اللى جايب 50 % ادبى يروح فين ؟؟؟

[eltair88]

ياجماعة انا فى ورطة كان عندى ملحق عربى و امتحانته و كنت مستنى النتيجة كدة كدة هاجيب 50% بس مش عارف اروح بيهم فين و اقدم فى التنسيق ازاى اكتب ايه فى الرغبات ؟؟؟ واخر معاد امتى؟ و ايه الاكاديميات اللى تاخدنى ؟؟ وايه نظام الجامعة المفتوحة ينفع ادخولها ؟؟ وكليات ايه المتاحة ؟ وبقدملها تبع التسيق ولا لا ؟؟ واخ معاد امتى ؟؟و النبى حد يساعدنى علشان انا محتاس

[بوبوسا]

الجامعة المفتوحة متاح الان كليات اداب وحقوق ممكن يكون في اعلام
وبتقبل من50%
اما بالنسبة للكليات المتاحة حضرتك عند كتابتك للرغبات من موقع التنسيق تظهر لك كل الكليات والمعاهد المتاحة لك

[الاميرمحمد]

المشاركة الأصلية كتبت بواسطة بوبوسا

الجامعة المفتوحة متاح الان كليات اداب وحقوق ممكن يكون في اعلام
وبتقبل من50%
اما بالنسبة للكليات المتاحة حضرتك عند كتابتك للرغبات من موقع التنسيق تظهر لك كل الكليات والمعاهد المتاحة لك

يعني مفيش تجارة تعليم مفتوح القاهرة ؟؟؟؟

[eltair88]

شكرا يا بوبوسا وهو انا اقدر اقدم دلوقتى ؟؟ و ممكن الموقع ؟

[بوبوسا]

المشاركة الأصلية كتبت بواسطة eltair88

شكرا يا بوبوسا وهو انا اقدر اقدم دلوقتى ؟؟ و ممكن الموقع ؟

العفو
لا متقدرش تقدم النهارده التقديم لسه مافتحش يعني ممكن يبتدي كمان يوم اويومين وده موقع التنسيق اللي هتقدم منه حضرتك

ده اللي مكتوب في موقع التنسيق دلوقتي

التسجيل مغلق

• ترقبوا فتح التسجيل للدور الثاني والمتخلفين

في نفس المكان هتلاقي مكتوب التسجيل وقت مايتفتح تنسيق المرحله الثالثه

بعد ماتضغط على اللينك تضع اسمك والرقم السري الموجود في ملف حضرتك في ظرف موبينيل وبعد كده تختار الكليات اللي هتكون متاحه لحضرتك وبتكتب 48 رغبة بعد كده هتلاقي بيانات تكتبها وتنهي التنسيق بس قبل ماتنهيه اطبع الرغبات اللي حضرتك كتبتها

http://www.tansik.egypt.gov.eg/application/

[الاميرمحمد]

يعني مفيش تجارة دلوقتي في التعليم المفتوح

[بوبوسا]

المشاركة الأصلية كتبت بواسطة الاميرمحمد

يعني مفيش تجارة دلوقتي في التعليم المفتوح

حضرتك في التوقيع كاتب من قام رمضان وهي المفروض من صام رمضان
في الاسكندرية مافيش تعليم مفتوح تجارة ده اللي كتبته جريدة الجمهورية
بس في احتمال انها تفتح تاني معرفش فيه تجارة في بقية المحافظات ولا لاء

[eng...lido]

ياجماعة يوجد فى جامعة اسكندرية تجارة مفتوجة وحقوق وتربية وسياحة
انا اصلا من اسكندرية واصحابى مقدمين تجارة عادى

[بوبوسا]

المشاركة الأصلية كتبت بواسطة eng...lido

ياجماعة يوجد فى جامعة اسكندرية تجارة مفتوجة وحقوق وتربية وسياحة
انا اصلا من اسكندرية واصحابى مقدمين تجارة عادى

وانا كمان من اسكندرية علشان كده بتكلم عن التعليم المفتوح بالاسكندرية انا قلت اللي اتكتب في جريدة الجمهورية ان كان بداية شهر 9 مش فاكرة اليوم بالظبط ان القبول بتجارة اسكندرية اتقفل بس انا مش متاكده اذا كان كلامهم صح ولا لاء وكتبت انه ممكن تتفتح تاني

[eltair88]

معلش هتعبك معايا بس هو ايه ظرف موبينيل انا عندى جواب ابيض من المدرسة مكتوب فيه كلمة السر هو ده؟؟
انا سمعت ان فى جامعة مفتوحة فى جامعة عين شمس و بتقبل ثانوية عامة الكلام ده حقيقى ؟ و اية الاقسام اللى فيها ؟ هو مفيش تجارة جامعة مفتوحة ؟؟

[بوبوسا]

المشاركة الأصلية كتبت بواسطة eltair88

معلش هتعبك معايا بس هو ايه ظرف موبينيل انا عندى جواب ابيض من المدرسة مكتوب فيه كلمة السر هو ده؟؟
انا سمعت ان فى جامعة مفتوحة فى جامعة عين شمس و بتقبل ثانوية عامة الكلام ده حقيقى ؟ و اية الاقسام اللى فيها ؟ هو مفيش تجارة جامعة مفتوحة ؟؟

هو الجواب ده صح بس اللي انا كنت اخدته كان في ظرف موبينيل وطالما مكتوب في الظرف انه الرقم السري يبقى هو ده اللي حضرتك هتقدم بيه من على النت
صح في جامعة مفتوحة في عين شمس كليات اعلام وحقوق واداب وتجارة وزراعة
وفي تربية في اسكندرية بس مش عارفه في تربية في عين شمس ولا لاء
وهكتب لحضرتك دلوقتي الاقسام اللي متوفرة في كل كلية
والتعليم المفتوح بيقبل الطلاب الحاصلين على الثانوية العامه بمجموع 50%

