|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
26-08-2009, 03:06 PM
|
||||
|
||||
نظرة فلسفية
بسم الله الرحمن الرحيم فى بداية الحديث قد يعتقد البعض انا ما ساقوله به بعض الاهانة له ولكنى هنا اتحدث بنظرة فلسلفية بحته بعيدة كل البعد عن الدين فبعد تفكير معمق للانسان المصرى بشكل خاص والانسان بشكل عام وتزكرت نظرية دارون وجدت ان ربما فى كلماته ونظريته بعد الحقيقة ولكنى اكتشف ايضا ان الانسان ما هو الا حلقة وصل بين القرد والحمار حيث ياتى الانسان فى منتصف الطريق ساعود مرة اخرىواذكر بقول الله تعالى بسم الله الرحمن الرحيم (ولقد كرمنابنى أدم وحملناهم فى البر والبحر) صدق الله العظيم الى اخر الاية الكريمة لكن هنا انا لا اتكلم عن تكريم المولى عز وجل للانسان لان الانسان هو القادر على ان يرفع من شأنه وان يحط من شأن نفسه فالانسان كمان نعلم جميعا ما هو الا كائن مخير وليس مصير كرمه الله تعالى بالعقل وفضل بعضهم بالحكمة لكن عندما نجد ان الانسان اصبح يحط من نفسه ومن كرامته بسبب وبدون ادنى سبب بينما العلماء يصرحون كل يوم بان بعض فصائل الحيوانات اخذه فى الارتقاء عندما تنظر حولك الى الحوادث والى القتل والتشريد والى الاحتباس الحرارى حتى تجد ان كل هذا من صنع الانسان والذى هو مكرم بالعقل كما جاء فى القراءن هنا تنتهى علاقة الموضوع بالدين وندخل فى نظرة وامثلة على هذا الكلام وهذه النظرية نبداء وعلى سبيل المثال بالحرب العالمية الاولى بعد قراءة طويلة لاسباب الحرب العالمية الاولى نهيك عن الاسباب الاستعمارية والتى كانت موجوده بالفعل نجد ان السبب الرئيسى لقيام الحرب العالمية الاولى هو عملية اغتيال احد امراء النمسا والمجر فى اثناء زيارته لصربيا وما نتج عنها من قيام الحرب بسبب التحالفات بين الدول وبعضها البعض وكانت المحصلة النهاية 8 مليون قتيل وضعف الرقم من الجرحة اى عقل بشرى او اى تصور يجعل من قتل شخص ما مهما كانت صفته فى هذا العالم سبب فى قتل 8 مليون روح لكن هذا هو العقل البشرى منذ قديم الازال كيف للنفس البشرية ان تقتل نفس مثلها ولكن سوف اقول اننا لما نشاهد الحمير فى يوم قد اعلنت الحرب على بعضها او ان حمار قتل حمار او حمار سرق حمار او حمار اغتصب حمار لا يحدث لان الحمير هى كائنات ارقى بكثير عندها عقل تميز بين الصواب والخطا ولو كره البنى ادمين هذا مثال بسيط على مدى تواضع التفكير البشرى والانسانى فى وقت واحد مثال اخر ربما عيشه البعض عندما تجد شخص ما او سيدة ما تقف فى اتوبيس النقل العام او سيارة الميكروباص ما الذى يدفع شخص ما الى ركوب سيارة والوقوف فيها شانه شان باقى البهائم لا يوجد فى اى دولة متحضرة مثل هذا الشىء وهذا ما يدفع بعض السائقيين الى التمادى لان صاحب الحق تنازل عن حقه فى الجلوس وأهان كرامته وانسانيته ووقف مثل اى حيوان فى السيارة لان من المعروف ان الحيوانات فقط عند نقلها تظل واقفه لكننا نعيش بمبدأ (الموضوع مش مستاهل دى حاجة هايفة ) ونسينا ان من يتنازل عن حقه فى الصغيرة يضيع حقه فى الكبيرة وما اسهل