|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
05-09-2006, 04:57 PM
|
|||
|
|||
محمود !
هل تعلم من هو محمود ! بالتأكيد تعلم من هو !! انه ذلك الشاب الذى تراه كل يوم !! فهو جارك !! او زميلك !! او قريبك !! او اخوك !! او اخوكى !! او من يركب بجانبك فى المواصلات !! ومن الممكن ان يصلى بجانبك فى المسحد فى يوم من الايام ! ينام الى الثالثه عصرا !! يسافر الى الساحل الشمالى فى الصيف يجلس على الكوفى شوب !! يقرأ رجل المستحيل وملف المستقبل يسمع محمد فؤاد وعمرو دياب !! يحب توم كروز وينبهر بأفلام ميل جيبسون !! يتمنى ان يأخذ صوره مع برتنى سبيرز !! يعشق امريكا !! -------------------------------------------------------------------------------- نعم !! هو محمود !! ذلك الشاب الذى يضرب اخته الصغيره !! ويعمل راجل على اخته الكبيره !! عندما يراها تمشى مع شاب غريب فييقول فى حماسه يحسد عليها مين ده يا بت !! نعم انه ذلك الشاب الذى قضى وقت كبير من حياته خلف شاشات الفيديو جيم !! ثم تتطور الامر قليلا الى الاتارى والفاميلى والسيجى !! ثم انتهى بالسايبر !! انه ذلك الشاب الذى تراه فى ايامنا هذه عند اى كشك وهذه الموضه الغريبه بعض الشىء !! انه ذلك الشاب الذى يرقص فى فرح ابنه عمه !! انه ذلك الشاب الذى يذاكر فى اخر اسبوع فقط من الامتحانات !! انه ذلك الشاب الذى يجلس بالساعات امام الشات يحدث هذه وهذه ويضحك على هذه وهذه ويصحك عليه هذا وهذا ويقول له انه فتاه !! ويقع كالغر الساذج !! انه ذلك الشاب الذى يمكث بالساعات على سماعه الهاتف يحدث صحبته او بلغه هذه الايام ( المدام ) محمود ذلك الشاب الطويل ! او القصير !! ضخم الجثه !! او ضعيف البنيان ولكنه فى كل حال يذهب للجيم لكى يكون صاحب بادى بليدنج !! انه قصه كل الشباب انا وانت !! اخى واخيك !! ابنك !جارك !! صديقك !! قريبك !! انه قصه شباب مصر !! ولكن هل سيظل كذلك !! سنرى !! هل تريدوا ان تتعمقوا فى حياه محمود اكثر !! هل تريد معرفه نهايه القصه !! انتظروا صديقكم محمود !! ان شاء الله ونبدأ ب؟؟ ------------------------------------------------------------------------------- قبل ان نبدأ !! لا تغضب من محمود دائما ولا تنظر اليه بنظره التكبر!! فقد تكون انت محمود !! او كنت محمود وتغيرت بفضل الله !! وقد يكون اخوك او صديقك !! الامر المهم هو !! اننا فى نهايه الامر نريد ان نخرج بشىء واحد !! هو ان يتحول محمود من محمود الشاب التافه الى محمود الشاب الملتزم !! اتفقنا !! اغلقوا التلفاز !! ادخل غرفتك !! ادخل فراشك !! اضىء النور الهادىء !! وامسك القصه وافتح !! اول صفحه من صفحات صديقنا محمود !! وصحص كده معايا وحسسنى انك فاهم  فلنبدأ على بركه الله ------------------------------------------ مش هتفطر قبل ما تنزل لااااااااااا بالطبع كان هذا حوار سريع بين محمود امه ! ويالطبع لم ولن يفطر محمود فى البيت! لان الموضه افطر فى الكليه لكن فطار البيت ده موضه قديمه !!! رمسيس تعال ! ركب محمود الميكروباص وكان هناك فتاه تجلس بجواره وبذكاء محمود المعهود استنتج ان هذا الفتاه اما