بخصوص الإمتحانات التجريبية..

[Eng. Ahmed Said]

السلام عليكم ورحمه الله وبركاته

أولاً أنا عايز أسأل لو حد عنده أي معلومة هي الإمتحانات التجريبية هتكون إمتي تحديداً

ثانياً بقي والأهم..تفتكروا إحنا ممكن ناخد الإمتحانات دي إزاي..بجد ولا عادي ولا أي كلام ومش هي دي إللي أنا أهتم بيها، وإيه هي أفضل الأساليب عشان نستعد ليها كويس كأنها إمتحان آخر السنة قدامنا وإحنا بنذاكر وبنجهز له كويس أوي..وده خاصة إن الوقت ضيق وإحنا عرفنا بالموضوع ده قبل أسبوعين من الإمتحان

ودي مناقشة عامة أتمني الكل يشارك فيها إن شاء الله..

[boy.bird]

اللى اعرفة انة حصل من سنة او سنتين الامتحان التجريبى

لكن الطلبة محدش راح خااااااااااااااااااااااااااااالص وعادى

وهو هيكون الاسبوع اللى بعد اللى جاى

واستعداد انك تزاكر اللى اخدتوة وخلاص مش مهم امتحان امتى زاكر والسلام

[محمد احمد شفوق]

انا على حسب علمى وعلم المستر بتاعى
ان الامتحانات التجربية دى هتكون يوم 28الشهر الى جاى شهرمارس
وانا عن نفسى متحمس جدا للامتحانات دى عايز احس بجو الامتحانات وبالمرة اعرف مستوايا بجد ولو فى حاجة يبقى قدامى وقت اعدلها بس انا خايف وحاسس ان المدرسين مش هيهتموا بالحكاية دى بس يارب يهتموا
وبالمنسبة المستر قال ان الامتحنات اجبارى على كل الطلبة يعنى لازم نمتحن

[Mohamed.Helmy]

ربنا يستر يا جماعة .... وانا خايف بجد من جدول الامتحان الجديد... يعنى ايه كل يوم امتحان ؟؟؟ حراااااااااام بجد
يعنى الواحد يذاكر السنة كلها وفى الاخر ينقص فى المادة عشان مقدرش يراجع... دى مادة زى التاريخ عالاقل ايزة اسبوع مراجعة ... رنا يكون فى العون وربنا معانا جميعا ان شاء الله ...

[Dr:Marwa:if Allah wishes]

احنا المدير بتاعنا عامل لنا امتحان تجريبي غي امتحانات الوزارة الاسبوع الجاي وبعدها امتحانات الوزارة وبعدها الامتحان الكبير يعني هنتهري امتحانات ربنا يكون في عونا بس هي فكرة جميلة اوي عشان الواحد يعرق مستواه

[Eng. Ahmed Said]

بالنسبة لفكرة الإمتحانات دي فهي في حد ذاتها فكرة حلوة وليها أكتر من فايدة " منها التدريب علي شكل الإمتحان في "لجنة الإمتحان"، ومعرفة مستوانا الحقيقي، نحدد إيه نقط الضعف بتاعتنا إللي لازم نعالجها بسرعة، إزالة الرهبة والخوف من وضع إمتحانات الثانوية وزي ما بيقولوا كده "العتبة بتبقي عاملة إزاي"

لكن المشكلة كلها في المعاد نفسه، ماينفعش يبلغونا إن الإمتحانات بعد أسبوعين ياجماعة والحضور إجباري، أنا من وجهة نظري كان الكلام ده يكون من قبلها بشهر علي الأقل علشان نستعد كويس وناخدها بجد جداً

نقطة أخيرة..أنا شايف فيه "محمد" هنا بيقول إنها هتكون 28 من شهر مارس...للأسف يابو حميد هتكون بعد أسبوعين، بس ياريت بقي حد يفيدنا ويقلنا هتكون يوم إيه تحديداً

ولو حد عنده تعليقات بخصوص أسلوبه في المذاكرة الأسبوعين دول هيكون عامل إزاي ياريت يقولها وإن شاء الله هنفيد بعض

