كرهت نفسى واهلى والناس

[يوسف 1995]

السلام عليكم ورحمة الله وبركاته
انا جديد هنا فى المنتدى الجميل ده وحبيت اكتب مشكلتى واشوف الردود

انا الحمد لله انسان طموح ومتفوق فى دراستى.بس للاسف ربنا رزقنى بأب متسلط جداااا وام بتخاف عليا بطريقة مرضية
على العموم المشكلة انهم دايما شايفين هما الصح وبس وغيرهم لا
********
بداية المشكلة
انى فى المرحلة الاعدادية حطونى فى مدرسة زبالة وحقيرة جدااااا لا فيها تعليم ولا تفوق ولا طلاب كويسين ولا اى حاجة ولا فيها اى حاجة تشجع الواحد انه يذاكر كل اللى فى المدرسة تحت الصفر.
وبم ان المرحلة دى مهمه جدااا انها بتهيأ الواحد للثانوى فأنا الحمد لله دخلت ثانوى منها متحطم وكاره كل حاجة وكاره المذاكرة والكتب لان عدم وجود تحفيز فى المدرسة وطبعا مكنش فيه دروس .كان سبب انى مطلعش من اوائل محافظة اسيوط مع انى الحمد لله مش عايز اتكلم عن نفسى بدال متقولوا مغرور ولا حاجة.
**********

ده مش كده وبس.دنا لما اناقشهم ياخدوا كلامى نظام ودن من طين وودن من عجين وبيصل الحد للاهانة (انت فاكر نفسك مين .فلان فيها وفلان طلع منها و...........)
المهم دخلت ثانوى وانا متعقد جداااا.وطبعا شايف زمايلى داخلين مدارس فيها شغل واهتمام ومسابقات واهاليهم مهتمين بيهم (علميا) ودى الحاجة الوحيدة اللى تنقصنى.
على العموم دخلت مدرسة ثانوى وقلت خلاص اشد حيلى فى ثانوى ( انا طالع الاول من1 ابتدائى ل3 اعدادى)
لقيت المدرسة كلها مقلوبة عليا بم ان بابا ناظر المدرسة وبشتم وبسمع كلام تلاقيح وان بابا عطانى الامتحانات وكوسة و..........................................منتوا عارفين المصريين
ومكنش عاجبنى نظام ان المدرسة كلها مراقبانى 24ساعة لو كحيت يبقى مصيبه وبلوة وازاى ده يحصل مينفعش




قلتلهم عايز انقل مدرسة تانية.نفسيتى مش مرتاحة فى المدرسة دى ومش بذاكر
وكان الرد...(انت فاكر نفسك مفيش منك...انت متكبر على ايه...مدرسة بيطلع منها دكاترة ومهندسين و........................................)

وعدت سنه اولى من غير ما افتج كتاب وفشلت ونفسيتى ادمرت ودخلت سنه تانية نفسيتى بايظة على الاااخر وفشلت اكتر واكتر خلاص مبقتش طايق سيرة التعليم.
ودخلت 3 وانا حاليا فى قمه البوظان والفشل والاكتئاب
وانا بيجيلى شعور انى عايز انتحر بعد ما زمايلى بقوا فووووووق وانا فى سابع ارض وناس كتير كنت امسحهم باستيكة خلاص بقوا يبصولى من فوق لتحت على اساس انى مش مستواهم
بقيت اكره الناس كلهااااا وبكره نفسى


المشكلة فى مين.......فيا ولا فيهم.........هل انا فعلا كنت بزود فى المواضيع ولا من حقى انى اعمل الحاجة اللى انا شايفها كويسة ليا لانى عارف مصلحتى كويس وانا اللى بمر بمواقف هما مش عارفينها وانا مش بحب اتكلم كتير فى مشكلاتى
والمصيبة بيكلمونى على انهم مش عارفين انهم السبب فى انى اجيب مجموع وحش جدا فى المرحلة الاولى.وانا صابر على ااخرى لانى ممكن انفجر.بيعاملونى وكأنى عبيط متخلف مش عارف حاجة...اهو اى حاجة وخلاص المهم انهم الناصحين واللى عارفين كل حاجة



يارييت تدعولى بالهداية ومستنى الرد

[sara reda hamed]