معه فى الكليه او حقوق ( لان محمود فى تجاره ) وحاول محمود بشتى الطرق ان يزبط الفتاه !! ولكن !! محمود لم يكن ذكى بالمره لان هناك اكثر من استنتاج اخر متعلق بالفتاه !! فالفتاه لم تنزل مع محمود !! ولكنها اكملت طريقها فى الميكروباص!! الهزيمه الاولى ! اتجه محمود الى الكليه !! دخل اليها !! وكعاده الشباب فكل شله لها مكان معروف ولا ينبغى ابدا ان تأخذ هذه الشله مكان هذه الشله ! وكعاده شباب كليه تجاره فأن جميعهم يجلسوا فى كليه السن !! وكأن طلاب الكليه تحولوا من طلاب تجاره الى السن !! ايه يابنى اتأخرت ليه؟؟ معلش المواصلات !! طيب جى رابع استميشن ! ايوه بس عايزين نفطر الاول وهكذا مر اليوم كما يمر كل يوم ! فطار !! بنات !! استمشن !! لا للحضور !! تهريج !! ضحك !! نكات !! وانتهى اليوم !! وما بدأت الايام تلو الايام !!! حتى وصلنا الى امتحانات نصف العام !! -------------------------------------------------------------------------------- باقى شهر على الامتحانات !! وهناك 6 مواد !! وهناك ماده من السنه السابقه !! وكالعاده !! المذاكره تكون ! فى الشكل التالى !! 3 او 4 فى بيت احدهم !! كارفن او سندباد !! (ولمن لا يعلم فهى ملازم لشرح المنهاج الدراسيه) سجائر !! شاى !! مذاكر حتى الفجر !! ثم صلاه فى الفجر فى المسجد ! ثم النوم الى صلاه الظهر او العصر !! ثم بدايه يوم جديد من ايام المذاكره الى !! ان يأتى يوم الامتحان !! يتبع..... 
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
|
#3
05-09-2006, 06:04 PM
|
|||
|
|||
|
اشمعنى محمود يعنى :D
اصلى اسمى محمود :D بس موضوع كويس وزى مقالك احمد مش كل المحاميد زى بعض
__________________
|
|
#4
05-09-2006, 06:07 PM
|
|||
|
|||
|
الموضوع ده كان موجود هنا من زماان ..
من قبل رمضان اللى فات يمكن ... وكان بواسطة "طالبة العلم" تقريبا ... بس ممكن منعتبرهوش مكرر .. لان طالبة العلم مكملتش القصة اساسا ... غير انه كان مكتوب من زمان... عشان كدة هتابع معاك القصة باذن الله
__________________
<div align="center">      [/center]<div align="center"> </div> |
|
#7
06-09-2006, 12:32 AM
|
|||
|
|||
|
شكرا على الردود و كل اللى اسمه محمود ميزعلش منى دا مثال و بس
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
|
#8
08-02-2007, 07:44 PM
|
|||
|
|||
|
<div class='quotetop'>إقتباس(محمد صفوت @ Sep 6 2006, 12:32 AM) [snapback]211774[/snapback]</div>
اقتباس:
 مشكور يا محمد علي موضوعك لا بجد موضوع جميل جدا كفايه انو اسمو علي اسمي ياجدع بس كل الناس قالت مش كل المحاميد كدا هو كاتب انو فيه شخصيه كويسه وفي حاجات في شخصيته مش كويسه بس هو موضوع كويس شكرا يا جميل 
|
|
#9
06-09-2006, 01:11 AM
|
|||
|
|||
|
ياااااااااااااااه اخيرا لقينا حد يكملنا قصة محمود.
بجد قصة اكثر من رائعة . انا بدعو كل اللى ما تابعهاش المرة الللى فاتت انوا يتابعها المرة دى. بس كان ليا طلب صغير ياريت لو سمحت تنشر الحلقات الاولى بسرعة نسبيا يعنى عشان اللى قراها قبل كده. وجزاك الله كل خير. موضوع رائع.
