|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
29-12-2008, 07:45 PM
|
|||
|
|||
((__حوارات والاعيب بين البنت والولد__))
السلام عليكم ورحمة الله وبركاته اولا ازيكم عاملين ايه؟ الموضوع عن حاجات كتير الواحد لاحظها من خلال النت والحياة العادية بس الاكثر على النت تقريبا لمدة خمس سنين أول حاجة الاعيب الولد والبنت على الايميل كلمة سمعتها من شاب ربنا هداه بيقول انا كنت بقدر اضحك على اى بنت مهما كانت قولتله ماشى بس فيه حاجة اسمها بنت محترمة ومافيش بنت تقدر تقول زيك لان فيه حاجة اسمها ولد محترم قالى ايوة بس انت نسيت ان فيه حاجة اسمها شياطين الانس بيكونوا زيك زيهم بالظبط فى الشكل والهيئة وكل شىء ولكن قلوبهم كقلوب الشياطين مع الوقت الواحد وجد شواهد كتير جدا على الكلام دة بس انا هاتكلم عن طرق غريبة واشياء الواحد لاحظها وبتوقع ناس كتير من المحترمين وايضا الناس الى بتتظاهر بالاحترام والتدين اول مسمى الاخوة اى نعم الاسلام قال ان المسلمين فى ترابطهم وتعاطفهم وتراحمهم كمثل الجسد الواحد انما الاسلام بردة قال ان فيه حاجة اسمها محارم للرجل ومحارم للمرأة (محرم) يعنى مثلا الرجل له محارم الام والاخت و خالته وبنت اخته ....الخ بس دلوقتى ممكن واحد او واحدة يستدرج اى منهم الاخر بهذا المسمى الوهمى يعنى مثال بسيط انا مثلا لما أقول الشخص دة مثلا يعنى زى ابنى بالظبط هل معنى ذلك عند موتى بتقسم الوصايا والمواريث عليه زى اولادى ؟ لا طبعا بنفس القياس هل معنى انك انت او انك انتى قولتم على دة انه اخوكى وان دى اختك انها بقت زى المحرم بالظبط ممكن تكلمها عادى على الموبايل وممكن تقابلها وتقفو مع بعض بالساعات تيجى بقى لحتة اهم (انا واثق من نفسى وانا واثقة من نفسى) الاجابة من القران واعلموا ان الله يحول بين المرا وقلبه الاجابة من السنة القلوب بين اصبعى من اصابع الرحمن يقلبهما كيف يشاء الاجابة من الواقع العملى هل انت افضل من كليم الله موسى عليه السلام؟ لا هل الاختلاط أعظم ذنبا ام القتل القتل بالطبع ولكن مع طرق ابليس واستدراجه استطاع ان يوقع موسى فى القتل وان كان غير متعمدا الحاجة التانية هل الكلام بيفضل اخوى يعنى؟ لا بالطبع تلاقى مثلا اغلبية البنات الى تكلمهم يقولوك انت الولد الوحيد الى بكلمه تيجى بعدين تلاقى مثلا واحد تانى واحد تالت وهكذا التعريف بسيط لان العملية عملية مبدأ يا بتمشى عليه كله يا تسيبه كله مثلا تلاقى الولد فى اول حوار ليه مع البنت انهم كلامهم عادى خالص ومافيش استعداد لاى منهم انهم يشوفم بعض او اى حاجة من هذا القبيل وواحدة واحدة تبتدى الخطوات مثلا اولها انا شفت حلم غريب؟ شفت ايه؟ شفتك؟ شفت والدتك!!!!!!!!! وانت بقى تفكر بقى معنى ايه الكلام دة؟ الخطوة التالية ادعيلى ان ربنا يقدرنى وارتبط بالانسان(ة) الى قلبى اختارها انا اعرفها؟ اة تعرف(ي)ها بس مش هاينفع أقولك ادعيلى وخلاص... التالية تلميحات عن الشخصية دى الرابعة انا معجب بيكى وحاجات تانية بقى تلوها وسرعتها بتفرق حسب الاشخاص واحتمال حدوثها تتعدى ال95% والكلام مش لازم يكون من الولد نفس الكلام بيحصل من البنت ونصيا على فكرة عارف ان فيه ناس هتعارض ودة شىء طبيعى بس كل كلمة بقولها النهاردة فى الموضوع مرتبطة بمواقف شوفتها وسمعتها وعاصرتها وحقيقية وكل منتدى فيه كلام من دة كتير يحضرنى مع الكلام دة قصة للحسن البصرى رحمه الله رحمة واسعة وهو من ال البيت النبوى رأى عدو الله ابليس فى الحلم فقال له ما حالك يا عدو الله مع بنى ادم قال له كنت فى بادىء الامر اعملهم طرق الضلال اما الان فأنا اتعلم منهم !!!!!!!! ودة الى بيتفق مع اول شىء ذكر فى الموضوع :::::::::::::::::::: النقطة التانية الحب على النت هل هو موجود أيوة ككلام موجود وكتير ما شاء الله بل وفى تزايد طب ليه؟ لان اى شخصية فى الواقع زى المجسم ثلاى الابعاد انما على النت ثنائية الابعاد مهما حاولت تظهر من نفسها ومهما كانت صريحة بمعنى دلوقتى مثلا واحد اختار الاتجاه الدينى على النت مش معنى كدة انه ملاك ولا يخطىء ومش كل حد بيتكلم فى الدين بيكون بينه اصلا وبينه صلة بس الى بيحصل البنت او الولد يحصلهم انبهار بالشخصية دى ما شاء الله كل كلامها دينى وكلامها كله منطقى وعقلانى و.... بس فى الحقيقة الشخصية فيها الكويس وفيها الوحش فيها الخير وفيها الشر اى نعم فيه جانب معين بيطغى على الشخصية بس أكيد فيها عيوب مثلا واحد اختار لنفسه المجال الادبى والشعر والنثر والمقالات هل معنى كدة ان الشخصية دى رومانسية جدا وكل حياتها ورد فى ورد لا طبعا وبيحصل زى ما قلت فى الحتة الى قبلها بل انا عن نفسى شفت ناس فى المنتدى كل توقيعاتهم وصورهم كارتون وهما فى الحقيقة ما شاء الله عليهم فى التدين وعلم القلوب عند الله وحده ::::::::::::::::::::::::::::::::::::::::::::::::: النقطة التالتة فى مرة نداء انى اعمل موضوع عشان فيه ولد بيضحك على بنت وبيقولها انا بحبك ومش عارف ايه اول حاجة استعجبت طب انا هاعمل النداء لمين للولد الى قاعد يقول كدة؟ ولا البنت الى فرحانة بالكلام الى هى بتسمعه دة؟ الموضوع اتعمل بتوفيق الله وبعد فترة دمجته مع موضوع لنفس الدعوة بس وانا بعمله ورغم ان والحمد لله الموضوع وموضوع اخى جاب أثره المطلوب الا انى وانا بعمله مش مقتنع بكلمة(بيضحك عليها) لان البنت أكيد هى الى أدته الفرصة لكدة لان دة أكيد أصلا من ألاول مبداها ايه اصلا الى يخليها تسمع كلام من دة وازاى كمان لما حد بينصحها تقولها انتوا بتغيروا مننا عشان بنحب بعض طب ولو مش عشان الناس طب يبقى عشان الى خلقك يعنى اولا ربنا كرم الانسان فى البر والبحر وانتى اكرم بكتير من انك تفضلى على النت مستنية حد يقولك انا بحبك او معجب بيكى ثانيا لما انا مثلا أقول الحب مش حرام كشعور لانه حاجة فطرية دة لان ربنا عملنا شىء اسمه الارتباط الشرعى مش معنى ان مش حرام ان الانسان يحب يبقى الاختلاط حلال!!!! بل ويبقى كمان الكلام الى اصلا بيخدش شعبة من شعب الايمان _الحياء_بردة حلال طب ازاى؟! ثالثا انتى افضل بكتير من انك تسمعى من دة بحبك وبعد فترة معلشى انتى زى اختى وانا بس مش عاوز اجرحك او بحبك وبعد فترة احنا مش متفقين مع بعض مستعجلة على رزقك ليه؟ ربنا كتب ليكى زوجك من قبل خلق الخلق بخمسين الف سنة ساعتها لما تسيبى كل الى ربنا ميزك بيه وتقعدى مستنية الكلمتين دول يبقى انتى الى بتضيعى كرامتك بأيدك وساعتها ربنا يختبرك وهاتكون النتيجة الرسوب فى الامتحان لما يجى يسيبك حياتك تتحول لجحيم وكأن ربنا خلقك عشان واحد وانت بردة كذلك حياتك تتحول لجحيم وكأن ربنا خلقك عشان واحدة ساعتها يبقى فعلا الرسوب الاكبر فى دين المرأ رابعا مش حاجة كويسة خالص ان الناس تقول عليكى انك فى يوم من الايام كنتى قاعدة مع واحد تحكوا فى قصص الحب بل والله بتكون نظرة الناس ليكى او ليك نظرة احتقار مش غيرة ولا حاجة وخامسا وقبل كل شىء يكفى نظرة السميع البصير ليكم فى مرة واحد صاحبنا بيقولى انا فيه واحد صاحبى معايا فى الكلية عاوز اخرجه من الحالة الى هو فيها لانه مدمر خالص قولتله وايه سبب المشكلة قالى خامس واحدة تسيبه!!!! انا استغربت جدا يعنى ايه خامس واحدة طب وكل واحدة فيهم أكيد بردة تروح لواحد تانى وتسيبه وهكذا خلاص سيبنا حياتنا كلها ودة بقى أهم ركن فيها سبحان العلى القدير :::::::::::::: نداء ليك انت هل انت مش مهتم لنظرة ربنا ليك؟ هل تفتكر ان ربنا هايسيبك كدة على طول بحالتك دى؟ هل انت موهوم انك مش هايجى اليوم الى الناس كلها هاتعرف فيه كلامك دة ؟ بل هو اصلا بقى معروف هل انت واثق انك لن تدان كما كنت تدين؟ ::::::::::::::::::: امثلة ليكى انتى كنت وانا فى منتدى سابق وكان منتدى كبير وكنت ماسك فيه اقسام الهاكرز طلب اضافة لو سمحت اعتبرنى زى اختك الكبيرة واعتبر اختك هى الى فى المشكلة وبالله عليك تساعدنى فى حلها انا كنت ساعتها عندى 14 سنة تقريبا المهم الحوار بينا كان كالاتى انا ......من القاهرة عندى 26 سنة كنت مخطوبة من فترة قصيرة وحصل مشاكل وكل شىء نصيب جاتلى رسالة تهديد ان كل كلامى متراقب من الى كنت مخطوبة منه مش اهتميت ليها بعد فترة بعتلى كل كلامى مع اصحابى وكل اسرارى الى كنت بقولها على الايميل ونزلت ويندوز وبردة الجهاز متراقب المهم بفضل الله حليتلها المشكلة وجهازها بقى سليم بس الشاهد من الموضوع دة كان خطيبها وعمل فيها كدة امال الى اصلا مش مرتبط بيكى ممكن يعمل ايه؟ ..... من منتقبة:ـ اول مرة دخلت النت قولت ادخل شات الياهو واصاحب بنات وكدة فتح عليا ولد قولتله لا انا مش بكلم اولاد قالى لا عادى خالص اعتبرينى زى اخوكى وانا مش بدخل كتير يعنى عادى وقبلت وانا مش عارفه اخلص منه وكان كلامى معاه زى الطوب واحدة بواحدة يهدى فيا ويقولى عادى يا بنتى ايه المشكلة هدى نفسك انا زى اخوكى الكبير وبعد فترة قالى انا بحبك قولتله لو سمحت تشيل ايميلى دلوقتى وانا شيلته عملتله اجنور جه بعد فترة وانا كنت متصورة صور من غير حجاب مع اخواتى فى البيت لاقيته باعتلى رسالة فيها كل صوى وصور اخواتى الى على الجهاز طبعا بالنسبة لواحدة منتقبة تعتبر مصيبة يبقى الاولى ليكى ايتها المسلمة تصونى نفسك من اليداية تلخيص الى فات مبدأ العاقل الباب الى يجيلك منه الريح سده واستريح مبدا ابليس لبنى ادم الباب الى يجيلك منه الريح مش لازم تقفله كله سيب منه بس جزء مفتوح كدة على اساس ان مع اى رياح قوية الباب يتفتح على اخره والقصص ما شاء الله كتير :::::::::::::::::::::::::::::::::::::::::::::::::: ::: منها عضو بدون ذكر اسماء دخل فى مشروع خيرى وكان ضرورى عليه يحط موبايله لقى فى يوم بنت بتتصل بيه وانا زى اختك ولو سمحت ترد عليا انا بس عندى مشاكل كتير وعاوزة الى احكيله وخلاص فقبل وبعد فترة كالعادة تحول كلامها لحب فأضطر لوقف الكلام ................... واحد تانى انا رايح بكرة أقابل العضوة الفلانية! ....... واحدة تالتة تشتكى مر الشكوة لانها اتخانت عاطفيا من العضو الفلانى ............ رابعة وخامسة وسادسة العضو المحترم قالى كلام مش كويس خالص وطلبات غريبة (الكلام كله حقيقى وليس خيالى) :::::::::::::::::: عشان كدة الواحد فعلا عرف كلمة من اخ ليا هنا (لما تمشى على مبدأ يا تمشى عليه كله يا تسيبه كله) والمبدأ الى تسيبه مش تلوم غيرك على النتايج الى هاتحصل منه :::::::::::::::::::: انا بوجه كلامى للناس الى عاوزة تحافظ على نفسها للناس الى ممكن الشيطان يستدرجها واى واحد فينا ممكن يستدرجه ابليس انما كلامى غير موجه للناس الى سايبه نفسها يعنى مثلا هى تبقى لسة بتكلمك تقولك ادى نمرة موبايلى او الولد الى يعمل كدة لان دول مش محتاجين اصلا خطوات يستدرجوا بيها بل هما الى عملوا للشيطان الطريق الى ابليس عاوزة وبيقولوله مستنين منك بس التوجيه واحنا تحت امرك وعموما بنصحكم وبنصح نفسى اما العمل فانا ابرأ نفسى امام الله منه اسمع المبشر بالجنة وهو على سطح الكرة الارضية عمر بن الخطاب رضى الله عنه وهو بيقول اذا خفيت الخطيئة لن يضر الا فاعلها فأذا ظهرت ولم يفعل الناس شيئا لتغيريها اصابت العامة وهو ما يتوافق مع قول الله واتقوا فتنة لا تصيبن الذين ظلموا منكم خاصة واسمع قول النبى صلى الله عليه وسلم لتأمرن بالمعروف ولتنهن عن المنكر او ليوشكن الله ان يوقع بكم عذابا ثم تدعونه فلا يستجيب لكم زى ما بيحصل لفلسطين الدعاء ما شاء الله مش جايب أثره خالص وكلام اخير مش ينفع حضرتك تقولى حرام اكلم اولاد وتقولى ما عدا الشخص الفلانى لانه زى اخويا بالملى يبقى انتى كدة بتعارضى دينك وعقلك ونفس الكلام للولد ::::::::::::::::::::::::::::::: عموما الواحد زهق بجد من كتر الحاجات الى الناس الى مش عندها ولا دم ولا دين ولا حياء قاعدين يعملوه ولكن من عمل صالحا فلنفسه ومن أساء فعليها ..وزى ما سيدنا عمر قال الا اذا انتشرت ساعتها الى بينصح والى بيرجع عن اخطائه هو الى بيخلص زى ما بنقول زمته ادام ربنا من العبث ده :::::::::::::::::::::::::::::::::::::: عرف ان فيه ناس هاتزعل من الموضوع دة وأكيد مش زى كل مرة هاشوف ردود ومش مهم الردود المهم الناس تفوق شوية ولو واحد او واحدة رجعوا عن الى عملوه احسن ليا من 20 صفحة فى الموضوع ونرجع تانى نقول كفاية بقى كدة ارحموا من فى الارض يرحمكم من فى السماء :::::::::::::::::: دلوقتى اخواتنا بيذبحوا فى مشارق الارض ومغاربها واحنا بندور بردة على حاجة نذبح بيها غيرنا نفسيا ولكن سحقا لمن يحاول ان يكون كالكلب ان تحمل عليه يلهث وان تتركه يلهث :::::::::::::::::::::::::: اخر حاجة أحب اوجها لنفسى أولا ولكم ثانيا لما حد يجيب سيرة ربنا فى حاجة يبقى عارف كويس جدا هو بيقول ايه لان فعلا زى ما ربنا قال (لم يعرف عظمتى من حلف بى كذبا) وعموما طالما الواحد شاف حلفان من اى حد ولو مرة واحدة على اى شىء يبقى اعتبره صادق وافوض أمره الى الله كما قال عيسى عليه السلام عندما حلف امامه سارق بأنه لم يسرق (اذن صدقت