أوباما هو الحل !!!

[mashaer_112]

خطاب مفتوح لاوباما

اشمعنى كل الناس بتكتب له جوابات

هو انا اقل من حد؟ واحب اقول للسادة المعلقين ان التعليقات مفتوحة كل واحد يكتب الخطاب بتاعه لاوباما، قول كل اللي نفسك فيه من قلبك...

انا الخطاب بتاعي اهو

احم

بسم الله الرحمن الرحيم

الاخ الغالي الاستاذ رئيس الولايات المتحدة باراك حسين اوباما

طبعا احنا في استنظار سعادة حضرتك على امر من الجحر، حيث ان آمالنا وأحلامنا وطموحاتنا متعلقة في خناق حضرتك لأنك بالصلاة ع النبي وشك سمح ولسانك بينقط عسل، وقال على راي المثل لاقيني ولا تغديني. احنا ولله الحمد مش شكرانية في نفسنا ح تيجي بنفسك وتشوف اننا فل فل فل، واوعى تفتكر ان ده عشان انت جيت، لا، انت طبعا مجيتك على راسنا، ده احنا زارنا النبي، بس احنا اصلا ناس نزيهة في نفسها، لمعنا لك القبة وبقت بتبرق كده، الشوارع تلحسها من النضافة، مسحناها بالجاز، ورشينا بيروسون عشان الدبان، وما تلاقيش عندنا فتفوتة واقعة على الارض، اكمن النمل بيتلم بسرعة، القاهرة عايشة فوق مدينة نمل، والغسيل ناشيرنه ع الحبل بيشف كده بيشف، حاكم احنا ما نغسلش غير بالكرور والزهرة. والمية كمان، فيها كرور، مش عارفة الحقيقة فيها زهرة وللا لا، عموما ح تشرب وتشوف بنفسك، شفا كده شفا، وبكرة ترجع للضاكطرة في اموركا وتلاقيهم بيقولوا لك: بالصلاة ع النبي صحتك ردت على جو مصر

لأن النضافة مالهاش اي علاقة بالفقر، احنا آي غلابة، لكن نحب النزاهة، وعندك ناس كتير بقى فرحانة بالزيارة الميمونة

طبعا كبير العيلة، ومعه لفيف من رجال الاعمال والوزراء وهم رجال الاعمال هم هم الوزراء بس بيطلعوا بمنظرين زي محمد سعد في تلاتربع افلامه كده، لان طبعا حضرتك عارف ان مصر هوليود الشرق، آه، مش تفتكر ان انتوا بس اللي عندكو رامبو وسامبو، لا، واظن مافيش رامبو اكتر من اللي انت ح تقابله، محاولتين اغتيال وازمة نفسية وبسم الله ما شاء الله قام زي الحصان، احنا رامبو بتاعنا متربي ع السمن البلدي مش زي رامبو العيرة بتاعكوا

وعندك كمان ناس متسأفة ومتنورة وبتكتب بالعنجليزي كلام واعر جوي، ومعاهم لفيف من رجال الاعمال برضه، احنا اصلنا منظورين والناس باصة لنا، لازمنا اعمال واحجبة من عين كل اللي شافنا ولا صلاش ع النبي، صلي ع النبي في سرك. الناس دوكهمة بقى اسمهم الريبرايين، اسم الله عليهم، تشوف الواحد منهم يستهيألك انه خواجة من ضهر خواجة، لا ماهو احنا مش كلنا شكلنا كده

كده ايه؟ كده ده اللي انت مش ح تشوفه في التمن ساعات اللي انت ح تشرفنا فيهم

ح نخبي كده عنك... مش لاننا لا سمح الله مخونينك، لا، ده انت صاحب بيت واحنا ضيوف، بس اصلهم بعيد عنك خلق مقلبة، اللي وشه ممصوص من الانيميا، واللي ركبه مش شايلاه من الفشل الكلوي، واللي لون جلده بقى ازرق من فيروس سي اللي هرى كبده... طب وانت ذنبك ايه يا ضنايا تشوف الخلق اللي لا تسر عدو ولا حبيب دي؟ ده انت اسم الله جاي تاخد واجبك وتمشي