__________________
<div align="center"> إذا لم تستطع أن تنظر امامك لأن مستقبلك مظلم ولم تستطع أن تنظر خلفك لأن ماضيك مؤلم فانظر إلى الأعلى تجد ربك تجاهك إبتسم... فإن هناك من... يحبك... يعتنى بك... يحميك ...ينصرك... يسمعك ...يراك...انه (( الله)) ما أخد منك إلا ليعطيك...وما ابكاك إلا ليضحكك...وما حرمك الا ليتفضل عليك...وما إبتلاك إلا لانه يحبك..."سبحان الله وبحمدة سبحان الله العظيم </div> |
|
#10
06-09-2006, 03:22 AM
|
|||
|
|||
|
شكرا على ردك و هحاول انزلها بسرعة بس مستنى باقى الردود
شكرا ليك الساعه التاسعه !! منزل محمود !! حوار سريع بين محمود وامه وهى يقف على باب الشقه !! رايح فين؟ نازل ! يبنى اقعد ذاكر ! لسه بدرى ! وقبل ان تكمل الام حديثها معه..... اغلق محمود الباب !!!!!!!!!!!!!! سلام عليكم وعليكم السلام....محمود احنا رايح فيلم (............) جى ؟؟ ياعم ده فيلم ممل !! وانت عرفت منين ياعم الفصيح !! ابوك المخرج ولا ايه ؟؟ لا ياعم الظريف !! دخلت الفيلم امبارح !! تعالوا ندخل فيلم (................) ..................................... ومر الوقت ! واتجه الجميع الى منازلهم !! الساعه الواحده والنصف !! محمود بهدوء شديد يضع المفتاح فى الباب !! و بهدوء اشد يحاول الدخول دون ان يحدث صوت !! ولكن !! لسه بدرى يا بيه !! بابا الساعه واحده ونص !! كنت فين لحد دلوقتى !! كنت بذاكر يا بابا انت عارف الامتحانات قربت .. كل سنه وانت طيب !! ده انا عايز فلوس ملازم كويس انك صاحى يا بابا ..هات فلوس الملازم بقى !! ماشى يا محمود انا مش هعمل معاك حاجه دلوقتى !! وهعدى الموضوع بمزاجى !! وحسابنا اخر السنه !! ومر الموقف بسلام وتنهد محمود الصعداء !! وهكــذا تمر الايام !!! يوم بعد يوم !! الى ان وصلنا الى امتحانات نصف العام !!!!! ................... باقى شهر على الامتحانات !! وهناك 6 مواد !! وهناك ماده من السنه السابقه !! وكالعاده !! المذاكره تكون ! فى الشكل التالى !! 3 او 4 فى بيت احدهم !! كارفن او سندباد !! (ولمن لا يعلم فهى ملازم لشرح المنهاج الدراسيه) سجائر !! شاى !! مذاكر حتى الفجر !! ثم صلاه فى الفجر فى المسجد ! ثم النوم الى صلاه الظهر او العصر !! ثم بدايه يوم جديد من ايام المذاكره الى !! ان يأتى يوم الامتحان !! --------------------------------------------------------------------------------------- وفى يوم من هذه الايام العصيبه !! نام محمود وهو مرهق بشده !! ولم يأخذ وقت سريع فى النوم فى دقائق سريعه نااااااااااااااااااااااااااااااام وكان هذا الحلم الغريب ! حلم بان ((مى )) و((مى)) هذه صاحبته حلم بها وهى منزعجه منه بشده وهو لا يدرى لماذا ؟؟ وكانت تقترب منها وهى ممسكه بعصاه فى يديها وتقترب منه وتقترب ووووووووووووووو استيقظ محمود من نومه وهو يلهث بشده ويتعجب !! من هذا الحلم العجيب !! ولكن كانت الاجابه على الشكل التالى وجد الموبيل يذكره بعيد ميلاد مى معقول كده يا حوده وهى دى حاجه تتنسى برده ! وفكر جاد ان ينزل يشترى الهديه ولكن الساعه الان الثالثه ليلا ! لعنه الله على اصحاب المحلات بيقفلوا بدرى اوى كذلك حدث محمود نفسه وبالطبع لم ينم محمود وعند شروق الشمس كان يجوب القاهره بحثا عن محل هدايا ! ووجد ضالته فى قلب احمر كبيرواشترى فورا ولم ينظر فى سعره فمثل هذه الاشباء لا ينظر اليها وكان سعر القلب تقريبا 35 جنيه فقط !! واتجه الى المنزل مسرعاً واتصل بمى واتفق معها على معاد !! ولكن قالت له فى خبث (( مش هينفع يا محمود عشان المذاكره )) معلش لازم تفشى نفسك ضرورى قالت فى خبث اكبر (( ليه بس ؟ فى حاجه مهمه؟ )) وكأنها لا تعلم تلك ال وبعد جدال يحوم حوله رائحه الخبث !! اتفقوا على كوك دوور..مدينه نصر ..الساعه السابعه وبعد ان اغلق سماعه الهاتف نفسه حدثته بأن لا يوجد وقت لكل هذا الامتحانات على الابواب ولكن !! لاااااااااااااااااااااا مى اهم من كل حاجه ما الذى دار بينهم؟؟ وقف محمود فى تمام السابعه امام كوك دور!!. فى انتظار مى !! ولم تتأخر مى كعادتها ! وفى تمام الثامنه جائت مى وهى تلوح لمحمود من بعيد !! وفى عتاب هامس قال محمود ! متأخره !!!!!! اجابت فى شراسه لا ...ثم تذكرت الهديه فقالت فى سرعه : معلش المواصلات (( على فكره مى منزلها قريب جداا من كوك دور )) ودخل كلا منهم الى المطعم ! وجلسوا فى مكان بعيد نوعا ما عن اعين الناس ! نظر محمود الى مى وهو يبتسم و يقول لها: كل سنه وانت طيبه وقدم اليها الهديه وهنا اتقنت مى دورها فى اتقان تحسد عليه !! انت فاكر عيد ميلادى وهو انا اقدر انسى هاه تأكلى ايه؟؟ واحد هوت دوج وواحد كفته وواحد جمبرى وواحد .... قاطعها محمود!! ايه كل ده!! معلش يا حوده علشان اخوتى الصغيرين !! ليه هو انا هصرف عليكم !! هو سندوتش واحد !! لأ يا محمود !! وهنا بدأت الموقف يشتعل خلاص مفيش أكل !! مش عايزه منك حاجه وياريت متتصلش بيه تانى ! خلاص هاتى الهديه !! سلام!! سلام ! (( وبالطبع لم يستمر الخصام كثيرا وما هى ايام ألا وعاد محمود الى مى ومى الى محمود مره اخرى )) ! ! ! ------------------------------------------------------------------------------- هل تعلم من هو سحلب !! انه بطل قصه روش طحن ! فسحلب صديق محمود الحميم ( الانتيم ) المره القادمه ان شاء الله سحلب ومحمود فى لجنه الامتحان وعاد محمود مره اخرى الى جو الامتحانات وغداً بأذن الله اول يوم من ايام الامتحانات !! وفى الصباح قبل معاد الامتحان بساعه رفع محمود سماعه الهاتف واتصل بصديقه الحميم سحلب الذى يجلس بجواره فى اللجنه الو ايوه !! سحلب موجود ! ثحلب نايم !! خليه يصحى بسرعه ! لا !! ثحلب قالى متصحنيش !! يا بنتى عندنا امتحان كمان ساعه ياعم مليش دعوه ! هيضربنى !! طيب هاتى حد كبير اكلمه ! ماااااااااااااااااا ماااااااااااااااا ايوه ياطنط ممكن تصحى سحلب عندنا امتحان وبالطبع هذه الجمله كفيله لكى تقلب اى ام الشقه رأس على عقب سحلب فى تكاسل شديد 01# ! ايوه يا بنى فى ايه؟؟ فى ايه ؟؟ فى امتحان يا حبيبى !! يووووووه طيب هقابلك هناك سلام سلام للتعرف على سحلب أكثر يرجى الدخول هنا هنا وبالطبع !! سحلب كما تعرفنا عليه!! جل !! حظاظه !! تسقيط البنطلون !! وبدأ المراقب فى توزيع الورقه ! وهنا همس سحلب لمحمود :..