وكذبت عينى) مش نشوف ناس فى اخر الازمان يقولوا احنا معاهدين ربنا على ايه وايه رياءا ونفاقا ولا حول ولا قوة الا بالله ::::::::::::::::::::::::::: عظة دلوقتى يوم القيامة الناس تنقسم الى ثلاث انواع لا رابع لهما ألاول يدخل الجنة بلا حساب ولا سابقة عذاب الثانى يدخل ايضا الجنة ولكن بعد ان يؤتى الكتاب بيمينه ثم يقف امام الله تبارك وتعالى ومعه 99 صحيفة كل منها كمد البصر وشىء منطقى انها تكون كدة لانها كل عمل وكل كلمة ليك منذ ان رأيت السماء الى ان ترى تراب القبر فيذكره المولى بذنوبه ويعترف العبد بأخطائه ولا ينكر منها شيئا فيقول المولى له سترتها عليك فى الدنيا واليوم اغفرها لك اما النوع التالت يؤتى الكتاب بشماله فيحاول ان يحتال بأن ينكر ما فى الكتب من اعمال وكما قال صلى الله عليه وسلم من نوقش الحساب عذب يعنى الى هايقف ادام ربنا يقول لا انا مش عملت كدة لانه هايتكتم ساعتها وجوارحه تتكلم ايدك الى انت قاعد تكتب بيها هاتشهد عليك لسانك الى انت بتتكلم بيه هايشهد عليك وعليكى ايضا واذنك الى فرحانة الاصوات الى بتنبع من بين لحم وعظم بردة هاتشهد عليك بس الفرق انك يوم القيامة ولا فيه هروب ولا فيه انكار والحساب حتمى عليك ومصيرك اما الجنة واما النار ونصيحة اخيرة وازع الخير داخل كل قلب مسلم ولما وازع الخير دة تفقده اعرف انك فقدت اعظم شىء ربنا اعطهولك والشىء دة مستحيل ترجعه تانى لان (الران) صار على قلبك وطبع ايضا عليه فلا تفرق بين طاعة ولا معصية الا بهواك ::::::::::::::::::::::::: وكل سنة وانتم طيبين لذكرى مولد نبى الله عيسى عليه السلام وهجرة رسول الله صلى الله عليه وسلم من مكة للمدينة المنورة ::::::::::::::::::::: سبحانك ربى ربى العزة عما يصفون وسلام على المرسلين اللهم صلى على النبى المختار وعلى صحبه الاخيار ما لاح ليل ونهار سبحانك اللهم وبحمدك أشهد ألا اله الا انت أستغفرك وأتوب اليك |
|
#3
29-12-2008, 08:11 PM
|
||||
|
||||
|
بسم الله الرحمن الرحيم السلام عليكم و رحمة الله و بركاته على فكره موضوع جميل اوي و اتفق معاك في كل كلمه .. و فعلاً الواحد لازم يعترف بغلطه و الحمد لله ان الواحد ربنا هداه انا الحمد لله رب العالمين بطلت كلام ولاد عالميل و مسحتهم كلهم و مش بقى عندي اي حد منهم بفضل الله و هغير الميل قريب بامر الله عشان محدش من اللي كنت بكلمهم يطلع لي تاني لاني بصراحه مش كنت حاسه براحه نفسيه لما كنت بكلم ولاد عالميل و لما مسحتهم و بطلت كلام معاهم بجد حسيت براحه كبيره اوي الحمد لله رب العالمين و بحس ان ربنا كل يوم بيعوضني خير بصراحه كلام الولاد عالميل مامنوش اي فايده في اي حته اصلا غير ذنوب و خلاص و وجهت تركيزي لحاجات تانيه غير النت و مابقتش بدي للنت اهتمام كبير اوي و انا بنصح كل بنت بتكلم ولاد عالميل تراجع نفسها تاني .. شكراً جداً يا دكتور سعيد على الموضوع و كل سنه و حضرتك طيب و ربنا ينصر اخواننا في غزه و معلش ياريت تسمح لي اضيف حته لموضوعك انا قريتها و دي اللي غيرت وجهة نظري من ناحية الكلام مع الولاد و اتمنى ان كل بنت تقراها تتمعن اوي في الكلام ده === أختي الكريمة اللي لحد الآن تكلم الشباب على المسنجر ؟ ؟ ايه اللي استفدتي ؟؟ مش عايزاكي تقوليلي بس كل اللي عايزاه تفكري وتسالي نفسك السؤال . .ايه استفدتي ؟؟ والله العظيم اتحدى اي فتاة تقول انها تكلم شباب على المسنجر . .انها مرتاحة بوضعها اللي هي فيه قلق وشك وخوف من الاهل . . وفوق هذا . .غضب وعدم توفيق من الله سبحانه وتعالى هذه هي حكمة الله في خلقه (ومن أعرض عن ذكري فإن له معيشة ضنكا ) فلا أصدق أن فتاة أو شاب مرتاحين بالوضع اللي هم فيه وحتى لو تظاهروا بذلك ازاي كل ما مر حد من وراك تنزلي الصفحة تحت وتقولي انا مبسوطة ؟؟ وازاي كل ما أمك تسألك بتعملي ايه .. . . تقولين ابد . . انزل مواضيع ولا قاعدة على منتدى . . وتقولين انا مبسوطة ؟؟ ازاي تغطي نفسك بالف فراش ولحاف وتقفلين على نفسك الباب لما تبقى بتتكلمي في التلفون . . وتقولي انا مرتااااحة ؟؟ هــل دي اللي بتبحثي عنه ؟؟ هل هذي هي الراحة والسعادة ؟؟ فانظري لحالك . . وتفكري . . بهذه السعادة الموهومة وأنا استغرب . . من بنت تكلم الشباب على المسنجر .. وبعدين تقول ابي زوج صالح ومتدين ويخاف ربه !!!! على اي اساس تقولي عايزة زوج متدين ويخاف ربه وانتي ما تخافي الله وطول الليل والنهار كلام مع الشباب على المسنجر ؟؟ هل تعتقدين اصلا ان الله حيبتلي انسان صالح عفيف بوحدة مثلك انتي ؟؟ لن تجدِ إلا شخصا مثلك هذا الكلام مش من عندي . . ولكنه كلام الله سبحانه وتعالى . . فهو الذي قال : الخبيثات للخبيثين والخبيثون للخبيثات والطيبات للطيبين والطيبون للطيبات لكن هذا كلام الله سبحانه وتعالى . . وهذه هي حكمته في خلقته . . وحتى الشباب . . هل تعتقد بأن الله سبحانه وتعالى سيبتلي انسانة عفيفة بمن هم على شاكلتك ؟؟ ياللي تقرا هالكلام دلوقت . . وياللي تقرين هالكلام دلوقت . . فكروا شوية لية ما سمعنا في يوم من الأيام أن فلان الملتزم تزوج وحدة عليها كلام ؟؟ ولا سمعنا كلام عن اهل واحد ملتزم ومحترم ؟؟ وفي المقابل كل ما تزوج واحد من المختربين . . سمعنا كلام عنه وعن من تزوجها ؟؟ يا الله العفو و العافيه في الدنيا و الآخره مش لازم اتكلم كثير واضرب أمثلة لأن الامثلة تقدر تشوفها وتقدري تشوفيها من حواليكم وواضحة للجميع وصدقوني والله العظيم إن الانسان مهما حاول أنه يتأكد من صلاح من سيتقدم لها أو البنت حاولت تتأكد من صلاح المتقدم لها لكن حكمة الله فوق كل شيء . . وسيبتليكم . . فالآن الطريق مفتوح امامك . تبيعي باقي دنياك . . من أجل لهو وشهوة ساعة . . . وكلام فاضي كل واحد منا يدري أنه لا يقدم ولا يؤخر ؟؟ ولا تخافي ربك . . وتبتعدي عن هذا الجو . . وتفوزي بالدنيا والآخرة ؟؟ طبعا . . بتجيك وحدة . . وبمنتهى البراءة . . وبتقول لك . .. اصلا انا لما اكلم الشباب على المسنجر . . ما اقول شي غلط . . مجرد كلام عادي ... يا سلالالالالالالالالالالالالالالالالالالالالالالالام ممممم طيب . . ازاي إذا كان الاساس غلط ؟؟ هذه المحادثة أختي العزيزة . . حرااااااااام شرعا ً ولا تجوز . . وبعدين تعالي ألم يقولوا . . أن عظيم النار من مستصغر الشرر . . تكفيكم تلك القصص التي سمعناها . . من فتيات كانوا يقولون نفس هذا الكلام . . ثم تدريجيا . . شوية شوية . . حبة حبة . . انجرفوا بغير إرادتهم تحت الخط الأحمر . . إما إلى الزنا . . وإما إلى وهم العاطفة والحب . . فأما العاطفة . . فما بدأت إلا من الكلام حول ( انا ايه اعنيلك . . وانتي ايه تعني لي ) ويتبعها تفكير ثم تفكير . . وانتظار على النت لساعات طويلة . . والنتيجة ؟؟ قلب مكسور . . وانطواء عن الناس . . وانشغال عن الله سبحانه وتعالى . . خسران في الدنيا وخسران في الاخرة . . اوووووووه .. نسينا شي مهم . .. بكرة بعد الزواااج أكيد أوهام الحب القديم . . ستراودك ِ بين الفينة والاخرى . . أما تستحي ؟؟ أما تخجلي ؟؟ أن تكوني مع زوج لك يحبك وانت تخونينه في داخل عقلك ؟؟ طيب انتي ما تستحي عادي عند تخوني زوجك بالطريقة دي طيب وراحتك ؟؟ والمودة والرحمة والحب الطبيعي الصحيح بعد الزواج ؟؟ تتركي كل هذا يفسد من أجل ( كلام عادي ) على المسنجر ؟؟ لا خوف من الله . . ولا خوف من الناس حتى !! وعايزة زوووج محترم كمااااااااااان ؟؟ لالالالالالالالالالالالالالالالالاه ؟؟؟ متقوليش كلام عادي !! فانتم في قرارة انفسكم تعلمون هل تخدعون الناس ؟؟ ان خدعتم الناس بتبريركم هذا فلا تستطيعون ان تخدعوا انفسكم وان تمكنتم من اقناع انفسكم بهذه الاعذار فلن تخدعوا الله سبحانه وتعالى اقرأوا هذه الآيات وتمعنوا فيها . . وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ إِذْ يَتَلَقَّى الْمُتَلَقِّيَانِ عَنِ الْيَمِينِ وَعَنِ الشِّمَالِ قَعِيدٌ مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ وَنُفِخَ فِي الصُّورِ ذَلِكَ يَوْمُ الْوَعِيدِ وَجَاءتْ كُلُّ نَفْسٍ مَّعَهَا سَائِقٌ وَشَهِيدٌ لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ وَقَالَ قَرِينُهُ هَذَا مَا لَدَيَّ عَتِيدٌ أَلْقِيَا فِي جَهَنَّمَ كُلَّ كَفَّارٍ عَنِيدٍ مَّنَّاعٍ لِّلْخَيْرِ مُعْتَدٍ مُّرِيبٍ الَّذِي جَعَلَ مَعَ اللَّهِ إِلَهًا آخَرَ فَأَلْقِيَاهُ فِي الْعَذَابِ الشَّدِيدِ قَالَ قَرِينُهُ رَبَّنَا مَا أَطْغَيْتُهُ وَلَكِن كَانَ فِي ضَلَالٍ بَعِيدٍ قَالَ لَا تَخْتَصِمُوا لَدَيَّ وَقَدْ قَدَّمْتُ إِلَيْكُم بِالْوَعِيدِ مَا يُبَدَّلُ الْقَوْلُ لَدَيَّ وَمَا أَنَا بِظَلَّامٍ لِّلْعَبِيدِ يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيد !!!!!!!!!!!!!!!!!!!! يارب سلم يارب سلم حسنا وماذا بعد ؟؟ إلى متى ؟؟ ألم تقتنعي بعد ؟؟ بتقولي ما اقدر والله . . واللي معاي ما اقدر افارقهم ووووو . . سؤالي إليك . . في من تثقي أكثر ؟؟ في نفسك التي يوسوس لها الشيطان أم في الله سبحانه وتعالى ؟؟ هذا قول الله سبحانه وتعالى في الحديث القدسي : ((أنا عند حسن ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منه ، وإن تقرب إلى شبرا تقربت إليه ذراعا ، وإن تقرب إلى ذراعا تقربت إليه باعا ، وإن أتاني يمشي أتيته هرولة )) كل المطلوب خطـــوة . . فقط ابدأي . . واعزمي على ترك هذه الأمور . . وطهري مسنجرك من الجنس الآخر . . وسيعينك الله سبحانه وتعالى . . ومن ترك شيئا ً لله عوضه الله خيرا ً منه . . المشروع: " حملة لتطهير المسنجرات من إيميلات الجنس الآخر كيف أشارك في المشروع؟ 1- قم بإرسال الموضوع كاملاً إلى جميع الإيميلات التي تعرفها والموجوده في مسنجرك أو قائمة الإيميلات في بريدك. 2- قم بإرسال الموضوع كاملاً إلى جميع المجموعات البريدية المشترك بها. 3- قم بنشر الموضوع كاملاً في جميع المنتديات وساحات الحوار المشترك بها. 4- قم بوضع التصاميم والتي تنهى عن ذلك وتذكر بالله وتجدون مواقع تفيدكم بهذه التواقيع ...وياليت أحد الأعضاء المحتسبين يزودنا بذلك ... واانا قمت بدور وهو نشره في المنتديات عليكم يا بنات بالحفاظ علي اخواتكم في والله وابعتوا الموضوع لكل البنات أخــــــــــي الكريم ... اعلم أن محادثة الفتيات الأجانب في المسنجر أو الشات حرام وتعتبر من الخلوة المحرمة يقول المصطفى – صلى الله عليه وسلم – (ما خلا رجل بامرأة إلا كان الشيطان ثالثهما) فأتق الله في نفسك وفي بنات المسلمين وبادر بحذف إيميلات الفتيات من مسنجرك وتذكر دائماً إنه ( كما تدين تدان ) !! وإن كنت لا تسمح لأهلك بمحادثة الشباب الأجانب في المسنجر، فكيف تسمح لنفسك بمحادثة بنات المسلمين !! ألم يقل الرسول – صلى الله عليه وسلم " حب لأخيك ما تحب لنفسك أختي الكريمة ... إعلمي أن محادثة الرجال الأجانب في المسنجر أو الشات حرام وتعتبر من الخلوة المحرمة يقول المصطفى – صلى الله عليه وسلم – (ما خلا رجل بامرأة إلا كان الشيطان ثالثهما) فأتقي الله في نفسك وفي أهلك وبادري بحذف إيميلات الرجال الأجانب من مسنجرك وصوني عفافك وسمعتك فأنتِ غالية مصونة عند أهلك فلا تنزلي بنفسك إلى الحضيض بمحادثة الشباب اللاهث وراء شهوته!! وكم من فضائح وقعت كان أولها محادثة بريئة في المسنجر!! وأسال الله أن يتقبل هذا العمل منا ومنكم وياباغي الخير أقبل والهمة الهمة يا شباب الأمة ولا تنسونا والمصممين من الدعاء في ظهر الغيب جميع حقوق الطبع والنسخ والنقل محفوظة لكل مسلم إلـــــــــــــــــهي لا تغضب علي فلست أقوى على غضبك و لا تسخط علي فلست أقوم لسخطك يا رب قد أصبت من الذنوب ما عرفت و أسرفت على نفسي بما قد علمت فأجعلني لك أمه إما طائعه فتكرمها و إما عاصيه فترحمها احترامي و تقديري
بوسي
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
آخر تعديل بواسطة bosy .. mostafa ، 29-12-2008 الساعة 08:15 PM |
|
#4
04-02-2009, 03:29 PM
|
||||
|
||||
|
اقتباس:
موضوع رووووووووووووعة جزاكم الله خيرا احلى موضوع هادف بصراحة الف الف الف الف الف الف شكـــــــــــــــــــــــــــــــــرررر  رحبوا بيا من جديد انا عدت لربنا تانى  يا ربى الكلام ده مؤثر جدا جدا
__________________
|
|
#5
30-12-2008, 01:35 AM
|
|||
|
|||
|
فعلا يا جماعه مش عارفه اقول ايه لان انتم فعلا قضيت على الموضوع من جذوره مفيش حاجه تانيه اقدر اقولها غير ان فعلا المبدا لا يتغير ولا يتبدل ولا يتجزا وما بنى على باطل فهو باطل
|
|
#6
30-12-2008, 10:53 AM
|
||||
|
||||
|
فعلا موضوعك جميل جدا ومفيد جدا وقيم جدا وياريت كل الاعضاء فعلا يقرأوه لانه فعلا بيتكلم في حاجات كتير ومهمه جدا
__________________
اللهم اني ظلمت نفسي ظلما كثيرا ولا يغفر الذنوب الا انت فاغفر لي مغفرة من عندك وارحمني انك انت الغفور الرحيم |
|
#7
30-12-2008, 11:57 AM
|
||||
|
||||
|
على فكرة الموضوع طويل جدااااااا بس قريته كله الحمد لله.
