|
#1
|
||||
|
||||
![]() تووووووت توووووووت صفارة بتنادينى .. يلا بسرعة الحق وجينى
ده الصوت اللى كل يوم بينادينى والحق واجرى علشان ابدا يومى كل يوم الرحلة طويلة وبتاخد ساعات كتيرة كل يوم لازم اركب القطر لدرجة ان رحلة العمر كل يوم تبدأ بالقطر يوميا اركب القطر بس قطرى مختلف عن الباقى اسمه قطر الغلابة اة فعلا الغلابة عارفين ليه!!!!!!!! عندى اسباب كتيرة منها انه بتاع المواطن الغلبان اللى مش كفاية الدنيا جت عليه علشان كمان الحكومة تهمله وتخليه يسافر فى قطر زى سلة المهملات وده وصف على مسمى وسبب تانى ان فى رحلة القطر بنقابل امن انواع البشر كتير وكتير اه افتكرت دا انا كل يوم اشوف الراجل الغلبان المطحون مسافر للقمة عيشه ها ربنا يعينه ويصبره ولا الشحات اللى كل يوم مقضيها سفر والله يسهله اكيد بيكسب رايح جاى واهو بيغير بلاد ووجوه جوا القطر وكمان اللى يجى ويرمى الحاجة فى اديا ويترجانى اشترى ولو حتى مش عايز عارفنهم دول البايعين اللى مالكين قطر الغلابة ومتحكمين فيه ولا حكاوى قطر الغلابة اه كل يوم حكاية وقصة واشاعة وفلان وفلانة عملو وقالوا وعادوا واسمع عن ناس مش عارفهم وعمايله اللى اثرت فيا اه واللى يتعلب ان دى تسالى السفر اللى لازم وبالاجبار تتسمع اه ولا قصص قطر الغلابه كل يوم قصة بتبداا من النظرة الاولى اللى شبكت القلوب وفى اول يوم تكون النظرات وتانى يوم الموبيلات واليوم اللى بعده نستنى بعض بالبلدى المقابلات وبعدين ناخد على بعض وتنتهى النظرة اللى بدات بالمعاكسة والتنازلات ومش بيحصل ده الا فى قطر الغلابه ممكن لغياب الرقابة وخنقة الزحمة وكاننا فى غابة من الضياع ومش عارفين هنوصل للمحطة الجاية ولا لا اه يا سادة نسيت حاجة مهمة مش عارف منين ابدا لكن انا طوال وجودى فى القطر بفكركم انا قلت ان عمرى معظمه فى قطر الغلابه لاحظت حاجات كتير وصلت لبيوتنا واتهزت ليها المشاعر عارفين ايه اللى كانت بدايته من قطر الغلابه الخيانة اه مستغربين ليه الخيانة الزوجيه اه والله البدايه من الاختلاط راجل وست وكل يوم فى القطر واخداهم رتابة وملل الحياة وهى زهقانة من جوزها رافض يخرجها او يقول كلمة حلوة وهو زهقان من مراته اهملته ونسيته فى زحمة الحياة والاتنين اتقابلو وبدون تفاصيل كل يوم بتحصل شبكتهم النظرات وحركتهم المشاعر اللى انتهت بان الشيطان كان تالتهم وكانت برضو البداية من قطر الغلابه وممكن اقول كتير عن قطر الغلابة وافكركم تانى ان معظم عمرى فى قطر الغلابه لكن كفاية عليكم كده شكلكم تعبتم عرفونى كلامى صح ولا غلط كمان احكولى ممكن تحبوا السفر فى قطر زى قطر الغلابة .. وهل لازم الاختلاط اللى بيؤدى الى كوارث وجتنى فكرة بما اننا غلابه كلنا وبنحتاج قطر الغلابه ليه مش نقسم العربيات الى سيدات ورجال ولا لازم الاختلاط والمحترم محترم كلمونى عن تجاربكم مع قطر الغلابه
__________________
![]() آخر تعديل بواسطة عاشق البلانكو الابيض ، 04-07-2011 الساعة 05:22 PM |
#2
|
||||
|
||||
![]()
والله انا لما كنت بقرأ الموضوع بتاع حضرتك
