أى نوع من الأطفال كنت ؟

[مستر ايمن محمد راشد]

يختلف الاطفال في سلوكهم وتصرفاتهم ونفسيتهم ..


لذلك .. هناك نماذج مختلفه من الأطفال كنا في يوم من الأيام مثلهم ..


الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مش بيدافع عن نفسه ..



الطفل العنيد
يطبق نظام البيت بالعكس .. يعمل اللى فى دماغه

مايخاف من الأب أو الأم .. لو قلت له هذا خطر لاتقربه .. عناد فيك يعمله..

يُــضرب كثيراً في طفولته .. ومع ذلك عنيد مايغير رايه ..



الطفل الحنّـان
يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..



الطفل المادي

هذا الطفل مش يرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل الطلبات.. وكل شي بحسابه ..



الطفل الفتّــان

تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. مالوش خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..




الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ما يطلبها .. شخصيته اتكاليه جداً ..




الطفل العله

يزعجك بأسئلته الي مش تنتهي .. يستفسر من كل شي .. حتى لو عطست ..

قالك ليه عطست .. وازاىعطست .. ازاى تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تطنشه..

واكثر الاوقات مش بتلاقي اجابه لاسئلته .. لانك في الحقيقه تجهلها ..



الطفل المتشرد
هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..




الطفل الصريح

.. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..




الطفل اللزقه

تلقاه معسكرر عند باب البيت .. مفيش حد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليه تأخرتوا عليّ ..




الطفل الهادي

هذا الطفل مالوش صوت ابد .. فين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع مايتكلمش

في كثير من الاحيان تلقى اهله ناسينه بالسوق او عند الاقارب اثناء الزيارات ..



الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..



ياترى انتوا من أي نوع اذا تذكرون؟؟

[ايه كمال]

انا عن نفسى وبصراحه ( الطفل الهادى) بس انا نفسى اعرف حضرتك كنت مين فى هؤلاء

[مستر ايمن محمد راشد]

آيه كمال .....انا فعلاص كمان كنت هادى وما زلت حتى الان وده عيبى الهدوء والطيبة مينفعوش فى الزمن ده

[Bent 3bdo]

ولا حد م دول خالص

[mody toty]

ولا حد م دول خالص
and thank you.

[Black~Shadow]

انا كنت ( الطفل القوى) كنت بلطجى على العيال عشان كده كانوا بيكرهونى بس الحمد لله غيرت من شخصيتى شوية دلوقتى

[عبير الشذى]

انا بقى مش عارفة
بس هما بيقولوا(الطفل الهادى)
بس مش الهادى اوى يعنى

[شروق الطلخاوى]

اناكنت الطفلة الدلوعة والصريحة بس انا بدئت اعدل منى اكون دلوعة
بس ماذلت صريحة

[ايه كمال]

كلامك صح 100% يا مستر ايمن
وشكررررررررررررررررررررررررررررررررررررررررا لحضرتك

[شذى العطر]

انا كنت (الطفل الهادى) كنت هادية جدا وكمان مبكلمش حتى إنهم سموني السكوتة
وشكرا على الموضوع

[jOy_GiRl]

الصراحة يا مستر ايمن انا كنت عجيبة شوية انا كنت اتنين من دول و الاتنين عكس بعض
انا كنت الطفلة البريئة
بس دة فى البيت بس لانى كنت بريئة و مش بعمل فى حد حاجة و وبرضو ساعات بينسونى و الكلام دة
و فى نفس الوقت كان لى شخصية بين زملائى و كنت قوية فى المدرسة
بس طبعا كنت صغيرة بقى
لكن دلوقت فى فرق
مازلت لى شخصية بس مش وحشة انا بعامل كل زمايلى زى بعض بس فى وقت الجد جد.
و اشكرك مستر ايمن على الموضوع الرائع و فى انتظار المزيد
تقبل تحياتى
jOy_GiRl

[رومانسيه الشرق]

انا كنت الطفله العنيده و اللمضه جداا
بس دلوقتى فى حاجات كتيره اتغيرت فيه
thanks على الموضوعات الجمده

[Blue Ruse]

انا ماكنتش اى نوع من دول خالص

[Free Love]

مفيش طفل من دول كان شبهي

[مستر ايمن محمد راشد]

رومانسية الشرق هههههههه سبحان الله معقوله كنتى عنيدة ولمضة وجدا كمان مش باين عليك خالص ....وشكرا لتفاعلك بالمنتدى