انا ضد الهندسة الخاصة

[حسن زيرو]

ياجماعة للاسف مستقبل الهندسة اتدمر فى مصر بسبب الكليات الخاصة انا شايف ان موضوع الهندسة الخاصة بياثر بالسلب على معنى الكلية وقيمتها اللى المفروض ميخشهاش الا الطالب المتميز لكنها انتشرت بطريقة غريبة وبقا فى تزايد غير عادى فى اعداد المهندسين ودا بييجى على دماغنا وفى الاخر مبنلاقيش شغل حاجة تحرق الدم......

[حسن زيرو]

طبعا مفيش رد لان كلامى مفهوش اى حاجة غلط ودا اللى انا عايز اوصلة

[eng.taki]

انا معااااك جدا وكلامك صح بس انا عايز اقولك متشيلش هم مش معقول هيقارن ده بده في الشغل واحنا عارفين ان معظم الكليات الخاصة بيشترو شهادة وبعد التعب ده كله يقارن ده وده
ده حتي تكون قفلة مش حلوة يا راجل

[hoshosh]

مش كل الهندسة الخاصة زي ماحضرتك بتقول يعني في هندسة ,bue, auc , guc ,aast ,hti دول بينافسوا الحكومي و بيطلعوا مهندسين زي او احسن من الحكومي علشان كدة في بعض الشركات بتطلب خريجي guc و auc فقط انا في guc و و الله اعرف اكتر من 7 جايبين هندسة حكومي (قاهرة و عين شمس ) و انا يجي اعرف 30 واحد بس من دفعة و دخلوا guc و اربعة منهم جايبين اكتر من 407 و جامعة افلة علي تقريبا 92% و علي فكرة الشهادة مش بفلوس زي محضرتك بتقول انا ليا واحد صاحبي قاهرة و الي بياخدوا بناخدوا و كمان بيبقي في حاجات مش عرفها بقولهالو و العكس صحيح فياريت منعممش
دليل علي طلب خريجي AUC GUC BUE AAST
http://www.facebook.com/permalink.ph...82437891807032
http://finance.dir.groups.yahoo.com/...t/message/4504
http://www.jobeex.com/job/1230/CRM-Administrator-/
http://finance.groups.yahoo.com/grou...s/message/3046
http://yassminelnazer.wordpress.com/...8%A6%D9%81-13/
فرق بين GUC BUe auc عن بقيت جامعات خاصة
http://answers.yahoo.com/question/in...4155446AAP4CUt
دليل علي عدم صحة "شراء شهادة بفلوس"
guc فازت بمسابقة البرجمة في شرق متوسط
http://icpc.baylor.edu/public/standings/746
نصيحة خريج من GUC للطلاب جدد
http://lifeofanegyptian.blogspot.com...newcomers.html
اقرا اخر مقطع
http://imgurlme.com/quest/20120804083406AAd1ITW.html

[نودى طاهر]

الله ينور عليك أنت قلت اللى أنا عاوزة أقوله الطالب بيدخل جامعة خاصة علشان بتفرق معاه على درجة والا اتنين وبعد مكتب التنسيق ما يرفع حد القبول وهو نفسه يدخل هندسة بيضطر يدخل جامعة خاصة يحقق حلمه وحلم أهله اللى بيقرصوا على نفسهم وبيقطعوا منو قوتهم ده غير اللى متغربين علشان يحققوا أمل أهلهم وعلى فكرة هما مهريين امتحانات وكويزات ونفس المناهج اللى فى حكومة بياخدوها وكمان الجامعة الخاصة بتاخد من 87 أو 88 % فيما فوق يعنى مش بتأخد من 50% ثانيا الطالب لا يمكن يقدر يشترى الشهادة علشان الامتحانات بتبقى جد واللى ما بيذاكرش بيروحوه بيتهم بلاش نسئ الظن مش علشان أنتم مش لاقيين شغل تقوموا تبوظوا فى سمعة زمايلكم المفروض تكونوا كلكم يد واحدة وتطالبكم كلكم بحقوقكم كفاية ظلم فى بعضنا

[قطرالندا]

طبعاااااا لا مش كلهم لان التدريس فى الجامعات الخاصه وبالذات فى الكليات العمليه احلى بكتير لان الادواات كلها جاهزه

[eng.taki]