اخي هدئ من روعك واستعيذ من الشيطان الرجيم وان شاء الله كل الامور تتصلح لسه الفرصه امامك والجأ الي الله الا بذكر الله تطمئن القلوب معلش اذا والديك بيعاملوك كده والله هم ببيحبوك اكتر من نفسهم والله لن تجد احد في الدنيا دي هيحبك اكتر من والديك ولا يحب احد ان تكون احسن منهم الا هما حاول تتواصل معاهم ولا تنسي انك في عمر صعب ساعات يجعلك تتخيل اشياء غير صحيجه ولا تعرف الحقيقه الا بعد فوات الاوان الجأ الي والدتك واجعلها تدعو لك في وقت السحر وان شاء الله يستجب لها وامامك الفرصه ان شاء الله للانتصار علي نفسك الاماره بالسوء والشيطان الذي يوسوس لنفسك بالخطأ يارب ينجحك يا اخي انت واولادي ولا يضيع لكم تعبا ابدا

[مروه]

أولا اهلا بيك ومنور المنتدى
بص هى مشكلتك مشكلة ناس كتير جدااااااااااااااا
انت عاوز إن انت اللى تحدد مستقبلك وتختار حياتك ودراستك
وبباك شايف انه هو اللى عارف مصلحتك اكتر وفاهم أكتر منك
يمكن هو مش بيكون قصده انه يضايقك ولكن بيبقى بدافع االخوف عليك اكتر
وبعدين كل الحكايه كام شهر ...... افصل نفسك من الجو والاكتئاب ده
وزاكر كويس وادخل الكليه
وفى الكليه تقدر يكون ليك حياه مستقله شويه
ممكن تبدأ تشتغل وتعتمد على نفسك
اهم حاجه انك تبدأ تزاكر كويس دلوقتى
لإن ده اللى هيتبنى عليه بقية حياتك كلها
فيه ناس بتقابل ظروف اصعب من دى بكتيييييييير جدا
ورغم كده بيقدروا يظبطوا حياتهم كويس

يعنى بلاش تشوف الامور دايما من وجهة نظرك انت
حاول تعرف وجهة نظر بباك ومامتك
اكيد هما مش غلط على طول
واكيد فيه مساحات مشتركه بينكم حاول تستغلها
وتقرب منهم اكتر وتقنعهم برأيك بطريقه كويسه

وكمان انت متعرفش الخير فين
أكيد الخير فى المدرسه اللى انت دخلتها غصب عنك
والخير فى انك تجيب المجموع ده عشان تدخل كليه معينه
المهم انت اعمل كل اللى عليك دلوقتى وبس

اهم حاجه ان علاقتك تفضل بمامتك وبباك كويسه
لإن اللى مالوش خير فى اهله مالوش خير فى اى حاجه تانيه

[د.السيد العزازى]

صدقت فيما قلت يادكتوره : لقد اسهبت وأوجزت فى هذالكلمات العظيمة فى مضمونها وفحواها..واتمنى ان يفهمها كل الطلبة والطالبات ...ولنا فى رسول الله الاسوة الحسنة..فكل ما قلتيه له مصدره فى ديننا...لكن لانقرأ... واذا قرأنا لا نفهم الا حسب المزاج والعاطفة والاهواء..وشكرا

[محمد محمود بدر]

المشاركة الأصلية كتبت بواسطة مروه

اهم حاجه ان علاقتك تفضل بمامتك وبباك كويسه
لإن اللى مالوش خير فى اهله مالوش خير فى اى حاجه تانيه

جزاكم الله خيرا

[زكريا مختار]

ابتسم من قلبك واستعن بالله ودارك اللحظة ف يومك هو حياتك وطريقك للمستقبل نظم اعمال وابد من تلك اللحظة

ربنا يسعدك
واهلا بيك

[المصري أشرف]

