محتار بين حاسبات و معلومات خاصه و تجاره حكومي

[yousif moustafa]

السلام عليم اخوتي الكرام دا اول موضوع ليا هنا و كلي ثقه اني هلاقي الاجابه الي بدور عليها هنا..... المهم مش عايز اطول عليكم و هدخل فى الموضوع على طول
انا حاليا طالب في كلية تجاره جامعة المنصوره خلصت سنه اوله بس بصراحه انا بكره الكليه دي كره العمي يعني زي ما بيقوله..... فا في صديق ليا عرض عليا اني احول حاسبات و معلومات خاصه في العاشر من رمضان او الشروق و انا بصراحه عندي ميول للكليه دي و بحبها بالفطره بس عمري ما فكرت فيها لان مجموع ما جبهاش حكومي بس دلوقتي الوضع اختلف لاني ممكن ادخلها خاص
.
.
.
.
المشكله
ان في ناس قالولي انت هتسب كليه حكومي و تروح خاص و بتوع الخاص دول مش بيلاقوا شغل و كل الكلام الي كلنا عارفينه دا
و انا خايف احول و اضيع مستقبلي مع اني عارف اني ماليش مستقبل في تجاره لاني مش مهتم بيها و بروح يا دوب علي الامتحانات و بس
.
.
.
انا دلوقتي عايز اعرف رأي حضراتكم ايه في كلية حاسبات و معلومات و هل هي ليها مستقبل كويس و مضمون حتي لو كنت متخرج من خاص و ارجو الكل يشاركني برأيه لاني حاسس اني بضيع فى تجاره بس اعمل ايه النصيب بقي و عايز احول بس قلت اسأل اهل المجال الاول قبل ما اعمل اي حاجه

[Fares Mohamed]

يص ياصاحبى انا زيك فى تجارة وبفكر فى هندسة اوى كلية حاسبات ومعلومات جميلة ومستقبل كويس جدا ان شاء الله ونصيحة منى متكملش فى تجارة علشان من كلامك انا حاسس انك مش هتكمل فيها كويس زيى بالظبط والله اما بالنسبة للشغل وكده ده بليد ربنا لو انت اجتهدت ربنا مش هيكسفك ابدا فمتقلقش من الموضوع ده وربنا معاك