خبر وحش جدا لعلمى علوم

[hana montana]

يبدأ مكتب تنسيق القبول بالجامعات والمعاهد أعماله الاثنين القادم. لطلاب المرحلة الأولي من الناجحين في الثانوية العامة.. أعلن عبدالحميد سلامة وكيل أول وزارة التعليم العالي والمشرف العام علي مكتب التنسيق أنه سيبحث خلال اجتماع د.هاني هلال وزير التعليم العالي لبحث نتيجة الثانوية العامة الحد الأدني لتنسيق المرحلة الأولي وعلمت "الجمهورية" أنه سيتم خفض المقبولين بالقطاع الطبي25%.

[M.E.M.s]

ازاى 25% بحالها ليه هيوصلوا الحد الأدنى ل100% و لا ايه؟ مستحيل
و ان شاء الله خير

[hema_tahoun]

للاسف يامحمد ياعماد دي اللي حصل وهي فعلا نسبه كبيره جدا

[Dr.genius2009]

12.5 في المية فقط

[Mr.Nino0o0]

بصوا ده كلام صحفيين ما يعرفوش ايه اصلا الثنوية العامة

تعالي نحسبها بس كده

اذا كان هما الشعرة الاوائل جايبين لحد 407

يعني 10 بس الي داخلين طب ما شاء الله

وبعدين ما هو قال 4800 واحد داخلين طب بشري مش القطاع الطبي

ما نخلي عندنا امخاخ بقي وننفض خالص لام الجرايد الي عماله تكتب من دماغها

وبعدين كله كمان اسبوع وهنتاكد من التاليف ده كله

[pinkykitty]

يا جماعة الخبر صحيح و موجود في جريدة الجمهورية

[marwa.m]

لا هما 12 ونص بس

ياريت تكون الاخبار سليمة

[theotherface]

ربنا معاكم انا مش علوم بس حقيقى هم السنادى ضحكوا على الناس جابوا الامتحانات كويسة والعيال تطلع من الامتحان فرحانة وبعد كده (ابقى قابلنى لو دخلت كليه كويسة ) هكذا كان حال لسان امتحانات الثانوية السنادى وياجماعة انا قولت قبل كده فى مواضيع كتيرة ماتفرحوش بالامتحانات السهلة ولكن الردود كانت :ياعم خلينا نفرح بالامتحان شوبة او ياعم فكك مننا..........
ولكن انا بقول حاجة واحدة بدل انت عملت اللى عليك لاتقلق هتدخل الكلية اللى نفسك فيها رغم انف اى حد فى الوزارتين وزارة التعليم الاساسى و وزارة التعليم العالى.............. وتقبلوا مرورى!!!

[hana montana]

المشاركة الأصلية كتبت بواسطة theotherface

ربنا معاكم انا مش علوم بس حقيقى هم السنادى ضحكوا على الناس جابوا الامتحانات كويسة والعيال تطلع من الامتحان فرحانة وبعد كده (ابقى قابلنى لو دخلت كليه كويسة ) هكذا كان حال لسان امتحانات الثانوية السنادى وياجماعة انا قولت قبل كده فى مواضيع كتيرة ماتفرحوش بالامتحانات السهلة ولكن الردود كانت :ياعم خلينا نفرح بالامتحان شوبة او ياعم فكك مننا..........
ولكن انا بقول حاجة واحدة بدل انت عملت اللى عليك لاتقلق هتدخل الكلية اللى نفسك فيها رغم انف اى حد فى الوزارتين وزارة التعليم الاساسى و وزارة التعليم العالى.............. وتقبلوا مرورى!!!

يا ساتر على التشاؤم انت قفلتها خالص على العموم شكرا على الرد الجميل

[*the artist*]

يا جماعه سيبوا الأمور دى على الله اللى كاتبهولك هو اللى هيكون

[EL 7even]

حسبى الله ونعم الوكيل
يا جماعة انا حاسس انى عملت حاجة غلط زمان وربنا بيعقبنى با الثانوية ومشاكل الثانوية

[usamak]

دة مش مظبوط لازم نفكر شوية الوزير قال ان عدد اللي جايبين من 95 -100 (25448)علب مستوي الجمهورية علمي و ادبي

[usamak]

ان شاء الله خير

[fatac2]

طب وصيدلة واسنان وبيطري باي باي 96 فما فوق