لكل طالب تانيه ثانوى كيمياء ...... يا ريت تدخل

[Hamset_Etab]

السلام عليكم ورحمه الله

اهلا بيكم يا شباب الموضوع ده انا عملته عشان اديكم بعض النصايح فى السنه الجديده اللى انتوا فيها
وبردوا بعض الاخطاء اللى انا وصحابى وقعنا فيها

اولا ودى اهم حاجه بجد يا جماعه والله بجد اهم حاجه ( دعى الوالدين )
بجد بجد وعن تجربه ناس صحابى موس طول السنه وعشان بيضيقوا مامتهم خسروا كل حاجه ولا شطاره نفعتهم ولا ذكاء

2/ الثانويه دى مش عوزه واحد شاطر دى عوزه واحد عنده صبر يعد على الكتاب ومش يسيبه من ايده واوعى تقول انا حفظت خلاص اعمل ايه تانى
لا لا اشترى كتب خارجيه وحل لوحدك فى البيت على كل درس تذاكره

3/ اياك تغيب من الدروس ولا تروح يوم مش حافظ لان يوم اهمال هيتعبك بعدين يااامه اوى

4/ مش تقول لسه بدرى السنه طويله هذاكر بعد شهر ولا اتنين لا الله يكرمك من اول يوم لان السنه ولا طويله ولا حاجه السنه يا دوبك بتكفى بالعافيه لازم تمشى مع المدرس خطوه بخطوه عشان يوم ما يخلص منهج تكون مخلص وياه وتعرف تمشى معاه مراجعه
لان فى شهرين المراجعه مش هتعرف تحفظ كلمه يادوبك تراجع اللى انتا حفظه عشان هيبقى قدامك حل امتحانات ثانويه عامه وقدامك حل نماذج وحاجات كتير جدا بتبقى ضروريه

5/ اهتم بالكيمياء اوى اوى مش تخدوها على انها ماده عاديه
هى فعلا ماده عاديه بس لو اختها على انها ماده مش عاديه ذاكرتها على طول وحليت عليها يامه

6/ اعمل حسابك ان السنه بتاعتك لحد شهر ابريل بس ، بعديها يبقى فى قلق وتوتر وملل كل الطلاب بتحس بيه
انا مش بخوفك بس بقولك شد حيلك من دلوقتى عشان فى الشهرين اللى قبل الامتحان دول تراجع المنهج قرايه بس لانك لو مشيت بما يرضى الله طول السنه المنهج هيتحفر المنهج فى دماغك

7/ يوم ما تذاكر وتلاقى نفسك زهقان وتعبان فكر فى يوم النتيجه وانتا فرحان بمجموعك وفرحت عائلتك معاك والدنيا كلها فرحانه بيك هتتفتح نفسك على المذاكره على طول

8/ اوعى تفكر نفسك انك فى سنه عاديه لا انتا فى ثانويه تحديد مصير يعنى انتا فى السنه دى انسان مش طبيعى زى الناس العاديه اتعب اوى اوى عشان تحصد نتيجه تعبك نجاح وتفوق وصدقنى ولا لعب ولا نت ولا هوايه هتنفعك يوم لا قدر الله ما يضيع منك املك
انا اسفه طولت عيكم اوى
واتمنى ان كل من دخل الموضوع يكون استفاد ولو بحاجه صغيره

[el_magic]

شكرا ليكى على الموضوع وياريت الكل ياخد بالنصايح دى

[A.ra7man1]

شكرا ليكى كتيير
وربنا يقدم اللى فيه الصح
ربنا يكرمنا كلنا
>
>

[الباش مهندس]

انا بجد بشكرك جامد جدا
انا مش استفدت حاجة صغيرة
لا
انا استفدت حاجات كتيرة اوي
وكبيرة اوي في معناها
وشكراً ليكي علي النصايح اللي غيرت كام فكرة كانو في دماغي كدة
بس الحمد لله انتي قضيتي عليهم
وشكرا ليكي مرة تانية
وتقبلي مروري

[بنـ الاسلام ـت]

شكرا ليكى على النصايح الغالية دى وانا بجد استفدت منها كتير اوى

[moodyrap]

بجد انا كنت محتاج الكلام ده لانى كنت مش ثابت ودماغى لسه مش مستوعبه الكلام ده بجد انا استفدت كتير اوى والف الف شكر ويا ريت لو فى اى شرح للمهج متبخلش علينا بيه

[soma252575]

شكرا ليكى
واكيد كلنا كنا محتاجين الكلام ده

[king57]

انا بجد بشكرك جامد جدا
انا مش استفدت حاجة صغيرة
لا
انا استفدت حاجات كتيرة اوي
وكبيرة اوي في معناها
وشكراً ليكي علي النصايح اللي غيرت كام فكرة كانو في دماغي كدة
بس الحمد لله انتي قضيتي عليهم
وشكرا ليكي مرة تانية
وتقبلي مروري

[القلب الذهبى]

شكرااااااااااااااااااااا على النصائح الغالية

[Hamset_Etab]

انا بجد سعيده انكم دخلتوا التوبيك ويارب يارب كل واحد دخله يكون استفاد ولو بحاجه بسيطه
انتو بجد اخواتى واى حاجه عوزينها انا تحت امركم
يارب كل واحد يحقق حلمه
وان شاء الله اشوفكم مهندسين ودكاتره
وحولوا يكون دخلكم على النت مفيد يعنى اتعرفوا على بعض فى المنتدى وحولوا تعملوا جروب هنا عشان تساعدوا بعض
اللى مش فاهم حاجه التانى يفهمه
بجد المنتدى نفعنى كتيييييييييييييييير اوى السنه اللى فاتت واللى قبلها
والمدرسين هنا ما شاء الله عليهم

[RADWA ABOO]

شكرررررررررررررررررررررررررا

[yomna1993]

جزاكي الله خير يا بوسي بجد نصائح جميلة جدا و مقنعة موت
و يا رب يقدرنا كلنا و يوفقنا ان شاء الله
انا خايفة مووووت و الله و القلق و التوتر بدأوا معايا من دلوقتي مش من قبل الامتحانات بشهرين
ربنا يستر

[comboy]

بجد شكراً على الكلمات الرائعة دى

[ابو قطمة]

شكرا جدا على النصايح

[الحب التائه]

بجد النصائح بتاعتك جميلة جدا ويارب يجازيكى كل خير وياريت تكونى معانا على طول بنصائحك