بجد يا جماعة انا مش عارف اعمل انا خايف جدا جدا جدا وبدات ققلق جامد
ولو فى حاجة مش عرفها وانا بذاكر ممكن تجيلى حالة واقفل المذاكر واعد مضايق واحس انى مش عارف حاجة

[Eng. A'laa Salah]

دي فرصه كبيره يا جماعه علشان تذاكروا وتراجعوا وتعرفوا مستواكم واللي يلاقي انه مش محصل كويس للامتحان التجريبي يقدر لحق نفسه ويعوض اللي فاته
اهتموا بيه واعملوا اللي عليكم وكثفوا مذاكرتكم وربنا معاكم

[Bent 3bdo]

انا فاكرة كنت رايحه المدرسه صدفه
مش فاكرة كان ليه
اجيب ورق املى استمارة حاجه كده
ولسوء حظى ان المديرة عارفانى
فاشفتنى حاكتلى ع القصه دى
وقالتلى مش عارفه يوم ايه والموضوع بسيط وبتاع
قولتلها حاضر
ومروحتش

[Eng. Ahmed Said]

المشاركة الأصلية كتبت بواسطة د/ نـــ غ ـــم

انا فاكرة كنت رايحه المدرسه صدفه
مش فاكرة كان ليه
اجيب ورق املى استمارة حاجه كده
ولسوء حظى ان المديرة عارفانى
فاشفتنى حاكتلى ع القصه دى
وقالتلى مش عارفه يوم ايه والموضوع بسيط وبتاع
قولتلها حاضر
ومروحتش

طب أيامها الموضوع كان إجباري برضه؟

وسؤال تاني بعد إذنك..مش موضوع الإمتحانات التجريبية ده أول سنة يطبق هو السنادي؟ يبقي إزاي كان فيه إمتحانات برضه أيامك؟

المشاركة الأصلية كتبت بواسطة ahmed said 1

طب أيامها الموضوع كان إجباري برضه؟

وسؤال تاني بعد إذنك..مش موضوع الإمتحانات التجريبية ده أول سنة يطبق هو السنادي؟ يبقي إزاي كان فيه إمتحانات برضه أيامك؟

أنا زائر لمنتداكم ولاحظت موضوعك
كانت تجرى امتحانات تجريبية في كل محافظة
وليس في كل المواد ،، وكانت بالأخص في اللغة الفرنسية وعلم النفس والاجتماع
وذلك حسب كل محافظة ،، والتقدم لها اختياري وليس اجباري

ولا أعلم من قال لك إنها امتحانات اجبارية ؟؟

هل من سيغيب عن هذه الامتحانات سوف يحرم من الامتحانات ؟؟ أم ماذا ؟؟

[Bent 3bdo]

المشاركة الأصلية كتبت بواسطة Ahmed Said 1

طب أيامها الموضوع كان إجباري برضه؟

لا مكنش اجبارى كان عادى
ياعنى هى قالتلى وانا مرحتش عادى محصلش حاجه

وسؤال تاني بعد إذنك..مش موضوع الإمتحانات التجريبية ده أول سنة يطبق هو السنادي؟ يبقي إزاي كان فيه إمتحانات برضه أيامك؟

ياعنى هما مطبقينه ع المدرسه كلها عندكوا ولا نظامو ايه؟
معرفش انتو قصدكوا اللى انا اقصده ولالا
بس انا فاكرة كان اسمها كده برده
االله اعلم بقى
وبعدين انا مش م زمان اوى ياعنى ده هما سنتين

[ensanya]

[]هو الامتحانت التجريبيه هتبقى امتى؟

[Alson Yarb]

انا بردة يا جماعة كل شوية بعمل بحث عن الموضوع دة وبسال المدرسين بس محدش بيفدنى بس فى مدرس قلى انها بعد اسبوعين بس مينفعش كدة خالص احنا مش هنعرف نراجع يعمى مفروض يعرفونوا راسنا من رجلينا وياريت لو اى حد عرف يقولنا اوكى

[ياسمينااا]

اللي أنا اعرفه ان الامتحان التجريبي يوم13 وهيكون اجباري
بس المدرسين بيقولوا لنا ان منبينش التفوق اوي يعني في الامتحان ونحل وحش شوية
علشان لما يشوفو المستوى ده يجيبو امتحانات سهلة شوية اخر السنة