انا مش مصدق الخبر ده 70 حالة طلاق بين إداريى التعليم بسبب "الحافز"

[توفيق رفعت عجيز]

وقفة احتجاجية للأطفال ضحايا طلاق الإداريين بسبب حافز الإثابة

70 حالة طلاق بين إداريى التعليم بسبب "الحافز"

الأثنين، 1 يونيو 2009 - 19:04

ما مدى مسئولية غالى عن طلاق الإداريين؟
كتب حاتم سالم
كشف فوزى عبد الفتاح منسق لجنة إضراب الإداريين عن وقوع 70 حالة طلاق داخل أسر إداريى التربية والتعليم خلال الثلاثة أشهر الماضية نتيجة الأزمة المالية التى يمر بها الإداريون لعدم صرف حافز الإثابة لهم بسبب رفض وزير المالية.

وأوضح فوزى عبد الفتاح أنه سينظم وقفة احتجاجية تضم الأطفال ضحايا حالات الطلاق المتكررة داخل أسر الإداريين، مشيرا إلى أنه يهدف من خلال تلك الوقفة إلى إيصال رسالة إلى الحكومة بأن "تعنتها مع الإداريين وعدم منحهم حقوقهم المالية تسبب فى تفكك أسرهم و تشريد أطفالهم".

وأشار عبد الفتاح إلى أن غالبية حالات الطلاق داخل أسر الإداريين وقعت لأن عددا منهم متزوج من معلمات قد صرفن أموال كادر المعلمين، فى حين لم يحصل أزواجهن على حافز الإثابة، وهو ما أدى إلى زيادة دخول المعلمات عن الإداريين، مما أحدث صراعات بينهم انتهت بالطلاق.


بروتوكول نشر التعليقات

[Eslam Farouk]

ههههههههههههههههه
هم يضحك وهم يبكى

[سعد سعود]

الظلم حرام

[elastaza]

اعتقد فى ظل الظروف الاقتصادية اللى بنمر بيها سيزداد معدل الطلاق ...الانحراف ...التشرد ...الانتحار .....واخيرا وفاة مفاجئة لاسباب مجهولة

[أ/ سعيد موسى]

اعتقد يوجد مبالغه فى هذا الكلام

[mahmood1888]

هذا الكلام به مبالغه واستخفاف بعقول البشر واهانه للاسر المصريه العريقه

[جمال سراج]

المشاركة الأصلية كتبت بواسطة mahmood1888

هذا الكلام به مبالغه واستخفاف بعقول البشر واهانه للاسر المصريه العريقه

اؤيد تماما ان الكلام كدا غير صحيح
دا وجهة نظرى مع احترامى الشديد
بالله عليكوا لو مكنش المدرسين اخدوا كادر كان هيبقى كل الضجة دى بردوا
يا جماعة انا مش ضد ان الاداريين او حتى غيرهم يخدوا الكادر ويارب ياخدو 500% مش 50 او 75
بس خلينا نتكلم بالاصول
اعتقد ان الكلام دا لا هيقدم ولا هياخر
لان كل حاجة لها ترتيبات وموازنة وميزانية وقصص
اليوم ادارى التربية والتربية
بكرة ادارى الصحة لا الزراعة لا مش عارف ايه
نتمنى حياة كريمة لكل الناس طبعا بالاصول وبعفة النفس
مش هيموتوا المدرسين لو ما اخدوش الكادر مثلا
ومحدش ابدا بيموت مالجوع زى ما بيقولوا
وهيا يعنى الفلوس دى اللى خلاص هتحيينا
والله لو هناكل عيش حاف مش هنشحت ولا نستجدى احدا
تانى يا جماعة والله انا مع ادارى التربية والتعليم للحصول على الكادر وهو شوية عليهم بس خلينا واقعيين ونمشى بالاصول

طبعا عارف ان هتلاقى ردود صاخبة اللى هيقول المدرسين والدروس وقصص وافلام واكمن ومش اكمن