بس لا

دي مش محسوبة، المرة الجاية بقى ح نتغدى سوا، وتجيب المدام والاولاد معاك، والكلب الصغنتوت الامور بتاعهم، ونوريك الطبيخ المصري، مش اكل العيانين المسلوق اللي بتعملهولك البت ميشيل، انت يا قلبي شقيان وعايز تتقوت، لو اكلت من ايدينا مش ح يلد عليك طبيخ حد تاني ابدا

واوعى تفتكر اننا ما عندناش غير الناس اللي بتمسح لك جوخ دي، لأ، اوعى، ده احنا بتوع ثورة تسعتاشر اللي كانوا تمنتاشر وانت جيت قاموا بقوا تسعتاشر والثورة قامت

احنا كمان عندنا ناس ثورية ومعاها اللفيف بتاعها برضه، لفيف ثوري ثوري، ثوري على حق، وح يقول لك كلام ثوري متفجر، اوعى وشك بقى، احنا آي بنستخدم التكنولوبيا وعندنا بدل البوتوجاز اتنين، وفرن كمان، لكن ما ننساش اصلنا ابدا، بواجير الجاز على ودنه وممكن تفرقع في اي لحظة وتوقع لك حواجبك، وفيييين حلني على ما تطلع تاني

احنا صحيح ح نشيلك في عنينا، لكن الحق حق يا اخويا، آه، مش ح نتقل عليك

كل واحد من المستقبلين واللفيف بتاعه له طلب صغير كده عندك، مافيش شروط ولا حاجة لا سمح الله، احنا اهل، ومافيش بناتنا ايتها شروط، ادي انت شفت كرم ضيافتنا واللي يطلع من ذمتك ويقول لك عليه ضميرك اعمله ياخويا

احنا اهو، سكتم بكتم، مش ح نفتح بقنا

ما انت خيرك مغرقنا يا سيد الناس، واحنا ندفع فوايد ديون بنك الاحتياطي العالمي من قوت عيالنا على نني عينا، هو احنا عندنا اغلى منك؟ طلباتك اوامر، واحنا عن ذات نفسنا بنعمل كل اللي نقدر عليه عشان ترضى عنا، والحمد لله، الخصخصة وخراب البيوت والقضاء على الصناعة اللي امرتوا بيها شغالة، طبعا امال ايه؟ ما احنا لازم نفكر بفكر جديد نوفي، هو صحيح اكمنه جديد ضيق علينا ومورم صوابع العمال اللي اترفدوا من اشغالهم والفلاحين اللي بعد شوية ح يتحولوا الى مزار سياحي بعد ما زراعتهم اتخربت زي ما امرتوا وامر الناس السكرة بتوع الشركات متعددة الجنسيات وبنك الاحتياطي وهيئة المعونة، وخصوصا القطن، وبقت المهنة الرسمية للمواطن المصري بعد ما كان يا عامل يا عالم يا فلاح، بقى اسم الله على مقامك، زي ما امرت، يا سواق، يا كومسيونجي، يا شحات، اظني الاست هيلاري لسة شايفة شوية منهم قريب، اهي حاجة على غفلة كده ولا كانت على البال ولا الخاطر ولا كنا مرتبينها، عشان بس ما تقولش اننا من قدامك بنعمل حاجة ومن وراك بنعمل حاجة، صحيح لحد دلوقت "السياسات الجيدة" صعبة شوية، بس لما نمشي فيها ح توسع ان شاء الله احنا ناس تاكل الظلط، بكرة لمن تيجي وتشرب ميتنا ويجيلك تسمم تعرف اننا فراعنة عن حق، وبعدين احنا اللي نحبه نديله عنينا، واحنا قلبنا انفتح لك الصراحة، مشتكرين منك قوي على الكاميرات اللي على حدودنا، العيال فرحانين بيها قوي وبيشوفوا عليها ماشت الاهلي والاتحاد السكندري وفرحانين قوي اكمن السكة حديد اخد الدوري على الكاميرات دي

