|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
17-01-2009, 06:57 PM
|
||||
|
||||
حتى تصرفاتنا كلها فيزياااااء!!!!
السلام عليكم و رحمة الله
ازيكم يا جماعة عاملين ايه؟و اخبار الامتحانات معاكم ايه يارب يكون كله تمام طبعا نسبة كبيرة مستغربة عنوان الموضوع ايه اللى جاب الفيزيا لحياتنا و تصرفاتنا العادية؟ الفيزيا المفروض ان نسبة كبيرة مننا معتقدين انها بتاعت الاختراعات فقط بس المرة دى بقى هنحاول نشوفها بوجهة نظر مختلفة شوية يمكن لو فهمناها نتصلح من ابسط قوانين الفيزيا ان لو قوتين متساويتين و ضد بعض فى الاتجاه هتتلاشى القوتين و المحصلة تكون صفر كاننا مش عملنا اى قوة و لو قوة من الاتنين اكبر من التانية القوة الاكبر هيا اللى هتغلب بس بعد طرح القوة الاولى منها حد فاهم حاجة؟؟؟؟؟؟؟؟ اتمنى بس كملو معايا الموضوع لو جينا بقى طبقنا القانون الفيزيائى البسيط ده ع حياتنا تعالو نشوف كده 1- فى حياتنا الشخصية قبل الامتحان طبعا كلنا تقريبا بنذاكر بمعدل اكبر بكتير من الايام العادية بس بييجى وقت علينا بنبقى خلاص لازم ناخد راحة اوك طبعا مافيش حد يقدر يقول اننا مش نرتاح بس المفروض نرتاح نسمع قران او نقرا قران نشوف مناظر هادية نسمع حاجة هادية-مش موسيقى طبعا  - نعمل حاجة بنجبها اى حاجة بس مفيدةاحنا بقى بنعمل ايه؟؟؟؟؟؟؟؟ نروح بسرعة ع التليفزيون -بالنسبة لهواة التليفزيون- او النت -بالنسبة لهواة النت- فبنلاقى ان قوة المذاكرة اللى احنا ذاكرناها بتتلاشى قصاد القوة المضادة اللى هيا التليفزيون اللى هو اصلا بيقلل التركيز و بالتالى المحصلة = صفر موقف تانى اوقات كتير اوى بنبقى سهرانين مثلا بنسمع برنامج دينى فى التليفزيون اكيد فى اخر البرنامج استفدنا البرنامج خلص بنقلب فى القنوات الكويسة مافيش حاجة نعمل ايه؟؟؟؟؟؟؟؟؟؟؟؟ بسرعة ع فيلم او اغنية او اى حاجة برده تضيع فايدة البرنامج الدينى و بالتالى المحصلة = صفر موقف ثالث نسبة كبيرة مننا فى الجامعة او خلصو الجامعة المهم اثناء الدراسة نلاقى الناس كل همها الحفظ او التقدير او اى حاجة الا الفهم طيب يا جماعة ازاى ؟؟؟؟؟ يابنتى خلاص بقى مافيش حد هيقولك انتى فاهمة ايه احفظى عشان تنجحى و فى الاخر محصلة المعلومات اللى طلعنا بيها من الدراسة = صفر هنا بقى تقريبا مافيش قوة ايجابية ضد سلبية فيلاشو بعض . القوة الوحيدة المؤثرة هيا السلبية اللى هيا الحفظ و هكذااااااااااااا مواقف كتير فى حياتنا لو طبقنا عليها القانون ده هتتصلح باذن الله بس نفكر كويس 2-فى مصر اكتر حاجة تقريبا مفتقدينها فى مصر ان مافيش خطة الكل يتحرك عشان ينفذها الكل بيشتغل و الكل بيتعب بس للاسف كل واحد فى اتجاه و كل واحد فى مجال فالمحصلة بنلاقيها صفر مافيش تقدم مافيش نهضة لان كل قوة بتلاشى التانية و بالتالى كاننا مش عملنا اى قوة 3- قضية فلسطين كل دولة عربية بتعمل حاجة لوحدها كانها فى عالم تانى كل دولة تبعت تبرعات قدرها كذا كل دولة تقول اصل العيب فى التانية كل دولة تقول مافيش حل غير الوحدة العربيةو المقاطعة لاسرائيل و نيجى نلاقى كل دولة عربية عادى يعنى فيها سفارات اسرائيلية المعاملات موجودة مافيش وحدة عربية لحد دلوقتى مش سمعنا عن خطة عملية لنصرة فلسطين كل دولة فى وادى و بالتالى المحصلة صفر لحد دلوقتى اسرائيل مش بطلت  ده بقى ابسط قوانين الفيزياء ليه دور كبير فى حياتنا لو فكرنا فى حاجات كتير اوى قبل مانعملها و طبقنا عليها القانون ده يمكن نتصلح فى حاجات كتير |