عملت ايه يا بنى مذاكر ! عيب عليك ! المنهج كله معايه ! طب تمام اوى انا كمان معايه المهم كله ! بس المهم نعرفه نطلعه ! متقلقش ان شاء الله خير ! ربنا معنا (( وهكذا يضرب لنا محمود وسحلب مثال رائع فى التوكل على الله )) وبعد ان انتهى المراقب من توزيع الورق قال بصوت جاهورى : اللى هيغش هسحب ورقته و محضر غش سنتين ! ابدأ ايه ياعم انت فاكر نفسه حكم !! كان هذا سحلب طبعاً ونظر كلام من محمود وسحلب فى ورقه الامتحان وبالطبع الورقه وكأنها باللغه السريانيه ! وبدأ عداد الساعه !! ومحمود وسحلب لم يكتبوا فى الورقه سوى اسمائهم فقط !! وبدأ سحلب فى اخراج البرشام وبدأ محمود ايضاً واخذ كل منهم فى الحل ثم تبادلوا البرشام !! ومر الوقت سريعاً وسلّم كلا من محمود وسحلب الورقه وهو راضون عن حلهم تماما !! صفق محمود على كف سحلب وهو يقول له : تمام جدا ا يارب كل امتحان تكون اللجنه فيه كده يارب وذهبوا لمكان الشله واخذ افراد الشله يراجعوا الامتحان مع بعض فقال احدهم ..عملتوا ايه فى المسئله الاولى !! الحمدالله كانت سهله اوى نظر محمود الى سحلب فى تعجب ! ثم استمر الحوار حولهم المسئله الاخيره يا جماعه البنك دائن ولا مدين؟؟ لأ مدين !! صح كده ! تعجب كلا من سحلب ومحمود اكثر واكثر !! ثم قالوا فى وقت واحد !! دائن ومدين !! ايه ياجماعه انتوا ببتكلموا فى ايه؟؟ فى الامتحان طبعاً !! ارتجف محمود وهو يبلع ريقه وقال فى صعوبه :هو احنا كان عندنا متحان ايه؟؟ محاسبه طبعاً؟؟ وهنا جاء دور سحلب ليبتلع ريقهوهو يقول: محاسبه !! هو احنا مش كان علينا اداره !! اداره ايه ياعم سحلب !! محاسبه اداريه !! مش اداره ماليه!!  !!!!!!!!!!!!!!!!!!!!!!!!!!!!!!!!! من هى شيرين؟؟ ومن هى هند؟؟ وما هى المؤامره الخفيه؟؟ وما دور محمود فى هذه المؤامؤه !!! تابعوا الرد القادم بأذن الله
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
|
#11
06-09-2006, 03:40 AM
|
|||
|
|||
|
-----------------------------------------------------------------------------
زيـــــــاره عائليه !! ::معلش يا سحلب اقفل دلوقتى علشان العائله الكريمه وصلت !  محمود اغلق سماعه الهاتف وحدث نفسه فى ضجر ( يوم طويل ملل يارب يروحوا بسرعه ) خرج محمود وهو يرسم ابتسامه كاذبه على جهه ! اذيك ياحوده عامل ايه؟؟ الحمدالله اذيك انت يا خالى ؟ ايه ياعم مش تسئل على خالك وبنت خالك ! (( هناك مؤامره تدور فى العائله لكى يتزوج محمود من ابنه خاله ..وخالته محمود تريد ان تزوج محمود لابنتها ..هناك حرب خفيه لكن زى ما احنا اعارفين طبعا محمود مرتبط بمى ))  معلش بئه يا خالى انت عارف الكليه والامتحانات !! ربنا معاك يا بنى ! على فكره هند سئلت عليك ((هند هى ابن خال محمود )) محمود يحدث نفسه ( الحمدالله :P شكلها مجتش معاهم ) والله ....طيب الحمدالله ابئه سلمى عليها اوى !! ومتسلمش انت ليه !! هى على السلم اهه !! وقبل ان ينتهى كلام الخال جرس الباب !! وقف فتاه !! طويله !! ذو شعر منكوش ..مبلول (( فهذه الموضه الشباب .جل ..الفتيات تبل شعرها )) ورسمت ابتسامه طويله على وجهها واندفعت نحو محمود كالقطار ................................ حوووووووووود !! اذيك محمود يتفادى انقضاض هند وهو يقول احسن منك ويرسم ابتسامه :D على وجهه (( عامله نفسه بيهرج )) دمك خفيف يا حوده !!