هارد رد سريع كده عشان نازلة الكلية حاليا ومش عارفة هاعرف ارد تانى ولا لا بس طبعا الموضوع جميل اوى بجد حقيقى راااااااااااائع وزى ماقلت قبل كده المنتدى اغلبه على نفس الوضع بس الحمد لله الموضوع شامل لحاجات ومواقف كتير الواحد ياخد منها العبرة . ولو ان فيه ناس مش بتتاثر ولا بيفرق معاها بس عشان نبقى اتكلمنا وبلغنا وخلاص وصراحة انا عن نفسى من يوم ماعرفت النت ده ماكلمتش ولد عالميل الا مرة واحدة فقط وماكانش كلام كانت خناقة بس مع شخص ماحدش يعرف حاجة عنه اكتر من صاحب الموضوع بس الموضوع بجد اسعدنى جدا يعنى حسيت ان دعائى بيجيب نتيجة الله اعلم دعائى ولا لا بس اامل ذلك جزاكم الله خيرا يادكتور وفى رعاية الله
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#9
30-12-2008, 05:08 PM
|
||||
|
||||
|
أول حاجة حمد الله علي السلامة
و ربنا يوفقك في المذاكرة تاني حاجة أنا فعلا مبسوط أني قدر لي إني أرد في الموضوع ثالثا بقي إنت عودتني يا حبيب قلبي علي المواضيع اللي بفكر فيها و نفسي أكتبها بس طبعا ليا الشرف إني أرد في موضوعك إنت عارف رأيي في الموضوع ده و انا إتكلمت معاك كتير عشان أنا أساسا مش بقتنع بكل الشخصيات اللي بقابلها فعلا في ناس كنت بحسبهم ملايكة طلعوه (ربنا يهدي الجميع) أنا مش عارف أعمل إيه أنا بتكلم علي المنتدي هنا بصفة خاصة أنا عرفت حاجات بتحصل أنا فعلا عمري متخيلت إن هي تحصل في منتدي كان بالنسبة ليا أكتر منتدي محترم و كنت بفتخر إني عضو فيه بس بعد اللي عرفته عرفت إن هو ميختلفش عن المنتديات التانية غير في الستاير بس!!!!!! أيوة كله ستاير أرجع للموضوع ذات نفسه عشان أنا فعلا بتعب لما بفتح الكلام ده العلاقة بين الرجل و المرأة علي النت أعتقد إن هي ليها ضوابط لأنها تعد خلوة و أنا بتمني من ربنا إن هو يتوب علينا كلنا و أولكم أنا من المصايب اللي بتيجي من ورا المواضيع الصغيرة دي و انا علي فكرة أعرف ناس زي ما سعيد بيقول بيحبوا من علي النت ده مجاش إلا من الفراغ الواد يقلك ده انا بحبها و مش عارف إيه و في الأخر يطلع بتسرح بيه لهو اللي بيسرح بيها الشاب: بيعد يمثل و يحسس الناس كلها إن هو دون جوان زمانه و اللي مفيش غيره في الحب و الرومانسية و الكلام الفاضي ده و في الأخر (سوري في اللفظ) يطلع قفل!!!!!!!! و البنت: تعد تتكلم علي أساس إن هي ملكة جمال و بابي و مامي و في الأخر.....!!!!! ده للشباب اللي بيفكر أساسا لو للحظة إن هو يختار حد من العالم المزيف اللي أسمه النت و بالنسبة لحكاية الضحك علي الشباب و الضحك علي البنات أنا أعرف ناس دي أسهل حاجة عندهم أقوله يابني إتقي الله دي لو كانت أختك بيقولي أنا أختي عمرها ما تكون كده و للأسف اللي هما بيتكلم عليهم في الأصل محترمين بس عايشين علي النت بشخصية تانية شخصية كانوا بيحلموا إن هما يكونوا زيها ده بينطبق علي ناس أنا أعرفهم تلاقيه مقطع الشات و مش عارف إيه و الشاب السبور و هو في الحقيقة 0 علي الشمال من كل حاجة __________ أنا كل الكلام اللي قلته ده كان من شاب في سنكم و عارف اللي بيحصل بس لما أجي أنصح حد مش هنصح إلا اللؤلؤة الغالية علينا و هي البنت إنتي عندنا و الله أغلي من الدنيا إنتي الأمة كلها الغرب معرفوش يعأثر علي الأمة ففكروا يدخلولها من ناحيتك فتحو غرف الشات و عالم جديد مفيش بنت كانت تحلم بيه و هلم جره لكن لأ إنتي لازم يكون ليكي وقفة مع نفسك و تعرفي اللي إنتي بتعمليه ده ضد كرمتك و غلاوتك و لا لأ ضد تدينك و شرفك ولا لأ بالله عليكي متخسريش دينك عشان شاب أو بمعني أصح غول مصاص دماء أعد قدام الكمبيوتر بيسرح بدي و بدي و إنت ضحية من ضحاياة أنا بتكلم بثقة عشان أان عارف اللي بيحصل و ممكن سعيد يبقي عارف نظامي إيه بس أنا بتكلم عن ثقة إن الشباب مش غرضهم إلا تقضية وقت علي حساب البنت اللي بالغريزة بتضعف قدام الكلام ده أنا قلت بعض من الي عندي عشان الباقي مش لازم حد يعرفه أو بمعني أصح مش وقته
__________________
Mahmoud Wafaay
Control - Engineer Mansoura university آخر تعديل بواسطة wafa2y ، 30-12-2008 الساعة 05:16 PM |
|
#10
31-12-2008, 03:53 AM
|
|||
