الحقوا يا جماعة الخبر مؤكد

[محمدانجينير]

قرر مجلس النقابة العامة للمهندسين، عدم قيد طلاب كليات والمعاهد الهندسية بالجامعات الخاصة بسجلات الجمعية العمومية للنقابة لغير الحاصلين على مجموعة أقل من تنسيق الجامعات الحكومية بنسبة 5% للكليات الهندسية و10% للمعاهد الهندسية العليا.

وقال الدكتور ماجد خلوصى نقيب المهندسين، فى تصريحات لليوم السابع إن القرار يأتى فى إطار خفض أعداد المقبولين بالمعاهد الخاصة، مشيرا إلى أن النقابة وجهت خطابا بهذا المضمون إلى المجلس الأعلى للجامعات ووزارة التعليم العالى.

وأكد خلوصى أن النقابة ستقوم بقيد خريجى الكليات والمعاهد الهندسية الخاصة، والذين تقدموا بأوراقهم خلال السنوات الماضية.

وحذر خلوصى أولياء الأمور من اللجوء إلى القضاء للتأثير على قرار مجلس النقابة ، مشيرا إلى أن النقابة سيدة قرارها من عدمه. يعني ايه محدش يقولي كلام غلط لأ الكلام ده صحيح انا عايز اعرف انا جايب 86.3 ايه موقفي ولعلمكم الخبر نزل علي اليوم السابع النهاردة

[ahmedelgamal]

هات رابط الخبر على اليوم السابع

[hamada966]

http://www1.youm7.com/News.asp?NewsI...D=97&IssueID=0

[ahmedelgamal]

الخبر صحيح
بس الكلام ده على خريجى هندسه ولا على اى حد بيتقيد فى النقابة
مثلا خريجى فنون تطبيقيه بعض الاقسام اللى بتتايد فى النقابة
وحاسبات ومعلومات مثلا قسم هندسة برمجيات

[Eng.Ahmed Hagag]

يا ريت توضيح للجملة ديه
بنسبة 5% للكليات الهندسية و10% للمعاهد الهندسية العليا.

[محمدانجينير]

وانا برده عايز اعرف الجملة دي

[Eng.Ahmed Hagag]

يعني فالثانوية لازم يكون جايب اكتر من 84% للمعاهد الخاصة و 89% للكليات الخاصة اعتقد صعب جدا ..!

[hamada966]

بالطريقة دى يبقى اوبااااااااااااااا

[محمدانجينير]

ايه يا جماعة لسة محدش عرف اي حاجة

[عبدالله العطار]

وبعدين الخبر كده هيتنفذ ولا لازم موافقه وزارة التعليم العالى
هو اصلا مش التنسيق نزل خلاص والناس قدمت مقلوش الكلام ده من الاول ليه ولا هو لعب عيال

[ahmedelgamal]

القرار ده اصلا مش من اختصاص النقيب
هو اشترى النقابة..... لازم المجلس الاعلى للجامعات يوافق
والمجلس الاعلى للجامعات عمره ماهيوافق لان لو كده كان نزل
تنسيق الجامعات الخاصه 89% والمعاهد 84 %
مش بعد ما ينزل التنسيق والناس تقدم

[she3la]

هو القرار كويس لكل واحد جايب فوق ال85 وعاوز يدخل معهد خاص

وقرار وحش جدا لكل واحد جاب اقل من كدة وكان عاوز يدخل هندسة

القرار اترفع للمجلس الاعلى للجماعات ولو اترفض يبقى القرار ملوش اى لازمة

والصراحة دة احسن نسبيا

[Eng.Ahmed Hagag]

رأيي بعد مافكرت فالقرار إنه كويس فعلا كويس جدا اللي يجيب اقل من الحكومي بـ 10% ويدخل هندسة يبقى حرام فعلا مش عشان بقلل منهم عشان حرام الهندسة توصل 70% فحرام الكل يتساوى يعني لازم يضع حد للخاص ..
وتقبلوا رأيي..
توضيح :لا بد من موافقة وزارة التعليم العالي على القرار ليتم تنفيذه أو تفعيله واعتقد صعب توافق

[she3la]

ولو اطبق هيطبق من السنة الجاية على فكرة مينفعش من السنة دة لان الحد الادنى نزل خلاص

وفى ناس قدمت فعلا فمينفعش يغيروا النسبة تانى

يعنى لو الدفعة دخلت من غير ما القرار يطبق هتخرج مهندس حتى لو جايب 70 %

[عبدالله العطار]

المشاركة الأصلية كتبت بواسطة she3la

ولو اطبق هيطبق من السنة الجاية على فكرة مينفعش من السنة دة لان الحد الادنى نزل خلاص

وفى ناس قدمت فعلا فمينفعش يغيروا النسبة تانى

يعنى لو الدفعة دخلت من غير ما القرار يطبق هتخرج مهندس حتى لو جايب 70 %

الكلام ده 100% سليم ممكن القرار ده يتطبق على السنه الجايه