|
#2
17-01-2009, 07:16 PM
|
||||
|
||||
|
عندك حق فى كل كلمة والله
احنا لازم نخلى محصلة القوى ايجابية بالنسبة لنا وبالنسبة لقضية فلسطين فانا معنديش امل ان فى اى دولة عربية تتحرك او تعمل تصرف ايجابى اصلا يعنى محصلة القوى فى الموضوع ده هتبقى بالسالب مش بس صفر لكن الامل موجود فينا احنا احنا الشباب اللى فى ايدينا نعمل نهضة فى الطريق الصح كلنا نتوجه لله بقلب خالص وعلى الفطرة السليمة ونحاول نغير نفسنا بجد ونستعين بالله على نفسنا عشان نقدر نتغير بجد وجزاك الله كل خير على عرضك الرائع لاسلوب حياتنا الملخبط ده وربنا يعينا على الطاعة ويقينا من فتن الدنيا والاخره
__________________
اشهد ان لا اله الا الله وان محمد رسول الله رب اغفرلى وانت اعلم بذنوبى منى
|
|
#3
17-01-2009, 07:20 PM
|
||||
|
||||
|
اقتباس:
مشتاقة
فينك يابنتى ؟ تبقى طمنينى عليكى نيجى بقى للموضوع انتى ردك منطقى جدا جدا بس بالنسبة لفلسطين انتى عارفة و الله العرب فى منهم ناس بتتحرك اه اقل من المفروض بس يعنى احسن من مافيش بس المشكلة ان مافيش جهود متوحدة كله لوحده و جزاكى كل خير يا قمر ع ردك الاجمل |
|
#4
17-01-2009, 07:29 PM
|
||||
|
||||
|
السلام عليكم ورحمة الله وبركاتة
اولا الف الف شكر على الموضوع الاكثر من رائع وعلى الوصف والشرح الممتاز ثانيا فى حياتنا الشخصية ومصر وفلسطين فعلا فية جهود جامدة قوى من ناحيتنا مثلا فى المذاكرة من ناحية المصرين فى النهوض بالبلد من ناحية العرب كلهم بالنهوض بفلسطين لكن مفيش الى يوجهها فبتكون المحصلة صفر واكنها مفيش الموضوع الكلام فية كتير قوى انا ليا رد تانى ان شاء الله شكرا شموخ مرة تانية على الموضوع فى رعاية الله
__________________
لا اله الا الله ... محمد رسول الله
|
|
#5
17-01-2009, 07:32 PM
|
||||
|
||||
|
اقتباس:
اوك باذن الله
فى انتظار الرد التانى كمان شكراااااااااااا كتير لمرورك نورت الموضوع |
|
#6
17-01-2009, 07:56 PM
|
|||
|
|||
|
ياقهلا ياقهلا ازيك يادودو
ويلكم باك ياقمر مش عارفة لية دايما مواضيعك بقراها يجى 3مرات عشان افهمها المهم بجد الوقت دة حاجة بايظة بالنسبالى جداااااا او تحسى اليوم مفهوش بركة متعفرت كدة بس دة بصراحة كان فالدراسة بس انا نويت والنية لله انى اعمل حاجة عدله بقى فى الاجازة دية وطبعا اهم حاجة الخطط دية لما يكون عندى خط امشى عليه احسن ما اكون بلا هدف وبلا خطة وشكرا عالموضوع ياقمر
__________________
 laugh at the time when people wait ur tears
|
|
#7
17-01-2009, 08:03 PM
|
||||
|
||||
|
اقتباس:
ويلكم بيكى انتى يا روحى
ههههههههه معلش يابنتى اهى المرة التالتة دايما بتبقى فيها البركة فعلا و الله يا ناسوم الخطط بتريح اوى لما يكون الواحد محدد هو عايز ايه و ازاى هيحققه بينجز فى شغله ياللا ربنا يوفقنا كلنا يارب نورتى الموضوع يا قمرى |
|
#8
17-01-2009, 08:04 PM
|
||||
|
||||
|
اقتباس:
دى فعلاا كل دولة بتتكلم فى ناحية وبتعادى اختها مع ان المستفيد الوحيد من ده كله ومن التفرقة هى اسرائيل وامريكا او الحلف الاوروبى الصهيونى ياللا ربنا يسترها علينا جميل الموضوع دودى
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#9
17-01-2009, 08:14 PM
|
||||
|
||||
|
اقتباس:
اه و الله يابنتى عندك حق
بجد حاجة تتعب الاجمل مرورك حبيبتى نورتى الموضوع |
|
#10
17-01-2009, 10:18 PM
|
||||
|
||||
|
مع احترامي الشديد لحضرتك بس عمرها مكانت بالأرقام بل بالعكس ممكن بعد العمل الكويس ممكن النتيجة تيجي سلبية كمان وعمرنا منقدر نقيسها بالارقام يعني علي سبيل المثال لو واحد سمع برنامج ديني وبعد كده سمع أغنية ياتري هو ركز في انهي أكتر علشان يكون تأثير التاني طغي وياتري هو سمع ايه الأول علشان الانسان بيعرف يركز تركيز تام في الساعه 70% بس معلومات يعني ليها جوانب تانيه كتير ممكن نتكلم عنها بس مستحيل تكون بالأرقام ولو ركزتي أكتر لو كانت بالأرقام يبقي الحياة بقت ملل ومفيش جديد لأن الارقام معروف نتايجها وشكرا
__________________
 |
|
#11
18-01-2009, 07:40 AM
|
||||
|
||||
|
اقتباس:
لا هو انا مش قلت انها بالارقام هى بالمقدار
و زى ماحضرتك قلت بالنسبة للبرنامج الدينى و الاغنية ممكن حاجة تطغى ع حاجة و ممكن تكون الايجابية بس بتبقى ضعفت بمقدار القوة السلبية مش بتكون بنفس قوتها الاصلية و الكلام ده فى اول الموضوع اقتباس:
مادام دايما بنجدد فى حياتنا و بنعمل حاجات جديدة مش هتبقى مملة باذن الله كل مافى الموضوع اننا بس عايزين ننظم نفسنا اكتر شكرااااااااااااااااااااااا جدااااااااااااا ع الرد نورت الموضوع |
|
#12
18-01-2009, 08:02 AM
|
|||
|
|||
|
فيزيا
 هى حصلت  مكنش العشم ماشى ماشى قال فيزيا قال انا يتقالى فيزيا ماشى يا انا يا الموضوع دة فى المنتدى طيب امشى بقى من ادامى الساعة دى لانى لو شفتك هتديكى شلوت ارجعك عضو جديد بصى يا سوسو الموضوع جميل و حلو و كل حاجة بس هى الفيزيا  يلا بقى دة مقدر و مكتوب
__________________
 وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#13
18-01-2009, 08:42 AM
|
||||
|
||||
|
اقتباس:
هههههههههههههههه
اه الناس بتوع 3 ثانوى  جميلة الفيزيا ع فكرة بس لو اتفهمت هيا اه تجنن و بتخلينى خلااااااااص بس بتبقى ممتعة اوى لما تطبقيها ع حياتك و تستفيدى منها اى مجال عامة لما تستفيدى منه بيبقى ممتع جدا حتى لو صعب نورتى الموضوع ياقلبى |
|
#14
18-01-2009, 08:46 AM
|
|||
|
|||
|
اقتباس:
اسكتى بقى عشان انا مخنوقة منك اصلا فيزيا ايه اللى تتفهم دى دى كبيرها تتكره يلا ما علينا
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#15
18-01-2009, 08:51 AM
|
||||
|
||||
|
اقتباس:
لا و الله يابنتى الفيزيا بالذات لما تفهميها بتحسى بانجاز لان الكل بيقول انها مش تتفهم و بتحسى انها ممتعة اوى و بتحبيها لما تفهميها لانها بتشغل العقل جداااااااااااا
ع فكرة بجد و عن تجربة والله الفيزيا اكتر مادة تنشط عقلك اكتر من الرياضة نفسها و عموما الاختلاف فى الراى لا يفسد للود قضية |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 02:53 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
