يجب تأنيث معاهد الفتيات فوراً

[Quick]

الفطرة بتقول المدرسين الرجال هم الأصلح لتدريس الشباب لأن الرجل هو الأقدر على فهم نفسية البنين والتعامل معهم بعقلية الوالد أو الأخ الأكبر وبيكون عارف مشاكلهم وطبيعة المرحلة السنية أو مرحلة المراهقة اللي بيمروا بيها، ونفس الأمر بالنسبة للفتيات أكيد السيدة (المدرسة) لديها خبرة أوسع في التعامل مع الفتيات في هذا السن خصوصاً في المسائل الفقهية الخاصة بالنساء وبالتالي يجب أن نتخطى مسألة الخلاف في قضية تأنيث أو تذكير المعاهد لأن الأمر منتهي بالفعل والأجدر بقيادات الأزهر هو التطبيق العاجل لقرار التأنيث في أقرب وقت.

[Quick]

وعلى فكرة في مديرات معاهد أفضل مليون مرة من بعض الشيوخ الذين لا يفقهون شيئاً في الإدارة سوى الحضور والانصراف، يعني ممكن جداً ومقبول جداً إن معهد فتيات يمشي زي الساعة بدون تدخل رجل واحد إلا في المتابعات الدورية والتوجيهية. والسيدات بيفهموا بعض كويس جداً في ناحية التعامل الإداري يعني مفيش استهبال أو تحجج بظروف أو إحراج من أي نوع والعمل هيمشي زي السكينة في الحلاوة.

[Quick]

ومش محتاج أقول إن تطبيق قرار التأنيث بشكل كامل يوفر بيئة تعلم أفضل، يعني لما المعهد كله يكون إناث إدارة ومدرسات وطالبات البنات مش هتحتاج تلبس نقاب في الفصل وبالتالي هيكون فيه تفاعل أكبر وأفضل بينهم وبين المدرسات ونفس الأمر بالنسبة للمدرسات مما يرفع الحرج ويجعل بيئة العمل بيئة ثرية وغنية تتسم بالراحة والطمأنينة.

[sayed ebrahim]

السكينة في الحلاوة . ما شاء الله . والحامل واللي بترضع واللي حماتها مزعلاها واللي واللي واللي !!!!!!!!!!!

[محمود داغر]

مبدئيا انا فى معهد بنين واشتغلت فتره فى معهد فتيات احب اقولك ان ده قرار فاشل بدرجه امتياز وده مش تحامل منى والله لكنى ارى فى المدرسات (معظمهم)مش على درجه عاليه من الكفاءه
ثانيا هن بيبقوا عوزين ييجو نص ساعه ويروحو علشان العيل والراجل وحماتى والطبيخ .............

[مستر خالد غباشى]

اختلف معك اخى الكريم فهذا القرار بسببة تم تدمير كثير من المواد-

[الخاشعه]

ومع ذلك كثير من الرجال لا يراعون ضميرهم في الشرح داخل الفصل علشان الدروس حضرتك الكلام اللى حضرتك بتقوله ده خالي من الصحة حتى او افترضنا ان بعض ااسيدات بيمروا بظروف معينه بتخليهم ياخدوا أجازة وضع وغيره ده بيبقى وضع مؤقت والموجه بيسد العجز او نصاب المدرسة بيتوزع على زملائها حسب الانصبه اللى معاهم والامور بتمشي مفيش شغل بيقف زي ما الرجال برده ممكن يحصلهم ظروف وياخدوا أجازات عااادي وبالنسبة للمهنيه حضرتك بص بس على كشوفات الاوائل على الكليات هتلاقي معظمها اناث ونسبة الذكور فيها لا تتعدى 20%

[مودي200000]

اعتقد انهم لو قدروا يوفروا كل التخصصات حيكون قرار ناجح ان شاء الله

[العشرى1020]

فعلا الازهر بدا فى التانيث كاملا وهو كلام سليم
مشكورررررر للاخوة الزملاء وجزاكم الله خيرا

[samiro returning]

قرار فاشل غير مدروس ولو سالت اللى اخذ هذا القرار ايه مبرراتك واسبابك لمثل هذا القرار هيقولك ..................................... واللى بيايد القرار ده ويقولك الاناث هما اللى بيعاملو الاناث والذكور يعاملو الذكور اقولك انت متعرفش حاجه عن التربوى ولا طرق التدريس ..واسف عالاطالة

[الشوكاني]

نحن في زمن زادت فيه الفتنة والجرأة على دين الله ، وأصبح خدش الحياء ظرفا وتقدما ، وفتحت أبواب الشهوات مصراعيها من فضائيات وانترنت تفتح فيه المواقع الجنــسية على مصراعيها ، وأصبح الكثير من الطلاب والطالبات يتبادلون ما يخدش الحياء على هواتفهم ، فلذا نقول إن أمن الفتنة التي يجعلنا نترخص في الاختلاط أصبح شبه منعدما ، لذا سدا للذرائع نقول إن الفصل بين الجنــسين واجب شرعيا ، وقد تحقق بين الطلاب بالأزهر فكيف نجعله ناقصا بوجود شباب معلمين يختلطون بفتيات في سن المراهقة ، في سن حرجة تتعلق البنت فيه بأي رجل تراه فارسها ، ونحن نرى بأعيننا تزين ذلك الشباب ، فضلا عن الاختلاط بين المعلمين والمعلمات ورفع الكلفة في كشف الأسرار والفضفضة الغير مقيدة بميزان الشرع ، لذا أقول هذا قرار صحيح جدا وسط ركام قرارات خاطئة وعشوائية من قيادة الأزهر

[ايهاب22]

المشاركة الأصلية كتبت بواسطة الشوكاني

نحن في زمن زادت فيه الفتنة والجرأة على دين الله ، وأصبح خدش الحياء ظرفا وتقدما ، وفتحت أبواب الشهوات مصراعيها من فضائيات وانترنت تفتح فيه المواقع الجنــسية على مصراعيها ، وأصبح الكثير من الطلاب والطالبات يتبادلون ما يخدش الحياء على هواتفهم ، فلذا نقول إن أمن الفتنة التي يجعلنا نترخص في الاختلاط أصبح شبه منعدما ، لذا سدا للذرائع نقول إن الفصل بين الجنــسين واجب شرعيا ، وقد تحقق بين الطلاب بالأزهر فكيف نجعله ناقصا بوجود شباب معلمين يختلطون بفتيات في سن المراهقة ، في سن حرجة تتعلق البنت فيه بأي رجل تراه فارسها ، ونحن نرى بأعيننا تزين ذلك الشباب ، فضلا عن الاختلاط بين المعلمين والمعلمات ورفع الكلفة في كشف الأسرار والفضفضة الغير مقيدة بميزان الشرع ، لذا أقول هذا قرار صحيح جدا وسط ركام قرارات خاطئة وعشوائية من قيادة الأزهر

بارك الله فيك

[teacher120]

يا جمأعه دأ افضل قرار ..فى طألبات بتعامل المدرس على انه حبيبها لانهن فى سن المراهقه..

[الشيخ احمد زيدان ابومهند]

فعلا قرااااااااار صاااااائب

[ا/ابو اروى]

فعلا قرار صائب لكن اين القدرة والامكانيات التى تجعل معاهد فتيات مؤنثة تانيث كامل ولا هو قرار كده وخلاص اين الدراسة قبل القرار