كنترول الثانويه الازهريه

[الاستاذ 74]

لوسمحتم ايه هى الخطوات المطلوبه للتقدم لكنترول الثانويه الازهريه وهل ليها شروط ومن امتى التقدم ياريت حد يرد عليا

[amiraali]

الشرط الوحيد انه يكون عندك 2 كيلو كوسه

[محمد طاهر عبد الوارث]

المشاركة الأصلية كتبت بواسطة amiraali

الشرط الوحيد انه يكون عندك 2 كيلو كوسه

2كيلو مش كفاية
وبعدين هو دا سؤال يا أستاذ احنا في الأزهر

[shaimaa zaki]

المشاركة الأصلية كتبت بواسطة amiraali

الشرط الوحيد انه يكون عندك 2 كيلو كوسه

2 كيلو فعلا مش كفاية
انت محتاج قفصين كوسة

[الاستاذ 74]

لا شرط سهل خالص

[مؤمن الغايش]

اذا سمحتم يرجو عدم الاسائه لآفضل مؤسسه اسلاميه فى العالم باكمله وهى الازهر

[سمير الجابرى]

يرجى الالتزام باداب الحوار

[amiraali]

الاساتذه الى متضايقين من رد الكوسه يفولوا ايه هى شروط الدخول لكنترول الثانويه الازهريه يمكن نستفيد ويكون انا نصيب فى الالتحاق وبلاش ياسيدى الكوسه الى مزعلاك لان الازهر هو المؤسسه العريقه الوحيده الى فى مصر التى لا يوجد بها كوسه

[ابو محمود السكرة]

ممكن تغير الكوسة وتخليها اى خضار تانى

[teacher120]

دا حال مصر كلها

[ابو كريمان]

دا حال كل مكان فى مصر والدنيا حتى المسئولين فى دول كتير بياخدوا رشاوى بس احنا مش بنعيب فى الازهر العيب فى الناس اللى مسيطره فى الازهر او محميه بقوه حاجه يمكن طربوشه

[ابو كريمان]

لازم نطرد الناس دى من وسطنا حتى يظل الازهر قلعه العلم نظيفا

[عيد فاروق محمد]

واضح أن الأستاذ لسه تعيين جديد ولكن انا هقوله إنك لازم يكون عندك واسطه جامده ( إما بمكتب الشيخ أو فى القطاع أو رئيس حجره فى الكنترول او منصب كبير فى الدوله (منصب سلطه جامده)

[أ/ سعيد موسى]

طبعا الزملاء اللذين يقولون كوسه معاهم حق ولكن السؤال لو اى واحد فيهم كان رئيس الكنترول من هم أعضاء الكنترول طبعا سوف يختار معارفه واصحابه وسوف يجامل اى واسطه لان الكنترول اى واحد فينا يستطيع انجاز كل اعماله ومش محتاج خبره وعندئذ سوف نجد من يقول نفس الكلام مش كده ولا ايييييييييييييييييه

[amiraali]

المشاركة الأصلية كتبت بواسطة begoflora

طبعا الزملاء اللذين يقولون كوسه معاهم حق ولكن السؤال لو اى واحد فيهم كان رئيس الكنترول من هم أعضاء الكنترول طبعا سوف يختار معارفه واصحابه وسوف يجامل اى واسطه لان الكنترول اى واحد فينا يستطيع انجاز كل اعماله ومش محتاج خبره وعندئذ سوف نجد من يقول نفس الكلام مش كده ولا ايييييييييييييييييه

كلامك صحيح بس على الاقل فيه عداله يعنى ممكن يسيتعين بنصف المجموعه الى بتقول عليهم خبره والنصف التانى يتعلم خبره صدقنى لو قلتلك ان الكنترول العام له تسعيره الان ادفع تذهب بدون خبره لان العمل به اسهل بكتير من نظام كنترول المعاهد ايه رايكم ياجماعه لو يبقا فيه استمارات ترشيح ذى الاستماره بتاعه الرغبات بتاعه الامتحانات الى احنا بنكتبها كل سنه وماحدش بيلتفت اليها مجرد اقتراح