احنا بطبعنا مش بنحب نتكلم عن نفسنا، يعني مافيش داعي نفكرك اننا عملنا خدنا مداس لاسرائيل لما كانت بتضرب غزة، قصدي لما كانت بتدافع عن نفسها زي ما انت قلت، وربينا العيال الفلسطينية اللي عاملين لي فيها صيع، ما تقلقش، هم دول ييجوا في البلاوي اللي احنا بنموت منهم كل سنة بالزوفة ايه؟ طب ده اللي بيموتوا في الطريق عندنا في ظرف اسبوع قد اللي ماتوا في غزة في ظرف تلات اسابيع، قوم ييجي العيال دي ويبنوا انفاق وفاكرين نفسهم ح يتناصحوا علينا؟ وادي احنا شغالين على الانفاق من الحدود، وشغالين على الشعب من جوة وربنا يسهل، ما بنونش والله، زي النحلة

بس انت تقدرنا بقى، وعشان تبقى عارف احنا ناس نفسنا عزيزة، عمرنا ما نطلب حاجة بالاسم، ليه؟ قدر انا قلت لك عشرة وانت في نيتك تدفع خمستاشر، ابقى قطعت رزقي؟ جبت خمسة جبت عشرة جبت عشرين جبت لقمة بفول احنا ناس بنعرف ربنا والارزاق على الله، واللي عطاك يعطينا، وهنيا لك يا فاعل الخير والثواب، ومن قدم شيء بيداه التقاه، روح يا شيخ

يجعل في وشك جوهرة، وفي حنكك سكرة، ويحبب في العبد والرب والحصا في الارض يا قادر يا كريم، ولا يغلب لك ولية، ولا يرقد لك جتة، ولا يسلط عليك حاكم ظالم ما تنضامش ابدا

واسألنا احنا عن الحاكم الظالم

وللا تسألنا ليه؟

السؤال لغير الله مذلة، بص للي ح يستقبلك، وبص لنفسك في المراية

قمر قمر قمر.... يا اخواااااااااااااااااتي

التوكيع
مواتنة مسريةقلب وسهم الحرف الاولOوالحرف التاني

ملحوظة: فيه ناس متوكعة منك انك تقول حاجة تانية غير اللي انت عمال تقوله من ساعة ما جيت، "نسمع اوباما الاول ونشوفه ح يقول ايه" وده طبعا متوكع بسبب تأثير حلاوة شمسنا وخفة دمنا والجو عندنا ربيع طول السنةمما سيؤثر بشكل حتمي على سياساتك ويخليك تغير رأيك ويلهمك بكلام ما قلتوش قبل كده

منقول

[Observer]

؟؟؟؟؟؟؟؟؟؟؟؟؟؟؟؟

[Observer]

بعدما سمعت خطاب أوباما المنتظر فى جامعة القاهرة أحسست أننا نحن

العرب ظالمون لأنفسنا فى وجوه كثيرة وأننا قادرون " إذا أردنا " أن نتقدم

للأمام وأن نحل الكثير من مشاكلنا المزمنة بالرجوع للإسلام وإتباع تعاليمه

وخاصة فيما يتعلق بأساليب الحوار وقضايا التنمية البشرية و حقوق

الإنسان. وتعجبت من سعة أفق هذا الرجل وعقليته المنفتحة على العالم

وقدرته على التفكير المنظم وطرح الأفكار فى تسلسل ووضوح وبساطة ،

وجرأته وثقته الواضحة بالنفس واعتزازه بوطنه وجذوره.

ببساطة أرى أن هذا الرجل مكسب للعالم ولبلده وللإسلام - أيضاً - إذا وجد

من يتحاور معه من القيادات العربية والإسلامية ، ويسعى لعقد صفقات و

تفاهمات دينية وثقافية لخدمة العرب والمسلمين.

أنتظر المشاركة والتعليقات ...

