|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
|
#1
|
||||
|
||||
![]()
ازيكو يا شباب أخباركم ايه؟
تعالو هنتكلم النهاردة فى موضوع حلو قوى بس ارجوك اقرأ للآخر وماتزهقش واوعدك هتلاقية كلة كلام منطقى وهيبسطك قوى بس اقرا للآخر ..تمام؟ طبعا كلنا ملاحظين حال البلد التعبان وقلة الشغل وارتفاع البطالة وقلة الجواز والحوارات دى وكدة وكلة زهق وجالة احباط ونفسنا نسافر برة ونسيب البلد دى وبنحلم بحياة افضل وكل كل دة اللى احنا عارفينة لغاية كدة حلو قوى..ماشى طب اية الحل هقولك على شوية حاجات بناء على تجربة عملية أولها انك تسال نفسك شوية الاسئلة دى لنفسك واهم حاجة تخليك واقعى وصريح لان 50 % من حل المشكلة هيا الاعتراف بيها نبدأ ؟؟؟؟؟ دلوقتى فية خالق للكون قبل مايبقى ريس للدولة ورزقى مكتوب عندة امال فية بقى ياجدعان؟ هقولك ياسيد الناس اولا علشان نبقى واقعيين لازن نعرف كلنا اننا بنستسهل وماحدش عاوز يتعب ولا يبدأ من الاول ونفسك تتحط فى شغلانة تانى يوم بكرة الصبح ب مليون جنية وبعد بكرة تكون متجوز البنت اللى بتحبها فى الجامعة او شوفتها او خلافة وكل ماحد يكلمك تقولة اصل البلد بنت ستين فسبعين اصل مش عارف اية ..ماشى حو حلو اسمع منى بقى دلوقتى لو انا قولتلك تعالى اشتغل شغلانة مثلا مثلا ب 300 جنية هتوافق؟ أرد انا بالنيابة عنك واقول يعنى انا يتصرف عليا دم القلب واقعد اذاكر واتفحت واطلع اشتغللى شغلانة ب 300 جنية؟ هرد عليك واقولك هو انت عملت حاجة اصلا او دورت على فرصة احسن؟ ياعم فين كورساتك فين خبراتك فين السى فيهات اللى بتترمى هنا وهنا فين التحمل النفسى لضغوط الشغل ..ياراجل دة انت لو اشتغلت عند واحد وصاحب الشغل وقالك هاتلى كذا او كذا بتضايق وتتخنق وتقعد تنفخ...طب انت جربت تنزل تشتغل حاجة فى الاجازة؟؟ احتكيت بسوق العمل؟ عرفت تروح وتيجى وتسافر هنا وهنا؟ اضحك عليك وحصلك دروبات فى الشغل واتضحك عليك والكلام دة..بصراحة احنا خايفين نخش تجربة لاول مرة وعاوزين اللى احنا عارفينة ومش عاوزين نجرب اى حاجة جديدة وخايفين لنفشل ماشى طب آدام الكلام دة كلة مظبوط طب اية اللى بيجيبلنا الاحباط والكآبة ادام انا هشتغل والاقى؟؟ بص ياعم الحاج كل اللى بيحصل ان واحد فاضى زي بيقعد مع واحد فاضى زيك ونقعد نشتغل بعض ونقول مشاكل البلد وانا شفت فلان اتعمل فية ومالاقاش والناس اللى ماتت فى العبارة وكل يوم اتفرج على القاهرة اليوم والعاشرة مساء والجرانين مليانة مشاكل واحكيلك وتحكيلى واتلم المتعوس على خايب الرجا..ولا انا ولا انت فاهمين اى حاجة فى اى بتنجان طب بذمتك جربت تسأل واحد اكبر منك او ناجح هو بقى كدة ازاى وتستفاد من خبراتة؟ انت لو قعدت مع واحد ناجح او اكبر منك وعندة خبرة هيقولك بص ياابن الحلال انت المفروض تعمل كذا وكذا وتروح هنا وتيجى هنا وانت لسة بدرى عقبال ماتوصل ولازم تتعب ولازم تصبر وكلام يمكن لاول مرة هتسمعة فى حياتك طيب افرض اشتغلت وتعبت وعملت كل اللى بتقول علية وفى الآخر فشلت؟؟ طيب لو كل واحد قال لنفسة انا يمكن اتعب وافشل كان كلة قعد فى بيتة ..طب مش يمكن تنجح بص مش هتعرف اذا كنت هتنجح ولا هتفشل الا لما تجرب ولو فشلت اكيد هتطلع منها بحاجة او هتتعلم حاجة حط فى اعتبارك انك فى الحالتين كسبان ..هو انت لو فية بت على الشات قالتلك تعالى قابلنى وانت بينك وبين نفسك عمال تقول انا خايف انزل اشوفها لتطلع اشتغالة هتفضل عمال تفكر ولو مانزلتش شوفتها ولما شوفت صورتها طلعت حلوة مثلا هتقول ياااااااااة ياريتنى كنت نزلت قابلتها صح ولا لا؟؟ هههههههههه اهو تجارب الحياة كدة برضة انزل وجرب وشوف طيب هل اللى انت بتقولة دة هو السبب اننا مش عاوزين نتعب وكدة ولا فية اسباب تانية؟؟ طبعا الحكومة ليها دور ودور كبير كمان بس وضع واتحطيت فية وهيا الظروف كدة احط ايدى على خدى بقى وخلاص الدنيا خربت؟؟ ولا انزل اتعب واحاول؟ وخد بالك بص هتتبهدل وهتتخنق فى اول الشغل وهتتهزهق بمزاجك او غصب عنك شوف الحكميتن دول الضربة اللى ماتموتش تقوى/اذا لم تتعلم صعود الجبال ستعيش دوما بين الجحور/كثرة السقوط تعلم الوقوف ياعم اللى بيحصلنا دة عادى والله بس المشكلة اننا ماسكين ودان بعض ورغى رغى ولا حد فكر يطبق وعارفين كلام القرآن وبس ومش بنعمل بية طب اقولك حاجة حلوة مش هتصدقها ؟؟؟ الامريكان بيدرسوا القرآان والتعاليم الاسلامية حتة حتة وبيطبقوة كلة الا حاجة واحدة بس العبادة؟ فية كتاب امريكى اسمة " اكتشف الدين والمجتمع الاسلامى " واللى مش مصدق عندى الكتاب دة للى عاوزة بيتكلم عن مواضيع الاخد بالاسباب والمشقة والتحمل والخطط الحربية والسياسات والاقتصاد بياخدوا كل حاجة وبييجى عند الصلاة والكلام دة وستوووووب ..علشان كدة تلاقى الامريكى شيك وجينتيل ومحترم ولبق فى الكلام وابن ناس كدة...ماهو دة اصل المسلم ياعم الكوتوفوتو ..بس انت مش عارف دينك يامعلم أو فاهمة غلط ياما ماشى ورا شيخ واللى بيقولة تنفذ من غير حتى ماتشغل عقلك لو بيقول غلط امشى وراة ** بس احنا مش بنقلد الغرب الا فى الموضة والهيافة وبس **طب عارف اية هيا فكرة تسقيطة البناطيل الجينز؟؟ أو جت منين ؟ طبعا فية تفرقة عنصرية والكلام دة بين البيض والسود ففية مناطق اللى فيها السود والزنوج اللى هما ( النيجرز) دول فيهم عصابات وكلام من دة فلما الشرطة الامريكية كانت بتمسك حد من العصابات دى ويدخلوهم السجون كانوا بيجردوهم من أى حاجة يقدر يأذى بيها الشرطى فكانوا بيقلعوهم الاحزمة فكان البنطلون بيسقط وبيمشى بية وبيقضى مدة الحجز بية كدة .. دة الوسيلة اللى اتنقل بيها فكرة تسقيطة البنطلون الجينز ياكتاكيت..أما بالنسبة الجينز اتعمل لية اصلا؟؟ المواطن الامريكى لما كان بيشتغل كان فية هدوم شغل وهدوم خروج فكان بياخد منة وقت وبيعطل الشغل فاخترعوا الجينز بحيث انة يبقى لبس الخروج هو نفسة لبس الشغل علشان مايضيعش وقت واقسم بالله الكلام دة حقيقى واللى لية حد برة وفاهم يسالة طب اية الاسباب التانية اللى مخليانا عاملين كدة؟ سببين كمان غير اللى شوفتهم فوق ..اية هما؟ بص اتذكر صفتين عن البنى آدم فى القرآن " عجولا" يعنى مستعجل دايما وبيتعجل النتايج ومش صبور " كفارا" قليل الشكر ودايما من اقل حاجة بيغصب على ربنا المهم تانى سبب ودة الاهم ان كل واحد فينا نفسة يحب ويتحب ولما بيلاقى البنت المناسبة وبيدا يطبق فعلا فيواجهة مشاكل الحياة ويحس انة ضعيف ومش قادر يعمل حاجة وبالتالى البنت هتستحملة لفترة معينة ولما تلاقيه مش قادر يعمل حاجة بتسيبه يرجع يقولك البنات خاينين وبياعين والبلد بنت ستين وسبعين ويعقد نفسة **هقولك على وصفة سحرية** أولا خليك مقتنع ان الجواز (مقومات) مش (سن ) ياما ناس عندها 30 سنة ولسة عيال هيا موضوع مقومات ولا لة أى علاقة بالسن فية ناس قدى ومتجوزين ورجالة طب اية هيا المقومات دى؟؟انك تكون راجل قد المسئولية-واد بتفوت فى ال ![]() ----------------------------------------------- طب هسألك سؤال هتعرف قد اية وماتزعلش منى انك عيل ؟ مثلا خطيبتك وانت واقفين فى موقف ومروحين والمواصلات زحمة موت والناس بتتخانق علشان تركب وهيا معاك هتعمل اية؟ ---------------------------------- انت ومراتك مسافرين اسكندرية وعاوزين تقضوا يومين حلوين ..تعرف تنزل اسكندرية لوحدك من غير اصحابك؟ وهتقعد فين؟ وياترى هتعرف تلاقى شقة؟؟ ---------------------------------- خطيبتك وانت بتتشموا وفية عيال بتعاكس او بترمى كلام..هتتصرف ازاى وامتى تتخانق؟ وهل هتتخانق وهيا معاك؟ طب ولو اضربت مثلا موقفها هيبقى اية؟؟ ---------------------------------- تعرف تفصل مابين مشاكلك فى الشغل ومشاكل البيت؟ وهل هتبقى فترة الخطوبة ياروحى وقلبى ولما تتجوز هتبقى زى الحنطور واقل مشكلة بتتنرفز عليها؟؟ ** كفاية كدة احسن تحس انك طفل..ولما تعرف تحل دول ابقى قوللى ههههههه** ولو عاوز تبقى راجل طبق فى بيتك قبل ماتطبق برة..اتخيل نفسك لوحدك فى البيت والحجة (والدتك) معاك وحصل طارىء هتعمل اية ؟ خلى معاملتك حلوة مع والدتك اتدرب على معاملة ابنك على ابن اخوك اكتسب خبراتك من الوسط اللى حواليك قبل ماتدور علية برة فى شريكة حياتك الحل انك تبقى راجل وتتعب وتحاول وتصبر وتشوف البنت دى تستاهل منك اية وتعملة وان الله لا يضيع اجر من احسن عملا وتسيبك من حوارات ميمى وتوتى وتامر حسنى انت مش هتعيش حياتك على الكنبة الوردية الحياة مليانة مشاكل والحب ماهوش بس كلام بين اتنين اتقابلوا أنا عارف ان الواحد لما بيسمع الكلام دة بيسخن ويتشجع ويقول هعمل وهعمل واعمل وبمجرد مايبدا او يعدى يومين بيهمد تانى ...الحل انك كل ماتهمد تقرى التوبيك دة كفاية كدة ياجماعة أحسن تقولوا عليا فيلسوف الكلام دة ياجماعة وبتكلم بناء عن تجربتى وانا فعلا بطبقة الحمدلله ومش حاسس باى مشاكل اعتقد لو البلد ولعت مش هحس برضة ههههههههه على فكرة الموضوع دا منقول