[QUOTE=يوسف 1995;5157932][center][i]السلام عليكم ورحمة الله وبركاته
انا الحمد لله انسان طموح ومتفوق فى دراستى.بس للاسف ربنا رزقنى بأب متسلط جداااا وام بتخاف عليا بطريقة مرضية
على العموم المشكلة انهم دايما شايفين هما الصح وبس وغيرهم لا
شوف يايوسف .. يمكن لسه صغر سنك مش موصلك .. إن ده حب فوق الوصف .. وخوف عليك خصوصا إن التغيرات في المجتمع الآن .. تجعل كل أب وكل أم يرتعدون لما يرورا من صور ... وإن قاموا بمدارة ذلك عن أبنائهم .. ومن الممكن في تشددهم والتقليل من أهمية آرائك وتسفيهها ... أن يروا ماهي تصرفاتك في تلك المواقف وردة فعلك ... ومنها يستشفون رزانتك وحس تصرفك لو تعرضت لمثل تلك المواقف بالخارج .. أو ضعف إرادتك وإنسياقك لجماعات الشارع ...
بداية المشكلة
انى فى المرحلة الاعدادية حطونى فى مدرسة زبالة وحقيرة جدااااا لا فيها تعليم ولا تفوق ولا طلاب كويسين ولا اى حاجة ولا فيها اى حاجة تشجع الواحد انه يذاكر كل اللى فى المدرسة تحت الصفر.
وإيه الغريب في كده .. ماهو ده الوضع في معظم المدارس .. ويمكن دي أقرب مدرسة لسكنك .. للأسباب السابقة
وبم ان المرحلة دى مهمه جدااا انها بتهيأ الواحد للثانوى فأنا الحمد لله دخلت ثانوى منها متحطم وكاره كل حاجة وكاره المذاكرة والكتب لان عدم وجود تحفيز فى المدرسة وطبعا مكنش فيه دروس .كان سبب انى مطلعش من اوائل محافظة اسيوط مع انى الحمد لله مش عايز اتكلم عن نفسى بدال متقولوا مغرور ولا حاجة.
المهم دخلت ثانوى وانا متعقد جداااا.وطبعا شايف زمايلى داخلين مدارس فيها شغل واهتمام ومسابقات واهاليهم مهتمين بيهم (علميا) ودى الحاجة الوحيدة اللى تنقصنى.
الإعلان عن نفسك في المدرسة ده دورك إنت بتفوقك الدراسي كفائق .. أو بمواهبك وقدراتك كموهوب... أو بشخصيتك القيادية وبمشاركاتك في جماعات النشاط المدرسي للإعلان عن نفسك .. فلاذنب لهم هنا
على العموم دخلت مدرسة ثانوى وقلت خلاص اشد حيلى فى ثانوى ( انا طالع الاول من1 ابتدائى ل3 اعدادى)
لقيت المدرسة كلها مقلوبة عليا بم ان بابا ناظر المدرسة وبشتم وبسمع كلام تلاقيح وان بابا عطانى الامتحانات وكوسة و..........................................منتوا عارفين المصريين
ومكنش عاجبنى نظام ان المدرسة كلها مراقبانى 24ساعة لو كحيت يبقى مصيبه وبلوة وازاى ده يحصل مينفعش
أرجو أن تتخلص من تلك الوهام التي تصاحبك ... ولاتسقط صريعا لما تسول به نفسك .. من هلاوس وأفكار مشوشه ...بإعلانك عن نفسك وبتفوقك وفي الثانوية لايملك أحدا لأحد شيئ .. وبالبدء في المذاكرة والتفوق سيمنحك نوعا من الإحترام بين أقرانك .. ولو إنك تري في نفسك أن متفوق .. أعلن عن ذلك فليس التفوق بالكلام ...بالفعل


وعدت سنه اولى من غير ما افتج كتاب وفشلت ونفسيتى ادمرت ودخلت سنه تانية نفسيتى بايظة على الاااخر وفشلت اكتر واكتر خلاص مبقتش طايق سيرة التعليم.
ودخلت 3 وانا حاليا فى قمه البوظان والفشل والاكتئاب
إذا أنت بيوم بعد يوم .. تثبت أنك أفشل طالب .. وإستسهلت ذلك وتفوقت في فشلك .. فلماذا كذبت علينا بأنك من المتفوقين .. وأن أهلك هم السبب .. إنك ياصديقي تبحث عن شماعة تلقي عليها أسباب فشلك وأنت مصدر هذا الفشل ... الفرصة مواتية ومازال هناك 4 شهور .. كافية جدا لبداية وإستدراك مافات ....لو أردت أن تبدأ .. وتستعيد ذكريات تفوق غابت عنك وغبت عنها بإرادتك ورغبتك ...
وانا بيجيلى شعور انى عايز انتحر بعد ما زمايلى بقوا فووووووق وانا فى سابع ارض وناس كتير كنت امسحهم باستيكة خلاص بقوا يبصولى من فوق لتحت على اساس انى مش مستواهم
بقيت اكره الناس كلهااااا وبكره نفسى
أنت السبب فيما وصلت إليه ... ومازالت الفرصة سانحة .. إن أردت ... أما أفكارك الشيطانية .. أوكي فلتخسر دينك .. ودنياك معا ...إبدأ ياصديقي .. وستجد كل معاونة من معلميك بالمدرسة .. أو إطلب أي معاونة من معلميك هنا بالمنتدي ولن يتأخروا مطلقا وأنا بصفتي أخصائي إجتماعي ثانوي .. في خدمتك ومن قبلي أ/ زكريا مختار ( فيزياء ) كما أعلن مشكورا