[بوبوسا]

شروط الالتحاق التعليم المفتوح
جامعة عين شمس

• الحصول على الثانويه العامه أو الثانويه الازهريه أو ما يعادلها من الثانويه العربيه أو الأجنبيه وكذلك الدبلومات الفنيه وبشرط مضي فترة خمس سنوات على الأقل من تاريخ الحصول عليها باستثناء المؤهل العالي
• الشرط ده اتلغى
• الحاصلون على المؤهلات فوق المتوسطه (الدبلومات الفنيه نظام السنتين أو المؤهلات الجامعيه ذات العلاقه بالدراسه فيلزمهم احضار بيان نجاح في المقررات السابق دراستها وكذلك شهاده بالتقديرات والدرجات الحاصل عليها وكذلك لعمل المقاصه اللازمه لكل معهد .
• بالنسبه لقبول الطلاب الوافدين بكليات التعليم المفتوح يتم بمجرد حصول الطالب على الثانويه العامه بشرط النجاح بمجموع لا يقل عن 50% من مجموع الدرجات.

بشرا لطلاب الثانوية العامة دفعه2008/2009

• بشرا لطلاب الثانوية العامة دفعة 2008/2009 تمت الموافقة على قبول حملة طلاب الثانوية العامة دفعة 2008/2009 بدون شرط الخمس سنوات اعتباراً من العام الجامعي 2009/2010

والكلام ده كله من موقع جامعة عين شمس التعليم المفتوح وده اللينك
http://www.olc.shams.edu.eg/olc_deta...%دفعه2008/2009

[بوبوسا]

اقسام كلية التربية جامعة اسكندرية تعليم مفتوح
1- الادارة امدرسية وتتيح للدارس التدرج في السلك الاداري
2-تربية خاصة (ذوي احتياجات خاصه)
3- معلم فصل تتيح للدارس ان يكون مدرس فصل بالمرحلة الابتدائية
4-اتصال واعلام تربوي
5-تعليم كبار
6-مجالات علمية تعليم اساسي
7-ارشاد نفسي
8-مكتبات مدرسية
9-توجيه وارشاد اكاديمي
10-تقويم وامتحانات
الدراسة اول اكتوبر انتساب -انتظام
الدراسة اربع سنوات كل سته مقسمه اترمين

[بوبوسا]

التعليم المفتوح بجامعة عين شمس يبدأ الدراسة بالنظام الإليكترونى ا


قال مدير مركز التعليم المفتوح بجامعة عين شمس الأستاذ الدكتور العارف بالله الغندور إن المركز سيبدأ الدراسة بالنظام الاليكترونى العام الجامعى القادم 2008 ـ 2009.

وأضاف الغندور لوكالة انباء الشرق الاوسط ان المركز بدأ فى تنفيذ خطة التعليم الإليكترونى وذلك فى إطار تطوير التعليم عن بعد والذى يمثل هدفا رئيسيا تسعى الجامعة لتحقيقه.

وأوضح أن خطة التطوير بدأت خطواتها بإفتتاح الموقع الإليكترونى الخاص بمركز التعليم المفتوح وذلك بالتعاون مع أساتذة كلية الحاسبات والمعلومات ليتمكن طلاب التعليم المفتوح والذى وصل عددهم إلى نحو 22 ألف طالب وطالبة من المتابعة والتفاعل مع الجامعة.

وأشار إلى أنه فى إطار الإرتقاء بمستوى الخريجين وتقديم نموذج جامعى يلبى إحتياجات سوق العمل بما يتناسب مع المعايير الخاصة بالجودة للوصول إلى المستويات العالمية تم وضع محاور للتطوير تضمنت تطوير المناهج الخاصة بالبرامج الدراسية الحالية وتطوير أساليب التدريس والتدريب بالإضافة إلى العمل على تطوير الكتاب الجامعى.

وقال إنه من أجل تفعيل وسائل الإتصال التكنولوجية كأداة أساسية فى زيادة تفاعل الطالب والأستاذ يقوم المركز الآن بالإعداد للقناة الفضائية للتعليم المفتوح ،وأيضا الإعداد لإستخدام نظام الفيديو كونفرنس لربط المركز بالمراكز الأخرى على مستوى الجمهورية وخارجها.

وأشار إلى أنه من أهم مميزات التعليم المفتوح بالجامعة أنه يعطى فرصة حقيقية لكل طالب يرغب فى الدراسة فى التخصص الذى يريده سواء فى مجالات القانون أو الآداب (إرشاد سياحى - سياحة - آثار مصرية أو يونانية أو إسلامية) ولدية الفرصة أيضا للدراسة بكلية التجارة ( المحاسبة - إدارة أعمال - نظم معلومات وإحصاء) وكذلك بكلية الزراعة (تكنولوجيا وإدارة المشروعات الزراعية) والدراسة مفتوحة أيضا للطلاب المصريين المقيمين بالخارج والطلاب العرب.

وأوضح أنه فى إطار تشجيع المركز للدراسة به فقد تم فتح الدراسة فى عدد من الدبلومات المهنية منها (دبلوم الخبراء العقاريين ودبلوم الترجمة التطبيقية ودبلوم إدارة التعليم الخاص) لخريجى الكليات ، وسيكون هناك تخصصات جديدة فى مجالات الإعلام والخدمة النفسية والدراسات التاريخية وستفتتح الدراسة بها بعد عرضها على المجلس الأعلى للجامعات والموافقة عليها

[eltair88]

بوبوسا بجد مش عارف اشكرك ازاى كلك ذوق بجد