امتحان الغد 300 سؤال فى 3ساعات

[السيدحمدى]

اكد وزير التعليم ان امتحان كادر المعلم غدا 300 سؤال فى3 ساعات
المصدر اليوم السابع

[السيدحمدى]

ارحمنا يارب من هذا الوزير
وحسبى الله ونعم الوكيل

[mony1111]

مافيش داعى للعب بالاعصاب والاشاعات


لما ييجى 300 سؤال ساعتها قول تعليقك

رحمه بنا وبجميع من سيدخلون الامتحان

نحتاج للطمانينه ولا للشعلله

احنا تعبنا واكيد ربنا مش حيضيع تعبنا هدر

[السيدحمدى]

ليس هذا الخبر من عندى وهو من اليوم السابع
وانا داخل امتحان الغد مثلكم
http://www.youm7.com/News.asp?NewsID=103391

[eng_2222222]

الخبر صحيح يا استاذ وممكن تشوفة

http://www.youm7.com/News.asp?NewsID=103391

أعلن الدكتور يسرى الجمل وزير التربية والتعليم، أن مدة اختبار كادر المعلمين المتخلفين، المقرر له غدا، الجمعة، بالجامعات المصرية، يتضمن 300 سؤال ومدته 3 ساعات، تبدأ من الثالثة ظهرا وحتى السادسة مساء، بمعدل ساعة لكل مادة من المواد الثلاثة التى سيؤدى الامتحان بها 183407 معلمين فى 27 محافظة، وهى مواد مهارات الاتصال واللغة العربية والكفاءة التربوية ومادة التخصص، ويشتمل كل امتحان على 100 سؤال بطريقة الاختيار من متعدد، يجيب عليهم المعلم بالقلم الرصاص حتى يكون هناك فرصة لتعديل الإجابات.

ومن المقرر أن تمر كل ورقة إجابة بعدة مراحل قبل إعلان النتيجة، تبدأ بمرحلة تدقيق بيانات المعلمين على أوراق الإجابة، ثم مرحلة التصحيح بالماسح الضوئى دون تدخل بشرى، ومرحلة تدقيق البيانات بعد التصحيح الضوئى، يلى ذلك التحليل الإحصائى لجميع البيانات، ثم استخراج النتائج النهائية للإعلان عنها، ويقوم المركز القومى للامتحانات والتقويم التربوى بهذه المراحل.

من جانبها، أعلنت وزارة التربية والتعليم اليوم، الخميس، عن تشكيل غرفة عمليات للإشراف على اختبارات غداً، الجمعة، يترأسها الدكتور رضا أبو سريع مساعد أول الوزير، وتتلخص مهمتها فى تلقى تقارير من لجان الاختبار والتدخل لحل أى عقبات تواجه المعلمين أثناء أداء الاختبار. وأكد أبو سريع أن الوزارة استعدت بشكل تام لتلك الاختبارات بالتنسيق مع كليات التربية بالجامعات المصرية، والتى ستشرف فنيا على الاختبارات التى تعقد بداخلها.

وأوضح مساعد أول وزير التربية والتعليم، أنه ستكون هناك كشوف مناداة داخل كل لجنة للتأكد من صحة بيانات المعلمين، مشيراً إلى أن الدكتور يسرى الجمل يتابع بنفسه الاستعدادات الأخيرة لامتحانات الكادر، بالتنسيق مع المركز القومى للامتحانات، وأكاديمية المعلمين والإدارة العامة للامتحانات، وإدارة الإحصاء والمعلومات بالإدارة.

[نهلة فهمى]

ربنا ينجحنا زى الطلبة

[eng_2222222]

المفروض كان الاعلان عن هذا الخبر يتم في وقت سابق فماذا نفعللا والاختبار غداااااااااا نشكرك يااستاذ سيد فليس هناك وقت حتي نستعد فقد اعتمدنا علي الاسئلة السابقة ثم ياتي هذا الخبر ثم لماذا هذا التوقيت بالذات ..........الله المستعان

[السيدحمدى]

ارجو ان تخبروا الجميع
حتى لا يصدموا غدا

[ayadooo]

المشاركة الأصلية كتبت بواسطة السيدحمدى

ارجو ان تخبروا الجميع
حتى لا يصدموا غدا

(وهى مواد مهارات الاتصال واللغة العربية والكفاءة التربوية ومادة التخصص، ويشتمل كل امتحان على 100
)

السلام عليكم اخي الشيخ سيد
هنا السطر موضع الاشاعة تم نقله من اليوم السابع( باللون الاحمر)
قصد هنا ان الامتحان الواحد للممتحن الواحد للمعلم الواحد للفرد الواحد للمعلمة الواحدة مائة سؤال
فاضل شويه علشان تصدقني اقسم بالله او احلف بال........................
ياعالم بطلوا اشاعات
الصحفي ده بشر ومعاه ورقة وقلم نسي الباقي ولما روح البيت قعد ( يشرب شاي) ويبين ما سجله (طبعا نص الكلام تم تدوينه وتسجيله والباقي .......... مش بيعرف . مش بيعرف يقرا خطه فحدث ماحدث او الكاسيت (هنج hang ) من الصحفي .الراجل الصحفي ده كتب الخبر يهذا الشكل المبتور
بس خلاص
الاسئلة مائة مائة مائة مائة مائة مائة مائة مائة مائة مائة فقط لاغير
اوع حد يجمعهم
عليه العوض
في مصر يا ولاد طالما فيه ناس بتفكر بالشكل ده( لاتصدق كل مايقال ولا تقول كل ماتري هههههههههههه)
عياد محمد
مدرس اول لغة انجليزية

[smart2006_net]

ليه كده ؟
لا حول ولا قوة الا بالله
ربنا معانا ان شاء الله

[هدى بالله]

الم أخبركم أنه تعجيز للمعلم؟
وشل لعقل المعلم؟
الحمد لله انى أمتحنت العام الماضى وخلصت
برغم الظلم لانى امتحنت كفاءه تربويه وانا خريجه كليه الاداب
والحمد لله على كل حال
ولا أجد نفسى أخذت اى خبرات جديده
لا قبل الكادر ولا بعده
ولله الامر من قبل ومن بعد

[هدى بالله]

زاد عدد الاسئله لانها اصبحت معروفه ومحفوظه

بمعنى ان الثلاث ساعات يا دوب فقط لعمل 300دائره رصاصيه ده لو كفت

وذلك لان اسئلة الكادر عباره عن بنك اسئله مثل icdl

شكل السؤال وتختار الدائره بتاعته

يبقى فين تنميه المعلم فى ده؟

ده حفظ وصم وبس

وتخلفكم عن العام

الماضى لازم يكون له عند الوزاره ثمن برده

لنا الله نحن المعلمون الاشقياء فى الارض!!!!!!!!!!

[the rabbit]

لا نقول الا حسبنا الله ونعم الوكيل ................... والله ما تخلفت العام الماضي بمزاجي ولكن بسبب أخطاء الادارة

[mamoon2000]

ياجماعه الخبر فعلا فى اليوم السابع و لكن للاسف الوزير بتاعنا بيطلع تصاريح خطا والناس مش ناقصه تعب اعصاب وربنا معاهم غدا فى الامتحان

[يورانيوم236]

على فكرة اكيد الوزير قال المعلومة ديه غلط ، وهو مش حاسس يعنى اشمعنى الاحتبار الاول 100 سؤال والملاحق كمان 100 حسبنا الله ونعم الوكيل هو مولانا