نوبة صحيان في السكة الحديد بعد كارثة العياط

[BaNZeR]

نوبة صحيان في السكة الحديد بعد كارثة العياط
قناوي: مواجهة انفلات العاملين.. ومنع تشغيل أي قطار عليه ملاحظات
التأكد من سلامة الإشارات .. وإلغاء سفر أي راكب يحمل مواد خطرة

كتبت لمياء عبدالحميد:
بدأت نوبة صحيان في السكة الحديد بعد كارثة قطاري العياط واستقالة وزير النقل محمد لطفي منصور. وبدأ مسئولو الهيئة جمع خيوط العمل وانتظام القطارات والمواعيد ومتابعة العمل في المواقع والورش وسلامة الإشارات وسلبيات الركاب ومواعيد العمل ومراجعة وضع الشركات الأربع التي أنشأتها الهيئة من داخلها لتتولي أعمال الصيانة.
أكد المهندس مصطفي قناوي رئيس هيئة السكة الحديد الجديد أنه سيواجه بحسم انفلات بعض العاملين. وسيمنع تشغيل أي قطار عليه ملاحظات فنية . وأنه سيتم الغاء سفر أي راكب يحمل مواد خطرة ومنعه من ركوب عربات القطار.
وعن تحقيقات حادث العياط أشار إلي انها في مرحلة تحليل الحادث والتحقيقات مستمرة وستنتهي خلال أيام قليلة. وقد تم التنبيه علي جميع الكمسارية بضرورة انزال أي راكب سواء من محطة رئيسية أو فرعية يتبين ان معه موقدا أو يزاول أي مهنة أو عمل بدون إذن مسبق من رئاسة المحطة. وفي حالة رفضه ذلك يتم ابلاغ الشرطة بأول نقطة يصل إليها القطار.
قال ان شرطة السكة الحديد تتعاون معنا ولابد من زيادة هذا التعاون لمكافحة أي ظواهر سلبية وقد تم ابلاغهم ببعض التجاوزات التي رصدتها الصحف مؤخراً لاتخاذ اللازم نحو منعها.
______________________
المساء

[سمر2000]

هيا فعلا نوبه دى ابلغ كلمه بس مدتها اد ايه يارب تطول

[mr_shrefamen2]

هو كدا علي غرار الافلام العربية القديمة البوليس ما بيجيش او بيحس بالمشكلة الا بعد وقوع المصيبة
واحنا كدا ما نهتمش الا بعد ما المصيبة تحصل
والله خايف احسن اهتمامه بالمدارس ونظافتها " فعليا " يكون بعد ............. بعد الشر علي ولادنا
لكن نعمل ايه هو كدا الحال لا حركة الا بعد المصيبة ما تقع

[جمال سراج]

شكرا على الخبر
وكالعادة لازم يبقى فيه جديد حتى ولو كلااااااااااااااام!!!!!!!!!!!!!!
تحياتى لحضرتك

[BaNZeR]

المشاركة الأصلية كتبت بواسطة سمر2000

هيا فعلا نوبه دى ابلغ كلمه بس مدتها اد ايه يارب تطول

مش باين عليها نهاية طول ما المسؤول عنها نفسه

المشاركة الأصلية كتبت بواسطة mr_shrefamen2

هو كدا علي غرار الافلام العربية القديمة البوليس ما بيجيش او بيحس بالمشكلة الا بعد وقوع المصيبة
واحنا كدا ما نهتمش الا بعد ما المصيبة تحصل

زي انفلونزا الخنازير كده
نقول الوضع مطمأن والمدارس شغالة لحد ما اللى فيها يموتو ويفكرو بعدين يقفلوها ولا لأ

المشاركة الأصلية كتبت بواسطة مستر/جمال سراج

شكرا على الخبر
وكالعادة لازم يبقى فيه جديد حتى ولو كلااااااااااااااام!!!!!!!!!!!!!!
تحياتى لحضرتك

العفو وشكراً لحضرتك على المرور

[**تسابيح**]

هو احنا كدا لازم تحصل كارثة عشان الناس تتحرك
هو بس كدا في الاول
لما الموضوع يهدي شوية
هتلاقي الناس بتكبر
لحد لما مصيبة ثلاثة تحصل
وهلم جر
وربنا يستر
شكرا ع الخبر