التنازل عند المواطن المصرى بشكل عام حتى اصبح التنازل سمة من سمات الشعب المصرى اصبح شىء روتينيا بالنسبة له يحيا ويعيش به وما يوكد كلامى بما لا يدع مجال للشك هو ظهور عدد كبير من المغنين يتغنون للحمار وصفاته الحميدة التى لا تجدها فى الانسان نفسه حيث يظهر المغنى مدى الاولفه بين الحمار والانسان والمعروف ان الاولفه علاقة عاطفية متناغمة أو ارتباط بين شخصين وكان الانسان يتمنى الارتقاء الى ما هو ابعد من كونه مجرد انسان تلك النظرية تحتمل الشك واليقين ربما تكون خاطئة
وربما يكون فيها شىء ولو بسيط من الصواب
__________________
وداعا
|
|
#2
26-08-2009, 04:18 PM
|
||||
|
||||
|
بص يامحمد انا اتكلمت عن الانسان بشكل عام
لان الحرب العالمية الاولى الكل شارك فيها حتى مصر ولو بالدعم ثانيا اخدت الشعب المصرى كمثال للتنازل وحط تحت التنازل زى مائة خط مهو كان لزم تجيب وتزكر مثال للبيئة اللى انت عايش فيها لان شخصيتك معظمها بيتكون نتيجة للبيئة اللى الانسان بينشأ فيها ومنتظر ردك ان شاء الله وانا قولت ان كلامى وطبيعى كلام اى حد بيحمل يالصواب يالخطا او جزء من الاتنين
__________________
وداعا
|
|
#4
26-08-2009, 04:34 PM
|
||||
|
||||
|
اقتباس:
علماء الدين نفسهم اختلفه فى النقطة دى وفى اللى قال ان الانسان مخير وليس مسير وفى رأى اخر ان الانسان مسير وليس مخير وفى راى تانى بيقول ان الانسان مسير ومخير يعنى مفيش رأى او فتوى ثابته فى الموضوع ده ولو فضلنا نتكلم عن الموضوع ده هنخرج عن الموضوع الرئيسى
__________________
وداعا
|
|
#5
03-09-2009, 02:21 AM
|
||||
|
||||
|
اقتباس:
فعلا ودي كانت جملة الشيخ الشعرواي واعتقد انها منطقيه 
__________________
26/6 |
|
#6
26-08-2009, 10:22 PM
|
||||
|
||||
|
اقتباس:
طبعا و على حسب فهمى للموضوع هو فى موضوع عايز أوضحه الإنسان و بايه التكنولوجيا و العلم لم يستطيع حسان نتائج التقدم يعنى مثلا وقت إختراع السياره مكنش العلماء يعلموا أضرارها لكن التأخر هىاللى فيه و عدم لإستخدام التكنولوجيا لتقليل أضرارها النقطه التانيه هى إن فعلا فى أضل من الأنعام و لكنهم بشر من منى آدم السلبيه أسوء شئ فى المجتمع المصرى
__________________
ما أعظم ان تكون الغائب الحاضر على أن تكون الـحـاضـر الـغـائـب
|
|
#7
28-08-2009, 10:01 AM
|
||||
|
||||
|
اقتباس:
انت لخصت الرد بتاعك فى إيجاز عمتا شكرا على رأيك
__________________
وداعا
|
|
#8
27-08-2009, 03:03 AM
|
|||||
|
|||||
|
اولاً انا بعترض ع جمله  اقتباس:
مفيش حاجه نقدر نفصلها عن الدين حتى النظريات الفلسفيه البحته اللى انت بتقول عليها الدين والفلسفه اعتقد لو اتفهموا صح مش هنبقى متخبطين اوى بالعكس طريقه تفكيرنا هتكون كويسه المعروف اصلاً ان الفلسفه من فروع العلوم اللى سمعتها مش كويسه فى العالم العربى عاده الفلاسفه بيتهموا بالالحاد وما الى ذلك!! فى الوقت اللى تعريف الفلسفه زى مكنا بناخد واحنا عيال فيلو- سوفى شقين حب - المعرفه واعتقد ان الدين مش بيمنع ده بالعكس ايات كتير بتدعو للسعى والتامل والتفكر وحب العلم والمعرفه السمعه السيئه جت من فكره ان الفلاسفه العقل عندهم اصبح هو الاله وده اللى احنا ضده الفلسفه كعلم فهو علم بيدعو ليه الدين ثانياً عشان منبعدش عن الموضوع بس بحاول اخد الموضوع حته حته اما نشوف هنوصل لايه يعنى اقتباس:
بردو من رايي ان مفيش فرق مابين انسان وانسان ولو هنعمل تجربه جيب اى طفل مصرى وازرعه فى اى مجتمع تانى وجيب اى طفل من بره وازرعه هنا فى مصر هتلاقى ان الطفل المصرى اصبحت عقليته متحضره وجميله ع عكس الطفل التانى فعمليه انك تعقد مقارنه مش مستحبه اولاً: لان مفيش فرق من الناحيه التركيبيه ثانيا: ان التغييرات اللى بتطرأ ع الانسان فى الحاله دى تغيرات ناتجه عن عوامل محيطه مش اختلال او اختلاف فى عوامل داخليه او فسيولوجيه لو هنتكلم من ناحيه عضويه لانك انت هنا اللى بنيت نظريتك ع قوانين الحاج دارون انت بنيت ع اساسات ضعيفه لو هنوصفها باساس اصلاً يعنى ان شاء الله البناء كله لو اتبنى هيكون ايل للسقوط اولا الحاج دارون نظريته عشان نفهمها ان احنا أصلنا قرود ان شاء الله وان السلسله مكنتش بدايتها قرد لا حاشا وماشا هو القرد ده الله يجازيه حصلتله طفره مما ادى لظهور بنى ادم !! يعنى العمليه كانت بدايتها بكتريا ففرخه فوزه فارنب فقرد فبنى ادم كل حاجه تحصلها طفره وتتحول جميل يبقى احنا نستنتج ان احنا بنى ادم بن قرد حفيد أرنب او حاجه زى كده احنا ممكن نخلى شجره العيله حديقه حيوان اصلاً وبدام نظريته بتقول ان الطفره ممكن تحول القرد لانسان فان شاء الله لما نلاقىفار اتحولوا لانسان منبقاش نستغرب طبعاً كل كلامه كلام فاضى طبعاً المصيبه ان كلام دارون باشا حجر الزاويه فى علم التطور والوراثه وده شىء اصلاً منافى للدين وللعقل ولو القرد اتحول لانسان فايه اللى يمنع ان الانسان نفسه يتحول لقرد ولا حتى لكلب بلدى مهى نفس الفكرهَ!! يعنى نخلى بالنا لو لقينا اى حيوان فممكن يكون اصله انسان والعكس اقتباس:
امممم احنا مش مخيرين بشكل كلى ولا مسيرين بشكل كلى يعنى من الكتب الجميله لمصطفى محمود كان اسمه تقريباً زياره للجنه والنار وهو مسرحيه اتكلم فيها عن فكرة مخير او مسير بطريقه بسيطه وظريفه احنا اختارنا هنكون ايه من قبل منكون كل واحد اختار صفه واحده من اسماء الله الحسنى اللى اختار المبدع زى بيكاسو وبيتهوفن اللى اختار الجبار زى هتلر وموسولينى وهكذا يعنى اختارنا !! فى الوقت اللى بيرد فيه الملك ع الشيطانه بتاعته ويقلها لا احنا كده مخترناش فى الدنيا احنا كده ماشيين مش بمزاجنا ع الخطه الموضوعه دى ودار حوار ظريف كده بتقابل فيه ماركس ولينين وحجات كده كميل شوفه يعنى بس انا معاك فى نقطة ان الواحد بيرفع ويحط من شأنه بمزاجه زى فكرة عدم مقدره الغير ع اهانتك الا برغبه منك ::::::::: باقى الموضوع انا هاخده انك قصدك كنوع من انواع النقد الساخر مش من نحيه علميه لان احنا فوق اثبتنا ان النظريه نفسها اساسها مش مظبوط علمياً ::::::::: انت اتكلمت عن القتل والدمار اللى الانسان خلقه وانك بتتسائل هل ده سمه