حل لمشكلة التنسيق

[ملاك الروح]

اظن المشكلة واضحة ومش عايزة كلام

وكله لحساب الجامعات الخاصة


حسبى الله ونعم الوكيل


انا عندى اقتراح لحل المشكلة دى


بس الاول عايزه اعرف مين الاعضاء الى بجد حاسين انهم هيتظلموا من التنسيق؟


وكفاية الجملة دى:

رفض د. هاني هلال وزير التعليم العالي زيادة أعداد المقبولين بكليات الطب والصيدلة والأسنان والهندسة والاقتصاد والإعلام والألسن بنسب تسمح بخفض الحد الأدني إلي درجات العام الماضي بعد ارتفاع درجات المتفوقين في الثانوية العامة..رفض الوزير أكد ارتفاع


ياريت تكونوا فاهمنى وعايزه اعرف ردكم وبعدين اقلكم اقتراحى انشاء الله

[ولاء]

والله انا حتى الان مش مستوعبه اللى اتقال ده اكون جايبه 94.2% وما اعرفش ادخل الكليه اللى بحبها (السن) انا ما اعتقدش ان فى حل يا ملاك للمشكله دى غير دعوة من القلب على الوزارة والحكومه كلها ربنا ياخدهم وعموما هم عندهم حق لان عبيدهم مش هيقدروا يتكلموا ويقولوا تلت التلاته كام وحتى لو تكلموا يضحكوا عليهم زى الاطفال اللى ما بتفهمش حاجه
حسبى الله ونعم الوكيل
وعارفه انا ايه اللى مضايقني اكتر انى مش عارفه ادخل ايه ياريت اى حد يقترح ادخل ايه لانى عامله زى التايهه
ياريت ياجماعه كله يستعين بالدعاء دلوقتى وكتروا من قيام الليل وصلوا ركعتين قضاء حاجه كل يوم او كذا مره فى اليوم
اختك فى الله

[hadary2000]

المهم 94%تدخلنى هندسه زقازيق

[hadary2000]

يا ريت حد يفسر ى الجمله اللى بعد اللى انتا كاتبه واللى بتقول ان الحد الادنى لكليات القمه 95% يقصد ايه

[_the_sad_smile_]

اية الحل انا كمان هتظلم كفاية مش هدخل الكلية اللى نفسى فيها انا عمرى ما طلبت طب ولا هندسة حلم عمرى من انى ادخل حاسبات ومعلومات لاسباب كتير واهداف اكبر وحلم اكبر واكبر .... انا دخلت رياضة اتنين بس عشان كدة مع انى متاكدة انى مش قدها اما التنسيق على واحد فى المية اللى زاد دة كل حاجة خلاص

حل اية لو فى حل قولى لانى مبقتش مستعدة اسمع اى كلام كفاية كلامهم

[ملاك الروح]

اقتراحى ان احنا نبعت رسائل وايميلات وكل الوسائل الى وزير التعليم العالى


وايضا نحتاج لمساعدة الاستاذ عبقرينو


نطالب ايضا باعتماد ال12 كلية الجداد وقبول زيادة اعداد المقبولين


وانشاء الله ربنا معانا


عايزين مشاركة فعالة؟؟؟؟؟؟؟؟؟؟؟؟؟؟؟؟؟؟

[اينشتاين]

من غير ما اخليكم تيأسوا

الكلام ده صعب انهم يحققوه

فى مصالح واعتبارات تانية ليهم

[LA STELLA]

انا مش فاهمة حاجة


بس سمعت قبل كدة ان عدد القبول هيكون محدود لجميع الكليات و الباقى يروحوا جامعات خاصة بقى


انا اللى يهمنى بجد ان ربنا يوفقنى و ادخل فنون تطبيقية جامعة حلوان

[ملاك الروح]

مفيش حد عنده ارادة؟؟؟؟؟؟

[_the_sad_smile_]

مفيش فايدة

[شجرة الدر]

الإرادة كانت موجودة بس بعد الى هما عملوه معدش عندنا امل فى اى حاجة التنسيق مرتفع جدا جدا وناس اتظلمت كتير

[روميو]

بجد ياجماعة دى مشكلة وفى حاجات كتير احنا عاوزين نسال عنها فى حكاية التنسيق والكليات والكليات الخاصة والمعاهد اللى ممكن يتم من خلالها الدخول لكليات بعد اللحصول على مجموع معين فى المعهد ياريت استاذ اشرف يعمل موضوع يستقبل فيه اسئلة الاعضاء وهو يرد على الاسئلة دى او نعمل غرفة شات ويكون استاذ اشرف موجود ونساله ياريت الكل يقول رايه فى الاقتراح ده

[fethaghors]

الى اعرفه ان المقبولين بالطب زاد عددهم من 7800 الى 10000
وبعدين يا حضرى 94 تدخلك هندسه ان شاء الله لكن أى هندسه معرفش
توقعات الأهرام
93.3

[=ivan=]

ربنا يستر...ربنا يوفق كل واحد للكلية اللى هو عاوزها..

اما حكاية الايميلات..وتغريق ايميل الوزارة بطلبات كتيير..فده مستحيل....

اولا..هيتجاهلونا تماما..
ثانيا...ممكن الموضوع يقلب علينا..
ثالثا.ممكن يبقى عنك ارادة فى كل حاجة..بس عند الحكومة..ستوووووووب..
رابعا...عندنا هنا فى مصر كمية من الروتين..تخلى الوزير ورئيس الجمهورية لو وافقوا على الفكرة ميعرفوش ينفذوها غير بعد 5 سنين..


ربنا يوفق..

[r.m.h]

انا مع حضرتك يا ahmedation_4ever ودة كمان غير السلطات اللي مسيطرة على السلطة ههههههههههههههه
اكيد فهمين سياسة خارجية