عندي مشكلة أرجوكم ساعدوني

طالب رضا الله · #1 30-03-2010, 04:21 PM

السلام عليكم ورحمة الله وبركاته
مشكلتي باختصار
أنا طالب في تالتة ثانوي (أزهر)
والامتحان قاعد عليه شهرين بس

وانا من اول السنة ماذكرتش ولا كلمة
والسبب في كده الكسل
ودلوقتي اللي مخليني مش عارف اذاكر (النت)
لانه واخد كل وقتي
وخايف افصله احتاج من عليه حاجه
ومع كل ده نفسي اطلع الاول على الجمهورية (طمع ابليس في الجنه)
بجد بجد انا كرهت نفسي

ارجوكم ساعدوني
وعلى فكرة انا على درجة كبيرة من الذكاء والحمد لله
منتظر حلولكم

ايه كمال · #2 30-03-2010, 05:29 PM

طيب ما تحاول توفق بين المذاكرة والنت بس ما تقعدش كتير عليه بالذات فى اخر شهرين ده انا اختى برده فى ثانوى ازهر بس سنه تانيه بس هى مش بتقعد على النت قد كده غير لما تكون بتنزل امتحانات او مذكرات حاول بجد توفق وربنا معاك ويوفقك

طالب رضا الله · #3 30-03-2010, 05:46 PM

بارك الله فيكِ أختي ايه
ومشكورة على التفاعل
وربنا يوفقنا كلنا ان شاء الله

modym2020 · #4 30-03-2010, 07:03 PM

مش حنقول ليه الكسل من اول السنة لكن شهرين وقت ليس بالقليل وتستطيع بإرادة قوية ان تحقق انجازا
لازم تستعين بالله اولا
وتحدد لنفسك يومين فى الاسبوع ولمدة ساعة فقط تستخدم فيها الانترنت لمساعدتك فى حل اسئلة صعبة او حل نماذج امتحانات وعليك ان تجبر نفسك على الا تزيد عن ساعة ويمكنك الاستعانة على ذلك ببرنامج مؤقت لتشغيل الجهاز لمدة محددة
المهم فى وقت المذاكرة عليك استغلاله جيدا وبتنظيم جيد وحل اسئلة واختبارات باستمرار
وربنا يوفقك