من سمات العقل ؟! اقلك انا ياباشا الانسان مش بطبعه ملاك ولا شيطان الانسان رُكب فيه العقل مع الشهوه اللى بيغلب فيه العقل مع الشهوه بيكون فى نحيه الملائكه اللى شهوته بتغلب ع عقله بيلتحق بالبهايم ::: قدرات العقل نفسها صعب انك تتخيلها لان احياناً مش بتكون خاضعه اصلاً لقوانين وبتكلم عن العقل البشري طبعاً ::: لو اتكلمنا ع مثال من مُثل التدمير او ان صوره اتجه فيها العقل البشري للدمار واختلاق وابداع اشياء بتسبب هلع وخوف للناس فهناخد نوبل الراجل اللى بيُوصف بانه عاش بالحب ومات بالحب طبعاً مليش دعوه بقصه حياته انا هنا بس الراجل ده اللى اخترع الديناميت لغرض سلمى ومكنش المقصود بيه اداه من ادوات الحرب وان الديناميت بيعتبر نواه لادوات الحرب كلها فهل الخراب اللى سببه كان مقصود هل ذنب الراجل انه مفكر وعبقرى وانه اخترع بس الاستخدام كان غلط !! لا مش ذنبه المشكله فى اللى وقع فى ايدهم الاختراع ده دول الناس اللى شهوتهم غلبت عقلهم وحكمتهم ::: حجات زى اللى انت ذكرتها من احتباس حرارى ... دى سببها الانسان اينعم وكان سببها جهل وعدم وعى وعدم وجوده قدره سريعه ع معرفه اضرار التقدم بالتالى فضلت الاثار تتراكم وسببت مشكله ماي معاك انها غلطه بس غلطه جماعيه مدلش من بعيد ولا من قريب ان الانسان اصله قرد ولا حتى خنفسه :::: بالنسبه لموضوع الحرب العالميه اما مليش دعوه بالتاريخ اوى بس بفرض ان كلامك صح وان القتل والهبل اللى حصل ده كان أصله كذا وفى امثله كتير مش شرط الحرب العالميه موضوع التار فى الصعيد طرواده والقصه الاغريقيه المشهوره وكانت المعركه كلها ع واحده -طلعوا هايفين بردو- لما مش عارفه مين تنتحر عشان المطرب الفلانى انت بتقول ان دى حاجه تثبت ان احنا حيوانات او ان اصلان ميمون وانا بقلك العكس رفضك للفكره انت ورفضك للهبل ده بيدل ان فعلاً عندنا عقل وان مش اصلنا لا قرد ولا خروف ولا حمار ولا حلقه وصل ولا بتاع احنا فى الحاله دى وزى مقلت التحقنا بالبهائم والالتحاق من معناه ولا ليه علاقه بنظريه التطور كلامك انت نفسه يا معلم معناه ان احنا بنفهم مش حمير كويس انك بتثبت عكس اللى بتقوله فى نفس الموضوع :::: اقتباس:
فى حدوته جميله اوى او سؤال ظريف كده بيقلك انت اقوى ولا الطبيعه اللى حواليك ؟! طبعاً ناس كتير هتقول الطبيعه وناس قدهم هتقول الانسان بس محدش بيقول السبب بس لو هنتكلم بالفلسفه زيك يبقى مش هنختار!! ليه ؟ الطبيعه اقوى والانسان اقوى الطبيعه قوتها فى انها ممكن تقضى علينا فى لمح البصر وان الانسان كائن ضعيف جداً قدامها اما الاجابه ان الطبيعه بالرغم من قوتها فهى مش ع ادارك بالقوه دى وده فى حد ذاته طبيعى لانها معندهاش المؤهلات العقليه اما ع الجانب الاخر فالانسان عارف يعنى هنا الانسان ضعيف قوى قوى بعقله -الصراحه مش فاكره الجملة اللى اتقالت هنا بس كانت حلوه اوى يلا خير خير- مقدرش انا اسلبه الحق ده واقول ان قدرات الحمار اكبر ده حتى من الناحيه الدينيه حرام ! ::::: اقتباس:
احم انت اخدتها من جانب تركيب عقلى فى الوقت ان زى مقلتلك فوق ان الظروف بتفرض عليها هتعمل ايه يعنى انت شايف ان الوسيله متوفره وهى رافضه وحابه الشعبطه ؟؟!!! فى الحاله دى انا اقلك ان احنا حيوانات بس هى مش كده هى مش قدامها الفرصه ولا قدامها الوسيله وهى محتاجه لده يبقى هتعمل ايه ؟؟!! عاوزه تقضى مصلحتها بأى شكل يبقى العيب مش عليها ! ولا ع قدرتها العقليه العيب ع اللى حطها فى الموقف ده العيب ع اللى سرقها حقها واللى مؤكد انها مش هترجعه ! :::::::: لسه جزء معلقتش عليه بس انا عاوزه اروح اكل آخر تعديل بواسطة COoL HEaRT ، 27-08-2009 الساعة 09:30 AM سبب آخر: بجرب أشكل :d لذيذه الحكايه دى |
|
#9
28-08-2009, 10:42 AM
|
||||
|
||||
|
اقتباس:
كان جميل النقاش معاكى شوية كده واكمل رد على الجزء التانى
__________________
وداعا
|
|
#10
27-08-2009, 08:40 AM
|
||||
|
||||
|
اقتباس:
عشان فى ناس قالو انى لكاكه وده غلط ع الصحه انت عارف يا دكتور اسلام ان الجمله اللى بالحبر الاحمر دى ممكن تكون المسكن الوحيد مفيش علاج يا حاج اسلام الدوا غالى فبنقضيها مسكنات بس فى العاده السكون مش استكانه العالم دى عايشين كده ومقضينها بس جواهم نار نار قادره تحرق السبب فى العيشه دى الثورات كانت معظمها كده عيشه وكبت بتكون دى الجذوه المشتعله اللى بتسبب انقلاب حكومات كامله انت نفسك مش هتعرف تعيش غير من خلال سلسله لطيفه كده من التنازلات عشان تعرف تكمل احنا اتربينا ع كده تربيه غلط بس مفيده مش هتعرف تتعامل الا كده اصلاً بس كلامك مش دليل ع اى صفات حيوانيه الا ان عندنا عجز ومش عارفين ناخد حقنا بس احنا محتاجين نخبه كده شباب زيك وزى غيرك يعنى يكون عندهم وعى الثوره الفرنسيه واللى معرفش عنها غير ان اساسها نخبه مثقفه قاده الشعب لطريق الخلاص من تحكم الحكومات الفاسده يبقى نتفق ع ان فكرة او موضوع حلقه الوصل ده ميجزش ان احنا نقوله ونتفق ان القصور اللى عندنا مش قصور عقلى لا ده ناتج عن ظروف محيطه الانسان عجز انه يتحداها وممكن ده يتغير من خلالنا احنا بس توضيح صغير فى حجات مفروض نتعامل معاها ونعديها مش لازم تدقق ع كل حاجه لانك هتتعب فى حجات كتير فى حياتنا لازم نطنش ونفوت فاهمنى ؟ ::::::::: الرد ده ممل اوى اللى فوق ابن ناس ملكش دعوه باللى تحت سلام عليكم |
|
#11
27-08-2009, 04:28 PM
|
||||
|
||||
|
أسف يا أسلام مش هقدر أرد علشان عندى ظروف والله عمومآ أخت بنوته اهلاويه ربنا يبارك فيها بجد قالتلك الكلام الى كنت عايز أقولوا وعملت الواجب وزيادة كمان السلام عليكم وكل عام وأنتم بخير
__________________
I don't Care MohameD MadkouR
|
|
#12
29-08-2009, 02:13 PM
|
|||
|
|||
|
فلسفه تانى ماصدقت خلصت منها