ربنا يوسع على كل الناس مدرسين وعمال واداريين وكل الدنيا
وربنا يبارك للجميع فى ارزاقها سواء كانت قليلة او كتير وربنا الستار وهو الرازق والمعين
تحياتى ومتاسف انا بعلق على الخبر مش اكتر ولست ضد صرف الحافز للاداريين
ربنا يوفقهم ويحصلوا على حقوقهم بالطرق المشروعة باذن الله
بعيدا عن الكذب والافتراء والتلفيق والتمثيل
تحياتى

[haitham12]

المشاركة الأصلية كتبت بواسطة mahmood1888

هذا الكلام به مبالغه واستخفاف بعقول البشر واهانه للاسر المصريه العريقه

منتهى الاستخفاف بالعقول
يعني لة كانت الزوجات لم يحصلن على الكادر كانت ظروفهم هتبقى احسن؟؟؟؟؟؟؟؟؟

[توفيق رفعت عجيز]

وانا بضم صوتي لكم جميعا واقول انه ممكن يكونوا سبع حالات وليس سبعين

[elastaza]

اكيد فية مبالغة ........بس اكيد برضة ان فية معاناة لشريحة كبيرة اصبح شغلها الشاغل تدبير احتياجتها اليومية فى ظل ظروف اقتصادية صعبة تزداد سوء يوم بعد يوم

[قناوية]

واللة المدرسين شغالين دروس على ودنة واخدو كمان بدل معلم وكمان كادر والادارى الغلبان قاعد بينش دبان

[أبوعلى55555]

أعزائى هناك مثل فلاحى بيقول أبوحوليه بيحسد أبو ميه
أنا شايف إن المدرسين زعلانين من مطالبة الاداريين ليه مش عارف رغم ان المدرسين بصراحة شديده لهم دخول من ابواب أخرى وهى العيادات أقصد الدروس الخصوصية
وأعتقد أن ولا ميت كادر هيقضى على الدروس الخصوصيه
الادارى يااخوانا زى مكنا بنهزر ونقول لاعياده ولاحصص زياده يعنى مرتب والارزاق على الخلاق سيبوه كفايه عليهم وزير الماليه مش هتبقو اتو والحكومه عليهم وربنا يوفقهم ويصرفو الحافز

[2mt]

يا اخواننا مش كل المدرسين حيتان دروس الحيتان دول قلة وليست الاكثرية وبعدين لو اتكلمنا بصراحة هو عمل الادارى يوازى عمل المدرس الى شايل الهم كله من شرح و وتحضير و كفاية وقفة الفصل ورخامة بعض الطلاب وغيره وغيره هنقول ايه بس لنا الله

[توفيق رفعت عجيز]

يا جماعة الخير ارجوا التعليق علي الخبر دون الدخول في تراشق بالالفاظ بين المدرسين والاداريين وكل واحد له عمل بيعمله كون هناك بعض التقصير فهذا لا يعني ان نتكلم بالجمع هناك نعم دروس خصوصية لكن هي نسبة لا تتعدي حوالي 20% من المدرسين وقد تكون أقل
هناك من هو اداري وليس له عمل ولكن نسبة قليلة وقد تجدونها في مدارس المدن فقط وهناك اداري ومعاه يجي عشر حاجات وما أكثر هؤلاء المطحونين خاصة في مدارس الريف علي سبيل المثال لا الحصر المدرسة التي اعمل بها فيها ثلاثة اداريين منهم واحد بس معاه التوريدات ودي لوحدها مصيبة ومعاه المرتبات والحوافز والمكافأة وبيعمل النبوتجية يعني باختصار في ناس شغالين وناس مش بيشتغلوا فرجاء مفيش حد يجمع ويقول ان كل المدرسين بيعطوا دروس ولا كل الاداريين مش بيشتاغلوا

[Abu Menna Mohamed]

نحن معشر المدرسين نتمني ان يحصل الاداري علي 500% حافز ع الاقل تئمن من الحسد و كمان ربنا يوسع علي الكل
بس خبر الطلاق ده غير صادق ليه لانهم كانوا عايشين قبل الكادر و الوهم اللي احنا فيه ده انا اعرف ناس قبضت كادر 70 جنيه بالذمة ده كلام يستاهل فيه طلاق نرجو نفوق من الغيبوبة اللي حطتنا فيها افضل حكومة تكسر انوف شعبها