حسيت انه تشبيه للحياه واللى بنشوفه فيها وبجد عجابنى جدا وصف حضرتك للحياه واللى بنشوفوه فيها اهم نقطه عجبتنى موضوع الخيانه انا بقيت احس الموضوع ده شائع جدا الايام دى وفعلا بسبب تاثير كبير من الزوجين وان كل واحد فيهم فأتجاه شكل وبيفكر بشكل كأن حياته مستقله عن الطرف اللى معاه يمكن من هنا بتبدى الخيانه ثانيا موضوع الباعه اللى فالقطار دول والله دى حاجه انا مش بحبها بجد وكتير بيسببوا مشاكل واحتكاكات بالناس وبجد بيزودوا الزحمه ومشاكل بجد الى مالا نهاية فدول الحقيقة اكتر نقطتين كنت حابه اتكلم عنهم وبجد وصف حضرتك عجبنى جدا جدا نايس توبيك
__________________
![]() ~Love your life ~ |
#3
|
||||
|
||||
![]() اقتباس:
اكيد الخيانة مشكلة كبيرة ومش فى القطر بس لا فى كل مكان بقينا نسمع قصص تشيب والله
يعنى فى وحدة تقرب لواحد جنبنا كانت بتخون جوزها والناس حذرته وما صدقش فيها الكلام ده لحد ما ***ته ورمته فى الترعة هى وعشيقها المسكلة مشكلة اخلاق وعدم تمسك او معرفة بدين اما الباعة اللى فى القطر فدول مشكلة كبيرة جدا خصوصا فى القطر اللى بنتكلم عليه وهو زحمة طبيعى طبعا فرايحين جايين يخبطوا فى الناس ومع احترامى ليهم منهم حرامية يعنى من اسبوع راجع من الامتحان وحدة ست واقفة بتتكلم فى التليفون راح واحد بياع خطف التليفون وجرى والقطر مشى شكرررا لمرورك حضرتك الرائع
__________________
![]() |
#4
|
||||
|
||||
![]() اقتباس:
ياساتر يارب وفعلا عند حضرتك حق الخيانه مشكلة كبيرة فعلا وكمان بالنسبة للبيعين فى الشحاتين وخصوصا اللى بيعانوا من امراض وكده بجد انا لما بركب المترو ببقا عايزة اعيط من اللى بشوفه بجد حاجات تقطع القلب وبقوا كتير جدا وبقوا ظاهرة جديدة لوحدهم ربنا يخلي حضرتك بس فعلا الموضوع وصفه رائع
__________________
![]() ~Love your life ~ |
#5
|
||||
|
||||
![]() اقتباس:
مشكلة كبيرة وخطيرة وكمان ما بقتش خيانة رجل مع امراة فقط وكفاية كده علشان محدش يفهمنى غلط
اما للبايعين والشحاتين فدول عاوزين قصص لوحدهم والله اللى ايده مقطوعة واللى محروق واللى كفيف لا وواحد شحط تلقيه داهن نفسه حاااجة مقرفة كده لو الناس ما ادتلهوش يحط ايده على الهدوم يوسخها بلاوى وكل ده مفيس عسكرى واحد فى القطر ولا اى حااجة يعنى لو حصلت نصيبة محدش هيحس بيها اصلا ده غير الناس اللى بتهرب من دفع الاجرة حاجات كتير ومشاكل اكتر من المجتمع بنشوفها فى مكان واحد
__________________
![]() |
#6
|
||||
|
||||
![]() واله كلام حضرتك مظبوط فعلاً
بس انا ماجربتش الكلام ده او ماشفتهوش بالظبط فى السفر لان عمرى ماسفرت بالقطر بس القطر اللى داخل المحافظه لما بركبه بشوف فيه بعض اللى حضرتك بتقوله ده بس على فكره ان فى القطر الداخلى عندنا فى عربيه مخصص للسيدات بس هى فيها مشكله ليها عدد ساعات معين بس مش حتفرق عارف ليه ؟ علشان لو مثلاً روح تركب الترام حتلاقى فى عربيه مخصوصه للسيدات شغاله ليل نهار نساء وبس حتلقيها فاضيه والعربيه اللى فيها اختلاط مليانه بطريق تنرفز اللى عايز يعمل الصح بيعمله من غير كلام اصلاً انا ممكن اركب القطر بس اقعد فيه باحترام وانا عن نفسى بفضل السفر بالقطر ونفسى اعملها علشان زى ما انت قولت الناس بتقعد تتكلم والواحد بيحب يسمع حكاوى اخر الليل دى ، بتكون لذيذه أوى ، وكمان الطريق بيعدى بسرعه بس فعلاً كل كلامك صح وبيحصل كمان بس زى ما قولت المفروض ان الواحد عنده عقل ويقدر يميز بين الصح والغلط بس غالباً الناس بتختر الغلط تقبل مرورى |