 والله ربنا رحمنى من الفلسفه ديه طول ما انا بذاكر اقعد اقول استغفر الله العظيم حاسه ان هيه ماده كفر والحاد والله  هوه طبعا احنا منقدرش نقول ان الحمار او اى حيوان احسن من الانسان بس للأسف الواقع بيقول كده  وانا شايفه انى نظريتك ديه اكيد فيه بعض الصواب  بس انت بتقول ان الانسان اهان نفسه لما يطلع ويقف فى الموصلات طب المفروض انه هيعمل ايه  ده حال البلد كده ولو كنا وقفنا من زمان وقولنا راينا يمكن مكنش ده حصل  بس منقارنش نفسنا بدول الغرب  لأن احنا امه بتقلد الغرب تقليد اعمى فى حاجات تافهه جدا زى سقط يا ابنى البنطلون وارفع شعرك وخض الناس بره بمنظرك الهايل ده  والبنات والمكياج  المهم موضوعنا ان احنا هنفضل طول عمرنا كده الشعب المصرى من مؤيدى حمله لاللتغيير  وزى ما سعد زغلول قال مفيش فايده فعلا مفيش فايده فى الشعب المصرى وامتناالتابعه للغرب مع انى عرفت ان سعد زغلول كان بيقول مفيش فايده وهوه تعبان وان مفيش فايده مع المرض يعنى الراجل مش قصدوا مفيش فايده على حال البلد اللى يفرح انا مش متخيله ان هيجى اليوم ونتغير فيه ده فى المشمش ولا انا غلطانه 
__________________
حياتنا لوحه فنيه...ألوانها القول وأشكالها العمل وإطارها العمر
فإذا انقضت حياتنا اكتملت اللوحه ...وعلي قدر روعتها تكون قيمتها حتى إذا قامت القيامه عرض كل انسان لوحته... فابدع في لوحتك...فمازالت الفرشاه بين يديك..!! |
|
#13
30-08-2009, 02:45 PM
|
||||
|
||||
|
شكرا على ردك يامروة ومعاكى حق
احنا يمكن اخدنا من الغرب حاجات كتيرة الا احترامنا لنفسنا وادميتنا بس رغم كل ده الغرب برضه مش مثالى والخفى منه اكتر بكتير من الظاهر
__________________
وداعا
|
|
#14
01-09-2009, 08:05 PM
|
||||
|
||||
|
عارف بيستخدموا الحصان ليه في سباقات الخيل ؟
عشان عنده مشاعر راقية مش زي الحمار يعني الحُمار بيمشي بإسلوب عادي ياعم مش مستاهله فعلاً إنما الحصان بيثور وعنده تقنية الثورة والغضب وده اللي فقده الشعب المصري بعد ما مات عبد الناصر في الغالب اعذرني في المثال وبشئ من التأدب أقدر أقولك " وكأن الشعب المصري تم ذبح سره " فبقي شعب بارد خاضع لا يمكن يثور .. وطبعاً فيه ناس فلتت من عملية " ذبح السر " دي .. بس للأسف الحكومة المصرية بتديلهم مُهبطات زي " زيت الخروع كدا " اللي بيطبخ بيه الأخ في التجمعات الكبيرة سواء الذكورية أو الأنثوية يعني مثلا تلاقي فيلم زي The Brave Heart شغال .. وتبقي طالع عايز تحارب تلاقي بعديها فيلم للسخيف عادل إمام اللي بيدعي إنه مُهتم بشأن الأمة بالرغم من إنه واحد من المُشاركين في عملية الذبح الأكبر قمة السفة وقمة الضعف النفسي والعقلي الحمدلله يمكن عشان الظروف مُناسبة الواحد بياخد حقه تالت ومتسّع يعني فوق حقي تلات أضعاف هو إفترا اه بس عادي جداً ولا فيها أي مشكلة طالما علي شخص يستاهل وخصوصاً لما تبقي جهه حكومية ممكن تكون علاقتنا أكبر منها ما علينا نيجي بقي لعرض الموضوع طبعاً انا استغربت لما لقيتك متلخبط في عرض الموضوع إنت حبيت تحط كل حاجة عشان محدش يقولك حاجة للأسف دي طريقة ضيعتلي مذاق الموضوع .. إنت قول رأيك وبعد كدا بررلهم بالمنطق .. لكن إنك تزودها في مقالك جزئية الدين .. دي فتحت مجال للنقاش حولها وكتير من المشاركات تقريباً ( مقرتهاش كلها ) اتخذت الموضوع من جانب مُعالجة تانى .. يعني قول رأيك واللي يقول حرام يقول مفيهاش أييييي حاجة إن البني آدم يبقي فيه