|
|||
|
اقتباس:
عندى تعليق صغير عالجزء ده
مش لازم يكون حد فيهم بيكدب عالتانى ممكن الاتنين يكونوا صادقين مع بعض ف كل حاجة بس مش صادقين مع نفسهم يعنى مصدقين الوهم اللى عيشوا نفسهم فيه جزاكم الله خيرا جميعا فى رعاية الله وحفظه |
|
#11
31-12-2008, 08:21 AM
|
||||
|
||||
|
اقتباس:
أنا فعلا عجبني التعليق
خصوصا إن حضرتك وضحتي الجزئية اللي متلونة و المشكلة "لا حياة لمن تنادي" و جزاكم الله خيرا
__________________
Mahmoud Wafaay
Control - Engineer Mansoura university |
|
#12
31-12-2008, 08:32 AM
|
||||
|
||||
|
اقتباس:
You are right مافيش حاجه اسمها اصلا حب من عالنت دي ولا فيه حاجه اسمها صحوبيه بين بنت و ولد ولا زي اخويا ولا زي ابن عمي ولا زي ابن الجيران حتى !! و ماينفعش اي علاقه بين بنت و ولد خارج الزواج ( بصرف النظر عن المحارم طبعاً) و انا اتكلمت في الحكايه دي قبل كده النت وسيلة تعارف زيه زي التليفون زيه زي ما اعرف حد عن طريق الجامعه او الشغل يعني وسيلة تعارف عاديه ممكن من خلالها يحصل كده بس ماتبقاش حقيقيه اوي ولا صادقه ولا زي الحقيقه طبعاً !! و الأكتر بيبقى وهم و مالوش وجود الواحد بيبقى ساعتها زي الطفل الصغير لما بيشوف حاجه حلوه بتلمع من بعيد و يجري وراها و هي اصلاً مش موجوده و مش اي حد اتخدع فيه عالنت و اقول ده شخص تمام و زي الفل و 100% مهو ليس كل ما يلمع ذهباً انا جايز كنت في فتره من الفترات وهمت نفسي بحب من عالنت ( و اسميها فترة طيش او عبط مني) لكن الحمد لله - بفضل الله - اكتشفت بعد كده ان ده وهم لا اكثر ولا اقل و الحمد لله رجعت لعقلي تاني بعد فتره ماكنتش طويله و راجعت نفسي كويس و اكتشفت ان ده كان من منطلق مشكله مريت بيها لكن الحمد لله اتصلحت و كله بقى تمام و عرفت وقتها اني ماتهورش في مشاعري و اي حاجه احس بيها ناحية حد تبقى حب ..و اتخلصت من المشاعر اللي كنت فاكراها حب دي بسهوله جداً باني شغلت نفسي اكتر بالمذاكره و بشغلي لحد ما بقى بيتقال عليا (بوسي ماعندهاش وقت تقول لحد سلام عليكم اصلاً) و ربي يثبتني على الطريق اللي انا ماشيه فيه انا اسفه لتدخلي في الموضوع تاني
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
آخر تعديل بواسطة bosy .. mostafa ، 31-12-2008 الساعة 08:34 AM |
|
#13
01-01-2009, 03:42 PM
|
||||||||||||||||||||||||||||
|
||||||||||||||||||||||||||||
|
اقتباس:
جزاكى الله خيرا اقتباس:
اقتباس:
اقتباس:
اقتباس:
ودة الهدف الاساسى من الموضوع اقتباس:
وانتى طيبة وانتى فعلا من الناس القليلة الى الواحد بيأمل فيهم الخير جزاكى الله خيرا كثيرا امين اقتباس:
اقتباس:
كلام جميل جدا وفعلا بعد سؤال شيوخ كتير فهى حرام وليس فى الموضوع فصال اقتباس:
الحمد لله شكرا للمرور اقتباس:
شكرا على الرد جزاك الله خيرا اقتباس:
الحمد لله اقتباس:
اقتباس:
اقتباس:
اقتباس:
بس اكتشفت ان فيه ناس عملة منه نشر يالا ما علينا بلاش افتكر عشان اعصابى مش مستحملة اقتباس:
أعتقد انى ممكن اكون حددت الدعاء على العموم شكرا اقتباس:
وجزاكى مثله فى امان الله اقتباس:
انت الى هاتقولهولى على الموبايل هاتقوله هنا  اقتباس:
ربنا يزيدك انبساط يا باشا اقتباس:
اقلبنى بقى اقتباس:
بلاش بالله عليك تكتب  الى فى هندسة اعصابهم مش بتستحمل خلى بتوع الجراحة الى يشيلوا الليلة اقتباس:
بجد والله من غير هزار اقتباس:
اقتباس:
اقتباس:
اقتباس:
 فى جنب لو سمحت صراحة هو مش عشان بعض الرويبضة نقول حكم عام والله فيه ناس هنا قمة فى الاحترام ونفسى اكون نصهم على الاقل فى العلم الشرعى زى المجاهد مثلا اقتباس:
ماشى:abdoog8: اقتباس:
|
|
#14
01-01-2009, 04:04 PM
|
||||
|
||||
|
اقتباس:
ناس عملة نشر؟؟ اقتباس:
عموما افهم اى كلام براحتك
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#15
01-01-2009, 06:06 PM
|
||||
|
||||
|
ماشاء الله بجد موضوع عشره على عشره بارك الله فيك يا دكتور سعيد
وردود الصراحه اكتر من رائعه |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:27 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