المشكلة فى مين.......فيا ولا فيهم.........هل انا فعلا كنت بزود فى المواضيع ولا من حقى انى اعمل الحاجة اللى انا شايفها كويسة ليا لانى عارف مصلحتى كويس وانا اللى بمر بمواقف هما مش عارفينها وانا مش بحب اتكلم كتير فى مشكلاتى
والمصيبة بيكلمونى على انهم مش عارفين انهم السبب فى انى اجيب مجموع وحش جدا فى المرحلة الاولى.وانا صابر على ااخرى لانى ممكن انفجر.بيعاملونى وكأنى عبيط متخلف مش عارف حاجة...اهو اى حاجة وخلاص المهم انهم الناصحين واللى عارفين كل حاجة [font=&quot]
التغيير ممكن ... بشرط أن تبدأ .... إبدأ بالتقرب إلي الله ... أطع والديك وتقرب منهما فلا أغلي عندهم في تلك الحياة منك ... إبعد كل شيطان فكري ... أو إنسي عنك ... إبدأ فمازال الوقت يسمح .... وزي ماقالت لك طالبة الصيدلة ... الجامعة حياة تانية خالص .. بس إبدأ وحط لك هدف لو أردت ورغبت ....ونحن سنعاونك

[يوسف 1995]

[quote=أشرف الرميسي;5158515]

المشاركة الأصلية كتبت بواسطة يوسف 1995

[center][i]السلام عليكم ورحمة الله وبركاته
انا الحمد لله انسان طموح ومتفوق فى دراستى.بس للاسف ربنا رزقنى بأب متسلط جداااا وام بتخاف عليا بطريقة مرضية
على العموم المشكلة انهم دايما شايفين هما الصح وبس وغيرهم لا
شوف يايوسف .. يمكن لسه صغر سنك مش موصلك .. إن ده حب فوق الوصف .. وخوف عليك خصوصا إن التغيرات في المجتمع الآن .. تجعل كل أب وكل أم يرتعدون لما يرورا من صور ... وإن قاموا بمدارة ذلك عن أبنائهم .. ومن الممكن في تشددهم والتقليل من أهمية آرائك وتسفيهها ... أن يروا ماهي تصرفاتك في تلك المواقف وردة فعلك ... ومنها يستشفون رزانتك وحس تصرفك لو تعرضت لمثل تلك المواقف بالخارج .. أو ضعف إرادتك وإنسياقك لجماعات الشارع ...
يعنى حضرتك لو لقيت مدرستين لابنك واحدة حلوة وواحدة وحشة جدااااااااااااا جداااااااااااااا وانت عارف انها زبالة .هدخله المدرسة الزبالة دى بحجة الحب والخوف والكلام ده
غيرهم كتيير دخلوا اولادهم اللى كانوا معايا مدارس كويسة والمدرسة لها دور كبير .غير كده الحالة النفسية فيها مش حلوة المفروض كانوا يفهموا ده
بداية المشكلة
انى فى المرحلة الاعدادية حطونى فى مدرسة زبالة وحقيرة جدااااا لا فيها تعليم ولا تفوق ولا طلاب كويسين ولا اى حاجة ولا فيها اى حاجة تشجع الواحد انه يذاكر كل اللى فى المدرسة تحت الصفر.
وإيه الغريب في كده .. ماهو ده الوضع في معظم المدارس .. ويمكن دي أقرب مدرسة لسكنك .. للأسباب السابقة
لا كان فيه مدارس غيرها كتير احلى منها وهما عارفين كده
وبم ان المرحلة دى مهمه جدااا انها بتهيأ الواحد للثانوى فأنا الحمد لله دخلت ثانوى منها متحطم وكاره كل حاجة وكاره المذاكرة والكتب لان عدم وجود تحفيز فى المدرسة وطبعا مكنش فيه دروس .كان سبب انى مطلعش من اوائل محافظة اسيوط مع انى الحمد لله مش عايز اتكلم عن نفسى بدال متقولوا مغرور ولا حاجة.
المهم دخلت ثانوى وانا متعقد جداااا.وطبعا شايف زمايلى داخلين مدارس فيها شغل واهتمام ومسابقات واهاليهم مهتمين بيهم (علميا) ودى الحاجة الوحيدة اللى تنقصنى.
الإعلان عن نفسك في المدرسة ده دورك إنت بتفوقك الدراسي كفائق .. أو بمواهبك وقدراتك كموهوب... أو بشخصيتك القيادية وبمشاركاتك في جماعات النشاط المدرسي للإعلان عن نفسك .. فلاذنب لهم هنا
الله ينور على حضرتك .اهو كل اللى حضرتك بتقول عليه ده مش موجود فيها.مفيش انشطة ولا مواهب ولا اى حاجة غير لعب الكورة فى المدرسة.دى لا موهبه ولا نشاط
ولا فيها علم اصلا...لو انا دخلت الامتحان مش مذاكر حاجة هطلع الاول بفاااااااااااااااارق كبييييييييييييييييييييييييييييييييييير.ومكنتش بلاقى طعم للمذاكرة .طب مهو كده كده انا الاول ولو طلعت الاول ولا اى حاجة مفيش قلم فرنساوى هخده من المدرسة بنت الـ.....