[شهدالجنة]

على فكرة انامعجبة جدا بالشخصية العظيمة

دى اوباما بجد ممكن يكون خيط حلو اوى للترابط ومنع

الحرب وانتشار السلام بجد تلاميح وجهه وهو بيتكلم

واجاباته ع الاسءلة اكبر دليل
انه هياخد خطوة ويسة اتجاهنا ومصر؟ انااستغربت جدا

بس لاقيت ان هو صح لان مصر ابر البلاد شعبية فى العرب

بارك الله فيك

[Observer]

المشاركة الأصلية كتبت بواسطة شهدالجنة

على فكرة انامعجبة جدا بالشخصية العظيمة

دى اوباما بجد ممكن يكون خيط حلو اوى للترابط ومنع

الحرب وانتشار السلام بجد تلاميح وجهه وهو بيتكلم

واجاباته ع الاسءلة اكبر دليل
انه هياخد خطوة ويسة اتجاهنا ومصر؟ انااستغربت جدا

بس لاقيت ان هو صح لان مصر ابر البلاد شعبية فى العرب

بارك الله فيك

شكرا على ردك الجميل

وكلنا حسينا فعلا من تعبيرات وجهه انه جاد ويقصد ما يعنيه

بس المهم احنا نتعامل معاه ونسترد مكاسبنا المفقودة

شكراً

[محمد ابوضاوى]

المشاركة الأصلية كتبت بواسطة شهدالجنة

على فكرة انامعجبة جدا بالشخصية العظيمة

دى اوباما بجد ممكن يكون خيط حلو اوى للترابط ومنع

الحرب وانتشار السلام بجد تلاميح وجهه وهو بيتكلم

واجاباته ع الاسءلة اكبر دليل
انه هياخد خطوة ويسة اتجاهنا ومصر؟ انااستغربت جدا

بس لاقيت ان هو صح لان مصر ابر البلاد شعبية فى العرب

بارك الله فيك

جزاك اللله خيرا على ردك الذى كله تعبير عن ثقافتك ووعيك وسماحتك واتمنى من الله ان يكثر من امثالك اخوك م محمد ابوضاوى (ابو اروى)

[شهدالجنة]

جزاكم الله الف خير على ردكم الرائع

وهذا من فضل ربى ولله الحمد

[:: [ K A B B O W ] ::]

احترامى طبعا لوجهة نظر حضرتك
بس انا بصراحه مقتنع بكلمه قالها القائد جمال عبدالناصر رحمه الله
" ما أخذ بالقوة لا يسترد الا بالقوة "
واضيف لكلماته " وانا عادت بغير قوة فهى ستكون لنا مزلة "
اقصد ان اوباما مش هو اللى هيرجع القدس ولو بصيت فى كلامه هتلاقيه مش يفرق كتير اوى عن اللى قبله
لانه انكر المقاومه بطريقة ناعمه لانه قال يجب ان لا تكون المقاومه بسلاح
بالله عليك اين المقاومه بدون سلاح انها لا تسازى ثىء بدونه
فعلا اوباما ممكن يعمل حاجات كتيره للمسلمين والعرب بس ده لو كان لوحده
من غير ضغوط من اسرائيل ومن غير اللوبى الصهيونى اللى فى اليستاتس
على اى حال لا نضع امال كبيره عليه
ويجب ان نعمل حتى نعيد حقوقنا دون اعتماد على اى احد
شكرا لك على الموضوع ومكرر ليك الاحترام الكامل فى وجهة نظرك
سلام عليكم

[Observer]

المشاركة الأصلية كتبت بواسطة –•(-• kabbow •-)•–

احترامى طبعا لوجهة نظر حضرتك
بس انا بصراحه مقتنع بكلمه قالها القائد جمال عبدالناصر رحمه الله
" ما أخذ بالقوة لا يسترد الا بالقوة "
واضيف لكلماته " وانا عادت بغير قوة فهى ستكون لنا مزلة "
اقصد ان اوباما مش هو اللى هيرجع القدس ولو بصيت فى كلامه هتلاقيه مش يفرق كتير اوى عن اللى قبله
لانه انكر المقاومه بطريقة ناعمه لانه قال يجب ان لا تكون المقاومه بسلاح
بالله عليك اين المقاومه بدون سلاح انها لا تسازى ثىء بدونه
فعلا اوباما ممكن يعمل حاجات كتيره للمسلمين والعرب بس ده لو كان لوحده
من غير ضغوط من اسرائيل ومن غير اللوبى الصهيونى اللى فى اليستاتس
على اى حال لا نضع امال كبيره عليه
ويجب ان نعمل حتى نعيد حقوقنا دون اعتماد على اى احد
شكرا لك على الموضوع ومكرر ليك الاحترام الكامل فى وجهة نظرك
سلام عليكم

شكراً على مرورك

وأكيد ماأخذ بالقوة لا يسترد إلا بالقوة

لكن على الأقل نتحاور قبل إستخدام القوة دى

وهذا الرجل من أهم صفاته أنه يعلى قيم الحوار ..

