اعتراف

kaml_klamk · #1 02-01-2007, 12:24 AM

السلام عليكم ورحمة الله وبركاته

بداية انا لسه داخل المنتدى بقالى يومين اثنين فقط
وانا هعرفكم بنفسى
الاسم : ينادونى باحمد سعد
السن : عايش من حوالى 20 سنة
المدينة : دمياط الجديدة " دمياط بلد البخلاء ياريت محدش يكون هنا من دمياط عشان مضطرش اعزمه واغرم بقى "
الكلية : غصب عنى دخلت تجارة المنصورة وبعدين حولت دمياط
الهواية : مجنون كمبيوتر

انا حبيت اعرفكم بنفسى فى الاول

ثانيا انا رديت على موضوع انا نشرته اسمه مجرد علاقة بريئة وكان من ضمن الرد انى اخطات فى الرد لانى قرات مواضيع كتير فاختلط الرد بين موضوعين وهما

" مشكلة " وده فى الركن العام

" الحب حلال أم حرام " وده فى منتدى الرجالة فى الركن الخاص
انا هوضح الخطأ ويا جماعه مفيش حد معصوم من الخطا وخير الخطائين التوابين " اللهم تب علينا جميعا يا رب العالمين "

فى موضوع مشكلة انا رديت وقلتلهم ان الحب حرام طبعا الحب نفسه مش حرام اللى حرام هو العلاقات اللى بتدارى تحت مسمى الحب

فى موضوع الحب حلال ام حرام برضه كان نفس المعنى ان الحب حرام وكنت بقصد العلاقة بين البنت والولد

لكن هناك شىء يجب توضيحه عندما نتكلم عن الحب او الموضوعين اللى طرحوا كان معنى الحب فيهما هو العلاقة بين البنت والولد يبقى اما انا قلت الحب حرام كان قصدى على الحب اللى هما قالوا عليه انما محدش يقول الحب مش حرام ليا ويقول انه حلال لهم ويكون قصده الحب نفسه زى مثلا " حب الاخ لاخته " ده حب حلال لكن طالما ان الموضوع بيدور او الكلمة بتدور حول معنى معين يبقى اللى يوضح شىء يوضحه للجميع مش لفرد واحد بس

ويا جماعه اعظم حب فى الدنيا هو حب الله والحب فى الله

حب الله انك .... كده انا طولت وهشرح الباقى فى موضوع مجرد علاقة بريئة . وشكرا

المشتاقة إلى الجنة · #2 02-01-2007, 01:57 AM

<div align="center">أهلا ومرحبا بيك اخى فى الله

ربنا يوفقك ويبارك فيك ياااارب

انا بقى اصغر من حضرتك ب 4 سنين ..انا بالثانوية العامة ..الصف الثانى ...علمى علوم ..أحياء

المهم انه حضرتك بجد نورتنا واحنا سعداء بوجودك معانا
بجد استفدت كتير من المواضيع اللى حضرتك طرحتها
ونشكرك شكرا لا حدود له
وتقبل تحيتى
وكل عام وانت بخير
والسلام عليكم ورحمة الله</div>

kaml_klamk · #3 02-01-2007, 12:58 PM

شكرا على المرور
اللهم نجح كل الطلبة والطالبات

مـــــــــازن · #4 02-01-2007, 04:17 PM

Welcome to the new member and we wish you spend time with us fun

المشتاقة إلى الجنة · #5 02-01-2007, 06:48 PM

اللهم آمين

بورسعيدى · #6 02-01-2007, 09:45 PM

الا وسهلا بيك

الموضوع كان مش محتاج اعتراف ولا اعتزار

حضرتك كان ممكن تعمل تحرير للمشاركة الخطأ وتقوم بتصليحها

على العموم الجيات اكتر من الريحات

وكل سنة وانت طيب

cute angel · #7 02-01-2007, 10:02 PM

بجد الموضوع ده جميل جدا وبشكرك عليه
وكويس ان في شاب في سنك بيطرح موضوع زي ده لانها اصبحت مشكلة كبيرة جدا في العصر ده
بس معلش ممكن اسالك سؤال؟ انت حصلك مشكلة قبل كده خاصة بالموضوع ده وعلشان كده فكرت تطرح الموضوع؟
عموما انت نورت المنتدى كلو وانا كمان لسة مشتركة من اسبوع تقريبا وعندي 17 سنة
وكويس ان في شاب في سنك بيطرح ا

د.حاملة المسك · #8 02-01-2007, 10:11 PM

جزاك الله خيرا
واكيد احنا متفهمين وجهة نظر حضرتك

نور العمر · #9 02-01-2007, 10:15 PM

اهلا بيك معانا في المنتدي اخي في الله

المنتدي نور بوجودك

واحييك ع كلامك

جزاك الله خيرا ووفقك الله الي مايحب ويرضي

عبقرينومان · #10 02-01-2007, 11:59 PM

اهلا بيك وبكل اهل دمياط
ولا يهمك
وعايزك تهتم بالمواضيع المميزة في اقسام برامج الكمبيوتر ما دامت هوايتك جنان الكمبيوتر

kaml_klamk · #11 03-01-2007, 12:08 AM

جزاك الله خيرا اخ عبقرينو

فى حاجه مهمة اهم من الكمبيوتر الا وهى الدين
الشباب والفتيات الان فى غفلة
لو حضرتك لاحظت انا مواضيعى معظمها دينية انا بحاول اوجه جلوسى على النت لخدمة الاسلام بس مش عارف انا ايه اللى دخلنى الركن العام بس فى سبب ممكن اوضحه لحضرتك لو لاحظت الاقبال على كل الاقسام والاقبال على الاقسام الدينية هتعرف الفرق ، طبعا نسبة الاقسام الاخرى اكثر من نسبة الاقسام الدينية حد يقدر يقولى ليه ؟؟؟؟؟؟
انا شايف اننا لو طرحنا بعض المواضيع الدينية داخل الاقسام الاخرى الناس هتدخل وتقراها وانشاء الله تكون مواضيعى هادفة ومتميزة

اللهم اهدنا برحمتك فيمن هديت ، وعافنا فيمن عافيت..
اللهم اهدى شباب وفتيات المسلمين..
اللهم ارحمنا فانك بنا راحم ولا تعذبنا فانت علينا قادر..