علي فكرة انا قلت معظم مش كل ياريت حضرتك ترجع تقري/ا الرد تاني
وبعدين انا كل الكليات اللي حضرتك قولتيها/ها موجودين من بدري وليهم وضعهم (نسبيا) بس انا بتكلم علي الهوجة الجديدة اللي كل واحد معاه 42 جنيه ومكان بيعمل معهد عالي هندسة وكده بس في تحفظ علي مقارنة بعض الكليات بأي كلية تانية زي القاهرة وعين شمس وعين شمس خصوصا لانها كليتي واقدر اتكلم براحتي بالنسبة للامكانيات لان في رد كان قايل كل حاجة جاهزة ياريت حضرتك تشرفنا/تشرفينا بزيارة هتلاقي المعامل والوش مجهزة جدا وامكانيات عالية فادي نقطة
حاجة تانية في الكلية عندنا بيحطونا في اصعب الظروف بحيث بيتخرج مهندس يعتمد عليه ياريت نسأل علي عين شمس في اي حته
اسف جدا جدا للاطالة.... واسف جدا لو حد معجبهوش اي حاجة في كلامي وافتكرو الاختلاف في الرأي لا يفسد للود قضية

[hoshosh]

طبعا الخلاف لا يفسد في الود القضية بس انا كنت بوضح نقطة ان صوابعك مش زي بعضها و انا معاك ان مينفعش اي حد يفتح معهد لهندسة او لاي كلية تانية بس اعتقد الشركات بيبقي ليهم اولوية الاختيار
علي فكرة hoshos = hossam =male ^^

[حسن زيرو]

بقولها لتانى مرة انا ضد الهندسة الخاصة

[rimaza]

عشان تفهم حاجة

لما بتيجي تقدم لوظيفة في حاجة اسمها انترفيو يعني هيشوف خلقتك فاهم ولا شهادتك بفلووس

تاني حاجة الجامعات الخاصة بتتعلم فيها بفلوسك يعني معامل وادوات واحدث الاجهزة مش زي الحكومي كل 10 على جهاز

ياريت كلو يبص ازاي يبقى مهندس متفوق في مجاله ويهتم بالتدريب بدال الكلام الفاضي انت خاص وانت حكومي والتفاهات دي

[Engineer ..]

ببساطة ... متكونش أناني ... ورينا نفسك في الشغل يا بطل واثبت جدراتك ... اللي راح دفع فلوس ودخل كلية نفسه فعلاً يدخلها ... احنا مش هنحرم حد من هدفه ، وانت شايف ان لو مفيش هندسة خاصة وسبتلك المصنع كله مثلاً تمسكه انت هل هتقدر تبدع فيه ؟؟؟ بالعكس دانت هتكسل لأنك انت الوحيد اللي موجود ومش هتكون خايف ان حد ييجي احسن منك وياخد مكانك
تنااااااااااااااااافس مع أخيك في الخير
دي كانت وجهة نظري المتواضعة

[ElKbeer2020]

معلش طبعا انى بشارك ف الموضوع متأخر شويه
انا فى aast وتقريبا كان بيني وبين هندسه (7. 0) انا والله مش بتكلم علشان اقول كده بس اللى عايز اقولو انى بجد aast فيها تعب وتعب جامد والله ....
انا اسف بس انا والله زعلت من كلمه حسن زيرو ( و ف الاخر مش بنلاقى شغل ) .......... عايز اقولو
........... و ما رزقك الا على الله ...........

[OMAR ABD ELMAGEED]

ي اخ حسن اما واحد ما يدخلش كلية هندسه على .1 يعمل إ يقتل نفسه بقى ومش حكايه الكليات السبب ف عدم وجود وظايف لا انتا وشطارطك ودا كله موضوع نصيب قسما بربى ربنا يعينك وتلاقى وظيفه

[osamatarkhan]

انا ضدها برده وبصراحة الحوار بقى اوفر اوى وكل مين هب ودب بقى بيدخلها حرام بجد يعنى انا يطلع عينى 2 و 3 ثانوى عشان ف الأخر اتساوى بواحد كان مقضيها

[issac-newton]

النقابة حاليا حددت نسبة في مجموع الثانوية العامة لا يقل عنها اي طالب و ان إلتحق بجامعة خاصة كي يصبح عضو في النقابة , و اظن دا شئ محترم , على فكره حضرتك لا تنظر من جانب واحد ان الطلبة الي في هندسه خاصه داخلين عشان مجموع قليل و خلافه , فيه طلبه في سينا بيجيلهم منح في جامعات خاصة , و ايضا طلبه في مناطق مثل الوادي , دا غير الطلبه الي بتفضل الكليات الخاصة مثل هندسة الجامعة الامريكيه او الالمانية او البريطانية او الكندية بسبب ارتفاع مستوى الامكانيات و غير برضو الطلبة الي بيجلها منح في الجامعات دي , فا ليهم حق انهم يكونو مهندسين ,