#7
|
||||
|
||||
![]() اقتباس:
اكيد كل شخص عارف الصح من الغلط بس فى ظروف مكان بتجبرك على شئ يعنى لو انتى رايحة الجامعة وهتركبى القطر ما القطر هيكون زحمة واكيد هتخبطى فى ده وده وفى اللى هضايقك ويعاكسك انتى مش عاوزة كده لكن ده هيحصل مش كل شئ هيبقى باختيارك
شكررا لمرورك الجميل
__________________
![]() |
#8
|
||||
|
||||
![]() اقتباس:
اوك معاك
وأكيد كل البنات بتتعرض لكلامك ده فى كلام مراحلها العمريه بس فكره ان فى بنت بتستجب وبنت لا فا انا باختيارى حقرر ده يحصل ولا لا يعنى مثلا : الناس اللى بتركب فى القطر تقريبا معظمهم هما هما لما مره واحد يضايقنى وانا اصده وامحى عنده فكره انه ممكن يكلمنى كل الشباب اللى بيركبوا القطر مش حيكلمونى ولا حتى يعكسونى أصلاً عارف حضرتك مره كنت واقف بشترى حاجات فى محل وسمعت شابين بيتكلوا وبيقولوا لبعض ان لو البنت فى يوم ما اتعكستش بتروح تبص فى المرايه وتقول انا فيا حاجه غلط تصور حضرتك ان ممكن يكون الكلام ده منطقى ؟ انا مش وجه نظرى ان الشاب بيعاكس البنات اللى شايفهم مش محترمين ولو شاب عاكس بنت لبسها وطريقتها وكلها على بعضها محترمه يبقى هو شخص مش محترم صح ولا ايه شكراً |
#9
|
||||
|
||||
![]() اقتباس:
بالتاكيد فى ايدك تصدى الشخص او تستجيبى واكيد اللى بيعاكس انسانة محترمة يبقى مش محترم بس انا قولتلك على موقف القطر زحمة جدا وبالتاكيد ناس هتخبط فيكى هتتفادى ده ازاى بقا ولا ااذ كنتى واقفة والرايح والجاى يخبط فيكى هتعملى ايه فى حاجات غصب عنك مهما عملتى
__________________
![]() |
#10
|
||||
|
||||
![]() اقتباس:
مش فاهمه وجهت نظرك الحقيقة يا زوز فموضوع المعاكسة ده المفروض كل واحد عنده ثقة بنفسه
__________________
![]() ~Love your life ~ |
#11
|
||||
|
||||
![]() اقتباس:
لالالالالالالالالالالالالالالا
دى مش وجهت نظرى انا انا بقول انى سمعت شابين بيقولواها وأكيد طبعاً البنت اللى عندها ثقه فى نفسها مش بتعمل كده بس البنات اللى بيستجيبوا للشباب فى الشارع هما اللى خلوا الشابين دول يقولوا كده مش أكتر |
#12
|
|||
|
|||
![]()
محمود ..موضوع رائع
انت فكرتنى بقصيده لهشام الجخ عن قطر غليانين ابقى اسمها حتعجبك
__________________
قررت أن أصوّت للسلفيين...لتصبح بلادي مزدهرة كأفغانستان،...متحدة كالسودان،شبعانة كالصومال,..و ديموقراطية كالسعودية!عليكم ان تحتارو بين نظام اسلامى كما فى هذة الدولوبين نظام اسلامى كما فى تركبا وماليزيا |
#13
|
||||
|
||||
![]() اقتباس:
فعلا مزحوم يا قطر الغبانين وهنشكى لمين واخدين على صوت الانين لينا سنين
قصيدة رائعة بجد يعنى واحنا بلديات سوهاجية شكررا لمروزك الجميل
__________________
![]() |
#14
|
|||
|
|||
![]() اقتباس:
جد موضوع رائع
__________________
قررت أن أصوّت للسلفيين...لتصبح بلادي مزدهرة كأفغانستان،...متحدة كالسودان،شبعانة كالصومال,..و ديموقراطية كالسعودية!عليكم ان تحتارو بين نظام اسلامى كما فى هذة الدولوبين نظام اسلامى كما فى تركبا وماليزيا |
#15
|
||||
|
||||
![]() بالتاكيد عارفها واتمنى اسمع وجهة نظرك فى الموضوع بالكامل
__________________
![]() |
![]() |
العلامات المرجعية |
|
|