خبرين ............ في قمة الكذب ادخل وشوف بنفسك ؟

توفيق رفعت عجيز · #1 14-05-2009, 01:21 AM

اتفضلوا ده الخبر الاول
عز: الحكومة وافقت علي قانون الحد الأدني للأجور في حدود 500 جنيه شهرياً

كتب - محمود نفادي:
حذر المهندس أحمد عز رئيس لجنة الخطة والموازنة بمجلس الشعب من فساد القطاع الخاص في حالة توليه مسئولية توزيع أي سلع مدعمة من جانب الدولة.. وقال خلال اجتماع اللجنة أمس لمناقشة موازنة قطاعي الزراعة والري إنه أحد رجال القطاع الخاص ولكنه سيكون ملكياً أكثر من الملك تعقيبا علي دعوة بعض النواب لتولي القطاع الخاص والجمعيات توزيع الأسمدة المدعمة بدلاً من بنك الائتمان الزراعي.. من ناحية أخري كشف أحمد عز عن وجود موافقة مبدئية للحكومة بشأن إصدار قانون بجعل الحد الأدني للأجور 500 جنيه بعد أن كشف رئيس جهاز التنظيم والإدارة إن أقل مرتب حاليا لأي موظف بالحكومة أو المحليات لا يقل عن 490 جنيهاً شهرياً مما دعا حسين مجاور رئيس اتحاد العمال لمطالبة الحكومة بإصدار قانون الحد الأدني للأجور.
وده الخبر الثاني

.. والنحاس: 110% زيادة في أجور الموظفين خلال 4 سنوات.. وعلاوة ال 5% مناسبة
كتبت - ثناء حامد:
أعلن الدكتور صفوت النحاس رئيس الجهاز المركزي للتنظيم والإدارة أنه راض تماماً عن قرار العلاوة بنسبة 5% مشيرا إلي أن ميزانية الأجور في الموازنة الجديدة وصلت 87 مليار جنيه بزيادة 11 مليار جنيه عن العام الماضي.. أضاف خلال رئاسته للمؤتمر السنوي الأول للمجلس الأعلي للأمناء والآباء والمعلمين أن أجور الموظفين زادت بنسبة 110% خلال 4 سنوات لشاغلي الدرجات الدنيا وبنسبة 78% للدرجات العليا.

الصفحة السابقة
الصفحة الرئيسية

صفاء عزمى · #2 14-05-2009, 05:46 AM

كلام فى كلام وكفاية فساد حتى ناكل قمح البهائم

الاستاذ/توفيق عزت عبدالعزيز · #3 14-05-2009, 06:27 AM

احسن حاجة نغنى لهم اغنية بيقولوها دايما فى الافراح
كداب يا خيشة
كداب أوىىىىىىىىىىىىىىى

توفيق رفعت عجيز · #4 14-05-2009, 07:03 AM

لا يا استاذنا : نغنلهم اغنية الكذاب بيروح النار وانتوا بتكذبوا ليل ونهار

النجم الكبير · #5 14-05-2009, 07:32 AM

مشكوووووووووووووور استاذنا الغالى على الاخبار الجديدة دايما

وعموما هم بيقولوا اللى عايزيين يقولوه وعادى جدا

لانهم على طول بيستخفوا بعقول الشعب والمواطنين وكأن احنا لا نفهم ما يقال لنا

وحيد كامل · #6 14-05-2009, 10:51 AM

الحكومة بتاعتنا حكومة مستوردة
غير كل البشر العاديين
لها لسان طوووووويل اوى
وليس لها اذن تسمع بها انين الشعب
وده سبب اختيار الحكومة

توفيق رفعت عجيز · #7 14-05-2009, 11:43 AM

ربنا ما يحوجنا للحكومة ولا لغيرها؟

فتحى فارس محمد مرزوق · #8 14-05-2009, 11:52 AM

الارزاق على الله اتكلوا على الله وسيبكم من الكلام اللى لا يودى ولا يجيب

Mr.Hani · #9 14-05-2009, 01:28 PM

سمك...... لبن........تمر هندي

نبض بلا روح · #10 14-05-2009, 05:51 PM

اقتباس:

المشاركة الأصلية كتبت بواسطة mr.hani

سمك...... لبن........تمر هندي

نشرب و لا ناكل !!!!!!!!!!!

توفيق رفعت عجيز · #11 14-05-2009, 07:52 PM

اقتباس:

المشاركة الأصلية كتبت بواسطة نبض بلا روح

نشرب و لا ناكل !!!!!!!!!!!

شكلنا هنتفرج وبس........

توفيق رفعت عجيز · #12 14-05-2009, 03:16 PM

حتي السمك واللبن والتمر الهندي مش هنعرف نشتريهم من العلاوة؟

مروة سامي · #13 15-05-2009, 12:24 AM

ربنا يستر ويسهل وناخد ال5% ويبقىالباقي عند الحكومة 105%

توفيق رفعت عجيز · #14 15-05-2009, 06:39 AM

اقتباس:

المشاركة الأصلية كتبت بواسطة مروة سامي

ربنا يستر ويسهل وناخد ال5% ويبقىالباقي عند الحكومة 105%

هما كمان ممكن يطمعوا في الـ 5 %

mamdouh eltoukhy · #15 15-05-2009, 07:52 AM

هايدولنا 5% على المرتب الاساسى
وهايخدو 10% على المرتب كلة بالمكافأة ( ضرائب )ودة ابتدى يتنفذ فعلا و بالامس تم عمل الاستمارات الخاصة بذلك فى المدارس
وشكرا