(( طبعا نفاق <_< ) جرس الباب مره اخرى وباقى العائله الكريمه !! الجد الجده الخال الاكبر الخاله الوحيده ..ومعها شيرين ابنتها العروسه الثانيه لمحمود الام تهمس فى اذن ابنتها ..خلى بالك من البنت هند شايفها واقفه مع محمود ازاى ..عايزكى تأكلى الجو النهارده متخفيش يا ماما انا لسه شايفه المسلسل امبارح بليل وفاكره كل حاجه ! ربنا معاكى يا بنتى ( نموذج اخر فى التوكل والاستعانه بالله ) اذيك يا هند؟ اهلا يا شيرين عامله ايه؟؟ كويسه الحمدالله ؟؟ شايف يا محمود شيرين كبرت ازاى ما شاء الله !! ثانويه عامه السنه دى !! اه الحمدالله انا ثاويه عامه مش خارجه من مدرسه تجارى !! محمود  لا تعليق ........ ويبتسم فى خبث قصدك ايه؟؟ ولا حاجه محمود ........ ويبتسم فى خبث وقبل ان تبدأ المعركه !! ويعد كلا منهم الاسلحه موبيل محمود يرن الوا الوا ايوه يا محمود ؟ ايوه يا مى !! معلش خليكى معايه ثوانى !! محمود ينظر الى هند وشيرين ويقول معلش يا جماعه عن اذنكم !! شيرين تنظر الى هند !! وهند تنظر الى مى !! الاثنان فى وقت واحد !! ماااااااااااا ماااااااااااااا  نحن الان فى شهر رمضان !! وفى يوم من ايام هذا الشهر العظيم !! كان هناك حدث تاريخى !! استعد له محمود وابو محمود وسحلب وابو سحلب ومصر كلها !! بالطبع ان حدث مباره الاهلى والزمالك !! وقبل ان نتابع صديقنا محمود نرى اولا فكره عامه عن المناخ المرتبط بهذه المباره !! !!!!!!!!!!!!!!!!!!!!!!!!!!!!!!!!!!!!!!!!!!!!!!! !!! !!!!!!!!!!!!!!!!!!!!!!!!!!!!!!!!!!!!!!!!!!!!!!! !!! !!! سيداتى سادتى :D اهلا بك فى ليله رمضانيه جديده وسهره رمضانيه جديده بعد يوم حاار <_< وطويل من الصيام . .اهلا بكم مع الساحره المستديره ..والنهارده ان شاء الله لقاء حاسم ..دامى..تاريخى. .مهم اوى فى تحديد الفائز بين قطبيى الكوره المصريه الاهلى والزمالك او الزمالك والاهلى علشان محدش يزعل.. وطبعا جميع الشعب المصرى كله قاعد دلوقتى امام التلفزيون ليتابع هذا اللقاء الهام ...وللاسف فى ناس اصرّت انها تروح تصلى التروايح مش عارف ليه التشدد ده <_< ..حتى انا لسه مصلتش العصر.. يلا مش مهم ربنا يهديهم .. انطلق صوت هذا المذيع فى التلفزيون المصرى والفضائيات والراديوا يشق سكون هذا الشهر الكريم !! وبالطبع توافد العديد والعديد من الجماهير من شتى انحاء المحافظات !! لكى يشاهدوا هذا الحدث العظيم !! ولكن قبل ان نبدأ المباره !! نلقى نظرات سريعه اولا على حال الاسره المصريه والشعب المصرى بشكل عام قبل الاستعداد لهذا اليوم التاريخى ! --------------------------------------------------------------------------- وزى ما احنا شايفن الاهلى بالفانله الحمرا والشورت الابيض!! والزمالك بالفانله والشورت الابيض !! والساعه دلوقتى 5 الا خمسه ..فاضل خمس دقائق ويبدأ المطش !! وفاضل خمسه دقائق برده على المغرب !! محدش ينسى ياجماعه الدعاء مستجاب ..متسنويش من دعائكم !! وياريت كلنا نجرح صيامنا كده بسرعه علشان نلحق المطش وممكن نأجل الصلاه شويه مفيش مشاكل وتوووووووووووووووووووووووووووووت بدأ المطش !! و ( انقطع الارسال على المشاهدين فى المتازل فى التلفاز وذلك لاذان المغرب ) وصرخ الكثير ومنهم بطلنا محمود بالطبع !! ايه ده ؟؟ مش وقته خالص ظهرت المذيعه وهى تقول ( نأسف لقطع المباره بسبب الاذان ونعود مره اخرى لاستاد القاهره لمتابعه المباره) وتعالت اصوات وهتفات الجماهير واتجه كلا جمهور الفريقين الى التضرع الى الله (( يارب..يارب جون)) وبالطبع كان الجميع فى حاله من الخشوع والسكون والهدوء امام شاشات التلفزيون اوفى الاستاد !! ----------------------------------------------------------------------------------------------------- نعود سريعاً لمحمود !! بالطبع لم يذهب محمود للاستاد لان المباره فى وقت الافطار !! ولكن هذا لا يهم محمود !! فصبغ وجهه باللون الاحمر !! ومعه القليل من الطوب !! ومعهم ايضا القليل من اللب والسودانى !! ويجلس بجانب محمود والده ووالد محمود زملكاوى !! فهناك عداء مؤقت بين محمود وابيه ! وبالطبع سيرفع التكليف تماما (( لا تقلقوا موقتا فقط بمجرد انتهاء المطش...يجوز هذا الامر عند الامام محمود ! )) ولنستمع الى حوار محمود مع ابيه !! بابا بقلك ايه ؟؟ مفيش حاجه اسمها بابا دلوقتى !! انت من الكفار كفار ايه يا بابا ؟ قصدى من الاعداء !! ماشى بس لو اتغلبتوا بلاش تعمل نفسك نايم !! اتفقنا !! وقبل ان يرد الاب !! جووووووووووووووووووووووووووووووووووووووووووووووووو ون وجون جميل جداا للنادى الاهلى !! وطبعا لم يتمالك محمود نفسه فخر ساجد لله ( وفى الواقع هو لم يسجد شاكر لله بل سجد يقبل الارضى فهو يظن ان الاعبين يقبلوا الارض لا يشكروا الله ...) معلش بئه يا جماعه نقص فى المعلومات الديينه عند محمود وانتهى الشوط الاول والنتيجه 1\. للاهلى محمود فى قمه السعاده والاب فى اضطراب شديد !! وبدأ الشوط الثانى !! وبدل كلام من محمود والاب الامكان !! فمحمودجلس مكان ابيه والاب جلس مكان ابنه !! كما فعل الفريقين تمام فى استبدال الارض ومرت احداث الشوط الثانى سريعا والاعصاب مشدوده وقبل نهايه المباره بدقيقه المذيع يصرخ !! الله اكبر ..جووووووووووووووووووووووووووووووووووووووووووون وهنا جاء الدور على الاب ليخر ساجد (( ولان الاب معلوماته الديينه اكثر من محمود فسجد شاكرا )) وبكده اعزائى المشاهدين انتهى الشوط الثانى والمباره بتعادل كلا من الفريقين !! وبروح رياضيه طيبه سلم كلا من الفريقين مع بعض !! وكذلك فعل محمود مع ابيه وتبادل كلا من محمود والاب ملابسهم !! وقال محمود معاتب ابيه !! بابا الجلبيه كبيره او عليه ------------------------------------------------------------------------------------------- انتهى شهر رمضان ونحن الان فى العيد !! محمود وسحلب وعباس عبااااااااااااااااااااااااااااس !! يااااااا عباااااااااااااااااااااااااااااااااااس !!! ايوه يا جدعان نازل حالاً ثوانى !! بسرعه ياعم !! انا نفسى مفتوحه للصلاه اوى النهارده !! عباس نزل وهو يرتدى الجلبيه البيضاء والطقيه البيضاء ورائحه البخور تشع منه !! ايه ياعم محمود الايمان ده !! مش ايمان والله يا واد يا عباس !! بس انت عارف بعد الصلاه فى لحمه بئه !! وكده !! لحمه ايه يا بنى !! احنا فى العيد الصغير !!! محمود فى زهول!! ايه ده هو مش ده عيد اللحمه !! لأ طبعا !! محمود ينظر الى سحلب فى غضب شديد ويقول انت السبب يا سحلب !! انت اللى خدعتنى !! ياعم ولا