على العموم دخلت مدرسة ثانوى وقلت خلاص اشد حيلى فى ثانوى ( انا طالع الاول من1 ابتدائى ل3 اعدادى)
لقيت المدرسة كلها مقلوبة عليا بم ان بابا ناظر المدرسة وبشتم وبسمع كلام تلاقيح وان بابا عطانى الامتحانات وكوسة و..........................................منتوا عارفين المصريين
ومكنش عاجبنى نظام ان المدرسة كلها مراقبانى 24ساعة لو كحيت يبقى مصيبه وبلوة وازاى ده يحصل مينفعش
أرجو أن تتخلص من تلك الوهام التي تصاحبك ... ولاتسقط صريعا لما تسول به نفسك .. من هلاوس وأفكار مشوشه ...بإعلانك عن نفسك وبتفوقك وفي الثانوية لايملك أحدا لأحد شيئ .. وبالبدء في المذاكرة والتفوق سيمنحك نوعا من الإحترام بين أقرانك .. ولو إنك تري في نفسك أن متفوق .. أعلن عن ذلك فليس التفوق بالكلام ...بالفعل
حضرتك لو طلعت الاول فى الامتحان ابقى غشاش والامتحانات متسربة ولو جاوبت صح ابقى بغش من الكتاب ولو غبت من المدرسة تبقى كوسة ومش بياخدونى غياب ولو مجاوبتش يبقى اللى عامل نفسه شاطر علينا.ولو رحت لاستاذ يشرحلى حاجة .يبقى فيه تمييز عنصرى والاستاذ كان بيشرحلى حاجة فى الامتحان.ولو دلخت المكتبة ابقى عامل نفسى مثقف ولو ذاكرت فى الفصل ابقى مش بسيب الكتاب ومش بنام من المذاكرة.كل ده بسمعه وانا فى المدرسة يوميا.


