هو أيه اللى بيحصل

[محمودعامر]

لقد قام مدير المدرسة بالذهاب إلى الإدارة التعليمية اليوم للإستفسار عن موقف المعلمين المساعدين الذين ينتهى عقدهم فى 30/6/2010 فأخبره مدير العقود والتعيينات أن يقوم بإخلاء طرف العقد المميز الذى ينتهى فى 30/6 وسأله المدير ماذا يفعلون بعد ذلك قال لا أعلم لم تصلنا أى تعليمات بشأنهم .
وشدد على مدير المدرسة بضرورة إخلاء طرفنا فى 30/6 والله أنا احترت مع البلدى ما بقتشى عارف فيها حاجة.
على فكرة أنا من محافظة الشرقية إدارة ديرب نجم .
الرجاء من الزملاء من محافظة الشرقية التعليق وإخبارنا ماذا تم معهم .النهاردة خلاص كدة 28/6

[abou wafaa]

مفيش الكلام دا ياريس
آخر اجتماع قسم انطل م جميع المديرين يسيبوا المتعاقدين ويمضوا ليهم عادي لحين صدور أي جديد


مدير المدرسة اللي عندكم دا واحد
دبلوم معلمين

[محمودعامر]

أنت إدارة أيه
على فكرة الكلام ده من الإدارة النهاردة.

[وليد زكير]

لا ياعم العقد تجدد سنة كمان مفيش اخلاءات ولا حاجة

[mmagdy_81]

والله محدش عارف حاجه لحد دلوقت لان فى ادارة شرق ادارة التعيينات لم تذكر حتى تجديد التعاقد ولنا الله

[مستر طه أبوسمرة]

في إدارة فاقوس لسه مفيش تجديد
وبكرة أروح أشوف إيه الجديد

[حسين الدوانسى]

ربنا يستر عليـــــــــــــــــــــــــــــــــــــــــــــــ ـــــــــــــــــــــــــــــــــــــــــنا

[ibrahim elsayed]

واضح ان تعليم الشرقيه كله متاعب ومصدر دائم للقلق والاخبار المستفزه
اقولكم حاجه احنا فى الفيوم عقدناانتهى فى 7/4/2010 ولم نجدد العقد ومستمرون فى مدارسنا ولم نسمع عماتقولون عنه
اللهم ارحمنا ممن لايفقهون وبعبادك يستهزؤن

[سلمى5]

انا من اداره ابراهمية محافظة الشرقية قالوا مفيش جديد وما حدش عارف حاجة واللة اعلم

[lolla_lolla]

مفيش الكلام ده خالص عندنا احنا عملنا عقد جديد ومفيش اخلاء طرف يوم ولا حاجه

[امجد7007]

الكلام ده فعلا صحيح وبالضبط نفس الكلام اللى حصل فى اداره جهينه
قالولهم انهم يعملوا اخلاء طرف بتاريخ 30 يونيو عشان التسكين او التثبيت هيبقى بتاريخ 1 /7 ودى طبعا اخبار حلوه والف مبرووووووووووك
بس عايز الحلاوه

[مدرسة الانجلش]

الكلام ده مش صحيح ي أخي
احنا في الدقهليه جددنا العقد سنة اخري
بدون فصل او إخلاء طرف

[AlaaElden]

هو اللى يخلى طرفه بس هما اللى شغاليين ب105 فى 30/6 اما العقد المميز مستمر ياريت تفهموا اللى شغاليين فى التعيينات بالكلام دة لانهم للاسف بيفهموا بالمقلوب

[امجد7007]

على فكره احنا فى سوهاج مفيش حد اصلا شغال ب 105
مبروك التعيين ويارب اللى مايبطل تشاؤم يتكعبل فى خبر حلو يخليه يبطل تشاؤم

[marwasamy]

طيب العقود المميزه اللي لسه ماامتحنتش الكادروبرده عقدها ينتهي 30/6 هيجددوا لهم ؟.برجاء الرد بكلام موثوق منه