صفات الحمار ويمكن انت عارف التجمع الثقافي الكبير رابطة الحمير ولا يخفي عليك مدي التقدم العقلي اللي هما عليه بصرف النصر عن لادينيتهم يعني أنا شايف عادي جدااااً انك تتكلم زي ما انت عايز أدي فرصة للناس تتكلم عادي مش مشكلة البني آدم مش بيرتاح غير لما يحس إنه قال رأيه في مسائل في نظري ( بقت بديهية ) لانه في المسائل اللي بتحتاج لبحث بتلاقيه منزل كتفه وطافي نور عيونه وداخل يقول مشكور فادي فرصة مش مشكلة مش هيضرك ف حاجة ملحوظة تانيه انا مش مُدقق إملائي ولغتي علي أدي بس انا شايف إن فيه هنات كتيرة وده ممكن يكون ناتج إنك منقحتش الموضوع بعد ما كتبته وكان وليد اللحظة -- بالنسبة لرد ياسمين فالفلسفة هي حب الحكمة ومن العلوم اللي مُصابة بالكساد في الوطن العربي فعلاً والفلاسفة مهتمين بالإلحاد في الوطن العربي لإن الناس العاديين نفس فكرة إسلام ( صفة الطيبة اللي في الحمار عمرها ما تدفعه للي فوق المستوى ) يعني ليهم حق يهتموا بالإلحاد بس طالما الطبقة الكبري دماغها وقفه -- بالنسبة لتجربة الطفل والطفل فصدقيني مش هيبقي بنفس المستوي اللي عليه الطفل الأجنبي وياريت محدش ياخد الجزء ده ويقولي الطفل المصري من أذكي أطفال العالم لاء هو الموضوع مرتبط إرتباط أكتر بالأساس الأول للتكوين وهو الموروثات او الجينات وفيه دراسات علمية كتيرة أثبتت إن الموضوع بيبقي مُميز جداً قبل الولادة نتيجة للجينات المرتبطة بزيادة المادة الرمادية ( اللي يُقال إنها مسئولة عن الذكاء ) كمان التركيب الهيكلي للدماغ يخضع لسيطرة جينيه وسعه جداً وقوية جداً واللي اتعرف بعد كدا إن السيطرة دي بتغطي مناطق القدرة اللغوية المميزة والذكاء والدقة وبعيداً عن تحويل الموضوع للموضوع طبي فأنا بس بلتمس منك إنك متخضعيش مسائل بيولوجية لمنطق حسّى لإنه مش مُفيد في المسائل الطبية ممكن يكون مُفيد في حوار التنمية البشرية والحوارات اللي ماشية دي اللي مش بتجيب سكة معايا نهائي وفي النهاية ده لا يُنكر إن البيئة والمجتمع والعوامل المُحيطة ليهم أثر بس مش زي الأثر التركيبي البيولوجي -- بالنسبة لمسألة المُخير والمُسير ف إحنا في غني عن مُناقشتها ولكن عشان أبقي اتكلمت في الموضوع بشكل عام فالإنسان زي ما قالت ياسمين إختار فعلاً لإن إن سقطت القدرة علي الإختيار سقط التكليف وبالتالي سقط العقاب بس نُخضع الموضوع بقي لمنطق حسّي أنا أفترض إن الإنسان خُلق ( من قبل ) وتم كتابة كل شئ وأفعاله اللي إختارها وإجتهاداته .. لكن ( من قبل ) دي بالنسبة للإنسان اللي قدراته ومجال رؤيته مايتعداش عمره اللي بيعيشه .. عشان كدا هوا شايف إن اللي بيعمله ده بيعمله دلوقتي بالرغم من إنه عمله من قديم الأزل أثناء قبول الأمانة ( العقل ) وده اللي مَضطلع عليه ربنا سبحانه وتعالي الكامل ولا شك -- شكراً علي ساحة حوارك يااسلام
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 01-09-2009 الساعة 08:10 PM |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:13 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