وعدت سنه اولى من غير ما افتج كتاب وفشلت ونفسيتى ادمرت ودخلت سنه تانية نفسيتى بايظة على الاااخر وفشلت اكتر واكتر خلاص مبقتش طايق سيرة التعليم.
ودخلت 3 وانا حاليا فى قمه البوظان والفشل والاكتئاب
إذا أنت بيوم بعد يوم .. تثبت أنك أفشل طالب .. وإستسهلت ذلك وتفوقت في فشلك .. فلماذا كذبت علينا بأنك من المتفوقين .. وأن أهلك هم السبب .. إنك ياصديقي تبحث عن شماعة تلقي عليها أسباب فشلك وأنت مصدر هذا الفشل ... الفرصة مواتية ومازال هناك 4 شهور .. كافية جدا لبداية وإستدراك مافات ....لو أردت أن تبدأ .. وتستعيد ذكريات تفوق غابت عنك وغبت عنها بإرادتك ورغبتك ...
مش شماعة ولا حاجة هما سبب المشكلة النفسية اللى عندى لان المشكلة مش فى المذاكرة .المشكلة فى كرهى للتعليم اصلا كرهته مبقاش ليه طعم عندى .وطبعا عارف انى غلطان جدااا والمفروض انى اعتمد على نفسى ومليش دعوة بالمدرسة ولا اللى فيها ولا الكلام ده
وانا بيجيلى شعور انى عايز انتحر بعد ما زمايلى بقوا فووووووق وانا فى سابع ارض وناس كتير كنت امسحهم باستيكة خلاص بقوا يبصولى من فوق لتحت على اساس انى مش مستواهم
بقيت اكره الناس كلهااااا وبكره نفسى
أنت السبب فيما وصلت إليه ... ومازالت الفرصة سانحة .. إن أردت ... أما أفكارك الشيطانية .. أوكي فلتخسر دينك .. ودنياك معا ...إبدأ ياصديقي .. وستجد كل معاونة من معلميك بالمدرسة .. أو إطلب أي معاونة من معلميك هنا بالمنتدي ولن يتأخروا مطلقا وأنا بصفتي أخصائي إجتماعي ثانوي .. في خدمتك ومن قبلي أ/ زكريا مختار ( فيزياء ) كما أعلن مشكورا
انا عارف انى سبب الفشل علشان كده كرهت نفسى.ولكن هما جذور المشكلة

المشكلة فى مين.......فيا ولا فيهم.........هل انا فعلا كنت بزود فى المواضيع ولا من حقى انى اعمل الحاجة اللى انا شايفها كويسة ليا لانى عارف مصلحتى كويس وانا اللى بمر بمواقف هما مش عارفينها وانا مش بحب اتكلم كتير فى مشكلاتى
والمصيبة بيكلمونى على انهم مش عارفين انهم السبب فى انى اجيب مجموع وحش جدا فى المرحلة الاولى.وانا صابر على ااخرى لانى ممكن انفجر.بيعاملونى وكأنى عبيط متخلف مش عارف حاجة...اهو اى حاجة وخلاص المهم انهم الناصحين واللى عارفين كل حاجة [font=&quot]
التغيير ممكن ... بشرط أن تبدأ .... إبدأ بالتقرب إلي الله ... أطع والديك وتقرب منهما فلا أغلي عندهم في تلك الحياة منك ... إبعد كل شيطان فكري ... أو إنسي عنك ... إبدأ فمازال الوقت يسمح .... وزي ماقالت لك طالبة الصيدلة ... الجامعة حياة تانية خالص .. بس إبدأ وحط لك هدف لو أردت ورغبت ....ونحن سنعاونك

شكرا لرد حضرتك.
الفترة اللى جاية كافيه انى اتفوق فيها واعوض اللى فات .وابدأ من جديد بتفوقى فى الكليه ؟؟؟

[يوسف 1995]

شكرا لكل اللى رد عليا.ربنا يكرمكم

[العبد الخاضع لله]

لن أرد عليك أخى فى الله الا بأية
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

[العبد الخاضع لله]

واتفضل اقرء الموضوع ده
http://www.thanwya.com/vb/showthread.php?t=487886

[يوسف 1995]

شكرا لحضرتك يا استاذ ((العبد الخاضع لله))
ربنا يكرمك

[المصري أشرف]

الحمد لله ...

[المصري أشرف]

معلش يايوسف أنا قمت بإعادة التعليق عليها وأتمني أن تقرأها

[jesyy]

انا تقريبا مريت بنفس التجربه وهما وبابايا دخلني تجارة خمس سنين عشان سهله وانا كان نفسي ادخل ثانوي وبعد كده ادخل الكليه الي بحبها بس للاسف نفذت طلبهم بس انا اجتهدت الحمدلله ودخلت بعد تجارة الجامعه واشتغلت مدرسه انت حاول تكسب رضاهم وبمجهودك هتعمل كل شئ بتحبه]