خدعتك ولا حاجه !! انا اللى همك على بطنك !! وبعدين انت مش لسه فاطر عندى امبارح وامى كانت عامله لحمه وفراخ !! ايه ياعم وانت بتسمى اللى احنا كلنا ده لحمه !! وبعدين انت هتزلنى !! اهدوا يا جدعان احنا رايحبن نصلى وبعدين احنا فى ايام مفترجه !! ويلا علشان نلحق الصلاه !! الله اكبر الله اكبر ولله الحمد عباس يردد مع المصلين !! محمود ينظر الى سحلب !! ويقول له بصوت خافت !! سحلب انت صليت العيد ده قبل كده !! سحلب يفكر : لأ بس شفته فى فيلم همام !! يا بنى العيد اللى كان فى الفيلم ده كان عيد اللحمه ؟ سحلب فى غضب لحمه تانى ايه يابنى انتوا وهو !! بطلوا رغى !! حاضر يا عم عباس بس احنا مش عارفين هنعمل ايه؟؟ قولوا زى الناس وخلاص!! استقيموا يرحمكم الله !! الله اكبر !! الله اكبر !! الله اكبر .....................!! سحلب يكتم ضحكته !! ويضرب محمود فى قدمه !! محمود يحاول ان يجذب لسحلب البنطلون !! عباس!! بالطبع يكاد ينفجر من الغيظ ويرد ان يضرب كلا من الاثنين واخذ يلوم نفسه !! انا اللى غلطان !! انا اللى جبتهم معايه !! والامام مازال مستمر فى التكبير !! محمود يقول لسحلب يصوت خافت !! ايه ياعم احنا مش هنخلص بئه !! خلاص قربنانخلص !! كل هذا فى الصلاه !! وبعد انتهاء الصلاه !! انا مش عارف لما الشباب يعملوا كده!! امال الصغيريين يعمله ايه؟؟ ادى شباب اليومين دول؟؟ لا حول ولا قوه الا بالله !! العيب على اهليهم مش عليهم!!  كان هذا تعليق المصلين والتفوا حولهم !! الدائره تتسع من المصلين !! وتضيق على عباس وسحلب ومحمود !! ثم هتف احد المصلين !! ويظن نفسه مصطفى كامل !! لا حياه مع اليأس ولا يأس مع الحياه !! سحلب يبتلع ريقه وهو يقول فى خفوت !! مين ده يا جدعان ؟؟ عباس يجيب : شكله امن دوله! محمود يعلق : لا يا جاهل انت وهو ده !! مصطفى كامل اللى اخذت قصه فى ابتدائى؟؟ ثم هتف الرجل !! بصوت حماسى اعلى !! الرجم يا رجال !! العيال دي لازم تتربى !! !!!!!!!!!!!!!!!!!!!!!!!!!!!!!!!!!!!!!!!!!!!!!!! !!! !!!!!!!!!!!!!!!!!!!!!!!!!!!!! وفى مساء هذا اليوم !! لنرى حال ابطالنا الثلاثه !! ----------------------------------------------------------------------------------------------- الاول ! : ام عباس انتابها هسرتيه ضحك !! وهى تنظر الى عباس وهى ملقى على السرير !! والله اللى ضربكوا دول رجاله !! ايوه كده لازم تتربوا !! الثانى ! : هههههههههههههههههههههه ماما !! شفتى اخويه ثحلب !! شكله حلو اوى وهو لون ابيض من الشاش كده !! الثالث ! : علشان بعد كده لما اقلك !! اتعلم تعرفى تصلى ازاى !! تبئه تسمع الكلام وينهال الاب على محمود بالحزام !! كفايه يا بابا انا مش قادر ! احسن والله انتوا امثالكم هو ده الحل معاهم
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
</div>
|
#13
06-09-2006, 11:02 AM
|
|||
|
|||
|
ميرسى على الردود
هو انت اسمك مى ولا ايه؟؟ عموما محدش يزعل كل اللى اسمهم محمود و سحلب و مى محدش يزعل دول شخصيات خيالية من خيال المؤلف "نعمل زى ما بيقولوا فى المسلسلات بقى "ميرسى ليكم
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:35 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
