"موسى" يشكل لجنة رباعية لفحص مطالب المعلمين وموظفى التعليم

[أبوطالب82]

قررت وزارة التربية والتعليم العالى، اليوم الخميس، تشكيل لجنة لفحص ودراسة الإجراءات التى يمكن اتخاذها للاستجابة لمطالب المعلمين والعاملين بالتربية والتعليم الذين يحتجون منذ أسابيع من أجل تحسين أوضاعهم المالية والوظيفية.

وتضم اللجنة كلاَ من المستشار يحيى أحمد راغب الدكرورى، المستشار القانونى للوزير أحمد جمال الدين موسى، والدكتور رضا أبو سريع، مساعد أول الوزير للتعليم العام مقرراً للجنة، والدكتور عادل شكرى مستشار التطوير الإدارى وألفت عبد الرحيم فرغلى مدير الشئون المالية بالوزارة.

وستبدأ اللجنة عملها على الفور وسترفع تقريرها للدكتور "موسى" فى أقرب وقت ممكن ولها الحق فى الاستعانة بمن تراه لمعاونتها على إتمام مهمتها.
http://www.youm7.com/News.asp?NewsID...D=65&IssueID=0

[احمد محمد عبد المجيد]

دا الكلام

متفائل خير صراحة

[محمد أحمد ناصف]

طيب ازاي نوصل صوتنا للناس اللي في اللجنة دوووووووووووووووول يا ريت حد يعرفنا والنبي

[طاهر الشاعر]

تاني عادل شكري

[أبوطالب82]

النهاردة كنا فى مظاهرة أمام الوزارة وبعدين ظابط الجيش اختار مننا ناس تدخل تقابل الوزير فدخلوا قابلوا رئيس مكتبه ومساعده فحددنا المطالب بتثبيت الجميع فقام الوزير مشكل اللجنة دى
اعترضنا على وجود رضا أبوسريع فى اللجنة لأنه هو اللى معطل كل حاجة فقالولنا اجمعوا توقيعات من كل الناس اللى واقفة عشان نشيله من اللجنة ففعلنا فشالوه من اللجنة
عايزين يا جماعة نضغط اليومين الجايين دول وان شاء الله خيييييييييييييييير

[teacher_2]

هما لسه مش عارفين طلبات المعلمين؟
ماهى كلها فى المنتديات من زمان
والفيس بوك
والحل سهل بس اللى عاوز فعلا يغير
اول حاجه المرتبات دى لا تغنى ولا تثمن
الدكتور بيكشف ب 200 جنيه
والمدرس يقبض 400 ازاى يعنى
هما عايشين فى المريخ ؟
مش عارفين العيشة والتكاليف شكلها ايه؟ ولا الكورة والفنانين خلتهم يصدقو مستوى المعيشة اللى فى الأفلام

[abdalla_258]

حسبى الله ونعم الوكيل

لا بديل عن الاضراب العام ف جميع مدارس الجمهوريــــــــــــــــــــــــــــــــــــــــــ ــــــــــــــــة

[أبوطالب82]

المشاركة الأصلية كتبت بواسطة abdalla_258

حسبى الله ونعم الوكيل

لا بديل عن الاضراب العام ف جميع مدارس الجمهوريــــــــــــــــــــــــــــــــــــــــــ ــــــــــــــــة

حضرتك لما تقول كدة حتلاقى ألف واحد من المنتفعين يقولك يا جماعة كفاية بقى وخلوا الحياة تمشى
مش عارفين إن بتوع الداخلية اللى موتوا الشعب راحوا طالبوا بحقوقهم وخدوا أكتر ما كانوا بيطلبوا
وبتوع البنوك عملوا إضراب ورفعولهم الحوافز
الناس دى عايزة مننا إيه ؟
وكل ما حد يرد عليك يقولك ماانتو بتدو دروس وبيخشلكوا منها فلوس بالهبل
ما يعرفوش إن فيه ناس شغالة فى بلاد العيل كل همه يطلع الصبح يجيب اتنين جنيه ويساعد مع ابوه مش ياخد درس ؟
ياجماعة والله ما هينصلح حالنا إلا لما نتحد وكله يبقى إيد واحدة
وربنا يكرم

[misterzook]

ما يعرفوش إن فيه ناس شغالة فى بلاد العيل كل همه يطلع الصبح يجيب اتنين جنيه ويساعد مع ابوه مش ياخد درس ؟

ليه يا استاذ ابوطالب حضرتك شغال فين

[أبوطالب82]

يا جماعة والله لو الناس ضغطت شوية اليومين دول حاجات كتير حتتغير
بس المشكلة فى السلبية اللى الناس فيها
ناس تقولك أصبر
وناس تقول ما ينفعش اللى بتعملوه يا جماعة
لازم يا جماعة كلنا نكون إيد واحدة وان شاء الله خير

[أبوطالب82]

حضرتك يا مستر أنا باتكلم عن الناس اللى شغالة فى بلاد نائية

[misterzook]

المشاركة الأصلية كتبت بواسطة أبوطالب82

حضرتك يا مستر أنا باتكلم عن الناس اللى شغالة فى بلاد نائية

عارفهههههااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااا

[misterzook]

