين عارفين أنكم لم تقصروا

مؤكد مش حيزعلوا

هما ناس كبيرة وفاهمة إن ده نصيب ونتيجة عمل


المشكلة فى الناس اللى لعبت أو قصرت فى الدراسة


دول اللى شكلهم أمام أهلهم صعب جداً


كان الله فى العون

[almohtady]

انا نويت ان شاء الله حدخل معهد ايجوث (سياحه وفنادق خاص ) ياخوانا وامرى الى الله

حعمل ايه طيب

ده نصيب

منهم لله ياخوانا

وانا والله وبامانه ياخوانى انا ذاكرت وتعبت واجتهدت

وحاولت على قد ماقدر انى اجيب مجموع عالى

بس مفيش نصيب

المهم عايز اعرف رايكو ايه فى معهد ايجوث

يعنى بعد السنتين اللى تعبت فيهم دول

[almohtady]

بس معلش ياخوانا

برضه ليه سوال

انا حينفع ادخل ايجوث ولا لا