[محمد.فوكس]

انا مسمعتش الخطاب لاني كان عندي امتحان..بس اكيد هسمعه.
انا سمعت انه كلم اليهود بطريقة اشد من اي رئيس امريكي سابق و اتكلم كويس عموما.
اللي عايز اقوله ان الراجل ده واضح بلا شك انه ذكي.
بالنسبالنا كمسلمين و عرب نتفائل بالخطوات دي اوكيه ... بس لازم ناخد بالنا اننا نشتري ما نبيعش.
يعني نحرص و ما نخونش...و كمان لازم نعرف ان الحرية لا توهب.
يعني لو انت في موقف الضعيف .. ايه اللي يجبر القوي انه يديك حقوقك؟
عشان كده لازم نكون حذرين لان زي ما قولت واضح انه ذكي و ممكن يكون بيلعب علينا و ممكن يكون عايز يفتح صفحة جديد بجد.
في الحالتين لازم مش من مجرد خطاب نسلم و نلين.

[Observer]

المشاركة الأصلية كتبت بواسطة محمد.فوكس

انا مسمعتش الخطاب لاني كان عندي امتحان..بس اكيد هسمعه.
انا سمعت انه كلم اليهود بطريقة اشد من اي رئيس امريكي سابق و اتكلم كويس عموما.
اللي عايز اقوله ان الراجل ده واضح بلا شك انه ذكي.
بالنسبالنا كمسلمين و عرب نتفائل بالخطوات دي اوكيه ... بس لازم ناخد بالنا اننا نشتري ما نبيعش.
يعني نحرص و ما نخونش...و كمان لازم نعرف ان الحرية لا توهب.
يعني لو انت في موقف الضعيف .. ايه اللي يجبر القوي انه يديك حقوقك؟
عشان كده لازم نكون حذرين لان زي ما قولت واضح انه ذكي و ممكن يكون بيلعب علينا و ممكن يكون عايز يفتح صفحة جديد بجد.
في الحالتين لازم مش من مجرد خطاب نسلم و نلين.

أظن أن اكبر ميزة فى هذا الرجل هو موضوعيته

ودة فرصة لينا عشان ناخد المبادرة

ولو لمرة واحدة فى حياتنا

شكراً ليك فوكس ..

[Not Allowed]

اها

كلامة حلوة صحيح وعجبنى جدآ وصقفت لة كمان وأنا بتفرج عليـــــــه

بس المهم التنفيذ

[Observer]

المشاركة الأصلية كتبت بواسطة mohamed madkour

اها

كلامة حلوة صحيح وعجبنى جدآ وصقفت لة كمان وأنا بتفرج عليـــــــه

بس المهم التنفيذ

هو عنده كاريزما قوية

ويمتلك مهارة الخطابة بشكل كبير

بس الأهم من كل دة

مهارة تنفيذ الكلام

زى ما حضرتك بتقول تمام

أشكرك بشدة ..

[_GUIDE_]

الشعب ده جميل
ما احنا طول عمرنا بنسمع كلام
المهم الفعل
مش عارف ليه الناس بتجرى وراء العواطف
منك لله ياعواطف

[Observer]

المشاركة الأصلية كتبت بواسطة سمير ابو الحسن

الشعب ده جميل
ما احنا طول عمرنا بنسمع كلام
المهم الفعل
مش عارف ليه الناس بتجرى وراء العواطف
منك لله ياعواطف

عواطف دى مذيعة تقريباً !!

حتى بالأمارة بتطلع فى التليفزيون

هههههه