ده اسبوع التثبيت ان شاء الله

[سيف رسول الله]

http://ilikeegypt.com/teacher.php خش سجل ووقع هنا إن شاء الله هنلغي قانون الكادر وهنفع قانون الدولة توكل على الله

بيان تغيير الظلم

تاريخ الظلم:

لقد قال أحد الزملاء كلمة أعتقد أنها وافية لسرد ماحدث لنا :
لقد تعرض المعلمون المساعدون لكل أنواع الاهانة التي يمكن أن يتخيلها بشر ، فالكثير منهم اضطر للاستدانة و البعض الآخر باع شبكة عروسه ، و ذلك كله بهدف تغطية نفقات الحصول علي الدبلومة التربوية اللازمة للتعيين ، و بعدها تم اختراع موضوع شهادة Icdl ، ليس لهدف سوي تعطيل تنفيذ القانون ، و لقد انصعنا للامر الواقع و قلنا " آمين ".
و بعد أن كان المطلوب هو النجاح في أربعة موديولات فقط " أربعة امتحانات " ، عندها اكتشف السادة المسؤلون الجهابذة أن مخططهم لم يكبح جماح شباب المعلمين ، فذادوا الموديولات " الاختبارات " الي سبعة كاملة .
و لكن هيهات لهم أن يوقفوا النهر عن الجريان ، لقد اجتاز الآلاف من شباب المعلمين الاختبارات ليحققوا رقما قياسيا لم تحققه أي وزارة أخري .
و جاءت النهاية ، و نضبت الحيل ، فأخذ السيد الوزير الأسبق / احمد ذكي بدر .. يستخدم حيلة التسويف و التأجيل مرة بحجة أن الأوراق و المستندات تتم مراجعتها ، و مرة بحجة أن هناك بعض " القلة المندسة " التي قامت بتزوير أوراقها ، و مرة ......... تجر مرة ......
الي أن قامت الثورة
و استيقظت مصر
و فر الجبناء الفاسدون
و هبت رياح التغيير
و أخيرا هلت قرارت التعيين
و لكن .. و يالها من كلمة تقتل كل أمل و حلم
بدأت اللعبة من جديد
تم الاعلان عن أن رسائل التهنئة سوف ترسل لكل من استوفي أوراقه
و جاءت الرسائل بالفعل و لكن لبضع مئات
و الأغلبية الساحقة لم تجد شيئا
و تم ارسال أسماء من ستم تعيينهم الي الادارات التعليمية
و لكن ....
أين بقية الأسماء ، و هم قد استوفوا كل أوراقهم ، لدرجة أنني كنت عندما أشتري جريدة " جرنال " كنت أختمها بختم النسر و أحتفظ بها لعل جهابذة الأكاديمية يطالبونني بصورة منها شرط تكون "طبق الأصل"
لقد اكتشفنا أننا قد وقعنا ضحية موظف / ة مستهتر / ة
و لكن ما ذنبنا نحن !!!
انني أحذر من انفجار وشيك ، و ثورة ربما لن تكون سلمية تماما
اللهم و قد بلغت
اللهم فاشهد

مطالب تغيير الظلم كالآتي:
1-تثبيت جميع المعلمين المساعدين الذين استوفوا شروط التعيين فورا أسوة بزملائهم، وعدم الانتظار والتسويف الذي اعتدنا عليه من الحكومة
2-إلغاء شرط ال ICDL
3-التثبيت الفوري لكل من أمضى 3 سنوات بناءا على قرار رئيس الوزراء حيث أننا لسنا أبناء البطة السوداء ، تم تثبيت جميع المؤقتين الا المعلمين !!! هل لأننا أبناء البطة السوداء أم لأن قدرنا أن نكون معلمين في هذه البلد؟!
4-اتمام اجراءات تثبيت من أتت أسماؤهم في كشوف التثبيت في غضون 15 يوم بعيدا عن التسويف والتأجيل الذين اعتدنا عليهما
5-إسقاط نقيب المعلمين الحالى حيث لم نشعر أننا منتمين لنقابة تطالب بحقنا منذ وقت طويل

سوف يتم التجمع على حسب المحافظة والارسال عبر الايميل او التليفون ما سوف يتم فعله

عزيري المعلم السامي والعظيم كن ايجابيا وشارك في بيان تغيير الظلم :

[أبوطالب82]

يا اخوانا والله لو الناس ضغطت شويه حيحصل حاجات حلوة كتير
بتوع الشرطة كانوا بيدبحوا ف الشعب عملوا مظاهرة يوم واحد كل مطالبهم اتحققت والناس اتعطفت معاهم وقالوا ياجماعة ما هو مرتبهم ضعيف برضو
وبتوع البنوك اعتصموا نص ساعة زودوهم
وبتوع البترول وغيرهم
احنا بقى نروح نولع فى نفسنا عشان نصعب عليهم ولا نعمل ايه ؟
يا جماعة لازم نتحرك الناس بتبص للمدرس على انه منشار طالع واكل نازل واكل
مفكرين ان كل الناس بتدى دروس
اتحركوا ربنا يكرمكوا