بس عجبني وبالفعل بيمثل تجربة شخصية ليا يا ريييييييييييييييييت تقرأوه للآخر يا رييييييييييييت |
#2
|
|||
|
|||
![]()
موضوع جميل جداً جزاك الله خيراً
كويس معلومة تنزيل البناطيل الجنز
__________________
يا من يجيب العبد قبل سؤاله *** ويجود للعاصين بالغفران واذا أتاه الطالبون لعفوه *** ستر القبيح وجاد بالاحسان |
#3
|
||||
|
||||
![]()
الله عليك يا نجم
درس كبير جدا لكل اخواننا الشباب نصائح كتير جدا بداخل الموضوع وفعلا الشباب الايام دى مستعجله ومافيش عندها روح المحاولة والمغامرة علشان كده بنعلق سبب المشاكل على الحكومة والدولة صحيح الحكمة والدولة لها علاقة بالموضوع لكن فى ناس كتير اوى بتتحدى الظروف وتقهر الصعاب وتحاول وتنكسر وتعيد المحاولة وتسقط وتعيد تانى حتى تحقق النجاح بالتحدى والاصرار ( والعناد ) مع الظروف ممكن نتخطى المشاكل ونصل الى برد الامان على الاقل حقيقى فى شباب كتير منتظر الصدفة تأتى له لغاية عنده وده حلم صعب تحقيقة وان تحقيق الاحلام بالتعب والكد والمحاولات والصبر وليس الانتظار وان الانتظار يضيع العمر والوقت هباء وان الوقت من ذهب فان لم تقطعة قطعك حقيقى موضوع بناء جدا ودروس فى منتهى المصداقية على فكرة انا توقعت ان الموضوع ده منقول عارف ليه؟؟؟ لان ده مش اسلوبك خالص هههههههههههههههههه شكرا لك يا بطل المنتدى
__________________
![]() |
#4
|
||||
|
||||
![]() احم احم
موضوع جميل فعلا بس ده بقى للشباب طاب اللى زى حالات الواحد لسه سبع سنين عبال ما يخلص و يقول يا هادى و اهو جاله احباط من دلوقتى و اساسا على الشغل بقى امره منتهى ![]() الواحد احسنله يسافر يكمل تعليمه بره فى اى حته كده و يشتغل هناك ![]() ![]() ![]() و كويس انى ممكن اخد الاقامه فى امريكا بسهوله من اخويا ![]() مش عارفه حاسه ان هنا مش فيه اى امل فى حاجه كويسه شويتين احباط بس ![]() ![]() ![]() فى رعايه الله
__________________
![]() In God's care HaPpiLy eVeR aFtEr |
#5
|
||||
|
||||
![]() موضوع تحفة
مكانه مش هنا ده يتحط في المتحف المصري (مش للدرجة دي متفرحش اوي ![]() المهم كلامك تمام بس متنساش انك ناقشت اللي بيمنع الانسان من نفسه فين تا ثير المجتمع ![]() يلا وشكرا على معلومة التسقيطة مع اني عايز مصدرها ![]() تسلم + تقييم 5\5
__________________
![]() Don`t get CloSe DeaD EnD |
#6
|
||||
|
||||
![]() اقتباس:
لأن من وجهة نظري إن احنا اللي بنشكل المجتمع ولما احل سلبيات نفسي ابقى حليت سلبيات مجتمع بأكمله .. دي نقطة ثانياً شكراً على تقييمك للموضوع بس هو للأمانة منقول أنا عدلت فيه بس بعض الأخطاء الإملائية كانت كتيرة جداً وبالفعل عجبني جداً ثالثاً هدور على مصدر المعلومة بتاعت البنطلون وهجيبه ان شاء الله وشكراً جزيلاً على مشاركتك الفعالة اقتباس:
خلينا متفاءلين شوية والله بإذن الله إن الله لا يضيع أجر من أحسن عملاً دي مسألة يقين في عدل ربنا سبحانه وتعالى وشكراً على مرورك وردك اقتباس:
اقتباس:
شكراً ليك يا أ/ مجدي بس بالفعل لينا دور وأنا بوجه في هذا الموضوع نداء لكل إنسان نجح في حياته يدخل يكتب لينا قصة كفاحه ونجاحه ونتبادل الخبرات ونستفيد يلا مستني الناجحين وذويي الخبرة.. |
#7
|
||||
|
||||
![]()
دائما حضرتك نجم فى سماء البوابة
موضوع رائع بل اكثر من رائع ودعوة كريمة من حضرتك لترك التشاؤم و الملل بارك الله فيك |
#8
|
||||
|
||||
![]() اقتباس:
ويلا شاركنا في عرض قصة كفاحك في الحياة أو أي قصة كفاح حد قريب منك نستفيد منها وناخد منها العبرة والمثل وجزاك الله خيراً |
#9
|
||||
|
||||
![]()
للاسف الشديد ده اللى بيحصل
يفضل الواحد يتعلم وينصرف عليه وفى الاخر يقعد فى البيت مش لاقى شغل ولو وجد الوظيفه تكون غير مناسبه والدليل على ذلك ابن عمى خريج كليه العلوم جامعه طنطا قسم طبيعة عارف جواب التعيين جاله ايه مش حتصدق موظف فى هيئه الصرف الصحى والله حصل ولما لقيته زعلان قلت له مش تزعل دى طبيعه برضه ههههههههههههههههههههههههههههه وفى النهايه جعلك الله دائما نجم متلألأ فى سماء المنتدى
__________________
مدرس الجغرافيا والتاريخ للمرحلة الثانوية العامة والأزهرية
|
#10
|
||||
|
||||
![]()
بصراحة موضوع فى الجون يا استاذ احمد
فعلا كل واحد فينا بيزود احباطه بنفسه همين من هنا على قلقين من هنا على برنامج يجيب شلل ونبقا فعلا طبقنا اتلم المتعوس على خايب الرجا محدش فينا بيحاول لمجرد المحاولة وكل كلامه ( اللى حاولو عملو ايه ) وهيا دى السلبية بعينها الحياة عبارة عن مصاعب وحاجات سهلة بس قليلة الشاطر بقا اللى يقدر يتخطى الصعوبات دى وميحبطش نفسها قبل المحاولة :::::::::::::::::::ك بالنسبة للاسألة يا استا احمد انا شايف انها اصعب من اسألة المفتش كرومبو ![]() ربنا يكرم حضرتك شكرا على الموضوع ودمتم فى رعاية الله |
#11
|
||||
|
||||
![]() كود PHP:
لا طبعا وسعت منك ![]() في عيوب فيا ومختلفة عن عيوبك ولما تصلح عيوبك انت مصلحتش عيوب المجتمع انت صلحت نفسك بس في عيوب كتير غير اللي عندك لكن دي تعتبر خطوة اما تأثير المجتمع لما يكون مجتمعك بيساعدك على الشغل وتقديم الافضل منك هتبقى فلة وانت طبعا عارف التشجيع ![]() بلاش اتكلم اكتر كفاية اللي الناس فيه تسلم ومتنساش المصدر ![]()
__________________
![]() Don`t get CloSe DeaD EnD |
#12
|
||||
|
||||
![]()
مشكووووووووووووووور
__________________
![]() ![]() ![]() ![]() ![]() ![]() تحيــــاتي وتقــديري للجمــــيع ![]() ![]() ![]() ![]() ![]() ![]() ![]() ![]() <CENTER></CENTER><CENTER></CENTER> |
#13
|
||||
|
||||
![]()
في انتظار المزيد من وجهات النظر من هذا الموضوع الهام
فعلاً موضوع جدير بالمناقشة من كل الشباب |
العلامات المرجعية |
|
|