نـــــــــداء هاااااام ارجو مساعدتي

[shosho_amoora]

يا جماعة انا جاتلي تربية عين شمس والحمد لله
وكنت عايزة اعرف معلومات عن قسم انجليزي والفرق بينه وبين قسم انجليزي تربية خاصة

وانا جايبة 47 في الانجليزي
ساااااااعدوني قبل كتابة رغبات تنسيق الاقسام
وحابة اعرف المواد ونظام الدراسة وطريقة المذاكرة وخصوصا الناس حيرتني بين الكتب والملازم
وهل الشغل فعلا بيقتصر على التدريس وبــــس؟؟ وكمان موضوع الكورسات ابدا من امتى
وايه الاماكن الكويسة اللي تفضلوها ليا؟؟ (( وياريت يكون عن تجربة شخصية لان اسماء الاماكن معروفة بس المهم اللي جرررررب يفيدني ))

وآسسسسفة على الاطالة و هتعبكو معايا ( من يومي وانا متعبة)

[shosho_amoora]

يعني 10 مشاهدات ومفيش ولا حتى رد واحد

[shosho_amoora]

بالله عليكم ساعدوني

[ديني الاسلام]

بالنسبة لعين شمس والله ما اعرف بس انا جالي تربية المنصورة

وبالنسبة تربية عام يعني ان شاء الله تدرسي للاعدادي والثانوي

اما بالنسبة لتربية خاص تقصدي (تعليم اساسي) تقتصر علي التدريس للابتدائي بس

وانا عن نفسي كتبت رغباتي اول حاجة انجليزي وبعدها لغة عربية وبعدها بقية الاقسام

وانا كمان جبت 47 في الانجليزي يارب نلحق القسم ده كلنا

اما الكورسات والملازم فدا والله لسة هسال عنها

يارب اكون افدتك ولو بمعلومة

ويارب اكون افدتك باي معلومة

[shosho_amoora]

جزاك الله كل خير و معلش ان كانت اسئلتي كتيرررة شوية
قسم انجليزي تربية خاصة اقصد به التدريس لذوي الاحتياجات الخاصة وده بياخد من درجة اقل من قسم انجليزي

والكلام ده عرفته من الكلية من اتحاد الطلبة وعرفت كمان ان قسم انجليزي بياخد نفس مواد قسم انجليزي تربية خاصة ((ولكن الفرق الوحيد انهم بياخدو مواد تربوية مختلفة وده اكيد طبعا لان طرق التدريس هتختلف ))

وشكرااااا جزيلا

[ديني الاسلام]

معلشي معرفتش قصدك بس والله كنت عاوزة اساعدك باي طريقة وربنا معانا ومعاكم والحمـــد لله انك عرفتي من اتحاد الطلبة

وربنا يوفقك

[shosho_amoora]

ربنا يوفقنا جميعا ونحقق امانينا و شكرا انك رديتي عليا وحاولتي مجرد المحاولة بمساعدتي

[مستر ممدوح]

انتى فين دلوقتى اساسى ةلا عام ولا تربية خاصة

[shimaa2009]

السلام عليكم اولا انا عاوزه اقولك قسم الانجيزى ده حلو جدا وهتدرسى فيه صوتيات ودراما واستماع وافضله عن تربيه خاصه لانها متعبه شويه وبالنسبه للكورسات ممكن تشوفى المعهد الثقافى البريطانى كله بيقول عيه كويس بس هو غالى شويه وعندك فى القاهره دوره بس فى حى شبرا كانت تسع شهور ممتازه بردو اما بالنسبه للمذاكره اكتبى المحاضره وبعدين بيضيها وده هيفيدك اكتر لان الحاجه اللى تعبتى فيها هتذاكريها غير ان الكتاب ده اساسى طبعا للمذاكره الاساسيه وارجو ان اكون افدتك واتمنى لكى التوفيق وربنا معاكى وابقى طمنينا عليكى ان شاء الله