مش عارفة انا صح ولا غلط

[لحظة سعادة]

السلام عليكم
ياريت ياجماعة تقولولى رائيكوا فى الموضوع دة
صحبيتى بحس انها بتقلل من قيمتى وانا بجد عايزة اعرف النصايح اللى هية بتقولها ليا بهدف كويس ولا عشان تهز ثقتى بنفسى يعنى مثلا انا ذاكرت نصوص امبارح كلها وسهرت فبالتالى معرفتش اروح درس النجلش لانى مخلصتش حاجتة انا كويسة فى الانجلش ومش بغيب من الدرس ودى اول مرة فبقولها كدة لقتها تقولى وضيعى حصة وكدة وتقولى هضيعى نفسك وهى اصلا متشائمة جدا والنصايح بتعتها بتقلب معايا بشكل عكسى انا مش عارفة اعمل اية فى مواقف تانية كتير يعنى مثلا لما مدرس ابقا عايزة اغيرة تعد تقولى هضيعى نفسك بجد انا زهقت من كتر النصايح لان حتى الطريقة اللى بتقولها بيها مش طريقة نصح بالمره وهى فاكرة ان هيه طريقة مذاكرتها واى حاجة بتعملها احسن منى هى مكنتش كدة بس عشان انا السنادى ساعات كتير بنقص فى امتحانات المدرسين درجة ولا درجتين مع انى بذاكر كويس وهى بتجيب درجات نهائية بسم الله ماشاء الله بجد انا مش عارفة اتعامل معاها ازاى

[ahmed ali12345]

لو عايزة نصيحة تريحك اووووى
سيبك من صحبتك ومن امها وابوهاو سيبك من اخت صحبتك ومن اخواتك واولاد عمك وقرايبك كلهم
خليكى فى نفسك ومع نفسك ولنفسك متتكلميش مع حد عملتى ايه ومعملتيش ايه انتى اكتر واحدة فاهمه نفسك وعارفة مصلحتك من درسك لكتابك ومن كتابك لدرسك.وبلاش الافورة الفظيعة بتاعة سابتنى حصة يبقى انا ضعت ومش فاهمها ومش عارف ايه...عادى يعنى ياما كانت بتفوتنا اساااااااابيع وابواب كاملة والواحد بيلمها خدى الموضوع ببساطة شديدة.....

[~Pearl-Knight~]

بسم الله الرحمن الرحيم

نصيحتى لحضرتك ,,,
متبصيش لحد ولا تهتمى بكلام حد ولا تخلى اى حد يأثر عليكى طالما كلامها بيأثر فيكى للدرجادى , مش تسمعلى لنصايحها علشان مش توترى نفسك واعصابك
طالما انتى مرتبة نفسك ومظبطة وقتك وعارفة الى انتى بتعملية كويس اوى متنتبهيش لكلام حد ...
ولو على درس الانجليزى دة حاولى تظبطى الميعاد او ممكن تتفقى مع المدرس يعنى
انا كنت بعمل اقول للمستر يا مستر لو سمحت انا مش هاجى الحصة الجاية واسألة هما هياخدوا اية وانا اعملة واوديهولة الحصة الى بعدها ,,
استعينى بالله اولا وكل حاجة هتبقى سهلة بإذن الله امسكى اعصابك كويس لان فى الشهور الاخيرة للامتحانات هتسمعى كلام كتيير قوى
طالما ً انتى مستعينة بالله ومجدولة مذاكرتك ,, متخافيش من حاجة ابدا ً ولو مين كلمك
وإن الله لا يضيع اجر من احسن عملا ً

وبالتوفيق بإذن الله وإن شاء الله تحققى كل امانكم ياااارب